يَشُوع 1:1 - الكتاب المقدس بالعربي الدارجي هنا تشاد

¹ وَ بَعَدْ مَوْت مُوسَى عَبْد اللّٰهْ، اللّٰهْ قَالْ لِيَشُوعْ وِلَيْد نُونْ مُسَاعِدْ مُوسَى:

يَشُوع 1:1 Referenca të Kryqëzuara

تَثْنِية 34:9

وَ يَشُوعْ وِلَيْد نُونْ مَلَانْ بِرُوحْ الْحِكْمَةْ أَشَانْ مُوسَى خَطَّ فَوْقَهْ إِيدَهْ. وَ بَنِي إِسْرَائِيلْ يَسْمَعَوْا كَلَامَهْ وَ يِسَوُّوا كُلَّ شَيّءْ مِثِلْ اللّٰهْ أَمَرْ بَيَّهْ مُوسَى.

تَثْنِية 31:23

وَ اللّٰهْ أَمَرْ يَشُوعْ وِلَيْد نُونْ وَ قَالْ لَيَّهْ: «أَبْقَى شَدِيدْ وَ فَحَلْ أَشَانْ إِنْتَ بَسْ التِّدَخِّلْ بَنِي إِسْرَائِيلْ فِي الْبَلَدْ الْأَنَا حَلَفْت وَ قُلْت نَنْطِيهَا لَيْهُمْ وَ أَنَا كُلَ نُكُونْ مَعَاكْ.»

تَثْنِية 31:3

وَ اللّٰهْ إِلٰـهْكُو هُو يَمْشِي قِدَّامْكُو وَ يِدَمِّرْ الْأُمَمْ وَ إِنْتُو تِشِيلُوا أَرْضُهُمْ. وَ يَشُوعْ يَمْشِي قِدَّامْكُو مِثِلْ اللّٰهْ قَالَهْ.

تَثْنِية 1:38

وَ لَاكِنْ خَدَّامَكْ يَشُوعْ وِلَيْد نُونْ يَدْخُلْ فَوْقهَا. وَ إِنْتَ شَجِّعَهْ أَشَانْ هُو بَسْ الْيَنْطِي الْبَلَدْ دِي لِبَنِي إِسْرَائِيلْ مِثِلْ وَرَثَةْ.

خُروج 24:13

وَ مُوسَى شَالْ مَعَايَهْ مُسَاعِدَهْ يَشُوعْ وَ طَلَعَوْا فِي جَبَلْ اللّٰهْ.

رَوْمَا 1:1

جَوَابْ مِنِّي أَنَا بُولُسْ عَبِدْ عِيسَى الْمَسِيحْ. اللّٰهْ نَادَانِي أَشَانْ نَبْقَى رَسُولْ وَ عَزَلَانِي أَشَانْ نِبَلِّغْ بِشَارْتَهْ

أعمال الرُسُل 7:45

وَ بَعَدْ دَا، يَشُوعْ وَ جُدُودْنَا جَابَوْا خَيْمَةْ الْعِبَادَةْ الْفَوْقهَا الصَّنْدُوقْ فِي الْبَلَدْ دِي وَكِتْ دَخَلَوْا فَوْقهَا وَ مَلَكَوْهَا. وَ اللّٰهْ طَرَدْ كُلَّ الْقَبَايِلْ السَّاكْنِينْ فَوْقهَا مِنْ قِدَّامْهُمْ. وَ الْخَيْمَةْ دِي قَاعِدَةْ لَحَدِّي زَمَنْ دَاوُدْ.

تَثْنِية 34:5

وَ مُوسَى عَبْد اللّٰهْ مَاتْ فِي الْبَكَانْ دَا، فِي بَلَدْ مُوَابْ وَ دَا حَسَبْ أَمُرْ اللّٰهْ.

2 مُلوك 3:11

وَ لَاكِنْ يَهُوشَفَطْ قَالْ: «هِنِي مَا فِي نَبِي اللّٰهْ الْبَيَّهْ هُو نَقْدَرَوْا نَسْأَلَوْا اللّٰهْ وَلَّا؟» وَ وَاحِدْ مِنْ مَسَائِيلْ مَلِكْ مَمْلَكَةْ إِسْرَائِيلْ قَالْ لَيَّهْ: «فِيَّهْ أَلْيَسَعْ وِلَيْد شَافَاطْ هُو الْأَوَّلْ تِلْمِيذْ هَنَا النَّبِي إِلِيَاسْ وَ قَاعِدْ يُصُبّ أَلْمِي فِي إِيدَيْنَهْ.»

1 مُلوك 19:16

وَ أَمْسَحَهْ لِيَاهُو وِلَيْد نِمْشِي وَ دَرِّجَهْ مَلِكْ فِي مَمْلَكَةْ إِسْرَائِيلْ. وَ أَمْسَحْ أَلْيَسَعْ وِلَيْد شَافَاطْ الْمِنْ حِلَّةْ آبِلْ مَحُولَى أَشَانْ يَبْقَى نَبِي فِي بَدَلَكْ.

يَشُوع 12:6

وَ مُوسَى عَبْد اللّٰهْ وَ بَنِي إِسْرَائِيلْ دَمَّرَوْا الْمُلُوكْ الْإِتْنَيْن دَوْل وَ مُوسَى أَنْطَى أَرْضُهُمْ وَرَثَةْ لِقَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى.

