إرْمِيا 9:10 - الكتاب المقدس بالعربي الدارجي هنا تشاد

¹⁰ فِي الْجِبَالْ، أَنَا نَحْزَنْ وَ نَبْكِي وَ فِي مَرَاعِي الْكَدَادَةْ، أَنَا نُنُوحْ أَشَانْ الْأَرْض حِرْقَتْ وَ مَا فِي نَادُمْ الْيَجِي فَوْقهَا. وَ حِسّ هَنَا بَهِيمَةْ كُلَ مَا يِنْسَمِعْ وَ الطُّيُورْ وَ الْوُحُوشْ كُلُّهُمْ عَرَّدَوْا مِنْهَا.

إرْمِيا 9:10 Referenca të Kryqëzuara

إرْمِيا 12:4

لَحَدِّي مَتَى الْأَرْض تَحْزَنْ وَ يَيْبَسْ كُلَّ قَشّ الْكَدَادَةْ؟ وَ الْحَيْوَانَاتْ وَ الطُّيُورْ يَبْقَوْا مَا فِيهُمْ وَ دَا بِسَبَبْ فَسَالَةْ سُكَّانْهَا الْيُقُولُوا: «هُو مَا يَعَرِفْ مُسْتَقْبَلْنَا.»

هُوشَع 4:3

فِي شَانْ دَا، الْأَرْض تَيْبَسْ وَ سُكَّانْهَا يِأَيُّسُوا وَ مَعَاهُمْ حَيْوَانَاتْ الْكَدَادَةْ وَ طُيُورْ السَّمَاءْ وَ حَتَّى حُوتْ الْبَحَرْ كُلَ يَبْقَى مَا فِي.

حِزْقِيال 33:28

وَ نِسَوِّي الْبَلَدْ خَرْبَانَةْ وَ يَابْسَةْ وَ قُدْرَةْ إِسْتِكْبَارْهَا تَقِيفْ. وَ جِبَالْ إِسْرَائِيلْ يَبْقَوْا خَرَابْ وَ نَادُمْ وَاحِدْ كُلَ مَا يُفُوتْ بَيْهُمْ بَتَّانْ.

حِزْقِيال 29:11

وَ لِمُدَّةْ 40 سَنَةْ، وَ لَا رِجِلْ إِنْسَانْ وَ لَا رِجِلْ بَهِيمَةْ مَا تُشُقّ الْبَكَانْ دَا.

حِزْقِيال 14:15

«وَ أَكُونْ نِرَسِّلْ حَيْوَانَاتْ فَسْلِينْ فِي الْبَلَدْ دِي أَشَانْ يَاكُلُوا عِيَالْهَا وَ الْبَلَدْ تَبْقَى خَرَابْ وَ مَا فِي نَادُمْ يُشُقَّهَا بِسَبَبْ الْحَيْوَانَاتْ دَوْل.

إرْمِيا 12:10

وَ كُبَارَاتْ الْعَدُو جَوْا دَمَّرَوْا بَلَدِي مِثِلْ رُعْيَانْ بِمَالْهُمْ يِدَمُّرُوا جِنَيْنِتِي هَنَا الْعِنَبْ. وَ فَجَّقَوْهَا وَ سَوَّوْهَا صَحَرَاء خَرَابْ، هِي الْأَوَّلْ مِثِلْ زَرْعِي الْجَمِيلْ.

إرْمِيا 7:29

يَا نَاسْ يَهُوذَا، أَقْطَعَوْا شَعَرْكُو وَ أَزْقُلُوهْ مِنْ الْحِزِنْ وَ أَطْلَعَوْا فِي رُوسَيْ الْجِبَالْ وَ نُوحُوا أَشَانْ اللّٰهْ أَبَى الذُّرِّيَّةْ التِّغَضِّبَهْ.

