إرْمِيا 7:9 - الكتاب المقدس بالعربي الدارجي هنا تشاد

⁹ إِنْتُو تَسُرْقُوا وَ تَكْتُلُوا وَ تَزْنَوْا وَ تَحَلْفُوا بِكِدِبْ وَ تِحَرُّقُوا بَخُورْ لِإِلٰـهْ بَعَلْ وَ تَجْرُوا وَرَاءْ إِلٰـهَاتْ آخَرِينْ الْأَوَّلْ مَا تَعَرْفُوهُمْ.

إرْمِيا 7:9 Referenca të Kryqëzuara

إرْمِيا 7:6

وَ مَا تَظُلْمُوا الْأَجْنَبِي وَ لَا الْأَتِيمْ وَ لَا الْأَرْمَلَةْ وَ لَا تِدَفُّقُوا دَمّ الْبَرِي فِي الْأَرْض دِي. وَ مَا تَجْرُوا وَرَاءْ إِلٰـهَاتْ آخَرِينْ وَ تِجِيبُوا الْفَسَالَةْ فِي نُفُوسْكُو.

خُروج 20:3

«مَا تَعَبُدْ إِلٰـهَاتْ آخَرِينْ إِلَّا أَنَا.

إرْمِيا 11:17

«وَ أَنَا اللّٰهْ الْقَادِرْ بَسْ مَقَّنْتَهَا وَ قَرَّرْت نِسَوِّي لَيْهَا الْفَسَالَةْ، بِسَبَبْ الْفَسَالَةْ السَّوَّوْهَا بَنِي إِسْرَائِيلْ وَ بَنِي يَهُوذَا. وَ هُمَّنْ غَضَّبَوْنِي وَكِتْ حَرَّقَوْا بَخُورْ لِإِلٰـهْ بَعَلْ.»

إرْمِيا 11:13

«يَا بَنِي يَهُوذَا، إِلٰـهَاتْكُو أَكْتَرْ مِنْ حِلَّالْكُو. يَا سُكَّانْ مَدِينَةْ الْقُدُسْ، مَدَابِحْكُو أَكْتَرْ مِنْ شَوَارِعْكُو. وَ دَوْل الْمَدَابِحْ الْبَنَيْتُوهُمْ لِلْعَيْب وَ هُو إِلٰـهْ بَعَلْ التِّحَرُّقُوا لَيَّهْ الْبَخُورْ.

رُؤية 22:15

وَ بَرَّا مِنْ الْمَدِينَةْ، فِيَّهْ الْفَاسْدِينْ وَ السَّحَّارِينْ وَ الزَّنَّايِينْ وَ كَتَّالِينْ الدِّمَمْ وَ النَّاسْ الْيَعَبُدُوا الْأَصْنَامْ وَ النَّاسْ الْكَلَامْهُمْ وَ خِدْمِتْهُمْ كِدِبْ.

1 مُلوك 18:21

وَ فِي الْبَكَانْ دَا، إِلِيَاسْ قَرَّبْ لِكُلَّ الشَّعَبْ وَ قَالْ: «لِمَتَى تَمْشُوا جَايْ وَ جَايْ مِثِلْ جَعَبَاتْ الرَّحَّاكْ؟ كَنْ اللّٰهْ بَسْ الْإِلٰـهْ، تَابُعُوهْ! كَنْ بَعَلْ بَسْ الْإِلٰـهْ، تَابُعُوهْ!» وَ لَاكِنْ هُمَّنْ مَا قِدْرَوْا رَدَّوْا لَيَّهْ كِلْمَةْ وَاحِدَةْ كُلَ.

رُؤية 21:8

لَاكِنْ الْخَوَّافِينْ وَ الْمَا مُؤمِنِينْ وَ الْفَاسْدِينْ وَ كَتَّالِينْ الدِّمَمْ وَ الزَّنَّايِينْ وَ السَّحَّارِينْ وَ عَابِدِينْ الْأَصْنَامْ وَ كُلَّ الْكَدَّابِينْ، بَكَانْهُمْ يَبْقَى بَحَرْ النَّارْ وَ الْكِبْرِيتْ الْأَصْفَرْ. وَ دَا بَسْ الْمَوْت التَّانِي.»

