يُونُس 1:2 - الكتاب المقدس بالعربي الدارجي هنا تشاد

² «قُمّ أَمْشِي فِي نِينَوَى، الْمَدِينَةْ الْكَبِيرَةْ دِي. وَ خَبِّرْ نَاسْ الْمَدِينَةْ كَدَرْ الْفَسَالَةْ الْهُمَّنْ قَاعِدِينْ يِسَوُّوهَا دِي، أَنَا شِفْتَهَا. خَلِّي يِنْقَرْعُوا!»

يُونُس 1:2 Referenca të Kryqëzuara

تكوين 10:11

وَ مَرَقْ مِنْ الْبُلْدَانْ دَوْل وَ مَشَى أَشُورْ وَ بَنَى مَدِينَةْ نِينَوَى وَ رَحُبُوتْ عِيْر وَ كَالَحْ

نَاحُوم 1:1

دَاهُو كِتَابْ رُؤْيَةْ نَاحُومْ الْمِنْ حِلَّةْ أَلِقُوشْ. وَ دِي مُحَاكَمَةْ مَدِينَةْ نِينَوَى.

يُونُس 4:11

شِيفْ نَاسْ هَنَا نِينَوَى، الْمَدِينَةْ الْكَبِيرَةْ، الْعِنْدَهَا زِيَادَةْ مِنْ 120 000 نَاسْ الْمَا يَعَرْفُوا زَيْن وَ لَا فَسِلْ. وَ عِنْدَهَا بَهَايِمْ كَتِيرِينْ كُلَ. كِكَّيْف أَنَا مَا نِحِنّ فَوْقهُمْ؟»

يُونُس 3:2

«قُمّ أَمْشِي فِي نِينَوَى، الْمَدِينَةْ الْكَبِيرَةْ. وَ خَبِّرْ نَاسْهَا بِالْكَلَامْ النُّقُولَهْ لَيْك.»

إشَعْيا 58:1

«نَادِي بِطُولْ حِسَّكْ! مَا تَسْكُتْ! أَرْفَعْ حِسَّكْ مِثِلْ الْبُوقْ! وَ خَبِّرْ شَعَبِي بِعِصْيَانْهُمْ أَيْوَى، خَبِّرْ ذُرِّيَّةْ يَعْقُوبْ بِذُنُوبْهُمْ!

رُؤية 18:5

أَمُرْقُوا أَشَانْ كَوْم ذُنُوبْهَا بِقِي كَبِيرْ بِلْحَيْن لَحَدِّي لِحِقْ السَّمَاءْ. وَ خَلَاصْ، اللّٰهْ عَاقَبَاهَا بِظُلُمْهَا.

2 مُلوك 19:36

وَ خَلَاصْ، سَنْحَرِيبْ مَلِكْ بَلَدْ أَشُورْ قَبَّلْ وَ مَشَى قَعَدْ فِي مَدِينَةْ نِينَوَى.

مِيخا 3:8

وَ لَاكِنْ أَنَا مَلَانْ بِقُدْرَةْ أَشَانْ رُوحْ اللّٰهْ نَزَلْ فَوْقِي. وَ عِنْدِي الْعَدَالَةْ وَ الْفَحَالِيَّةْ لِنِخَبِّرْ ذُرِّيَّةْ يَعْقُوبْ بِعِصْيَانْهُمْ وَ بَنِي إِسْرَائِيلْ بِذَنِبْهُمْ.

حِزْقِيال 2:7

وَ إِنْتَ قُولْ لَيْهُمْ كَلَامِي كَنْ يَسْمَعَوْه وَلَّا مَا يَسْمَعَوْه كُلَ أَشَانْ هُمَّنْ عَاصِيِينْ.

عَزْرا 9:6

وَ قُلْت: «يَا إِلٰـهِي، أَنَا خَجْلَانْ وَ عَايِبْ وَ مَا نَقْدَرْ نَرْفَعْ رَاسِي عَلَيْك إِنْتَ أَشَانْ ذُنُوبْنَا كِتْرَوْا فَاتَوْا رَاسْنَا وَ خَطَايَانَا بِقَوْا كَتِيرِينْ لَحَدِّي لِحْقَوْا السَّمَاءْ.

