إرْمِيا 6:13 - الكتاب المقدس بالعربي الدارجي هنا تشاد

¹³ مِنْ الضَّعِيفْ لَحَدِّي الْقَادِرْ، كُلُّهُمْ جَارِيِينْ وَرَاءْ مَالْ الْحَرَامْ. وَ الْأَنْبِيَاء وَ رُجَالْ الدِّينْ كُلُّهُمْ غَشَّاشِينْ.

إرْمِيا 6:13 Referenca të Kryqëzuara

إرْمِيا 23:11

وَ دَاهُو كَلَامْ اللّٰهْ: «الْأَنْبِيَاء وَ رُجَالْ الدِّينْ كُلُّهُمْ أَنَّجَّسَوْا لَحَدِّي فِي بَيْتِي الْمُقَدَّسْ كُلَ أَنَا لِقِيتْ عَلَامَةْ فَسَالِتْهُمْ.

إرْمِيا 8:10

وَ اللّٰهْ قَالْ: «وَ بِسَبَبْ دَا، نَنْطِي عَوِينْهُمْ لِنَاسْ آخَرِينْ وَ زِرَاعِتْهُمْ كُلَ لِلْيِشِيلُوهُمْ. أَشَانْ مِنْ الضَّعِيفْ لَحَدِّي الْقَادِرْ كُلُّهُمْ جَارِيِينْ وَرَاءْ مَالْ الْحَرَامْ. وَ الْأَنْبِيَاء وَ رُجَالْ الدِّينْ كُلُّهُمْ غَشَّاشِينْ.

مِيخا 3:11

وَ الْقُضْيَاءْ يَقْطَعَوْا شَرِيعَةْ بِالرَّشْوَةْ وَ رُجَالْ الدِّينْ يِعَلُّمُوا كَلَامْ اللّٰهْ لِيَلْقَوْا فَايْدَةْ وَ الْأَنْبِيَاء يِتْنَبَّأَوْا لِيَلْقَوْا فُضَّةْ. هُمَّنْ يِتْوَكَّلَوْا عَلَيْ اللّٰهْ وَ يُقُولُوا: «اللّٰهْ مَا قَاعِدْ فِي أُسُطْنَا وَلَّا؟ الْفَسَالَةْ أَبَداً مَا تَلْحَقْنَا!»

إرْمِيا 22:17

وَ لَاكِنْ إِنْتَ نَظَرَكْ وَ فِكْرَكْ كُلَّ فِي الْفَايْدَةْ بَسْ. وَ تِدَوْر تِدَفِّقْ دَمّ الْبَرِي وَ تُقُمّ بِعُنُفْ وَ ظُلُمْ.»

مِيخا 3:5

وَ دَاهُو اللّٰهْ قَالْ كَلَامْ ضِدّ الْأَنْبِيَاء الْيِوَدُّرُوا شَعَبَهْ: «كَنْ سُنُونْهُمْ لِقَوْا شُغُلْ يَاكُلُوهْ، هُمَّنْ يُقُولُوا: ‹سَلَامْ، سَلَامْ!› وَ لَاكِنْ كَنْ نَادُمْ مَا دَسَّ لَيْهُمْ شَيّءْ فِي خَشُمْهُمْ، يِنَادُوا ضِدَّهْ بِالْحَرِبْ!

إرْمِيا 14:18

وَ كَنْ نَمْشِي فِي الْكَدَادَةْ، دَاهُو نِشِيفْ الْمَيْتِينْ بِالْحَرِبْ. وَ كَنْ نَدْخُلْ فِي الْمَدِينَةْ، دَاهُو نِشِيفْ التَّعْبَانِينْ بِالْجُوعْ. الْأَنْبِيَاء وَ رُجَالْ الدِّينْ يِلِفُّوا فِي الْبَلَدْ وَ لَاكِنْ مَا يَفْهَمَوْا شَيّءْ.»

إرْمِيا 5:31

الْأَنْبِيَاء يِتْنَبَّأَوْا بِكِدِبْ وَ رُجَالْ الدِّينْ يِفَتُّشُوا مَصَالِحْهُمْ. وَ إِنْتُو شَعَبِي رَضْيَانِينْ بِالْحَرَامْ دَا وَ لَاكِنْ فِي الأَخِيرْ، تِسَوُّوا شُنُو؟›»

إشَعْيا 57:17

«وَ بِخَطَاهُمْ هَنَا الطَّمَعْ، أَنَا غِضِبْت وَ ضَرَبْت شَعَبِي وَ مَا وَجَّهْت عَلَيْهُمْ. أَنَا غِضِبْت وَ هُمَّنْ مَشَوْا فِي عِصْيَانْهُمْ وَ تَابَعَوْا شَهْوَاتْ قُلُوبْهُمْ.

