إرْمِيا 7:31 - الكتاب المقدس بالعربي الدارجي هنا تشاد

³¹ وَ فِي وَادِي بَنِي هِنُّومْ فِي تُوفَةْ بَنَوْا مَدْبَحْ لِيِحَرُّقُوا فَوْقَهْ أَوْلَادْهُمْ وَ بَنَاتْهُمْ. وَ دَا فِكِرْ هَنَا شُنُو! أَنَا مَا أَمَرْتُهُمْ بَيَّهْ وَ لَا فَكَّرْت فَوْقَهْ يَوْم وَاحِدْ.»

إرْمِيا 7:31 Referenca të Kryqëzuara

2 مُلوك 23:10

وَ بَتَّانْ الْمَلِكْ نَجَّسْ الْمَحْرَقْ هَنَا تُوفَةْ الْقَاعِدْ فِي وَادِي بَنِي هِنُّومْ أَشَانْ بَتَّانْ نَادُمْ مَا يِحَرِّقْ وِلَيْدَهْ وَ لَا بِنَيِّتَهْ فِي النَّارْ لِإِلٰـهْ مُولَكْ.

إرْمِيا 32:35

وَ فِي وَادِي بَنِي هِنُّومْ بَنَوْا مَدْبَحْ لِبَعَلْ لِيِحَرُّقُوا فَوْقَهْ أَوْلَادْهُمْ وَ بَنَاتْهُمْ لِإِلٰـهُّمْ مُولَكْ. وَ دَا أَنَا مَا أَمَرْتُهُمْ بَيَّهْ وَ لَا فَكَّرْت فَوْقَهْ يَوْم وَاحِدْ. وَ بِالْمُحَرَّمَاتْ دَوْل، لَزَّوْا بَنِي يَهُوذَا فِي الذَّنِبْ.»

2 مُلوك 17:17

وَ حَرَّقَوْا أَوْلَادْهُمْ وَ بَنَاتْهُمْ فِي النَّارْ لِلْأَصْنَامْ وَ قَمَّوْا يِسَوُّوا السِّحِرْ وَ يِشَوُّفُوا. وَ شَالَوْا نِيَّةْ لِيِسَوُّوا الْفَسَالَةْ قِدَّامْ اللّٰهْ لَحَدِّي يِغَضُّبُوهْ.

لاوِيِّين 18:21

«مَا تَنْطِي وَاحِدْ مِنْ عِيَالَكْ لِيِقَدُّمُوهْ فِي النَّارْ لِصَنَمْ مُولَكْ وَ بِمِثِلْ دَا، مَا تِحْتَرِمْ أُسُمْ اللّٰهْ إِلٰـهَكْ. وَ أَنَا بَسْ اللّٰهْ.

حِزْقِيال 16:20

«‹”وَ شِلْتِ أَوْلَادْكِ وَ بَنَاتْكِ الْوِلِدْتِيهُمْ لَيِّ وَ قَدَّمْتِيهُمْ ضَحَايَا لِلْأَصْنَامْ دَوْل لِيَاكُلُوهُمْ. وَ مِنْ الشَّرْمَطَةْ، مَا شِبِعْتِ وَلَّا؟

2 أخبار 33:6

وَ مَنَسَّى ذَاتَهْ حَرَّقْ أَوْلَادَهْ فِي النَّارْ لِلْأَصْنَامْ فِي وَادِي بَنِي هِنُّومْ. وَ مَشَى لِلشَّدَّارَى وَ الشَّوَّافِينْ وَ السَّحَّارِينْ وَ النَّاسْ الْيِكَلُّمُوا مَعَ الْمَيْتِينْ وَ الْجَنَّانِيِّينْ. وَ قَاعِدْ يِغَضِّبْ اللّٰهْ زِيَادَةْ بِالْفَسَالَةْ الْهُو سَوَّاهَا.

2 أخبار 28:3

وَ هُو قَدَّمْ بَخُورْ فِي وَادِي بَنِي هِنُّومْ وَ قَدَّمْ عِيَالَهْ وَ حَرَّقَاهُمْ فِي النَّارْ. وَ دَا نَفْس الْمُحَرَّمَاتْ السَّوَّوْهُمْ الْأُمَمْ الْاللّٰهْ قَلَعْ مِنْهُمْ أَرْضُهُمْ وَ أَنْطَاهَا لِبَنِي إِسْرَائِيلْ.

تَثْنِية 12:31

وَ إِنْتُو مَا تِسَوُّوا مِثِلْ دَا لِلّٰهْ إِلٰـهْكُو، أَشَانْ الْأُمَمْ دَوْل يِسَوُّوا لِإِلٰـهَاتْهُمْ كُلَّ شَيّءْ حَرَامْ الْيَكْرَهَهْ اللّٰهْ لَحَدِّي هُمَّنْ يِحَرُّقُوا أَوْلَادْهُمْ وَ بَنَاتْهُمْ فِي النَّارْ لِإِلٰـهَاتْهُمْ.

تَثْنِية 17:3

وَ يَمْشِي يَعَبُدْ إِلٰـهَاتْ آخَرِينْ وَ يَسْجُدْ لَيْهُمْ وَ يَسْجُدْ لِلْحَرَّايْ أَوْ لِلْقَمَرْ أَوْ لِقُوَّاتْ السَّمَاءْ الدَّا مُخَالِفْ لِأَوَامِرِي.

