يُونُس 4:11 - الكتاب المقدس بالعربي الدارجي هنا تشاد

¹¹ شِيفْ نَاسْ هَنَا نِينَوَى، الْمَدِينَةْ الْكَبِيرَةْ، الْعِنْدَهَا زِيَادَةْ مِنْ 120 000 نَاسْ الْمَا يَعَرْفُوا زَيْن وَ لَا فَسِلْ. وَ عِنْدَهَا بَهَايِمْ كَتِيرِينْ كُلَ. كِكَّيْف أَنَا مَا نِحِنّ فَوْقهُمْ؟»

يُونُس 4:11 Referenca të Kryqëzuara

مَتَّى 18:33

مَا وَاجِبْ لَيْك تِحِنّ فِي أَخُوكْ مِثِلْ أَنَا حَنَّيْت فَوْقَكْ إِنْتَ وَلَّا؟›

يُونُس 1:2

«قُمّ أَمْشِي فِي نِينَوَى، الْمَدِينَةْ الْكَبِيرَةْ دِي. وَ خَبِّرْ نَاسْ الْمَدِينَةْ كَدَرْ الْفَسَالَةْ الْهُمَّنْ قَاعِدِينْ يِسَوُّوهَا دِي، أَنَا شِفْتَهَا. خَلِّي يِنْقَرْعُوا!»

زَبُور 36:6

وَ عَدَالْتَكْ مِثِلْ جِبَالْ الْعَالِيِينْ وَ شَرِيعْتَكْ مِثِلْ أَلْمِي الْغَرِيقْ. يَا اللّٰهْ! إِنْتَ تِنَجِّي النَّاسْ وَ الْبَهَايِمْ.

تَثْنِية 1:39

وَ عِيَالْكُو الْقُلْتُوا يَبْقَوْا كَسِيبَةْ وَ عِيَالْكُو الْمَا يَفْصُلُوا بَيْن الْخَيْر وَ الشَّرّ، هُمَّنْ دَوْل بَسْ يَدْخُلُوهَا. وَ لَيْهُمْ هُمَّنْ، أَنَا أَنْطَيْت الْبَلَدْ وَ هُمَّنْ يِشِيلُوهَا.

زَبُور 104:14

إِنْتَ تِقَوِّمْ قَشّ لِلْبَهَايِمْ وَ نَبَاتَاتْ الْيَحْرِتْهُمْ بَنِي آدَم لِيَلْقَى مَعَاشَهْ مِنْ الْأَرْض.

يُونُس 3:10

وَ الرَّبّ شَافْ نَاسْ نِينَوَى قَمَّوْا يِسَوُّوا مِثِلْ كَيْ وَ خَلَّوْا مِنْهُمْ عَمَلْهُمْ الْفَسِلْ. وَ خَلَاصْ، هُو كُلَ خَلَّى غَضَبَهْ الْأَوَّلْ قَرَّرْ يِنَزِّلَهْ فَوْقهُمْ.

إشَعْيا 1:18

اللّٰهْ قَالْ: «تَعَالُوا نِنَاقُشُوا. كَنْ ذُنُوبْكُو حُمُرْ كُلَ، يَبْقَوْا بُيُضْ كَرّ مِثِلْ اللَّبَنْ. وَ كَنْ حُمُرْ تُشْو مِثِلْ الدَّمّ كُلَ، يَبْقَوْا بُيُضْ كَرّ مِثِلْ الْقُطُنْ.

إشَعْيا 7:16

وَ لَاكِنْ قُبَّالْ الْوِلَيْد دَا مَا يَعَرِفْ الزَّيْن وَ الْفَسِلْ، تُرَابْ الْمُلُوكْ الْإِتْنَيْن دَوْل يَبْقَى خَلَاءْ.

إشَعْيا 37:37

وَ خَلَاصْ، سَنْحَرِيبْ مَلِكْ أَشُورْ قَبَّلْ وَ مَشَى قَعَدْ فِي مَدِينَةْ نِينَوَى.

يُونُس 4:10

وَ لَاكِنْ اللّٰهْ قَالْ لَيَّهْ: «أَسْمَعْ. إِنْتَ حَنَّيْت فِي الشِّدَيْرَةْ الْمَا مَقَّنْتَهَا وَ لَا تِعِبْت فَوْقهَا. هِي قَمَّتْ فِي يَوْم وَاحِدْ وَ مَاتَتْ فِي الْيَوْم التَّانِي.

تكوين 9:10

وَ مَعَ كُلَّ الْمَخْلُوقِينْ الْحَيِّينْ الْقَاعِدِينْ مَعَاكُو، الطُّيُورْ وَ الْبَهَايِمْ وَ الْحَيْوَانَاتْ، يَعْنِي كُلَّ الْمَخْلُوقِينْ الْمَرَقَوْا مَعَاكُو مِنْ السَّفِينَةْ. وَ دَوْل كُلَّ الْمَخْلُوقِينْ الْيِعِيشُوا فِي الْأَرْض.