2 بُطْرُس 2:3

طَمَعْهُمْ كَتِيرْ لِلْمَالْ وَ يَكْدُبُوا لَيْكُو وَ يِشِيلُوا مِنْكُو بِكَلَامْ غَشّ. وَ مِنْ زَمَانْ، اللّٰهْ قَرَّرْ لَيْهُمْ الْعَذَابْ وَ أَكِيدْ الْهَلَاكْ الْيَجِي فَوْقهُمْ جَاهِزْ.

1 تِمُوتَاوُس 3:3

وَاجِبْ مَا يَبْقَى سَكَّارِي وَ لَا دَاوَاسِي لَاكِنْ وَاجِبْ يَبْقَى نَادُمْ عِنْدَهْ نَفَسْ بَارِدْ وَ مَا سِيدْ مَشَاكِلْ وَ لَا طَمَّاعْ.

لُوقا 16:14

الْفَرِيزِيِّينْ سِمْعَوْا الْكَلَامْ دَا وَ أَشَّمَّتَوْا لِعِيسَى أَشَانْ هُمَّنْ يِحِبُّوا الْمَالْ.

حِزْقِيال 33:31

وَ شَعَبِي يَجُوا لَيْك بِكَتَرَةْ وَ يَقْعُدُوا قِدَّامَكْ. وَ يَسْمَعَوْا كَلَامَكْ وَ لَاكِنْ مَا يِطَبُّقُوهْ. يُغُشُّوا بِكَلَامْهُمْ وَ يَمْشُوا وَرَاءْ مَالْ الْحَرَامْ.

حِزْقِيال 22:12

وَ فِي لُبِّكِ، يِشِيلُوا أُجْرَةْ لِيَكْتُلُوا دِمَّةْ وَ يِشِيلُوا الرِّبَا وَ الْفَايْدَةْ وَ يِضَايُقُوا النَّاسْ وَ أَنَا كَمَانْ، نِسَوْنِي. وَ دَا كَلَامْ اللّٰهْ الرَّبّ.

مَراثِي إرْمِيا 4:13

وَ دَا بِسَبَبْ ذَنِبْ الْأَنْبِيَاء وَ خَطَا رُجَالْ الدِّينْ الدَّفَّقَوْا دَمّ الصَّالِحِينْ فِي أُسْط الْمَدِينَةْ.

إرْمِيا 32:32

وَ بَنِي إِسْرَائِيلْ وَ بَنِي يَهُوذَا غَضَّبَوْنِي بِسَبَبْ الْعَمَلْ الْفَسِلْ الْقَاعِدِينْ يِسَوُّوهْ، هُمَّنْ وَ مُلُوكْهُمْ وَ كُبَارَاتْهُمْ وَ رُجَالْ دِينْهُمْ وَ أَنْبِيَائْهُمْ وَ كُلَّ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ.

إرْمِيا 2:26

وَ اللّٰهْ قَالْ: «إِنْتُو يَا بَنِي إِسْرَائِيلْ، الْعَيْب يَكْرُبْكُو، إِنْتُو وَ مُلُوكُّو وَ كُبَارَاتْكُو وَ رُجَالْ دِينْكُو وَ أَنْبِيَائْكُو، مِثِلْ عَيْب السَّرَّاقْ الْكَرَبَوْه قَاعِدْ يَسْرِقْ.

إرْمِيا 2:8

وَ رُجَالْ الدِّينْ مَا سَأَلَوْا وَ قَالَوْا: ”وَيْن اللّٰهْ؟“ وَ عُلَمَاءْ شُرُوطْ التَّوْرَاةْ مَا يَعَرْفُونِي. وَ الْمَسَائِيلْ أَتْمَرَّدَوْا ضِدِّي وَ الْأَنْبِيَاء أَتْنَبَّأَوْا بِأُسُمْ إِلٰـهْ بَعَلْ وَ جَرَوْا وَرَاءْ الْأَصْنَامْ الْمَا يَنْفَعَوْهُمْ.

