إرْمِيا 7:15 - الكتاب المقدس بالعربي الدارجي هنا تشاد

¹⁵ يَا بَنِي يَهُوذَا، أَنَا نَطْرُدْكُو بَعِيدْ مِنِّي مِثِلْ طَرَدْت أَخْوَانْكُو مِنْ بَنِي إِسْرَائِيلْ.›»

إرْمِيا 7:15 Referenca të Kryqëzuara

إرْمِيا 15:1

وَ اللّٰهْ قَالْ لَيِّ: «كَنْ الْيَوْم مُوسَى وَ صَمُوِيلْ يَجُوا يَشْحَدَوْنِي كُلَ، الشَّعَبْ دَوْل أَنَا مَا نَرْحَمْهُمْ. يَلَّا أَطْرُدْهُمْ مِنْ قِدَّامِي وَ خَلِّي يَمْشُوا!

هُوشَع 13:16

نَاسْ مَدِينَةْ السَّامِرَةْ خَاطِيِّينْ أَشَانْ عِصَوْا إِلٰـهُّمْ. يَكْتُلُوهُمْ فِي الْحَرِبْ وَ يَرْحَكَوْا عِيَالْهُمْ وَ يُشُقُّوا بُطُونْ عَوِينْهُمْ الْغَلْبَانَاتْ.»

إرْمِيا 52:3

وَ الْفَسَالَةْ الْهُمَّنْ سَوَّوْهَا فِي مَدِينَةْ الْقُدُسْ وَ فِي بَلَدْ يَهُوذَا جَابَتْ غَضَبْ اللّٰهْ. وَ فِي شَانْ دَا، اللّٰهْ طَرَدَاهُمْ بَعِيدْ مِنَّهْ. وَ صِدْقِيَّا أَتْمَرَّدْ ضِدّ مَلِكْ بَابِلْ.

2 مُلوك 17:23

لَحَدِّي اللّٰهْ طَرَدَاهُمْ بَعِيدْ مِنَّهْ حَسَبْ الْكَلَامْ الْهُو قَالَهْ بِوَاسِطَةْ عَبِيدَهْ الْأَنْبِيَاء. وَ بَيْدَا نَاسْ مَمْلَكَةْ إِسْرَائِيلْ، كَرَبَوْهُمْ وَ وَدَّوْهُمْ فِي الْغُرْبَةْ فِي بَلَدْ أَشُورْ بَعِيدْ مِنْ بَلَدْهُمْ وَ قَاعِدِينْ هِنَاكْ لَحَدِّي الْيَوْم.

هُوشَع 12:1

قَبِيلَةْ أَفْرَايِمْ تَرْوَى بِرِيحْ وَ تَجْرِي وَرَاءْ رِيحْ الصَّبَاحْ. كُلَّ يَوْم هِي تِكَتِّرْ الْكِدِبْ وَ الدَّمَارْ. تِسَوِّي عَلَاقَةْ مَعَ أَشُورْ وَ تَنْطِيهْ دِهِنْ لِمَصِرْ فِي بَدَلْ السَّلَامْ.

هُوشَع 9:9

وَ هُمَّنْ سَوَّوْا الْفَسَادْ مِثِلْ زَمَانْ نَاسْ قِبَيْعَةْ سَوَّوْه. وَ اللّٰهْ يِذَّكَّرْ خَطَاهُمْ وَ يِعَاقِبْهُمْ بِسَبَبْ ذُنُوبْهُمْ.

هُوشَع 9:3

نَاسْ أَفْرَايِمْ مَا يَسْكُنُوا بَتَّانْ فِي بَلَدْ اللّٰهْ. هُمَّنْ يِقَبُّلُوا مَصِرْ وَ فِي بَلَدْ أَشُورْ كُلَ، يَاكُلُوا أَكِلْ نِجِسْ.

هُوشَع 1:4

وَ اللّٰهْ قَالْ لِهُوشَعْ: «سَمِّي وِلَيْدَكْ يَزْرَعِيلْ أَشَانْ بَعَدْ وَكِتْ شِيَّةْ، أَنَا نَطْلُبْ مِنْ ذُرِّيَّةْ يَاهُو الدَّمّ الْجِدُّهُمْ يَاهُو دَفَّقَهْ فِي وَادِي يَزْرَعِيلْ. وَ نُقُشّ مَمْلَكَةْ إِسْرَائِيلْ.

إرْمِيا 23:39

‹إِنْتُو بَسْ التَّقَلَةْ. وَ أَكِيدْ أَنَا نِشِيلْكُو وَ نَزْقُلْكُو بَعِيدْ مِنِّي، إِنْتُو وَ الْمَدِينَةْ الْأَنْطَيْتهَا لَيْكُو إِنْتُو وَ لِجُدُودْكُو.

إرْمِيا 3:8

وَ أَنَا كُلَ شِفْتَهَا. أَيْوَى، بِسَبَبْ زِنَاهَا طَلَقْتَهَا لِإِسْرَائِيلْ الْكَافْرَةْ وَ أَنْطَيْتهَا مَكْتُوبْ الطَّلَاقْ. وَ لَاكِنْ بَيْدَا كُلَ، أَخُتْهَا يَهُوذَا الْخَايْنَةْ مَا حَسَّتْ بِأَيِّ خَوْف وَ هِي كُلَ قَمَّتْ أَشَّرْمَطَتْ.

