إرْمِيا 6:11 - الكتاب المقدس بالعربي الدارجي هنا تشاد

¹¹ وَ هَسَّعْ، أَنَا أَنْمَلَيْت بِغَضَبْ اللّٰهْ وَ عِيِيتْ مَا نَقْدَرْ نَحْمَلَهْ.» وَ اللّٰهْ قَالْ: «خَلِّي غَضَبِي يَنْزِلْ فِي الْعِيَالْ الْفِي الشَّوَارِعْ وَ فِي كُلَّ مَجْمُوعَةْ الشَّبَابْ. وَ الرُّجَالْ وَ الْعَوِينْ يِنْكَرْبُوا وَ النَّاسْ الْكُبَارْ وَ الشِّيَّابْ كُلَ.

إرْمِيا 6:11 Referenca të Kryqëzuara

إرْمِيا 20:9

وَ كَنْ نُقُولْ فِي نَفْسِي مَا نِفَكِّرْ لِلّٰهْ وَ لَا نِحَجِّي بَتَّانْ بِكَلَامَهْ الْأَمَرَانِي بَيَّهْ، خَلَاصْ دَا يَبْقَى لَيِّ مِثِلْ نَارْ تَحْرِقْنِي فِي دَاخِلِي وَ مِثِلْ جَمُرْ فِي عُضَامِي. وَ دَا فَاتَانِي، مَا نَقْدَرْ نَحْمَلَهْ.

إرْمِيا 9:21

وَ قُولَنْ: «الْمَوْت يَطْلَعْ فِي شَبَابِيكْنَا وَ يَدْخُلْ فِي بُيُوتْنَا السَّمْحِينْ وَ يَكْتُلْ الْعِيَالْ فِي الشَّوَارِعْ وَ الصُّبْيَانْ فِي نَقَعَاتْ الْمَدِينَةْ.»

مِيخا 3:8

وَ لَاكِنْ أَنَا مَلَانْ بِقُدْرَةْ أَشَانْ رُوحْ اللّٰهْ نَزَلْ فَوْقِي. وَ عِنْدِي الْعَدَالَةْ وَ الْفَحَالِيَّةْ لِنِخَبِّرْ ذُرِّيَّةْ يَعْقُوبْ بِعِصْيَانْهُمْ وَ بَنِي إِسْرَائِيلْ بِذَنِبْهُمْ.

رُؤية 16:1

وَ فِي الْبَكَانْ دَا، سِمِعْت حِسّ شَدِيدْ مَرَقْ مِنْ لُبّ بَيْت الْعِبَادَةْ وَ هُو حَجَّى لِلسَّبْعَةْ مَلَائِكَةْ وَ قَالْ: «أَمْشُوا بِالسَّبْعَةْ كِيسَانْ هَنَا غَضَبْ اللّٰهْ وَ دَفُّقُوهُمْ فِي الْأَرْض.»

أعمال الرُسُل 18:5

وَ وَكِتْ سِيلَا وَ تِمُوتَاوُسْ جَوْا مِنْ بَلَدْ مَقِدُونِيَةْ، بُولُسْ خَلَّى خِدِمْتَهْ وَ قَمَّ يِبَلِّغْ الْبِشَارَةْ كُلَّ يَوْم. وَ يِحَجِّي لِلْيَهُودْ وَ يَشْهَدْ كَدَرْ عِيسَى بَسْ الْمَسِيحْ.

أعمال الرُسُل 17:16

وَ وَكِتْ بُولُسْ قَاعِدْ يَرْجَاهُمْ فِي مَدِينَةْ أَتِينَا، هُو شَافْ أَصْنَامْ فِي أَيِّ بَكَانْ. وَ دَا بِقِي لَيَّهْ قَاسِي بِلْحَيْن.

أعمال الرُسُل 4:20

وَ أَنِحْنَ مَا نَقْدَرَوْا نَقْعُدُوا سَاكِتْ. وَاجِبْ نِحَجُّوا بِالشَّيّءْ الشِّفْنَاهْ وَ بِالْكَلَامْ السِّمِعْنَاهْ.»

لُوقا 17:34

نُقُولْ لَيْكُو كَدَرْ فِي اللَّيْلَةْ دِيكْ، فِي نَاسَيْن فِي سَرِيرْ وَاحِدْ، الْوَاحِدْ يِنْرَفِعْ وَ الْآخَرْ مَا يِنْرَفِعْ.

حِزْقِيال 9:6

خَرُّبُوا وَ أَكْتُلُوا الشِّيَّابْ وَ الصُّبْيَانْ وَ الْبَنَاتْ وَ الْأَطْفَالْ وَ الْعَوِينْ. وَ لَاكِنْ مَا تِلَمُّسُوا أَيِّ نَادُمْ الْعِنْدَهْ عَلَامَةْ فِي جَبْهِتَهْ. وَ أَبْدَوْا مِنْ هِنِي، مِنْ بَيْتِي الْمُقَدَّسْ.» وَ خَلَاصْ، بَدَوْا بِالْكَتِلْ هَنَا الشُّيُوخْ الْقَاعِدِينْ قِدَّامْ بَيْت اللّٰهْ.

حِزْقِيال 3:14

وَ الرُّوحْ رَفَعَانِي فَوْق وَ وَدَّانِي وَ أَنَا مَشَيْت بِغَضَبْ شَدِيدْ فِي نَفْسِي. وَ قُدْرَةْ اللّٰهْ قَاعِدَةْ فَوْقِي بِشِدَّةْ.

