إرْمِيا 9:12 - الكتاب المقدس بالعربي الدارجي هنا تشاد

¹² وَ هَلْ فِي نَادُمْ حَكِيمْ يَفْهَمْ الشَّيّءْ دَا؟ كَنْ اللّٰهْ حَجَّى لَيَّهْ، خَلِّي يِفَسِّرَهْ. مَالَا الْبَلَدْ دِي أَدَّمَّرَتْ؟ وَ مَالَا هِي خِرْبَتْ وَ بِقَتْ صَحَرَاء وَ مَا فِي نَادُمْ الْيَجِي فَوْقَهْ؟

إرْمِيا 9:12 Referenca të Kryqëzuara

هُوشَع 14:9

خَلِّي الْحَكِيمْ يَفْهَمْ الْأَشْيَاءْ دَوْل وَ خَلِّي الْفَاهِمْ يَعَرِفْهُمْ. أَشَانْ دَرِبْ اللّٰهْ عَدِيلْ الْفَوْقَهْ الصَّالِحِينْ يُرُوغُوا وَ الْعَاصِيِينْ يِتَّرْتَعَوْا.

زَبُور 107:43

يَاتُو يِدَوْر يَبْقَى حَكِيمْ؟ خَلِّي يَحْفَضْ كُلَّ الْكَلَامْ دَا. وَ بَيْدَا، يَفْهَمْ رَحْمَةْ اللّٰهْ!

زَبُور 107:34

وَ الْأَرْض الْعَدِيلَةْ بِأَرْض مِلِحْ. وَ دَا بِسَبَبْ فَسَالَةْ سُكَّانْهَا.

تَثْنِية 32:29

وَ كَنْ هُمَّنْ حَكِيمِينْ، يَفْهَمَوْا الشَّيّءْ دَا وَ يَعَرْفُوا مُسْتَقْبَلْهُمْ.

رُؤية 1:3

وَ مَبْرُوكْ لِلنَّادُمْ الْيَقْرِي بِحِسّ عَالِي كَلَامْ التَّنَبُّؤ الْمَكْتُوبْ دَا. وَ مَبْرُوكْ لِلنَّاسْ الْيَسْمَعَوْه وَ يِتَابُعُوهْ. أَشَانْ وَكْتَهْ قَرَّبْ.

مَتَّى 24:15

«وَ وَكِتْ تِشِيفُوا الْحَرَامْ الْيِجِيبْ الْخَرَابْ وَاقِفْ فِي الْبَكَانْ الْمُقَدَّسْ، وَ دَا الشَّيّءْ النَّبِي دَنْيَالْ حَجَّى فَوْقَهْ (خَلِّي النَّادُمْ الْيَقْرِي الْكَلَامْ دَا يَفْهَمَهْ)،

حِزْقِيال 14:23

وَ تِصَبُّرُوا نُفُوسْكُو وَكِتْ تَعَرْفُوا دَرِبْهُمْ وَ عَمَلْهُمْ الْفَسْلِينْ. وَ بَيْدَا، تَعَرْفُوا كَدَرْ دَا مَا بَلَا سَبَبْ أَنَا حَقَّقْت كُلَّ الْعِقَابْ دَا فِي الْمَدِينَةْ.» وَ دَا كَلَامْ اللّٰهْ الرَّبّ.

إشَعْيا 42:23

يَاتُو مِنْكُو الْيَفْتَحْ أَدَانَهْ لِلْكَلَامْ دَا؟ وَ يَاتُو يُخُطّ بَالَهْ وَ يَسْمَعَهْ فِي الْمُسْتَقْبَلْ؟

إرْمِيا 9:20

يَا الْعَوِينْ النَّوَّاحَاتْ، أَسْمَعَنْ كَلَامْ اللّٰهْ وَ دِسَّنْ فِي قَلِبْكَنْ الْكَلَامْ الْمَرَقْ مِنَّهْ. وَ عَلِّمَنْ الْبَكِي لِبَنَاتْكَنْ وَ النُّوَاحْ لِرَفِيقَاتْكَنْ.

إرْمِيا 23:10

أَشَانْ الْبَلَدْ مَلَانَةْ بِنَاسْ الْيِسَوُّوا الزِّنَى. وَ الْبَلَدْ بِقَتْ جَفَافْ بِسَبَبْ اللَّعَنَةْ وَ بَكَانَاتْ السَّرْحَةْ يِبْسَوْا. وَ نِيِّتْهُمْ إِلَّا يِسَوُّوا الْفَسَالَةْ وَ عِنْدُهُمْ الْقُدْرَةْ لِيِسَوُّوا الظُّلُمْ بَسْ.»

إرْمِيا 23:16

وَ دَاهُو اللّٰهْ الْقَادِرْ قَالْ: «مَا تَسْمَعَوْا كَلَامْ الْأَنْبِيَاء الْيِتْنَبَّأَوْا لَيْكُو. هُمَّنْ يُغُشُّوكُو وَ يِبَلُّغُوا لَيْكُو رُؤْيَةْ الْجَايَةْ مِنْ نُفُوسْهُمْ وَ لَاكِنْ مَا جَايَةْ مِنِّي أَنَا اللّٰهْ.

إرْمِيا 23:22

وَ كَنْ أَوَّلْ حِضْرَوْا فِي مَجْلَسِي، هُمَّنْ يَقْدَرَوْا يِخَبُّرُوا شَعَبِي بِكَلَامِي. وَ يِقَبُّلُوهُمْ مِنْ دَرِبْهُمْ الْهَوَانْ وَ يِرَجُّعُوهُمْ مِنْ عَمَلْهُمْ الْفَسِلْ.»

إرْمِيا 23:28

خَلِّي النَّبِي الْعِنْدَهْ رُؤْيَةْ يِحَجِّي بِرُؤْيِتَهْ. وَ لَاكِنْ الْعِنْدَهْ كَلَامِي أَنَا، خَلِّي يِحَجِّي كَلَامِي بِأَمَانْ. أَشَانْ الْقَشّ وَ الْقَنَادِيلْ مَا سَوَا.» وَ دَا كَلَامْ اللّٰهْ.

يُوِيل 1:11

أَحْزَنَوْا، يَا الْحَرَّاتِينْ! وَ أَبْكُوا، يَا سِيَادْ جِنَيْنَاتْ الْعِنَبْ! أَشَانْ مَا تَقْطَعَوْا الْقَمَحْ الْأَحْمَرْ وَ لَمِّينْ الْقَمَحْ الْأَبْيَضْ بِقِي مَا فِيهْ.

صَفَنْيا 3:6

وَ اللّٰهْ قَالْ: «أَنَا كَمَّلْت الْأُمَمْ وَ دَمَّرْت بَكَانَاتْهُمْ هَنَا الْمُرَاقَبَةْ. أَنَا خَرَبْت شَوَارِعْهُمْ وَ مَا فِي نَادُمْ الْيُفُوتْ بَيْهُمْ. وَ دَمَّرْت مُدُنْهُمْ وَ بِقَوْا فَاضِيِينْ مِنْ سُكَّانْهُمْ.

هُوشَع 4:10

هُمَّنْ يَاكُلُوا وَ لَاكِنْ مَا يَشْبَعَوْا وَ يَزْنَوْا وَ لَاكِنْ مَا يَلْدَوْا عِيَالْ أَشَانْ هُمَّنْ أَبَوْا مَا شَالَوْا دَرْبِي أَنَا اللّٰهْ.