إرْمِيا 7:17 - الكتاب المقدس بالعربي الدارجي هنا تشاد

¹⁷ إِنْتَ مَا قَاعِدْ تِشِيفْ الشَّيّءْ الْقَاعِدِينْ يِسَوُّوهْ فِي حِلَّالْ بَلَدْ يَهُوذَا وَ شَوَارِعْ مَدِينَةْ الْقُدُسْ وَلَّا؟

إرْمِيا 7:17 Referenca të Kryqëzuara

حِزْقِيال 14:23

وَ تِصَبُّرُوا نُفُوسْكُو وَكِتْ تَعَرْفُوا دَرِبْهُمْ وَ عَمَلْهُمْ الْفَسْلِينْ. وَ بَيْدَا، تَعَرْفُوا كَدَرْ دَا مَا بَلَا سَبَبْ أَنَا حَقَّقْت كُلَّ الْعِقَابْ دَا فِي الْمَدِينَةْ.» وَ دَا كَلَامْ اللّٰهْ الرَّبّ.

إرْمِيا 6:27

وَ اللّٰهْ قَالْ: «يَا إِرْمِيَا، أَنَا نِسَوِّيكْ مِثِلْ صَيَّاغِي لِتَكْشِفْ شَعَبِي أَشَانْ تِشِيفْهُمْ وَ تَعَرِفْ حَالْهُمْ.»

إرْمِيا 7:16

«وَ إِنْتَ، يَا إِرْمِيَا، مَا تَسْأَلْنِي فِي شَانْ الشَّعَبْ دَا وَ مَا تَرْفَعْ الدُّعَا وَ تَشْحَدْنِي فِي شَانْهُمْ. مَا تِضَّرَّعْ لَيِّ! أَنَا مَا نَسْمَعَكْ.

إرْمِيا 7:18

الْعِيَالْ يِلَقُّطُوا حَطَبْ وَ الْأَبَّهَاتْ يِقَبُّضُوا نَارْ وَ الْعَوِينْ يِعَجِّنَنْ دَقِيقْ لِيِسَوَّنْ كَعَكْ الْيِقَدُّمُوهْ لِصَنَمْ الْأُسْمَهْ مَلِكَةْ السَّمَاءْ. هُمَّنْ قَاعِدِينْ يِقَدُّمُوا هَدِيَّةْ شَرَابْ لِإِلٰـهَاتْ آخَرِينْ وَ بَيْدَا، يِغَضُّبُونِي أَنَا.

إرْمِيا 44:6

وَ بِسَبَبْ دَا بَسْ، غَضَبِي وَ زَعَلِي قَمَّوْا ضِدُّهُمْ وَ حَرَّقَوْا حِلَّالْ بَلَدْ يَهُوذَا وَ شَوَارِعْ مَدِينَةْ الْقُدُسْ. وَ بِقَوْا كَوْم هَنَا تُرَابْ وَ بَكَانْ خَرَابْ لَحَدِّي الْيَوْم.»

إرْمِيا 1:16

وَ بَيْدَا، أَنَا نِحَاكِمْ شَعَبِي فِي شَانْ فَسَالِتْهُمْ. وَ فَسَالِتْهُمْ دِي، هُمَّنْ أَبَوْنِي أَنَا وَ حَرَّقَوْا بَخُورْ لِإِلٰـهَاتْ آخَرِينْ وَ سَجَدَوْا لِلْأَصْنَامْ السَّوَّوْهُمْ بِإِيدَيْهُمْ.

إرْمِيا 32:29

وَ الْبَابِلِيِّينْ الْيِحَاصُرُوا الْمَدِينَةْ دِي يَدْخُلُوا فَوْقهَا وَ يُتُشُّوهَا. وَ يُتُشُّوا الْبُيُوتْ الْفِي رَاسْهُمْ حَرَّقَوْا بَخُورْ لِإِلٰـهْ بَعَلْ وَ قَدَّمَوْا هَدَايَا شَرَابْ لِإِلٰـهَاتْ آخَرِينْ وَ دَا غَضَّبَوْنِي أَنَا.

إرْمِيا 32:32

وَ بَنِي إِسْرَائِيلْ وَ بَنِي يَهُوذَا غَضَّبَوْنِي بِسَبَبْ الْعَمَلْ الْفَسِلْ الْقَاعِدِينْ يِسَوُّوهْ، هُمَّنْ وَ مُلُوكْهُمْ وَ كُبَارَاتْهُمْ وَ رُجَالْ دِينْهُمْ وَ أَنْبِيَائْهُمْ وَ كُلَّ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ.

إرْمِيا 44:4

أَنَا رَسَّلْت لَيْهُمْ دَايْماً عَبِيدِي الْأَنْبِيَاء وَ بِوَاسِطَةْ الْأَنْبِيَاء دَوْل أَنَا قُلْت لَيْهُمْ: ‹مَا تِسَوُّوا الْحَرَامْ دَا أَشَانْ أَنَا نَكْرَهَهْ.›

إرْمِيا 44:17

وَ أَكِيدْ أَنِحْنَ نِطَبُّقُوا كُلَّ الْكَلَامْ الْمَرَقْ مِنْ خَشُمْنَا. وَ نِحَرُّقُوا بَخُورْ وَ نِقَدُّمُوا هَدِيَّةْ شَرَابْ لِإِلٰـهْنَا مَلِكَةْ السَّمَاءْ مِثِلْ أَوَّلْ أَنِحْنَ سَوَّيْنَاهْ، أَنِحْنَ وَ جُدُودْنَا وَ مُلُوكْنَا وَ كُبَارَاتْنَا فِي حِلَّالْ بَلَدْ يَهُوذَا وَ فِي شَوَارِعْ مَدِينَةْ الْقُدُسْ. وَ خَلَاصْ فِي الْوَكِتْ دَاكْ، أَنِحْنَ شِبِعْنَا وَ عِشْنَا فِي الرَّاحَةْ وَ أَبَداً مَا شِفْنَا تَعَبْ.