رَوْمَا 2:2

لَاكِنْ نَعَرْفُوا اللّٰهْ يِحَاسِبْ بِالْحَقّ كُلَّ النَّاسْ الْيِسَوُّوا الذُّنُوبْ دَوْل.

مَلاخِـي 3:5

«وَ أَنَا نِقَرِّبْ لَيْكُو لِلشَّرِيعَةْ. وَ طَوَّالِي، نَشْهَدْ فِي السَّحَّارِينْ وَ الزَّنَّايِينْ وَ الْيَحَلْفُوا بِكِدِبْ وَ الْيَظُلْمُوا الْخَدَّامْ وَ الْأَرْمَلَةْ وَ الْأَتِيمْ وَ الْيَخْطَوْا فِي الْأَجْنَبِي. وَ هُمَّنْ دَوْل كُلُّهُمْ مَا يَخَافَوْا مِنِّي.» وَ دَا، اللّٰهْ الْقَادِرْ بَسْ قَالَهْ.

صَفَنْيا 1:5

وَ نُقُشّ النَّاسْ الْيَسْجُدُوا فِي رُوسَيْ بُيُوتْهُمْ لِقُوَّاتْ السَّمَاءْ. وَ نُقُشّ الْيَسْجُدُوا لَيِّ أَنَا اللّٰهْ وَ يَحَلْفُوا بِأُسْمِي وَ بَتَّانْ يَحَلْفُوا بِأُسُمْ صَنَمْ مُولَكْ كُلَ.

حِزْقِيال 18:18

وَ لَاكِنْ أَبُوهْ سَوَّى ظُلُمْ وَ سَرَقْ أَخُوهْ وَ مَا سَوَّى عَدِيلْ فِي أُسُطْ شَعَبَهْ وَ دَاهُو يُمُوتْ بِسَبَبْ خَطَايَا هُو ذَاتَهْ.

إرْمِيا 44:3

وَ دَا بِسَبَبْ الْفَسَالَةْ الْهُمَّنْ سَوَّوْهَا. غَضَّبَوْنِي وَكِتْ حَرَّقَوْا بَخُورْ وَ عَبَدَوْا إِلٰـهَاتْ آخَرِينْ الْأَوَّلْ مَا يَعَرْفُوهُمْ وَ لَا هُمَّنْ وَ لَا إِنْتُو وَ لَا جُدُودْكُو.

إرْمِيا 32:29

وَ الْبَابِلِيِّينْ الْيِحَاصُرُوا الْمَدِينَةْ دِي يَدْخُلُوا فَوْقهَا وَ يُتُشُّوهَا. وَ يُتُشُّوا الْبُيُوتْ الْفِي رَاسْهُمْ حَرَّقَوْا بَخُورْ لِإِلٰـهْ بَعَلْ وَ قَدَّمَوْا هَدَايَا شَرَابْ لِإِلٰـهَاتْ آخَرِينْ وَ دَا غَضَّبَوْنِي أَنَا.

إرْمِيا 13:10

وَ دَوْل الشَّعَبْ الْفَسْلِينْ وَ مَا يَسْمَعَوْا كَلَامِي وَ يِقَوُّوا رُوسَيْهُمْ. وَ يَجْرُوا وَرَاءْ الْإِلٰـهَاتْ الْآخَرِينْ لِيَسْجُدُوا قِدَّامْهُمْ وَ يَعَبُدُوهُمْ. هُمَّنْ دَوْل خَلِّي يَبْقَوْا مِثِلْ الْحِزَامْ الْمَا يَنْفَعْ شَيّءْ دَا.

قُضياء 5:8

هُمَّنْ شَالَوْا لَيْهُمْ إِلٰـهَاتْ آخَرِينْ، وَكِتْ الْحَرِبْ قَرَّبْ لِمَدَاخِلْ الْحِلَّالْ. فِي الْوَكِتْ دَا، بِقِي لَيْنَا قَاسِي لِنَلْقَوْا دَرَقَةْ أَوْ حَرْبَةْ لِدَيْش إِسْرَائِيلْ الْعَدَدْهُمْ 40 000 رَاجِلْ.

تَثْنِية 32:17

وَ الشَّعَبْ دَبَحَوْا لِلشَّوَاطِينْ الْهُمَّنْ مَا الرَّبّ. أَيْوَى، دَبَحَوْا لِلْإِلٰـهَاتْ الْهُمَّنْ مَا عِرْفَوْهُمْ. وَ الْإِلٰـهَاتْ دَوْل جَوْا دَهَابْهُمْ وَ أَبَّهَاتْهُمْ مَا عِرْفَوْهُمْ.

