يُونُس 2:7 - الكتاب المقدس بالعربي الدارجي هنا تشاد

⁷ وَ وَكِتْ رُوحِي تِدَوْر تَمْرُقْ، أَنَا أَلْفَكَّرْتَكْ، إِنْتَ اللّٰهْ. وَ صَلَاتِي الْوَجَّهْتَهَا لَيْك وِصْلَتْ لَيْك فِي بَيْتَكْ الْمُقَدَّسْ.

يُونُس 2:7 Referenca të Kryqëzuara

زَبُور 18:6

فِي الضِّيقَةْ، نَادَيْت اللّٰهْ أَيْوَى، صَرَخْت لِإِلٰـهِي وَ مِنْ بَيْتَهْ الْمُقَدَّسْ هُو سِمِعْنِي، هُو سِمِعْ حِسّ صِرَاخِي.

2 أخبار 30:27

وَ بَعَدْ دَا، رُجَالْ الدِّينْ اللَّاوِيِّينْ قَمَّوْا وَ بَارَكَوْا الشَّعَبْ. وَ حِسُّهُمْ أَنْسَمَعْ وَ دُعَاهُمْ وَصَّلْ لَحَدِّي السَّمَاءْ فِي الْمَسْكَنْ الْمُقَدَّسْ السَّاكِنْ فَوْقَهْ اللّٰهْ.

زَبُور 143:5

أَنَا أَذَّكَّرْت الْأَيَّامْ الْفَاتَوْا وَ فِي نَفْسِي، حَجَّيْت بِكُلَّ عَمَلَكْ وَ فَكَّرْت فِي خِدْمَةْ إِيدَيْنَكْ.

زَبُور 11:4

وَ لَاكِنْ اللّٰهْ فِي بَيْتَهْ الْمُقَدَّسْ. اللّٰهْ فِي عَرْشَهْ فِي السَّمَاوَاتْ وَ يِشِيفْ وَ يِجَرِّبْ بَنِي آدَم.

1 صَمُوِيل 30:6

وَ دَاوُدْ أَضَّايَقْ مَرَّةْ وَاحِدْ أَشَانْ كُلَّ النَّاسْ الْمَعَايَهْ قَالَوْا يَرْجُمُوهْ. هُمَّنْ حِزْنَوْا كَتِيرْ لِأَوْلَادْهُمْ وَ بَنَاتْهُمْ. وَ لَاكِنْ هُو لِقِي شَجَاعَةْ بِنِعْمَةْ اللّٰهْ إِلٰـهَهْ.

زَبُور 27:13

أَيْوَى، أَكِيدْ نِشِيفْ خَيْر اللّٰهْ فِي أَرْض الْحَيِّينْ.

زَبُور 20:7

الْوَاحِدِينْ يِتْوَكَّلَوْا عَلَيْ عَرَبَاتْهُمْ هَنَا الْحَرِبْ وَ الْآخَرِينْ عَلَيْ خَيْلهُمْ. وَ لَاكِنْ أَنِحْنَ كَمَانْ، نِتْوَكَّلَوْا عَلَيْ أُسُمْ اللّٰهْ إِلٰـهْنَا وَ هُو بَسْ النِّنَادُوهْ.

زَبُور 65:4

مَبْرُوكْ لِلنَّادُمْ التَّعَزِلَهْ وَ تِقَرِّبَهْ لِيَقْعُدْ فِي فَضَايْتَكْ. وَ أَنِحْنَ نَشْبَعَوْا مِنْ خَيْر بَيْتَكْ وَ كُلَّ الْخُمَامْ الْمُخَصَّصْ هَنَا بَيْتَكْ الْمُقَدَّسْ.

عِبْرَانِيِّين 12:3

فَكُّرُوا فَوْقَهْ هُو، الْحِمِلْ الْبُغُضْ الشَّدِيدْ هَنَا الْمُذْنِبِينْ. فَكُّرُوا فَوْقَهْ أَشَانْ إِنْتُو مَا تَبْقَوْا كَسْلَانِينْ وَ لَا خَوَّافِينْ.