تَثْنِية 33:1

وَ دِي هِي الْبَرَكَةْ النَّبِي اللّٰهْ مُوسَى بَارَكْ بَيْهَا بَنِي إِسْرَائِيلْ قَبُلْ مَوْتَهْ.

عَدد 13:16

وَ دَوْل أَسَامَيْ النَّاسْ الرَّسَّلَاهُمْ مُوسَى لِيُرُوغُوا بَلَدْ كَنْعَانْ. وَ مُوسَى سَمَّى هُوشَعْ وِلَيْد نُونْ بِأُسُمْ يَشُوعْ.

عَدد 13:8

وَ مِنْ قَبِيلَةْ أَفْرَايِمْ، هُوشَعْ وِلَيْد نُونْ.

عَدد 12:7

وَ لَاكِنْ دَا مَا مِثِلْ أَنَا قَاعِدْ نِسَوِّيهْ مَعَ مُوسَى عَبْدِي أَشَانْ هُو رَاجِلْ أَمِينْ فِي كُلَّ شَعَبِي.

عَدد 11:28

وَ يَشُوعْ وِلَيْد نُونْ مُسَاعِدْ مُوسَى مِنْ شَبَابَهْ، قَالْ: «يَا سَيِّدِي مُوسَى! أَدْحَرْهُمْ.»

رُؤية 1:18

أَنَا الْحَيّ. أَوَّلْ أَنَا مُتّْ وَ هَسَّعْ أَنَا حِيِيتْ وَ أَبَداً مَا نُمُوتْ بَتَّانْ. وَ عِنْدِي مُفْتَاحْ هَنَا الْمَوْت وَ الْقَبُرْ.

يَعْقُوب 1:1

جَوَابْ مِنِّي أَنَا يَعْقُوبْ عَبْد اللّٰهْ وَ عَبْد رَبِّنَا عِيسَى الْمَسِيحْ. وَ نِرَسِّلَهْ لَيْكُو إِنْتُو أُمَّةْ اللّٰهْ الْمُشَتَّتِينْ فِي أَيِّ بَكَانْ. السَّلَامْ عَلَيْكُمْ.

تِيطُس 1:1

جَوَابْ مِنِّي أَنَا بُولُسْ عَبْد اللّٰهْ وَ رَسُولْ هَنَا عِيسَى الْمَسِيحْ، مُرَسَّلْ أَشَانْ نِجِيبْ النَّاسْ الْاللّٰهْ عَزَلَاهُمْ فِي دَرِبْ الْإِيمَانْ وَ نِعَرِّفْهُمْ الْحَقّ الْيِوَدِّيهُمْ لِلتَّقْوَى.

لُوقا 16:10

«أَكِيدْ، كَنْ نَادُمْ أَمِينْ وَكِتْ هُو مَسْؤُولْ فِي شَيّءْ شِيَّةْ، هُو يُكُونْ أَمِينْ بَتَّانْ وَكِتْ هُو مَسْؤُولْ فِي شَيّءْ كَتِيرْ. وَ كَنْ نَادُمْ خَايِنْ وَكِتْ هُو مَسْؤُولْ فِي شِيَّةْ، هُو يَبْقَى خَايِنْ بَتَّانْ وَكِتْ هُو مَسْؤُولْ فِي كَتِيرْ.

تَثْنِية 34:12

وَ بِإِيدَهْ، مُوسَى بَسْ السَّوَّى عَمَلْ شَدِيدْ وَ مُخِيفْ قِدَّامْ كُلَّ بَنِي إِسْرَائِيلْ.

يَشُوع 1:2

«عَبْدِي مُوسَى مَاتْ. هَسَّعْ قُمّ، إِنْتَ وَ كُلَّ الشَّعَبْ. أَقْطَعَوْا بَحَرْ الْأُرْدُنْ وَ أَمْشُوا لِلْبَلَدْ الْأَنَا نَنْطِيهَا لَيْكُو إِنْتُو بَنِي إِسْرَائِيلْ.

يَشُوع 1:15

سَاعُدُوا أَخْوَانْكُو لَحَدِّي اللّٰهْ يَنْطِيهُمْ الرَّاحَةْ مِثِلْكُو وَ هُمَّنْ كُلَ يِشِيلُوا الْأَرْض الْأَنْطَاهَا لَيْهُمْ اللّٰهْ إِلٰـهْكُو. وَ بَعَدْ دَا، تِقَبُّلُوا فِي أَرْض وَرَثَتْكُو، صَبَاحْ لِبَحَرْ الْأُرْدُنْ، الْأَنْطَاهَا لَيْكُو مُوسَى عَبْد اللّٰهْ.»

نَحَمْيا 8:17

وَ بِمِثِلْ دَا، كُلَّ الْجَمَاعَةْ الْقَبَّلَوْا مِنْ الْغُرْبَةْ سَوَّوْا لَقَادِيبْ وَ قَعَدَوْا فَوْقهُمْ. وَ مِنْ وَكِتْ يَشُوعْ وِلَيْد نُونْ لَحَدِّي الْيَوْم دَا، بَنِي إِسْرَائِيلْ مَا عَيَّدَوْا عِيدْ اللَّقَادِيبْ. وَ فِي الْيَوْم دَا، عَيَّدَوْا عِيدْ اللَّقَادِيبْ وَ فِرْحَوْا فَرْحَةْ شَدِيدَةْ.