إرْمِيا 9:11 - الكتاب المقدس بالعربي الدارجي هنا تشاد

¹¹ وَ اللّٰهْ قَالْ: «أَنَا نِسَوِّي مَدِينَةْ الْقُدُسْ كَوْم هَنَا تُرَابْ وَ مَرْقَدْ هَنَا بَعَاشِيمْ. وَ حِلَّالْ بَلَدْ يَهُوذَا يَخْرَبَوْا وَ يَفْضَوْا مِنْ سُكَّانْهُمْ.»

إرْمِيا 9:11 Referenca të Kryqëzuara

إشَعْيا 25:2

إِنْتَ سَوَّيْت مَدِينَةْ عُدْوَانَّا كَوْم هَنَا تُرَابْ وَ الْحِلَّةْ الْقَوِيَّةْ سَوَّيْتهَا دَرَادِرْ مُهَدَّمِينْ وَ قَصِرْ الْأَجَانِبْ مَا بِقِي مَدِينَةْ وَ بَتَّانْ مَا يِنْبَنِي.

إرْمِيا 51:37

وَ بَابِلْ تَبْقَى كَوْم هَنَا تُرَابْ وَ مَرْقَدْ هَنَا بَعَاشِيمْ وَ بَكَانْ خَرَابْ وَ بَهِيتَةْ وَ تَبْقَى فَاضِيَةْ مِنْ سُكَّانْهَا.

إرْمِيا 10:22

أَسْمَعَوْا! فِيَّهْ حَرَكَةْ جَايِ قَرِيبْ وَ دِي حَرَكَةْ شَدِيدَةْ هَنَا دَيْش الْجَايِ مِنْ بَلَدْ الْمُنْشَاقْ لِيَخْرِبْ حِلَّالْ بَلَدْ يَهُوذَا. يِسَوِّيهُمْ كَدَادَةْ وَ مَرْقَدْ هَنَا بَعَاشِيمْ.»

إشَعْيا 34:13

وَ قُصُورْهَا الْقَوِيِّينْ يُقُمّ فَوْقهُمْ شَوْك وَ مُدُنْهَا الْقَوِيِّينْ يِنْمَلُوا بِأَنْدِرَيْسَةْ وَ حَسْكَنِيتْ. وَ هِي تَبْقَى مَرْقَدْ هَنَا بَعَاشِيمْ وَ دُنْقُرْ نَعَامْ.

إشَعْيا 13:22

الْمَرَافْعِينْ يَبْكُوا فِي بُيُوتْهَا السَّمْحِينْ وَ الْبَعَاشِيمْ فِي قُصُورْهَا الْكُبَارْ. وَكِتْهَا قَرِيبْ يَجِي وَ أَيَّامْهَا مَحْسُوبِينْ.

مِيخا 3:12

وَ فِي شَانْ دَا، بِسَبَبْكُو إِنْتُو، صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.

مَراثِي إرْمِيا 3:47

وَ خَلَاصْ، وَقَعْ فَوْقنَا الرُّعُبْ وَ الْهَلَاكْ وَ الدَّمَارْ وَ الْخَرَابْ.

مَراثِي إرْمِيا 2:2

الرَّبّ دَمَّرْ بَلَا مَحَنَّةْ كُلَّ قَشّ الْمَرْعَى هَنَا ذُرِّيَّةْ يَعْقُوبْ. وَ فِي غَضَبَهْ، كَسَّرْ الْبُيُوتْ الْقَوِيِّينْ هَنَا بَلَدْ يَهُوذَا الْمِثِلْ بِنَيَّةْ. وَ رَمَى الْمَمْلَكَةْ وَ كُبَارَاتْهَا فِي التُّرَابْ وَ مَا جَعَلَاهُمْ مُخَصَّصِينْ لَيَّهْ.

