إرْمِيا 7:12 - الكتاب المقدس بالعربي الدارجي هنا تشاد

¹² «‹خَلَاصْ، قُمُّوا أَمْشُوا فِي بَكَانِي الزَّمَانْ قَاعِدْ فِي شِيلَوْه وَ دَا الْبَكَانْ الْأَوَّلْ أَنَا خَطَّيْت فَوْقَهْ أُسْمِي. وَ شِيفُوا الدَّمَارْ الْأَنَا جِبْتَهْ فِي الْبَكَانْ دَا، بِسَبَبْ الْفَسَالَةْ السَّوَّوْهَا شَعَبِي بَنِي إِسْرَائِيلْ.

إرْمِيا 7:12 Referenca të Kryqëzuara

إرْمِيا 26:6

وَ كَنْ مَا تَسْمَعَوْنِي، خَلَاصْ أَنَا نِدَمِّرْ الْبَيْت دَا، مِثِلْ دَمَّرْت مَسْكَنِي الْأَوَّلْ قَاعِدْ فِي شِيلَوْه. وَ نَلْعَنْ مَدِينَةْ الْقُدُسْ وَ هِي تَبْقَى مَثَلْ لِكُلَّ أُمَمْ الْأَرْض.“›»

يَشُوع 18:1

وَ بَعَدْ خَطَّوْا كُلَّ الْبَلَدْ تِحِتْ حُكُمْهُمْ، كُلَّ مُجْتَمَعْ بَنِي إِسْرَائِيلْ لَمَّوْا فِي شِيلَوْه وَ بَنَوْا خَيْمَةْ الْإِجْتِمَاعْ.

1 صَمُوِيل 4:22

وَ بِمِثِلْ دَا، هِي قَالَتْ: «مَجْد اللّٰهْ رَفَعَوْه مِنْ إِسْرَائِيلْ! أَشَانْ صَنْدُوقْ الرَّبّ شَالَوْه.»

قُضياء 18:31

وَ الصَّنَمْ الصَّنَعَهْ مِيكَا قَاعِدْ فِي بَكَانَهْ فِي كُلَّ الْمُدَّةْ الْقَاعِدْ فَوْقهَا بَيْت اللّٰهْ فِي شِيلَوْه.

1 صَمُوِيل 1:3

وَ كُلِّ سَنَةْ أَلِقَانَى يَمْرُقْ مِنْ حِلِّتَهْ يَطْلَعْ وَ يَمْشِي لِحِلَّةْ شِيلَوْه أَشَانْ يَسْجُدْ وَ يِقَدِّمْ ضَحِيَّةْ لِلّٰهْ الْقَادِرْ. وَ دَا الْبَكَانْ الْقَاعِدِينْ فَوْقَهْ رُجَالْ الدِّينْ الْإِتْنَيْن حُفْنِي وَ فِينْحَاسْ أَوْلَادْ عَالِي. وَ هُمَّنْ مَسْؤُولِينْ مِنْ الضَّحِيَّةْ الْيِقَدُّمُوهَا لِلّٰهْ.

تَثْنِية 12:11

وَ اللّٰهْ إِلٰـهْكُو يَعَزِلْ بَكَانْ لِيُخُطّ فَوْقَهْ أُسْمَهْ. وَ فِي الْبَكَانْ دَا بَسْ، تِقَدُّمُوا كُلَّ شَيّءْ النَّامُرْكُو بَيَّهْ مِثِلْ ضَحَايَاكُو الْمُحَرَّقِينْ وَ ضَحَايَاكُو الْآخَرِينْ وَ عُشُورْكُو وَ زَكَاتْكُو. وَ تِقَدُّمُوا كُلَّ الْهَدَايَا الْعَزَلْتُوهُمْ لِنَذِرْكُو السَّوَّيْتُوهْ لِلّٰهْ.

تَثْنِية 12:5

وَ لَاكِنْ تَعَبُدُوا اللّٰهْ إِلٰـهْكُو فِي الْبَكَانْ الْهُو يَعَزِلَهْ مِنْ أُسُطْ كُلَّ قَبَايِلْكُو. وَ يُخُطّ أُسْمَهْ فَوْقَهْ وَ يَسْكُنْ فَوْقَهْ وَ فِي الْبَكَانْ دَا بَسْ، إِنْتُو تَجُوا.

يَشُوع 18:10

وَ يَشُوعْ سَوَّى لَيْهُمْ أَمْ عِيَيْدَاتْ قِدَّامْ اللّٰهْ فِي شِيلَوْه. وَ بَيْدَا، يَشُوعْ قَسَّمْ الْبَلَدْ لِبَنِي إِسْرَائِيلْ حَسَبْ الْقِسِمْ الْوَقَعْ لِأَيِّ قَبِيلَةْ.

إرْمِيا 7:14

وَ خَلَاصْ، أَنَا نِجِيبْ نَفْس الدَّمَارْ الْجِبْتَهْ فِي شِيلَوْه فِي بَيْتِي الْفَوْقَهْ أُسْمِي الْإِنْتُو تِتْوَكَّلَوْا عَلَيَّهْ وَ دَا الْبَيْت الْأَنَا أَنْطَيْتَهْ لِجُدُودْكُو وَ لَيْكُو إِنْتُو.

1 مُلوك 9:7

خَلَاصْ أَنَا نَطْرُدْكُو، يَا بَنِي إِسْرَائِيلْ، مِنْ الْأَرْض الْأَنَا أَنْطَيْتهَا لَيْكُو وَ نِبَعِّدْ مِنِّي الْبَيْت الْأَنَا قَدَّسْتَهْ لِأُسْمِي. وَ بَيْدَا، كُلَّ الشُّعُوبْ الْآخَرِينْ يِشَّمَّتَوْا فَوْقكُو وَ يِعَيُّرُوكُو.