مَراثِي إرْمِيا 2:11

وَ عُيُونِي دُمُوعْهُمْ كَمَّلَوْا وَ بُطُونِي حِرْقَوْا وَ قُدُرْتِي بِقَتْ مَا فِيهَا بِسَبَبْ الدَّمَارْ اللِّحِقْ أُمَّتِي الْمِثِلْ بِنْت أَمِّي. وَكِتْ الْأَطْفَالْ وَ الْعِيَالْ الدُّقَاقْ قَاعِدِينْ يَغْمَرَوْا فِي شَوَارِعْ الْمَدِينَةْ،

مَراثِي إرْمِيا 1:16

وَ فِي شَانْ دَا، أَنَا بَكَيْت وَ دُمُوعِي جَرَوْا وُدْيَانْ أَشَانْ الْيِصَبِّرْنِي وَ الْيِحَيِّينِي بِقِي بَعِيدْ مِنِّي. وَ عِيَالِي هِلْكَوْا أَشَانْ الْعَدُو أَنَّصَرْ فَوْقِي.»

إرْمِيا 23:10

أَشَانْ الْبَلَدْ مَلَانَةْ بِنَاسْ الْيِسَوُّوا الزِّنَى. وَ الْبَلَدْ بِقَتْ جَفَافْ بِسَبَبْ اللَّعَنَةْ وَ بَكَانَاتْ السَّرْحَةْ يِبْسَوْا. وَ نِيِّتْهُمْ إِلَّا يِسَوُّوا الْفَسَالَةْ وَ عِنْدُهُمْ الْقُدْرَةْ لِيِسَوُّوا الظُّلُمْ بَسْ.»

إرْمِيا 14:6

وَ حَمِيرْ الْكَدَادَةْ يَقِيفُوا فِي رُوسَيْ الْجِبَالْ وَ يَرْفَعَوْا مَنَاخِرْهُمْ لِلرِّيحْ مِثِلْ الْبَعَاشِيمْ. وَ شَوْفهُمْ يَضْعَفْ أَشَانْ مَا فِي قَشّ.»

إرْمِيا 8:18

قَلْبِي فِي دَاخِلِي حَزْنَانْ وَ لَاكِنْ حِزْنِي مَا عِنْدَهْ عِلَاجْ.

إرْمِيا 2:6

وَ هُمَّنْ مَا سَأَلَوْا وَ قَالَوْا: ”وَيْن اللّٰهْ الْمَرَقَانَا مِنْ بَلَدْ مَصِرْ وَ قَادَانَا فِي الصَّحَرَاء؟ وَ هِي بَلَدْ السَّهَلَةْ وَ خَطِيرَةْ وَ أَرْض جَفَافْ وَ ضَلَامْ هَالِكْ. وَ مَا فِي نَادُمْ الْيُشُقَّهَا وَ لَا نَادُمْ السَّاكِنْ فِيهَا.“›

إشَعْيا 49:19

أَيْوَى، بَكَانَاتْ بَلَدْكِ خِرْبَوْا وَ أَلْهَدَّمَوْا وَ أَدَّمَّرَوْا. وَ هَسَّعْ، إِنْتِ تَبْقَيْ ضَيْقَةْ لِسُكَّانْكِ وَ الدَّمَّرَوْكِ يِبَعُّدُوا مِنْكِ.

إشَعْيا 41:15

وَ دَاهُو أَنَا نِسَوِّيكْ مِثِلْ مُدْقَاقَةْ جَدِيدَةْ هَنَا حَدِيدْ الْعِنْدَهَا سُنُونْ. وَ إِنْتَ تَرْحَكْ الْجِبَالْ وَ تَطْحَنْهُمْ وَ الْحُجَارْ، تِسَوِّيهُمْ مِثِلْ دَقِيقْ.

إرْمِيا 50:3

أَشَانْ مِنْ مُنْشَاقْ، أُمَّةْ جَاتْ هَجَمَتْ بَابِلْ وَ خَرَبَتْ الْبَلَدْ. وَ نَاسْهَا وَ بَهَايِمْهَا كُلُّهُمْ عَرَّدَوْا وَ الْبَلَدْ دِي بِقَتْ فَاضِيَةْ مِنْ سُكَّانْهَا.»

حِزْقِيال 27:2

«وَ إِنْتَ، يَا إِبْن آدَمْ، غَنِّي نُوَاحْ الْحِزِنْ لِمَدِينَةْ صُورْ!

