إرْمِيا 9:1 - الكتاب المقدس بالعربي الدارجي هنا تشاد

¹ خَلِّي رَاسِي يَبْقَى خَزَّانْ هَنَا دُمُوعْ وَ دُمُوعْ عُيُونِي يِسِيلُوا مِثِلْ عُيُونْ أَلْمِي أَشَانْ نَبْكِي لَيْل وَ نَهَارْ لِضَحَايَا أُمَّتِي الْمِثِلْ بِنْت أَمِّي.

إرْمِيا 9:1 Referenca të Kryqëzuara

إرْمِيا 13:17

وَ كَنْ مَا تَسْمَعَوْا الْكَلَامْ دَا، أَنَا نَحْزَنْ فِي قَلْبِي دَاخَلْ بِسَبَبْ إِسْتِكْبَارْكُو. وَ نَبْكِي دَايْماً وَ دُمُوعِي يِسِيلُوا أَشَانْ غَنَمْ اللّٰهْ الْهُمَّنْ بَنِي إِسْرَائِيلْ كَرَبَوْهُمْ مَسَاجِينْ.»

إشَعْيا 22:4

وَ فِي شَانْ دَا، أَنَا قُلْت: «مَا تِشِيفُونِي! خَلُّونِي نَبْكِي بِحُرْقَةْ. وَ مَا تِحَاوُلُوا تِحَنُّسُونِي أَشَانْ أُمَّتِي الْمِثِلْ بِنْت أَمِّي أَدَّمَّرَتْ.»

مَراثِي إرْمِيا 2:11

وَ عُيُونِي دُمُوعْهُمْ كَمَّلَوْا وَ بُطُونِي حِرْقَوْا وَ قُدُرْتِي بِقَتْ مَا فِيهَا بِسَبَبْ الدَّمَارْ اللِّحِقْ أُمَّتِي الْمِثِلْ بِنْت أَمِّي. وَكِتْ الْأَطْفَالْ وَ الْعِيَالْ الدُّقَاقْ قَاعِدِينْ يَغْمَرَوْا فِي شَوَارِعْ الْمَدِينَةْ،

إرْمِيا 6:26

يَا أُمَّتِي الْمِثِلْ بِنْت أَمِّي، أَلْبَسَيْ خَلَقْ الْحِزِنْ وَ أَلْمَرْمَغَيْ فِي الرُّمَادْ. وَ أَحْزَنَيْ حِزِنْ شَدِيدْ مِثِلْ حِزِنْ أَمّ الْفَرِيدْ وَ نُوحِي نُوَاحْ شَدِيدْ أَشَانْ الْمُخَرِّبْ يَجِينَا بِغَفْلَةْ.

إرْمِيا 14:17

وَ اللّٰهْ أَمَرْ إِرْمِيَا يِكَلِّمْ لِلشَّعَبْ. «دُمُوعِي يِسِيلُوا لَيْل وَ نَهَارْ وَ مَا يَقِيفُوا. أَشَانْ دَمَارْ كَبِيرْ جَاءْ لِأُمَّتِي الْمِثِلْ بِنْت أَمِّي الْعُدْرِيَّةْ وَ دَمَارْهَا مِثِلْ الْجِرَاحْ الْمَا بِدَّاوَى.

إشَعْيا 16:9

وَ فِي شَانْ دَا، أَنَا نَبْكِي مَعَ يَعْزِيرْ لِعِنَبْ سِبْمَةْ وَ نَرْوِيكُو بِدُمُوعِي، يَا حَشْبُونْ وَ أَلِعَالَةْ. أَشَانْ فِي قَطِعْكُو وَ لَمِّينْكُو هَنَا الْعِنَبْ، الْغِنَيْ هَنَا الْفَرَحْ بِقِي مَا فِيهْ.

زَبُور 119:136

مِنْ عُيُونِي، دُمُوعِي نَزَلَوْا مِثِلْ وُدْيَانْ أَشَانْ النَّاسْ مَا حَفَضَوْا تَوْرَاتَكْ.

زَبُور 42:3

نَبْكِي لَيْل وَ نَهَارْ وَكِتْ يُقُولُوا لَيِّ كُلَّ يَوْم: «وَيْن إِلٰـهَكْ؟»

إرْمِيا 4:19

وَ إِرْمِيَا قَالْ: «بُطُونِي! بُطُونِي حِرْقَوْا! أَنَا نِتَّنَّ مِنْ الْوَجَعْ وَ قَلْبِي يَضْرُبْ. وَ نَفْسِي مُبَرْجَلَةْ وَ مَا نَقْدَرْ نَسْكُتْ. أَشَانْ أَنَا سِمِعْت حِسّ الْبُوقْ وَ كُرَوْرَاكْ الْحَرِبْ.

إرْمِيا 8:18

قَلْبِي فِي دَاخِلِي حَزْنَانْ وَ لَاكِنْ حِزْنِي مَا عِنْدَهْ عِلَاجْ.

إرْمِيا 9:18

خَلِّي هِنَّ يِجَنْ بِسُرْعَةْ وَ يَبْكَنْ وَ يُنُوحَنْ لَيْنَا. خَلِّي عُيُونَّا يِدَمُّعُوا وَ خَلِّي دُمُوعْنَا يِسِيلُوا.

زَبُور 55:7

أَيْوَى! نِعَرِّدْ بَعِيدْ وَ نَسْكُنْ فِي الْكَدَادَةْ. وَقْفَةْ.

إرْمِيا 3:10

وَ بَيْدَا كُلَ، يَهُوذَا الْخَايْنَةْ أَخُتْهَا لِإِسْرَائِيلْ مَا جَاتْنِي بِكُلَّ قَلِبْهَا لَاكِنْ بِغَشّ.» وَ دَا كَلَامْ اللّٰهْ.

إرْمِيا 5:7

وَ اللّٰهْ قَالْ: «بِالْحَالَةْ دِي، كِكَّيْف نَغْفِرْ لَيْكُو؟ عِيَالْكُو أَبَوْنِي وَ يَحَلْفُوا بِالْأَصْنَامْ الْمَا إِلٰـهْ. النَّاسْ الْأَنَا شَبَّعْتُهُمْ يِسَوُّوا زِنَى وَ يِزَّاحَمَوْا فِي بَيْت الشَّرْمُوطَةْ.

حِزْقِيال 22:12

وَ فِي لُبِّكِ، يِشِيلُوا أُجْرَةْ لِيَكْتُلُوا دِمَّةْ وَ يِشِيلُوا الرِّبَا وَ الْفَايْدَةْ وَ يِضَايُقُوا النَّاسْ وَ أَنَا كَمَانْ، نِسَوْنِي. وَ دَا كَلَامْ اللّٰهْ الرَّبّ.

هُوشَع 7:4

هُمَّنْ كُلُّهُمْ زَنَّايِينْ وَ شَهْوِتْهُمْ مِثِلْ فُرُنْ مُقَبَّضْ. سِيدْ الْفُرُنْ مَا يِرَاقِبَهْ مِنْ عَجَّنْ دَقِيقَهْ لَحَدِّي عَجِينَهْ يُقُمّ.