إرْمِيا 34:22

وَ لَاكِنْ دَاهُو أَنَا نَنْطِيهُمْ أَمُرْ وَ هُمَّنْ يِقَبُّلُوا ضِدّ الْمَدِينَةْ دِي يِحَارُبُوهَا وَ يِشِيلُوهَا وَ يُتُشُّوهَا بِنَارْ. وَ كُلَّ حِلَّالْ بَلَدْ يَهُوذَا يَبْقَوْا فَاضِيِينْ مِنْ سُكَّانْهُمْ.» وَ دَا كَلَامْ اللّٰهْ.

إرْمِيا 26:18

«فِي أَيَّامْ حُكُمْ حِزْقِيَّا مَلِكْ يَهُوذَا، مِيخَا الْمِنْ حِلَّةْ مُورَشَتْ أَتْنَبَّأْ وَ قَالْ لِكُلَّ شَعَبْ يَهُوذَا: ‹دَاهُو اللّٰهْ الْقَادِرْ قَالْ: ”صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.“›»

إرْمِيا 25:11

وَ الْبَلَدْ دِي كُلَّهَا نِسَوِّيهَا كَوْم هَنَا تُرَابْ وَ أَرْض خَرَابْ. وَ كُلَّ الْأُمَمْ دَوْل يَبْقَوْا عَبِيدْ لِمَلِكْ بَابِلْ لِمُدَّةْ 70 سَنَةْ.

زَبُور 79:1

يَا رَبّ! الْأُمَمْ هَجَمَوْا أَرْض وَرَثَتَكْ وَ نَجَّسَوْا بَيْتَكْ الْمُقَدَّسْ وَ سَوَّوْا مَدِينَةْ الْقُدُسْ كَوْم هَنَا تُرَابْ.

مِيخا 6:16

وَ إِنْتُو تِتَابُعُوا الْعَادَةْ الْفَسْلَةْ هَنَا الْمَلِكْ عُمْرِي وَ الْعَمَلْ الْهَوَانْ هَنَا عَايِلَةْ مَلِكْ أَخَابْ وَ تُرُوغُوا حَسَبْ خِطِّتْهُمْ. وَ فِي شَانْ دَا، أَنَا نِسَلِّمْ مَدِينِتْكُو لِلْخَرَابْ وَ سُكَّانْهَا يَبْقَوْا شِمَّيْتَةْ وَ يِعَيُّبُوكُو مِثِلْ يِعَيُّبُوا كُلَّ شَعَبِي.»

مِيخا 1:6

وَ اللّٰهْ قَالْ: «السَّامِرَةْ نِسَوِّيهَا كَوْم هَنَا تُرَابْ وَ كَدَادَةْ الْيَزْرَعَوْا فَوْقهَا جِنَيْنَاتْ الْعِنَبْ. وَ الْحُجَارْ الْبَنَوْهَا بَيْهُمْ، نِدَفِّقْهُمْ فِي الْوَادِي وَ أَسَاسْهَا، نِخَلِّيهْ يِبِينْ.

إرْمِيا 26:9

وَ إِنْتَ تِتْنَبَّأْ لَحَدِّي تُقُولْ بَيْت اللّٰهْ يِدَّمَّرْ وَ يَبْقَى مِثِلْ مَسْكَنَهْ الْأَوَّلْ قَاعِدْ فِي شِيلَوْه وَ الْحِلَّةْ دِي تَخْرَبْ وَ تَبْقَى فَاضِيَةْ مِنْ سُكَّانْهَا!» وَ كُلَّ النَّاسْ لَمَّوْا وَ حَوَّقَوْه لِإِرْمِيَا فِي بَيْت اللّٰهْ.

إرْمِيا 25:18

وَ أَنَا بَدَيْت بِنَاسْ مَدِينَةْ الْقُدُسْ وَ نَاسْ حِلَّالْ بَلَدْ يَهُوذَا وَ مُلُوكْهُمْ وَ كُبَارَاتْهُمْ أَشَانْ اللّٰهْ سَوَّى مُدُنْهُمْ كَوْم هَنَا تُرَابْ وَ بَكَانْ خَرَابْ وَ بَهِيتَةْ وَ مَلْعُونْ وَ قَاعِدْ مِثِلْ دَا لَحَدِّي الْيَوْم.