2 أخبار 15:9

وَ لَمَّ كُلَّ نَاسْ قَبَايِلْ يَهُوذَا وَ بَنْيَامِينْ وَ كُلَّ النَّاسْ الْمِنْ قَبِيلَةْ أَفْرَايِمْ وَ مَنَسَّى وَ شِمْعُونْ الْجَوْا قَعَدَوْا مَعَاهُمْ. وَ كَتِيرِينْ مِنْ مَمْلَكَةْ إِسْرَائِيلْ أَنْضَمَّوْا لِآسَا أَشَانْ هُمَّنْ شَافَوْا كَدَرْ اللّٰهْ إِلٰـهَهْ قَاعِدْ مَعَايَهْ.

2 مُلوك 24:20

وَ الْفَسَالَةْ الْهُمَّنْ سَوَّوْهَا فِي مَدِينَةْ الْقُدُسْ وَ فِي بَلَدْ يَهُوذَا جَابَتْ غَضَبْ اللّٰهْ. وَ فِي شَانْ دَا، اللّٰهْ طَرَدَاهُمْ بَعِيدْ مِنَّهْ. وَ صِدْقِيَّا أَتْمَرَّدْ ضِدّ مَلِكْ بَابِلْ.

زَبُور 51:11

مَا تَزْقُلْنِي بَعِيدْ مِنْ حَضَرَتَكْ وَ مَا تِشِيلْ مِنِّي رُوحَكْ الْمُقَدَّسْ.

إشَعْيا 7:16

وَ لَاكِنْ قُبَّالْ الْوِلَيْد دَا مَا يَعَرِفْ الزَّيْن وَ الْفَسِلْ، تُرَابْ الْمُلُوكْ الْإِتْنَيْن دَوْل يَبْقَى خَلَاءْ.

إرْمِيا 9:19

مِنْ صَهْيُون أَنْسَمَعْ بَكِي الشَّكْوَةْ الْبُقُولْ: «أَنِحْنَ خِرِبْنَا وَ الْعَيْب كَتَلْنَا. أَشَانْ طَرَدَوْنَا مِنْ بَلَدْنَا وَ هَدَّمَوْا بُيُوتْنَا.»

حِزْقِيال 23:31

وَ إِنْتِ تَابَعْتِ دَرِبْ أَخُتْكِ وَ بَيْدَا، إِنْتِ كُلَ تَشَرْبَيْ مِنْ كَاسْ عِقَابِي مِثِلْهَا.»

هُوشَع 7:13

«الْعَذَابْ لَيْهُمْ أَشَانْ عَرَّدَوْا مِنِّي! الدَّمَارْ لَيْهُمْ أَشَانْ أَتْمَرَّدَوْا ضِدِّي! أَنَا شِلْت نِيَّةْ لِنَفْدَاهُمْ وَ لَاكِنْ هُمَّنْ قَالَوْا فَوْقِي كَلَامْ كِدِبْ.

هُوشَع 9:13

زَمَانْ وَكِتْ شِفْت قَبِيلَةْ أَفْرَايِمْ، هِي تِشَابِهْ نَخَلَايْ الْمَقَّنَوْهَا فِي مَرْعَى أَخْضَرْ. وَ لَاكِنْ هَسَّعْ، قَبِيلَةْ أَفْرَايِمْ تَمْرُقْ عِيَالْهَا لِلْكَتِلْ.»

يُونُس 2:4

وَ أَنَا حَسَبْت نَفْسِي مَطْرُودْ بَعِيدْ مِنَّكْ، يَا رَبّ، وَ لَاكِنْ بَتَّانْ نَمْشِي نِشِيفْ بَيْتَكْ الْمُقَدَّسْ.

إرْمِيا 23:33

اللّٰهْ حَجَّى لِإِرْمِيَا وَ قَالْ: «أَكُونْ نَبِي أَوْ رَاجِلْ دِينْ أَوْ نَادُمْ مِنْ الشَّعَبْ يَسْأَلَكْ وَ يُقُولْ: ‹شُنُو بَتَّانْ التَّقَلَةْ الْيُخُطَّهَا فَوْقنَا اللّٰهْ؟› خَلَاصْ، إِنْتَ رُدّ لَيَّهْ وَ قُولْ: ‹دَاهُو كَلَامْ اللّٰهْ: ”إِنْتُو بَسْ التَّقَلَةْ وَ أَنَا اللّٰهْ نَزْقُلْكُو!“›

حِزْقِيال 33:25

وَ فِي شَانْ دَا، قُولْ لَيْهُمْ: ‹دَاهُو اللّٰهْ الرَّبّ قَالْ: ”إِنْتُو تَاكُلُوا لَحَمْ فَطِيسْ وَ تَعَبُدُوا الْأَصْنَامْ وَ تَكْتُلُوا الدِّمَمْ. وَ بَيْدَا، تَوْرُثُوا الْبَلَدْ دِي وَلَّا؟