يُونُس 4:2 - الكتاب المقدس بالعربي الدارجي هنا تشاد

² وَ صَلَّى لِلّٰهْ وَ قَالْ: «عَجَبْ، يَا اللّٰهْ. دَا مَا الشَّيّءْ الْأَنَا قُلْتَهْ وَكِتْ أَنَا لِسَّاعْنِي فِي بَلَدِي وَلَّا؟ أَشَانْ دَا بَسْ أَنَا عَرَّدْت لِنَمْشِي تَرْشِيشْ. يَا اللّٰهْ، نَعَرِفْ كَدَرْ إِنْتَ الرَّحْمـٰنْ الرَّحِيمْ وَ الصَّبُورْ وَ الْمُحِبّ زِيَادَةْ وَ تِخَلِّي الْغَضَبْ الْأَوَّلْ قَرَّرْت تِنَزِّلَهْ فِي النَّاسْ.

يُونُس 4:2 Referenca të Kryqëzuara

زَبُور 86:15

وَ لَاكِنْ إِنْتَ، يَا رَبّ، إِنْتَ اللّٰهْ الرَّحْمـٰنْ الرَّحِيمْ وَ الصَّبُورْ وَ الْمُحِبّ وَ الْأَمِينْ.

زَبُور 145:8

اللّٰهْ هُو الرَّحْمـٰنْ الرَّحِيمْ وَ الصَّبُورْ وَ الْمُحِبّ.

زَبُور 86:5

يَا رَبّ، إِنْتَ زَيْن وَ غَفُورْ وَ رَحْمَتَكْ كَبِيرَةْ لِكُلَّ الْيِنَادُوكْ.

مِيخا 7:18

يَاتُو إِلٰـهْ مِثْلَكْ إِنْتَ، يَا اللّٰهْ؟ إِنْتَ التَّغْفِرْ الْخَطَا وَ تَحْمَلْ عِصْيَانْ النَّاسْ الْفَضَّلَوْا مِنْ شَعَبَكْ الْمِثِلْ وَرَثَتَكْ. غَضَبَكْ مَا يَقْعُدْ دَايْماً أَشَانْ إِنْتَ تِحِبّ الْخَيْر.

إرْمِيا 18:8

وَ لَاكِنْ كَنْ الْأُمَّةْ دِي خَلَّتْ عَمَلْهَا الْفَسِلْ الْبِسَبَبَهْ أَنَا شِلْت الْقَرَارْ ضِدَّهَا، خَلَاصْ أَنَا نِخَلِّي الْفَسَالَةْ الْأَوَّلْ قَرَّرْت نِسَوِّيهَا فَوْقهَا.

خُروج 32:14

وَ خَلَاصْ، اللّٰهْ خَلَّى غَضَبَهْ الْأَوَّلْ قَرَّرْ يِنَزِّلَهْ فِي شَعَبَهْ.

زَبُور 78:38

وَ لَاكِنْ هُو الرَّحِيمْ غَفَرْ خَطَاهُمْ وَ مَا دَمَّرَاهُمْ وَ عِدَّةْ مَرَّاتْ، هُو مَا غِضِبْ لَيْهُمْ وَ مَا قَوَّمْ كُلَّ زَعَلَهْ.

عَمُوس 7:3

وَ خَلَاصْ، اللّٰهْ عَفَاهُمْ وَ قَالْ: «الشَّيّءْ دَا مَا يُكُونْ.»

يُونُس 3:10

وَ الرَّبّ شَافْ نَاسْ نِينَوَى قَمَّوْا يِسَوُّوا مِثِلْ كَيْ وَ خَلَّوْا مِنْهُمْ عَمَلْهُمْ الْفَسِلْ. وَ خَلَاصْ، هُو كُلَ خَلَّى غَضَبَهْ الْأَوَّلْ قَرَّرْ يِنَزِّلَهْ فَوْقهُمْ.