إشَعْيا 44:26

أَنَا نِحَقِّقْ كَلَامْ عَبْدِي وَ نِتِمّ خِطَّةْ رُسُلِي. نُقُولْ لِمَدِينَةْ الْقُدُسْ: ‹خَلِّي يَسْكُنُوهَا!› وَ لِحِلَّالْ بَلَدْ يَهُوذَا: ‹خَلِّي يَبْنُوهُمْ مِنْ جَدِيدْ!› وَ نِقَوِّمْ دَرَادِرْهُمْ الدَّفَّقَوْا.

نَحَمْيا 4:2

وَ قَالْ قِدَّامْ أَخْوَانَهْ وَ قِدَّامْ عَسْكَرَهْ فِي بَلَدْ السَّامِرَةْ: «الْيَهُودْ الضَّعِيفِينْ دَوْل قَاعِدِينْ بِسَوُّوا شُنُو؟ صَحِيحْ كَيْ يَقْدَرَوْا يِحَقِّقُوا هَدَفْهُمْ وَ يِقَدُّمُوا ضَحَايَا وَلَّا؟ صَحِيحْ كَيْ الْيَوْم بَسْ يَقْدَرَوْا يِكَمُّلُوا الْخِدْمَةْ وَلَّا؟ وَ مِنْ الْكِيمَانْ هَنَا الْحَجَرْ الْمُكَسَّرْ وَ مُحَرَّقْ هَنَا الْبُنَى الْقَدِيمْ دَا، يَقْدَرَوْا يِشِيلُوا وَ يَبْنُوا بَيَّهْ بَتَّانْ وَلَّا؟»

رُؤية 18:2

وَ هُو عَاطْ وَ قَالْ: «وَقَعَتْ خَلَاصْ! مَدِينَةْ بَابِلْ الْكَبِيرَةْ خِرْبَتْ خَلَاصْ. مَا عِنْدَهَا سُكَّانْ إِلَّا الشَّوَاطِينْ بَسْ وَ أَيِّ شَيْطَانْ نِجِسْ يِدَلِّي يَسْكُنْ فَوْقهَا. وَ أَيِّ طَيْر نِجِسْ وَ أَيِّ حَيْوَانْ نِجِسْ يِدَلُّوا يَسْكُنُوا فَوْقهَا.

لاوِيِّين 26:32

وَ أَنَا ذَاتِي نِجِيبْ الْحِزِنْ فِي الْبَلَدْ وَ عُدْوَانْكُو الْيَسْكُنُوهَا يِنْبَهْتُوا.

زَبُور 44:19

وَ لَاكِنْ وَكِتْ دَمَّرْتِنَا، بَلَدْنَا بِقَتْ خَرَابْ وَ الْكَدَادَةْ بِقَتْ مَرْقَدْ هَنَا بَعَاشِيمْ وَ غَطَّيْتنَا بِالضَّلَامْ الْهَالِكْ.

إرْمِيا 1:15

وَ دَاهُو أَنَا نِنَادِي كُلَّ قَبَايِلْ مَمَالِكْ الْمُنْشَاقْ. وَ هُمَّنْ يَجُوا وَ أَيِّ وَاحِدْ يُخُطّ كُرْسِيهْ قِدَّامْ خَشُمْ بَابْ مَدِينَةْ الْقُدُسْ. يِحَوُّقُوا دَرَادِرْهَا وَ يَهْجُمُوا كُلَّ حِلَّالْ بَلَدْ يَهُوذَا. وَ دَا كَلَامْ اللّٰهْ.

إرْمِيا 4:27

وَ دَاهُو اللّٰهْ قَالْ: «كُلَّ الْأَرْض تَخْرَبْ وَ لَاكِنْ بَيْدَا كُلَ، أَنَا مَا نِدَمِّرْهَا مَرَّةْ وَاحِدْ.