إشَعْيا 1:13

وَقُّفُوا مَا تِجِيبُوا لَيِّ بَتَّانْ ضَحَايَاكُو الْمَكْرُوهِينْ وَ بَخُورْكُو دَا مُحَرَّمْ لَيِّ! وَقُّفُوا ضَحَايَاكُو هَنَا أَوَّلْ يَوْم فِي كُلِّ شَهَرْ وَ هَنَا كُلِّ يَوْم سَبْت وَ مَلَمَّاتْكُو أَشَانْ أَنَا مَا نَقْبَلْ الْفَسَالَةْ فِي مَلَمَّاتْكُو الْخَاصِّينْ.

إشَعْيا 58:2

لَاكِنْ كُلِّ يَوْم هُمَّنْ يِفَتُّشُونِي أَنَا وَ يِدَوْرُوا يَعَرْفُوا دُرُوبِي مِثِلْ أُمَّةْ التِّطَبِّقْ الْعَدَالَةْ وَ مَا خَلَّتْ شَرِيعَةْ إِلٰـهَّا وَ مِثِلْ يِدَوْرُوا مِنِّي شَرِيعَةْ عَادِلَةْ وَ يِرِيدُوا يِقَرُّبُوا لَيِّ.

إرْمِيا 1:16

وَ بَيْدَا، أَنَا نِحَاكِمْ شَعَبِي فِي شَانْ فَسَالِتْهُمْ. وَ فَسَالِتْهُمْ دِي، هُمَّنْ أَبَوْنِي أَنَا وَ حَرَّقَوْا بَخُورْ لِإِلٰـهَاتْ آخَرِينْ وَ سَجَدَوْا لِلْأَصْنَامْ السَّوَّوْهُمْ بِإِيدَيْهُمْ.

إرْمِيا 5:7

وَ اللّٰهْ قَالْ: «بِالْحَالَةْ دِي، كِكَّيْف نَغْفِرْ لَيْكُو؟ عِيَالْكُو أَبَوْنِي وَ يَحَلْفُوا بِالْأَصْنَامْ الْمَا إِلٰـهْ. النَّاسْ الْأَنَا شَبَّعْتُهُمْ يِسَوُّوا زِنَى وَ يِزَّاحَمَوْا فِي بَيْت الشَّرْمُوطَةْ.

إرْمِيا 18:15

وَ لَاكِنْ شَعَبِي نِسَوْنِي وَ حَرَّقَوْا بَخُورْ لِإِلٰـهَاتْ الْمَا يَنْفَعَوْا، الْيِتَرْتُعُوهُمْ فِي دَرِبْهُمْ. وَ فِي شَانْ الْإِلٰـهَاتْ دَوْل، هُمَّنْ أَبَوْا دَرِبْهُمْ الْعَدِيلْ هَنَا زَمَانْ لِيَمْشُوا فِي دَبَالِيْ الْكَدَادَةْ.

إرْمِيا 19:4

أَشَانْ هُمَّنْ أَبَوْنِي وَ نَكَرَوْا الْبَكَانْ دَا وَ حَرَّقَوْا بَخُورْ لِإِلٰـهَاتْ آخَرِينْ الْأَوَّلْ مَا يَعَرْفُوهُمْ وَ لَا هُمَّنْ وَ لَا جُدُودْهُمْ وَ لَا مُلُوكْ يَهُوذَا. وَ هُمَّنْ دَفَّقَوْا دَمّ الْبَرِيِّينْ وَ مَلَوْا بَيَّهْ الْبَكَانْ دَا.

إرْمِيا 44:8

وَ غَضَّبْتُونِي بِخِدْمَةْ إِيدَيْكُو وَكِتْ حَرَّقْتُوا بَخُورْ لِإِلٰـهَاتْ آخَرِينْ فِي بَلَدْ مَصِرْ الْإِنْتُو جِيتُوا وَ سَكَنْتُوا فَوْقهَا. وَ بَيْدَا، دَمَّرْتُوا نُفُوسْكُو وَ بِقِيتُوا مَلْعُونِينْ وَ عَايْبِينْ فِي أُسْط كُلَّ أُمَمْ الْأَرْض.