يُوِيل 1:13

يَا رُجَالْ الدِّينْ، أَلْبَسَوْا خُلْقَانْ الْحِزِنْ وَ نُوحُوا وَ أَبْكُوا، يَا إِنْتُو الْخَدَّامِينْ فِي الْمَدْبَحْ. تَعَالُوا أَحْزَنَوْا طُولْ اللَّيْل بِخُلْقَانْ الْحِزِنْ، يَا خَدَّامِينْ إِلٰـهِي. هَدَايَا الدَّقِيقْ وَ هَدَايَا الشَّرَابْ مَا يِقَدُّمُوهُمْ بَتَّانْ فِي بَيْت اللّٰهْ إِلٰـهْكُو.

يُوِيل 1:19

نَصْرَخْ لَيْك إِنْتَ، يَا اللّٰهْ، أَشَانْ النَّارْ أَكَلَتْ قَشّ الْكَدَادَةْ وَ الْحَرِيقَةْ أَكَلَتْ كُلَّ شَدَرْ الْخَلَاءْ.

عَمُوس 5:1

يَا بَنِي إِسْرَائِيلْ، أَسْمَعَوْا الْكَلَامْ الْأَنَا نَبْكِي وَ نُنُوحْ بَيَّهْ.

عَمُوس 5:16

وَ فِي شَانْ دَا، دَاهُو اللّٰهْ الْإِلٰـهْ هُو الرَّبّ الْقَادِرْ قَالْ: «فِي كُلَّ بَكَانْ، النَّاسْ يُنُوحُوا وَ فِي كُلَّ الشَّوَارِعْ، يَبْكُوا وَ يُقُولُوا: ‹يَا خَسَارِتْنَا، يَا خَسَارِتْنَا!› وَ يِنَادُوا الْمَسَاكِينْ لِلْحِزِنْ وَ النَّوَّاحِينْ لِيُنُوحُوا.

مِيخا 2:4

وَ فِي الْيَوْم دَا، يَضُرْبُوا فَوْقكُو مَثَلْ وَ يُنُوحُوا نُوَاحْ وَ يُقُولُوا: «كَمَّلَوْنَا وَ خَرَبَوْنَا! اللّٰهْ بَدَّلْ أَرْض وَرَثَتْنَا بِبَلَدْ الْغُرْبَةْ. وَ قَلَعْ مِنِّنَا أَرْضِنَا وَ قَسَّمْ وَرَثَتْنَا لِعُدْوَانَّا.»

إرْمِيا 2:15

عُدْوَانْهُمْ مِثِلْ دِيدَانْ الْيِكِرُّوا وَ حِسُّهُمْ أَنْسَمَعْ. خَرَبَوْا بَلَدْهُمْ وَ تَشَّوْا مُدُنْهُمْ وَ طَرَدَوْا سُكَّانْهُمْ.

إرْمِيا 12:11

هُمَّنْ سَوَّوْهَا خَرَابْ وَ دَاهُو هِي قِدَّامِي يَابْسَةْ وَ خَرْبَانَةْ. أَيْوَى، الْبَلَدْ كُلَّهَا كَيْ خَرْبَانَةْ وَ مَا فِي نَادُمْ الْيِحِنّ فَوْقهَا.»

مَراثِي إرْمِيا 5:18

أَيْوَى، جَبَلْ صَهْيُون خِرِبْ وَ بَعَاشِيمْ سَاكْنِينْ فَوْقَهْ.

حِزْقِيال 6:6

وَ فِي أَيِّ بَكَانْ التَّسْكُنُوا فَوْقَهْ، الْمُدُنْ يَخْرَبَوْا وَ الْبَكَانَاتْ الْعَالِيِينْ يِلْهَدَّمَوْا. وَ مَدَابِحْكُو يَخْرَبَوْا وَ يِدَّمَّرَوْا وَ أَصْنَامْكُو يِلْكَسَّرَوْا وَ يَقَعَوْا تِحِتْ وَ مَخَابِرْكُو يِلْكَسَّرَوْا وَ خِدْمِتْكُو تِدَّمَّرْ.

مِيخا 3:12

وَ فِي شَانْ دَا، بِسَبَبْكُو إِنْتُو، صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.