إرْمِيا 44:2

وَ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «إِنْتُو شِفْتُوا كُلَّ الْفَسَالَةْ الْجِبْتَهَا فِي مَدِينَةْ الْقُدُسْ وَ فِي كُلَّ حِلَّالْ بَلَدْ يَهُوذَا. لَحَدِّي الْيَوْم، الْمُدُنْ دَوْل خَرْبَانِينْ وَ مَا عِنْدُهُمْ سُكَّانْ.

إرْمِيا 49:33

وَ حَاصُورْ تَبْقَى مَرْقَدْ بَعَاشِيمْ وَ بَكَانْ خَرَابْ إِلَى الْأَبَدْ. وَ مَا فِي نَادُمْ يَسْكُنْ فِي الْبَلَدْ دِي وَ لَا إِنْسَانْ يَقْعُدْ فَوْقهَا.»

إرْمِيا 50:3

أَشَانْ مِنْ مُنْشَاقْ، أُمَّةْ جَاتْ هَجَمَتْ بَابِلْ وَ خَرَبَتْ الْبَلَدْ. وَ نَاسْهَا وَ بَهَايِمْهَا كُلُّهُمْ عَرَّدَوْا وَ الْبَلَدْ دِي بِقَتْ فَاضِيَةْ مِنْ سُكَّانْهَا.»

مَراثِي إرْمِيا 1:4

وَ شَوَارِعْ صَهْيُون حِزْنَوْا وَ مَا فِي نَاسْ مَاشِينْ لِلْعِيدْ وَ كُلَّ بِيبَانْ الْمَدِينَةْ دَفَّقَوْا. وَ رُجَالْ الدِّينْ هِنَيْهَا يَقُنْتُوا وَ بَنَاتْهَا الْعُدْرِيَّاتْ حَزْنَانَاتْ وَ مَدِينَةْ صَهْيُون قَاعِدَةْ فِي الْمُرّ.

تَثْنِية 29:23

وَ يِشِيفُوا الْكِبْرِيتْ وَ الْمِلِحْ وَ النَّارْ الْمُقَبِّضَةْ فِي كُلَّ الْبَلَدْ. وَ فِي الْوَكِتْ دَاكْ، مَا فِي نَبَاتْ وَ لَا مَعَاشْ وَ لَا قَشّ الْقَاعِدْ يُقُمّ. وَ دَا يَبْقَى مِثِلْ دَمَارْ سَدُومْ وَ عَمُورَةْ وَ أَدْمَةْ وَ صَبُويِيمْ الدَّمَّرَاهُمْ اللّٰهْ فِي زَعَلَهْ وَ غَضَبَهْ.

زَبُور 107:43

يَاتُو يِدَوْر يَبْقَى حَكِيمْ؟ خَلِّي يَحْفَضْ كُلَّ الْكَلَامْ دَا. وَ بَيْدَا، يَفْهَمْ رَحْمَةْ اللّٰهْ!

إرْمِيا 8:22

فِي تُرَابْ قِلْعَادْ، مَا فِي دَوَاءْ الْيَمْسَحَوْه وَلَّا؟ وَ مَا فِي نَادُمْ الْيِعَالِجْ وَلَّا؟ وَ مَالَا جِرَاحْ أُمَّتِي الْمِثِلْ بِنْت أَمِّي مَا بِرِي؟»

إرْمِيا 16:10

وَ اللّٰهْ قَالْ: «يَا إِرْمِيَا، كَلِّمْ لِلشَّعَبْ دَوْل بِالْكَلَامْ دَا. وَ أَكُونْ هُمَّنْ يَسْأَلَوْك وَ يُقُولُوا: ‹مَالَا اللّٰهْ قَرَّرْ ضِدِّنَا فَسَالَةْ كَبِيرَةْ مِثِلْ دِي؟ شُنُو خَطَانَا وَ ذَنِبْنَا السَّوَّيْنَا ضِدّ اللّٰهْ إِلٰـهْنَا؟›