إشَعْيا 28:7

وَ لَاكِنْ النَّاسْ دَوْل، هُمَّنْ كُلَ يِتَّرْتَعَوْا بِسَبَبْ الْخَمَرْ وَ يِوَدُّرُوا بِسَبَبْ الْمَرِيسَةْ. وَ رُجَالْ الدِّينْ وَ الْأَنْبِيَاء يِتَّرْتَعَوْا بِسَبَبْ الْمَرِيسَةْ وَ يِبَرْجُلُوا بِسَبَبْ الْخَمَرْ. وَ يِوَدُّرُوا بِسَبَبْ الْمَرِيسَةْ وَ يِخَلْبُطُوا الرُّؤْيَةْ وَ يِتَّرْتَعَوْا فِي الشَّرِيعَةْ.

2 بُطْرُس 2:1

لَاكِنْ زَمَانْ، فِي أَنْبِيَاء كَدَّابِينْ وَاحِدِينْ قَمَّوْا فِي أُسُطْ شَعَبْ بَنِي إِسْرَائِيلْ. وَ مِثِلْ دَا، فِي أُسُطْكُو إِنْتُو كُلَ، مُعَلِّمِينْ كَدَّابِينْ يُقُمُّوا. هُمَّنْ يِنْدَسَّوْا أَمْبَيْنَاتْكُو بِغَشّ وَ يِوَزُّعُوا تَعْلِيمْهُمْ الْيِوَدِّي النَّاسْ فِي الْهَلَاكْ لَحَدِّي يَنْكُرُوا سَيِّدْهُمْ الْفَدَاهُمْ كُلَ. وَ بِكَلَامْهُمْ دَا، يِجِيبُوا الْهَلَاكْ فِي نُفُوسْهُمْ بِسُرْعَةْ.

إرْمِيا 2:29

مَالَا شَكَيْتُونِي فِي الشَّرِيعَةْ؟ إِنْتُو بَسْ، كُلُّكُو عِصِيتُونِي. وَ دَا كَلَامْ اللّٰهْ.

إرْمِيا 17:11

وَ الْإِنْسَانْ الْيِفَتِّشْ الْمَالْ بِنَجَاضَةْ، هُو مِثِلْ طَيْرَايْ التَّسْرِقْ بَيْض الْآخَرِينْ وَ تِفَقَّعَهْ. وَ وَكِتْ هُو لِسَّاعْ بِقُدُرْتَهْ بَسْ، مَالَهْ دَا يِكَمِّلْ وَ فِي آخِرْ أَيَّامَهْ، يَبْقَى مَطْمُوسْ بِصَحِيحْ.»

إرْمِيا 27:15

وَ دَاهُو كَلَامْ اللّٰهْ: ‹أَنَا مَا رَسَّلْتُهُمْ لَيْكُو. وَ كَنْ يِتْنَبَّأَوْا بِأُسْمِي كُلَ، يَكْدُبُوا لَيْكُو بَسْ. كَنْ تَسْمَعَوْهُمْ، نَطْرُدْكُو وَ نِدَمِّرْكُو، إِنْتُو وَ الْأَنْبِيَاء الْيِتْنَبَّأَوْا لَيْكُو.›»

إرْمِيا 42:1

وَ بَعَدْ دَا، كُلَّ كُبَارَاتْ الرُّجَالْ الْمُسَلَّحِينْ وَ يُوحَنَانْ وِلَيْد قَارِحْ وَ يَزَنْيَا وِلَيْد هُشَاعْيَا وَ كُلَّ الشَّعَبْ مِنْ الضَّعِيفْ لَحَدِّي الْقَادِرْ جَوْا

إرْمِيا 23:10

أَشَانْ الْبَلَدْ مَلَانَةْ بِنَاسْ الْيِسَوُّوا الزِّنَى. وَ الْبَلَدْ بِقَتْ جَفَافْ بِسَبَبْ اللَّعَنَةْ وَ بَكَانَاتْ السَّرْحَةْ يِبْسَوْا. وَ نِيِّتْهُمْ إِلَّا يِسَوُّوا الْفَسَالَةْ وَ عِنْدُهُمْ الْقُدْرَةْ لِيِسَوُّوا الظُّلُمْ بَسْ.»