إرْمِيا 9:7 - الكتاب المقدس بالعربي الدارجي هنا تشاد

⁷ وَ فِي شَانْ دَا، دَاهُو اللّٰهْ الْقَادِرْ قَالْ: «أَنَا نَكْشِفْهُمْ مِثِلْ الدَّهَبْ وَ نَقْطَعْهُمْ وَ دَا الشَّيّءْ النِّسَوِّيهْ لِأُمَّتِي الْمِثِلْ بِنْت أَمِّي.

إرْمِيا 9:7 Referenca të Kryqëzuara

إشَعْيا 1:25

بَتَّانْ نُقُمّ ضِدِّكِ وَ نَقْطَعْكِ فِي النَّارْ. وَ نِصَفِّيكِ وَ نَمْرُقْ وَسَخْكِ مِثِلْ غَسَّلَوْكِ بِصَابُونْ.

مَلاخِـي 3:3

هُو مِثِلْ الصَّيَّاغِي الْيَقْطَعْ وَ يِصَفِّي الْفُضَّةْ. يِطَهِّرْ اللَّاوِيِّينْ مِثِلْ يِصَفِّي الْفُضَّةْ وَ الدَّهَبْ. وَ هُمَّنْ يَبْقَوْا هِنَيْ اللّٰهْ وَ يِقَدُّمُوا لَيَّهْ ضَحَايَا بِالْعَدَالَةْ.

إرْمِيا 6:27

وَ اللّٰهْ قَالْ: «يَا إِرْمِيَا، أَنَا نِسَوِّيكْ مِثِلْ صَيَّاغِي لِتَكْشِفْ شَعَبِي أَشَانْ تِشِيفْهُمْ وَ تَعَرِفْ حَالْهُمْ.»

إشَعْيا 48:10

أَنَا صَفَّيْتكُو بِالنَّارْ لَاكِنْ مَا مِثِلْ يِصَفُّوا الْفُضَّةْ. لَا! أَنَا جَرَّبْتُكُو بِنَارْ التَّعَبْ.

زَكَرِيَّا 13:9

وَ التِّلِتْ الْفَضَّلْ دَا، نُخُطَّهْ فِي النَّارْ وَ نِصَفِّيهْ مِثِلْ يِصَفُّوا الْفُضَّةْ وَ نَكْشِفَهْ مِثِلْ يَكْشُفُوا الدَّهَبْ. وَ هُمَّنْ يِنَادُوا أُسْمِي وَ أَنَا نُرُدّ لَيْهُمْ. وَ أَنَا نُقُولْ لَيْهُمْ: ‹إِنْتُو تَبْقَوْا شَعَبِي.› وَ هُمَّنْ يُقُولُوا: ‹اللّٰهْ بَسْ يَبْقَى إِلٰـهْنَا.›»

1 بُطْرُس 4:12

يَا أَخْوَانِي النِّحِبُّكُو، مَا تِعَجُّبُوا مِنْ التَّعَبْ الشَّدِيدْ الْيَجِي فَوْقكُو أَشَانْ يِجَرِّبْكُو. مَا تُقُولُوا دَا شَيّءْ مَا مَعْرُوفْ جَاءْ فَوْقكُو.

1 بُطْرُس 1:7

نَعَرْفُوا كَدَرْ الدَّهَبْ الْبَعَدَيْن يِدَّمَّرْ، يَكْشُفُوهْ بِالنَّارْ. وَ مِثِلْ دَا، إِيمَانْكُو الْقِيمْتَهْ زِيَادَةْ مِنْ الدَّهَبْ، كُلَ يِجَرُّبُوهْ أَشَانْ ثَبَاتَهْ يِنْشَافْ. وَ بَيْدَا، تَلْقَوْا شُكُرْ وَ مَجْد وَ شَرَفْ فِي الْيَوْم الْعِيسَى الْمَسِيحْ يِبِينْ فَوْقَهْ.

إرْمِيا 31:20

وَ دَاهُو كَلَامْ اللّٰهْ: «وَ قَبِيلَةْ أَفْرَايِمْ مِثِلْ وِلَيْدِي النِّرِيدَهْ وَ هُو بَسْ الْيِجِيبْ لَيِّ الْفَرَحْ. وَ كَنْ قَرَّرْت ضِدَّهْ كُلَ، نِفَكِّرْ فَوْقَهْ بَتَّانْ. وَ مِثِلْ أَبُو، قَلْبِي شَغَّالْ بَيَّهْ هُو وَ نَرْحَمَهْ دَايْماً.»

2 أخبار 36:15

وَ اللّٰهْ رَبّ جُدُودْهُمْ رَسَّلْ لَيْهُمْ تَحْذِيرْ دَايْماً بِخُشُومْ الْمُرَسَّلِينْ أَشَانْ هُو حَنَّ فِي شَعَبَهْ وَ فِي مَسْكَنَهْ.

2 صَمُوِيل 13:26

وَ أَبْشَلُومْ قَالْ: «كَنْ كَيْ دَا، مِنْ فَضْلَكْ خَلِّي أَخُويِ أَمْنُونْ يَمْشِي مَعَانَا.» وَ الْمَلِكْ قَالْ لَيَّهْ: «مَالَا تِدَوْر هُو يَمْشِي مَعَاكْ؟»

زَبُور 55:22

خُطّ هَمَّكْ فِي اللّٰهْ وَ هُو يِسَاعِدَكْ. وَ هُو أَبَداً مَا يِخَلِّي الصَّالِحْ يِتَّرْتَعْ.

زَبُور 62:5

يَا نَفْسِي! عَلَيْ الرَّبّ نِوَجِّهْ بِهُدُوءْ وَ مِنَّهْ هُو يَجِي عَشَمِي.

زَبُور 120:4

هُو يِرَسِّلْ لَيْكُو نَشَاشِيبْ طُرَانْ هَنَا الْفَارِسْ وَ جَمُرْ الْيِحَرِّقْكُو.

إشَعْيا 59:3

أَشَانْ إِيدَيْكُو مُلَطَّخِينْ بِالدَّمّ وَ أَصَابِعْكُو بِالْخَطَا. خُشُومْكُو يِكَلُّمُوا بِالْكِدِبْ وَ لِسْنَيْكُو يِخَالُوا بِالْغَشّ.

إرْمِيا 5:1

وَ اللّٰهْ قَالْ: «رُوغُوا فِي شَوَارِعْ مَدِينَةْ الْقُدُسْ. شِيفُوا وَ أَسْأَلَوْا وَ فَتُّشُوا فِي النَّقَعَاتْ. هَلْ تَلْقَوْا نَادُمْ وَاحِدْ يِدَافِعْ لِلْحَقّ وَ يِفَتِّشْ الصَّحِيحْ وَلَّا؟ كَنْ لِقِيتُوهْ، خَلَاصْ أَنَا نَعَفَا الْمَدِينَةْ.

هُوشَع 4:1

يَا بَنِي إِسْرَائِيلْ، أَسْمَعَوْا كَلَامْ اللّٰهْ! هُو قَالْ: «أَنَا اللّٰهْ نَشْكِي سُكَّانْ الْبَلَدْ دِي أَشَانْ مَا فِي أَمَانْ وَ مَا فِي رَحْمَةْ وَ مَا فِي مَعْرَفَةْ اللّٰهْ فِي الْبَلَدْ.