حَبَقُوق 2:20

وَ اللّٰهْ كَمَانْ قَاعِدْ فِي بَيْتَهْ الْمُقَدَّسْ. خَلِّي كُلَّ سُكَّانْ الْأَرْض يَسْكُتُوا قِدَّامَهْ.»

مِيخا 1:2

أَسْمَعَوْا، يَا كُلَّ الشُّعُوبْ! أَسْمَعَيْ، يَا الْأَرْض وَ كُلَّ شَيّءْ الْفَوْقكِ. اللّٰهْ الرَّبّ يَشْهَدْ ضِدُّكُو. أَيْوَى، الرَّبّ يُلُومْكُو مِنْ بَيْتَهْ الْمُقَدَّسْ.

يُونُس 2:4

وَ أَنَا حَسَبْت نَفْسِي مَطْرُودْ بَعِيدْ مِنَّكْ، يَا رَبّ، وَ لَاكِنْ بَتَّانْ نَمْشِي نِشِيفْ بَيْتَكْ الْمُقَدَّسْ.

إشَعْيا 50:10

يَاتُو مِنْكُو يَخَافْ مِنْ اللّٰهْ وَ يَسْمَعْ كَلَامْ عَبْدَهْ؟ أَيِّ نَادُمْ الْيَمْشِي فِي الضَّلَامْ بَلَا ضَيّ، خَلِّي يِتْوَكَّلْ عَلَيْ اللّٰهْ وَ يِنْتَكِلْ عَلَيْ إِلٰـهَهْ.

زَبُور 43:5

مَالَا تِأَيِّسِي، يَا نَفْسِي؟ وَ مَالَا تَقِنْتِي مِنْ التَّعَبْ الْفَوْقِي؟ خُطِّي عَشَمْكِ فِي اللّٰهْ إِلٰـهِي. أَيْوَى، أَنَا نَشْكُرَهْ بَتَّانْ، هُو إِلٰـهِي الْيِنَجِّينِي.

زَبُور 42:11

مَالَا تِأَيِّسِي، يَا نَفْسِي؟ وَ مَالَا تَقِنْتِي مِنْ التَّعَبْ الْفَوْقِي؟ خُطِّي عَشَمْكِ فِي اللّٰهْ إِلٰـهِي. أَيْوَى، أَنَا نَشْكُرَهْ بَتَّانْ، هُو إِلٰـهِي الْيِنَجِّينِي.

زَبُور 42:5

مَالَا تِأَيِّسِي، يَا نَفْسِي؟ وَ مَالَا تَقِنْتِي مِنْ التَّعَبْ الْفَوْقِي؟ خُطِّي عَشَمْكِ فِي اللّٰهْ إِلٰـهِي. أَيْوَى، أَنَا نَشْكُرَهْ بَتَّانْ، هُو إِلٰـهِي الْيِنَجِّينِي.

زَبُور 22:14

أَنَا أَنْقَطَعْت مِثِلْ أَلْمِي وَ عُضَامِي مَاعَوْا وَ قَلْبِي كُلَ مَاعْ مِثِلْ الشَّمْعَةْ فِي دَاخِلِي.

زَبُور 142:3

يَا اللّٰهْ! وَكِتْ تَغْمَرْ رُوحِي، إِنْتَ تَعَرِفْ دَرْبِي. فِي دَرْبِي النَّمْشِي فَوْقَهْ، كَجَّوْا لَيِّ شَرَكْ.

إشَعْيا 38:17

مُرِّي أَلْبَدَّلْ بِالسَّلَامْ! إِنْتَ نَجَّيْت حَيَاتِي وَ سَلَّمْتِنِي مِنْ الْمَوْت. أَيْوَى، إِنْتَ زَقَلْت كُلَّ ذُنُوبِي وَرَاكْ.