يُونُس 1:3

خَلَاصْ، يُونُسْ قَمَّ عَرَّدْ وَ أَبَى مَا يِشِيلْ دَرِبْ هَنَا نِينَوَى لَاكِنْ شَالْ دَرِبْ هَنَا حِلَّةْ تَرْشِيشْ أَشَانْ يِدَوْر يَجْرِي مِنْ اللّٰهْ. وَ وِصِلْ فِي حِلَّةْ يَافَا فِي خَشُمْ الْبَحَرْ الْأَبْيَضْ الْمُتَوَسِّطْ وَ لِقِي سَفِينَةْ مَاشَةْ تَرْشِيشْ. خَلَاصْ كَفَّى أُجُرْتَهْ وَ رِكِبْ مَعَ خَدَّامِينْ السَّفِينَةْ لِيَمْشِي تَرْشِيشْ، بَعِيدْ مِنْ اللّٰهْ.

1 مُلوك 19:4

وَ إِلِيَاسْ مَشَى فِي الصَّحَرَاء وَ رَاغْ رُوَاغَةْ هَنَا يَوْم كَامِلْ. وَ مَشَى قَعَدْ فِي قَعَرْ شِدَيْرَةْ رَتَمْ. وَ طَلَبْ الْمَوْت لِنَفْسَهْ وَ قَالْ: «هَسَّعْ دَا، تَمَّانِي. يَا اللّٰهْ، شِيلْ رُوحِي أَشَانْ أَنَا مَا أَخَيْر مِنْ جُدُودِي.»

عَمُوس 7:6

وَ خَلَاصْ، اللّٰهْ الرَّبّ عَفَاهُمْ وَ قَالْ: «الشَّيّءْ دَا مَا يُكُونْ.»

زَبُور 90:13

تَعَالْ، يَا اللّٰهْ! تِأَخِّرْ لِمَتَى؟ حِنّ فَوْقنَا أَنِحْنَ عَبِيدَكْ.

لُوقا 10:29

وَ لَاكِنْ الْعَالِمْ دَوَّرْ يِوَصِّفْ كَدَرْ هُو عِنْدَهْ حَقّ وَ قَالْ لَيَّهْ: «يَاتُو مِنْ النَّاسْ أَخُويِ؟»

إرْمِيا 20:7

يَا اللّٰهْ! إِنْتَ بَسْ سَوَّيْتنِي نَبِي بَلَا رَايّ وَ أَنَا مَا نَعَرِفْ شَيّءْ وَ قَصَّدْت. إِنْتَ قَوِي مِنِّي وَ غَلَبْتِنِي! وَ دَاهُو، طُولْ النَّهَارْ، أَنَا بِقِيتْ مَضْحَكَةْ وَ كُلَّ النَّاسْ يِشَّمَّتَوْا فَوْقِي.

تَثْنِية 4:31

أَشَانْ اللّٰهْ إِلٰـهْكُو، هُو إِلٰـهْ رَحِيمْ. وَ لَا يَابَاكُو وَ لَا يِدَمِّرْكُو وَ لَا يَنْسَى الْمُعَاهَدَةْ الْحَلَفْ بَيْهَا لِأَبَّهَاتْكُو.

زَبُور 103:8

اللّٰهْ هُو الرَّحْمـٰنْ الرَّحِيمْ وَ الصَّبُورْ وَ الْمُحِبّ.

إرْمِيا 26:13

وَ لَاكِنْ هَسَّعْ دَا، صَلُّحُوا حَالْكُو وَ عَمَلْكُو وَ أَسْمَعَوْا كَلَامْ اللّٰهْ إِلٰـهْكُو. وَ بَيْدَا، اللّٰهْ يِخَلِّي الْفَسَالَةْ الْقَرَّرْ يِسَوِّيهَا لَيْكُو.

إرْمِيا 42:10

‹كَنْ بَتَّانْ تَسْكُنُوا فِي الْبَلَدْ دِي، أَنَا نَبْنِيكُو وَ مَا نَخْرِبْكُو وَ نِثَبِّتْكُو فَوْقهَا وَ مَا نَمْرُقْكُو مِنْهَا. أَشَانْ أَنَا حِزِنْت لِلْفَسَالَةْ السَّوَّيْتهَا فَوْقكُو.

يُونُس 3:9

وَ بَيْدَا، أَكُونْ الرَّبّ يِخَلِّي غَضَبَهْ وَ يَرْفَعَهْ مِنِّنَا وَ خَلَاصْ، مَا نُمُوتُوا.»