2 مُلوك 23:20

وَ فِي رَاسْ مَدَابِحْ هَنَا الْبَكَانَاتْ الْعَالِيِينْ دَوْل، هُو دَبَحْ كُلَّ رُجَالْ الدِّينْ الْقَاعِدِينْ فِي الْبَكَانْ دَا وَ حَرَّقْ عُضَامْ النَّاسْ. وَ بَعَدْ دَا، قَبَّلْ مَدِينَةْ الْقُدُسْ.

إرْمِيا 19:2

وَ أَمْشِي مَعَاهُمْ عَلَيْ وَادِي بَنِي هِنُّومْ فِي خَشُمْ بَابْ الشِّقَفْ وَ هِنَاكْ بَلِّغْ بِالْكَلَامْ الْأَنَا نُقُولَهْ لَيْك.

يَشُوع 15:8

وَ الْحُدُودْ يِعَدُّوا بِوَادِي بَنِي هِنُّومْ وَ الدِّلَّيَّةْ الْوَطِي لِجَبَلْ الْيَبُوسِيِّينْ يَعْنِي أُورُشَلِيمْ. وَ مِنْهَا يَطْلَعَوْا لَحَدِّي رَاسْ الْجَبَلْ الْمُقَابِلْ وَادِي بَنِي هِنُّومْ فِي الْغَرِبْ فِي خَشُمْ وَادِي رَفَايِينْ فِي الْمُنْشَاقْ.

إشَعْيا 30:33

وَ مِنْ وَكِتْ طَوِيلْ، نُقْرَةْ النَّارْ جَاهِزَةْ أَيْوَى، هِي جَاهِزَةْ لِمَلِكْ أَشُورْ! وَ النُّقْرَةْ دِي طَوِيلَةْ وَ وَسِيعَةْ وَ دَفَّقَوْا فَوْقهَا حَطَبْ كَتِيرْ. وَ بِنَفْخَةْ اللّٰهْ الْمِثِلْ سَيْل شَدِيدْ هَنَا كِبْرِيتْ، هُو يِقَبِّضْهَا نَارْ.

إشَعْيا 57:5

شَهْوِتْكُو لِأَصْنَامْكُو تَكْرُبْكُو جَنْب شَدَرْ الْبَلُّوطْ وَ تِحِتْ أَيِّ شَدَرَةْ خَضْرَةْ. إِنْتُو تَدْبَحَوْا لَيْهُمْ عِيَالْ فِي الْوُدْيَانْ وَ فِي شُقُوقْ الْجِبَالْ.

إرْمِيا 2:23

وَ كِكَّيْف تَقْدَرَوْا تُقُولُوا: ‹أَنِحْنَ مَا نَجَّسْنَا نُفُوسْنَا وَ لَا تَابَعْنَا إِلٰـهْ بَعَلْ؟› شِيفُوا عَمَلْكُو الشَّيْن فِي الْوَادِي وَ أَعَرْفُوا الشَّيّءْ السَّوَّيْتُوهْ. إِنْتُو مِثِلْ نَاقَةْ صَبِيَّةْ التَّجْرِي جَايْ وَ جَايْ.

حِزْقِيال 20:26

وَ خَلَّيْتهُمْ أَنَّجَّسَوْا بِقَدِّمِينْ ضَحَايَاهُمْ هَنَا كُلَّ أَوْلَادْ الْبِكِرْ. وَ دَا لِيِنْبَهْتُوا وَ يَعَرْفُوا كَدَرْ أَنَا بَسْ اللّٰهْ.›

حِزْقِيال 20:31

وَ وَكِتْ إِنْتُو تِجِيبُوا هَدَايَاكُو وَ وَكِتْ تِحَرُّقُوا عِيَالْكُو فِي النَّارْ، إِنْتُو قَاعِدِينْ تِنَجُّسُوا نُفُوسْكُو بِكُلَّ أَصْنَامْكُو لَحَدِّي الْيَوْم. وَ بَيْدَا، أَنَا مَا نَرْضَى تَسْأَلَوْنِي، يَا بَنِي إِسْرَائِيلْ! نَحْلِفْ بِأُسْمِي الْحَيّ، أَنَا مَا نَرْضَى إِنْتُو تَسْأَلَوْنِي.“ وَ دَا كَلَامْ اللّٰهْ الرَّبّ.

مِيخا 6:7

هَلْ اللّٰهْ يَقْبَلْ ضَحَايَا هَنَا آلَافْ الْكُبْشَانْ؟ وَلَّا يَقْبَلْ هَدَايَا هَنَا دِهِنْ كَتِيرْ مِثِلْ أَلْمِي الْوَادِي؟ هَلْ نِقَدِّمْ وِلَيْدِي الْبِكِرْ فِي شَانْ عِصْيَانِي؟ وَلَّا نِقَدِّمْ وِلَيْد صُلْبِي فِي شَانْ ذَنْبِي؟

تَثْنِية 18:10

وَ خَلِّي مَا يِنْلَقِي فِي أُسُطْكُو نَادُمْ الْيِحَرِّقْ بِنْتَهْ أَوْ وَلَدَهْ فِي النَّارْ لِلْأَصْنَامْ وَ لَا شَوَّافِي وَ لَا الْيِحَجِّي بِعِلِمْ الْغَيْب وَ لَا مُنَجِّمْ وَ لَا سَحَّارِي

إرْمِيا 32:34

هُمَّنْ جَابَوْا أَصْنَامْهُمْ الْمُحَرَّمِينْ فِي بَيْتِي الْفَوْقَهْ أُسْمِي أَشَانْ يِنَجُّسُوهْ.