إرْمِيا 44:9

وَ إِنْتُو نِسِيتُوا الْفَسَالَةْ السَّوَّوْهَا جُدُودْكُو وَ مُلُوكْ يَهُوذَا وَ عَوِينْهُمْ؟ وَ نِسِيتُوا فَسَالِتْكُو إِنْتُو وَ عَوِينْكُو السَّوَّيْتُوهَا فِي بَلَدْ يَهُوذَا وَ فِي شَوَارِعْ مَدِينَةْ الْقُدُسْ؟

إرْمِيا 48:35

«أَنَا نِدَمِّرْ فِي مُوَابْ النَّاسْ الْيِقَدُّمُوا ضَحَايَا فِي الْبَكَانْ الْعَالِي وَ يِحَرُّقُوا بَخُورْ لِإِلٰـهَاتْهُمْ.» وَ دَا كَلَامْ اللّٰهْ.

حِزْقِيال 5:11

وَ دَاهُو كَلَامْ اللّٰهْ الرَّبّ: «يَا مَدِينَةْ الْقُدُسْ، أَكِيدْ إِنْتِ نَجَّسْتِ بَيْتِي الْمُقَدَّسْ بِكُلَّ مُحَرَّمَاتْكِ وَ أَصْنَامْكِ. وَ بِسَبَبْ دَا، نَحْلِفْ بِأُسْمِي الْحَيّ، أَنَا كُلَ نُقُشِّكِ وَ مَا نِشِيفْكِ بِعَيْن الرَّحْمَةْ وَ لَا نِحِنّ فَوْقكِ.

حِزْقِيال 23:39

وَ وَكِتْ دَبَحَنْ عِيَالْهِنْ لِأَصْنَامْهِنْ، فِي نَفْس الْيَوْم دَا، دَخَلَنْ فِي بَيْتِي الْمُقَدَّسْ وَ مَا أَحْتَرَمَنَّهْ. وَ دَا بَسْ الشَّيّءْ السَّوَّنَّهْ فِي لُبّ بَيْتِي.

هُوشَع 2:13

أَنَا نِعَاقِبْهَا بِسَبَبْ الْأَيَّامْ الْهِي حَرَّقَتْ فَوْقهُمْ بَخُورْ لِأَصْنَامْ بَعَلْ. هِي أَلْجَمَّلَتْ بِشِنِفْهَا وَ زِينِتْهَا وَ جَرَتْ وَرَاءْ صُدْقَانْهَا وَ خَلَاصْ، نِسَتْنِي.» وَ دَا كَلَامْ اللّٰهْ.

هُوشَع 6:9

وَ مَجْمُوعَةْ رُجَالْ الدِّينْ بِقَوْا مِثِلْ رَبَّاطِينْ الدُّرُوبْ. يَكْتُلُوا نَاسْ فِي دَرِبْ حِلَّةْ شَكِيمْ. أَيْوَى، قَاعِدِينْ يِسَوُّوا فِعِلْ شَيْن.

عَمُوس 4:5

وَ حَرُّقُوا خُبْزَةْ بَلَا تَوَّارَةْ هَدِيَّةْ شُكُرْ وَ فَاشُرُوا بِالْهَدَايَا التِّقَدُّمُوهُمْ لِلّٰهْ بِنِيِّتْكُو. وَ دَا بَسْ الشَّيّءْ الْيَعَجِبْكُو إِنْتُو، يَا بَنِي إِسْرَائِيلْ.» وَ دَا كَلَامْ اللّٰهْ الرَّبّ.

إرْمِيا 5:2

كَنْ هُمَّنْ يَحَلْفُوا بِاللّٰهْ الْحَيّ كُلَ، حَلِيفِتْهُمْ دِي كِدِبْ سَاكِتْ بَسْ.»

حِزْقِيال 20:30

«وَ فِي شَانْ دَا، قُولْ لِبَنِي إِسْرَائِيلْ: ‹دَاهُو اللّٰهْ الرَّبّ قَالْ: ”إِنْتُو نَجَّسْتُوا نُفُوسْكُو وَكِتْ تَابَعْتُوا دَرِبْ جُدُودْكُو وَ أَشَّرْمَطْتُوا وَرَاءْ مُحَرَّمَاتْهُمْ وَ عِصِيتُوا.