يُونُس 1:7 - الكتاب المقدس بالعربي الدارجي هنا تشاد

⁷ وَ خَدَّامِينْ السَّفِينَةْ قَالَوْا أَمْبَيْنَاتْهُمْ: «تَعَالُوا نِسَوُّوا أَمْ عِيَيْدَاتْ أَشَانْ نَعَرْفُوا يَاتُو الْجَابْ لَيْنَا الْمَصِيبَةْ دِي.» خَلَاصْ سَوَّوْا أَمْ عِيَيْدَاتْ وَ وَقَعْ فِي يُونُسْ.

يُونُس 1:7 Referenca të Kryqëzuara

أمْثال 16:33

الْيِخَطِّطْ يُصُبّ الْوَدَعْ وَ لَاكِنْ الْيِقَرِّرْ، هُو اللّٰهْ.

يَشُوع 7:10

وَ اللّٰهْ قَالْ لِيَشُوعْ: «قُمّ! مَالَا وَقَعْت بِوِجْهَكْ فِي التُّرَابْ؟

عَدد 32:23

وَ لَاكِنْ كَنْ وَعَدْكُو دَا مَا طَبَّقْتُوهْ، إِنْتُو سَوَّيْتُوا ذَنِبْ ضِدّ اللّٰهْ وَ بَيْدَا، تَعَرْفُوا كَدَرْ ذَنِبْكُو دَا يَلْحَقْكُو.

أعمال الرُسُل 13:19

وَ بَعَدْ دَا، دَمَّرْ الْأُمَمْ السَّبْعَةْ الْأَوَّلْ قَاعِدِينْ فِي بَلَدْ كَنْعَانْ. وَ أَنْطَى بَلَدْهُمْ لِبَنِي إِسْرَائِيلْ أَشَانْ تَبْقَى وَرَثَتْهُمْ.

مَتَّى 27:35

وَ بَعَدْ الْعَسْكَرْ طَقَّوْه فِي الصَّلِيبْ وَ رَفَعَوْه فَوْق، هُمَّنْ قَسَّمَوْا خُلْقَانَهْ بِأَمْ عِيَيْدَاتْ.

زَبُور 22:18

هُمَّنْ شَالَوْا خُلْقَانِي وَ قَسَّمَوْهُمْ بِأَمْ عِيَيْدَاتْ.

1 كُرُنْتُس 4:5

بِمِثِلْ دَا، مَا تِحَاسُبُوا خِدْمَةْ أَيِّ نَادُمْ قُبَّالْ يَوْم الْحِسَابْ. فِي الْيَوْم دَا، رَبِّنَا يَجِي وَ يِبَيِّنْ كُلَّ شَيّءْ الْمُلَبَّدْ فِي الضَّلَامْ وَ يَكْشِفْ نِيَّةْ النَّاسْ الْقَاعِدَةْ فِي قُلُوبْهُمْ. وَ أَيِّ نَادُمْ يَلْقَى رِضَى، مَا مِنْ النَّاسْ لَاكِنْ مِنْ اللّٰهْ.

أيُّوب 10:2

وَ نُقُولْ لِرَبِّي: «مَا تَجْعَلْنِي خَاطِي! أَوْرِينِي مَالَا تَهْرِجْنِي؟

أسْتِير 3:7

وَ فِي الشَّهَرْ الْأَوَّلْ الْأُسْمَهْ نِيسَانْ فِي سَنِةْ 12 هَنَا حُكُمْ أَشَوِرُوشْ، سَوَّوْا أَمْ عِيَيْدَاتْ الْأُسُمْهَا فُورِيمْ قِدَّامْ هَمَانْ. وَ هُو يِدَوْر يِحَدِّدْ الْيَوْم وَ الشَّهَرْ الْعَدِيلْ لِخِطِّتَهْ وَ خَلَاصْ، أَمْ عِيَيْدَاتْ وَقَعَتْ فِي شَهَرْ 12 الْأُسْمَهْ أَدَارْ.