يَعْقُوب 5:4

وَ لَاكِنْ إِنْتُو مَا كَفَّيْتُوا أُجْرَةْ الْخَدَّامِينْ الْخَدَمَوْا فِي زِرَاعِتْكُو. دَاهُو قَاعِدِينْ يَشْكُوا مِنْكُو! وَ النَّاسْ الْقَطَعَوْا زِرَاعِتْكُو قَاعِدِينْ يَصْرَخَوْا وَ اللّٰهْ الْقَادِرْ سِمِعْ صِرَاخْهُمْ.

مَتَّى 10:18

وَ يِوَدُّوكُو قِدَّامْ الْحُكَّامْ وَ الْمُلُوكْ أَشَانْ إِنْتُو نَاسِي. وَ فِي الْبَكَانْ دَا، تَشْهَدَوْا لَيِّ قِدَّامْ النَّاسْ الْعِنْدُهُمْ دِينْ وَ قِدَّامْ النَّاسْ الْمَا عِنْدُهُمْ دِينْ.

مَتَّى 12:41

وَ فِي يَوْم الْحِسَابْ، نَاسْ مَدِينَةْ نِينَوَى يُقُمُّوا فَوْق مَعَ نَاسْ هَنَا وَكِتْنَا وَ يِثَبِّتْ فَوْقهُمْ التُّهْمَةْ أَشَانْ نَاسْ نِينَوَى تَابَوْا مِنْ ذُنُوبْهُمْ وَكِتْ يُونُسْ بَلَّغْ لَيْهُمْ كَلَامْ اللّٰهْ. وَ هُو الْيِكَلِّمْ لَيْكُو هَسَّعْ أَكْبَرْ مِنْ يُونُسْ وَ إِنْتُو مَا تُبْتُوا.

إشَعْيا 37:37

وَ خَلَاصْ، سَنْحَرِيبْ مَلِكْ أَشُورْ قَبَّلْ وَ مَشَى قَعَدْ فِي مَدِينَةْ نِينَوَى.

إرْمِيا 20:9

وَ كَنْ نُقُولْ فِي نَفْسِي مَا نِفَكِّرْ لِلّٰهْ وَ لَا نِحَجِّي بَتَّانْ بِكَلَامَهْ الْأَمَرَانِي بَيَّهْ، خَلَاصْ دَا يَبْقَى لَيِّ مِثِلْ نَارْ تَحْرِقْنِي فِي دَاخِلِي وَ مِثِلْ جَمُرْ فِي عُضَامِي. وَ دَا فَاتَانِي، مَا نَقْدَرْ نَحْمَلَهْ.

هُوشَع 7:2

هُمَّنْ مَا يَحْسُبُوا كَدَرْ أَنَا نِذَّكَّرْ كُلَّ فَسَالِتْهُمْ. هَسَّعْ أَعْمَالْهُمْ حَوَّقَوْهُمْ وَ قَاعِدِينْ قِدَّامِي دَايْماً.

يُونُس 3:3

وَ فِي الْبَكَانْ دَا، خَلَاصْ يُونُسْ قَمَّ مَشَى نِينَوَى مِثِلْ اللّٰهْ أَمَرَهْ بَيَّهْ. وَ نِينَوَى هِي مَدِينَةْ كَبِيرَةْ بِلْحَيْن وَ نَادُمْ مَا يَقْدَرْ يُشُقَّهَا إِلَّا فِي تَلَاتَةْ يَوْم.

2 أخبار 28:9

وَ هِنَاكْ فِي السَّامِرَةْ، فِيَّهْ نَبِي اللّٰهْ أُسْمَهْ عُدَيْد. هُو مَرَقْ لَاقَاهُمْ لِلْعَسْكَرْ الْقَبَّلَوْا السَّامِرَةْ وَ قَالْ لَيْهُمْ: «دَاهُو غَضَبْ اللّٰهْ رَبّ جُدُودْكُو نَزَلْ فِي بَنِي يَهُوذَا وَ هُو سَلَّمَاهُمْ لَيْكُو. وَ إِنْتُو كَمَانْ كَتَلْتُوهُمْ بَلَا مَحَنَّةْ لَحَدِّي خَبَرْ مَوْتهُمْ دَا طَلَعْ فِي السَّمَاءْ.

نَاحُوم 3:19

وَ جِرَاحَكْ مَا يِلْعَالَجْ وَ دَا جِرَاحْ الْيَكْتُلْ. وَ كُلَّ النَّاسْ السِّمْعَوْا خَبَرَكْ، يِصَفُّقُوا وَ يَفْرَحَوْا. أَشَانْ كُلَّ النَّاسْ دَاقَوْا فَسَالْتَكْ الْمَا عِنْدَهَا حَدّ.