إرْمِيا 18:21

«وَ لَاكِنْ هَسَّعْ دَا، نَزِّلْ الْجُوعْ فِي عِيَالْهُمْ وَ أَكْتُلْهُمْ بِالْسَّيْف. وَ خَلِّي عَوِينْهُمْ يِوَدِّرَنْ أَوْلَادْهِنْ وَ يَفْقُدَنْ رُجَالْهِنْ. وَ خَلِّي الرُّجَالْ يُمُوتُوا بِالْوَبَاءْ وَ صُبْيَانْهُمْ يُمُوتُوا بِالْسَّيْف فِي الْحَرِبْ.

إرْمِيا 7:20

وَ فِي شَانْ دَا، دَاهُو اللّٰهْ الرَّبّ قَالْ: «غَضَبِي الْمُحْرِقْ يَنْزِلْ فِي الْبَكَانْ دَا، فِي النَّاسْ وَ الْحَيْوَانَاتْ وَ شَدَرْ الْغَابَةْ وَ إِنْتَاجْ الْأَرْض. وَ نَارْ غَضَبِي أَبَداً مَا تُمُوتْ.»

إشَعْيا 40:30

الصُّبْيَانْ يَكْسَلَوْا وَ يَعْيَوْا، حَتَّى الشَّبَابْ يِتَّرْتَعَوْا وَ يَقَعَوْا.

إرْمِيا 15:6

إِنْتِ بَسْ أَبَيْتِينِي وَ أَنْطَيْتِينِي ضَهَرْكِ وَ فِي شَانْ دَا، أَنَا مَدَّيْت إِيدِي لِنَضْرُبْكِ. أَشَانْ أَنَا مَا نَقْدَرْ بَتَّانْ، صَبَرْت لَيْكِ كَتِيرْ. وَ دَا كَلَامْ اللّٰهْ.

إرْمِيا 15:17

أَنَا مَا قَعَدْت مَعَ النَّاسْ الْيَلْعَبَوْا وَ لَا فِرِحْت مَعَاهُمْ. وَ بِسَبَبْ إِيدَكْ كَانَتْ فَوْقِي، أَنَا قَعَدْت طَرَفْ أَشَانْ إِنْتَ مَلَيْتنِي بِحِزِنْ.

مَراثِي إرْمِيا 1:15

وَ الرَّبّ أَبَى كُلَّ رُجَالِي الْفُرَّاسْ الْقَاعِدِينْ مَعَايِ وَ جَابْ ضِدِّي دَيْش لِيَكْتُلْ شَبَابِي. وَ خَطَّ بَلَدْ يَهُوذَا الْمِثِلْ بِنَيَّةْ عُدْرِيَّةْ بَيْن الْمُرْحَاكَةْ وَ بِنْتَهَا لِيَرْحَكْهَا.

مَراثِي إرْمِيا 2:21

وَ فِي كُلَّ شَوَارِعْ الْمَدِينَةْ، مُدَفِّقِينْ عِيَالْ وَ شِيَّابْ. وَ الْمَدِينَةْ قَالَتْ: «بَنَاتِي وَ صُبْيَانِي كَتَلَوْهُمْ بِالْسَّيْف. فِي يَوْم زَعَلَكْ، إِنْتَ اللّٰهْ دَمَّرْت وَ بَلَا مَحَنَّةْ، إِنْتَ كَتَلْت.

حِزْقِيال 3:3

وَ قَالْ لَيِّ: «يَا إِبْن آدَمْ، أَمْلَا بَطْنَكْ وَ أَشْبِعْ نَفْسَكْ بِالْكِتَابْ الْمَلْفُوفْ الْأَنَا قَاعِدْ نَنْطِيهْ لَيْك دَا.» وَ أَنَا أَكَلْتَهْ وَ دَا بِقِي لَيِّ حَلُو فِي خَشْمِي مِثِلْ عَسَلْ.

حِزْقِيال 24:21

‹قُولْ لِبَنِي إِسْرَائِيلْ: دَاهُو اللّٰهْ الرَّبّ قَالْ: ”أَكِيدْ أَنَا مَا نَجْعَلْ بَيْتِي مُقَدَّسْ. وَ دَا بَسْ الْبَيْت التِّسْتَكْبَرَوْا بَيَّهْ الْبِقِي فَرَحْ قُلُوبْكُو وَ عَشَمْكُو فِي الْحَيَاةْ. وَ أَوْلَادْكُو وَ بَنَاتْكُو الْخَلَّيْتُوهُمْ وَرَاكُو فِي مَدِينَةْ الْقُدُسْ يُمُوتُوا فِي الْحَرِبْ.

إرْمِيا 5:9

هَلْ أَنَا مَا نِعَاقِبْ الْأَشْيَاءْ دَوْل؟ هَلْ مَا نِلْكَفَّى فِي الْأُمَّةْ الْمِثِلْ دِي؟ وَ دَا كَلَامْ اللّٰهْ.

إرْمِيا 9:20

يَا الْعَوِينْ النَّوَّاحَاتْ، أَسْمَعَنْ كَلَامْ اللّٰهْ وَ دِسَّنْ فِي قَلِبْكَنْ الْكَلَامْ الْمَرَقْ مِنَّهْ. وَ عَلِّمَنْ الْبَكِي لِبَنَاتْكَنْ وَ النُّوَاحْ لِرَفِيقَاتْكَنْ.