إرْمِيا 52:7 - الكتاب المقدس بالعربي الدارجي هنا تشاد

⁷ قَدَّوْا خُرْمَةْ فِي دُرْدُرْ الْمَدِينَةْ. وَ خَلَاصْ بِاللَّيْل، مَلِكْ مَمْلَكَةْ يَهُوذَا وَ كُلَّ عَسْكَرَهْ مَرَقَوْا وَ عَرَّدَوْا مِنْ الْمَدِينَةْ. هُمَّنْ مَرَقَوْا بِالدَّرِبْ الْقَاعِدْ أَمْبَيْنَاتْ الدَّرَادِرْ الْإِتْنَيْن هَنَا الدِّفَاعْ الْقَرِيبْ لِجِنَيْنَةْ الْمَلِكْ حَتَّى كَنْ الْبَابِلِيِّينْ مُحَوِّقِينْ الْمَدِينَةْ كُلَ. وَ الْمَلِكْ صِدْقِيَّا وَ عَسْكَرَهْ شَالَوْا الدَّرِبْ الْمَاشِي عَلَيْ وَادِي الْأُرْدُنْ.

إرْمِيا 52:7 Referenca të Kryqëzuara

إرْمِيا 51:32

وَ أَيِّ مَعَدّ، الْعَدُو سَدَّاهْ وَ تِبِنْ الرُّهُودْ تَشَّوْه وَ الرُّجَالْ الْمُحَارِبِينْ أَنْبَهَتَوْا.

2 مُلوك 25:4

قَدَّوْا خُرْمَةْ فِي دُرْدُرْ الْمَدِينَةْ. وَ خَلَاصْ بِاللَّيْل، مَلِكْ مَمْلَكَةْ يَهُوذَا وَ كُلَّ عَسْكَرَهْ مَرَقَوْا وَ عَرَّدَوْا. هُمَّنْ مَرَقَوْا بِالدَّرِبْ الْقَاعِدْ أَمْبَيْنَاتْ الدَّرَادِرْ الْإِتْنَيْن هَنَا الدِّفَاعْ الْقَرِيبْ لِجِنَيْنَةْ الْمَلِكْ حَتَّى كَانْ الْبَابِلِيِّينْ مُحَوِّقِينْ الْمَدِينَةْ كُلَ. وَ الْمَلِكْ صِدْقِيَّا شَالْ الدَّرِبْ الْمَاشِي عَلَيْ وَادِي الْأُرْدُنْ.

إرْمِيا 49:26

وَ فِي الْيَوْم دَا، صُبْيَانْهَا يِدَفُّقُوا فِي الشَّوَارِعْ وَ رُجَالْهَا الْمُحَارِبِينْ يُمُوتُوا. وَ دَا كَلَامْ اللّٰهْ الْقَادِرْ.

تَثْنِية 32:30

كِكَّيْف رَاجِلْ وَاحِدْ يَطْرُدْ أَلِفْ نَاسْ وَ رُجَالْ إِتْنَيْن يَطُرْدُوا عَشَرَةْ أَلِفْ كَنْ اللّٰهْ بَسْ مَا سَلَّمَاهُمْ وَ مَلْجَئْهُمْ مَا بَاعَاهُمْ؟

تَثْنِية 28:25

وَ اللّٰهْ يَطْرُدْكُو قِدَّامْ عُدْوَانْكُو وَ إِنْتُو تَمُرْقُوا ضِدُّهُمْ بِدَرِبْ وَاحِدْ وَ لَاكِنْ تَجْرُوا قِدَّامْهُمْ بِسَبْعَةْ دُرُوبْ. وَ اللّٰهْ يِسَوِّيكُو مَثَلْ مُخِيفْ لِكُلَّ مَمَالِكْ الْأَرْض.

لاوِيِّين 26:36

«وَ كَنْ لِلْيِفَضُّلُوا مِنْكُو فِي بَلَدْ عُدْوَانْكُو، أَنَا نَقْطَعْ عَشَمْهُمْ. وَ حَرَكَةْ هَنَا وَرْشَالَايْ الشَّايْلَيْهَا الرِّيحْ كُلَ تَطْرُدْهُمْ وَ هُمَّنْ يِعَرُّدُوا مِثِلْ الْمُعَرِّدْ مِنْ الْحَرِبْ وَ يَقَعَوْا كَنْ مَا يِطَارُدُوهُمْ كُلَ.

لاوِيِّين 26:17

وَ أَنَا نُقُمّ ضِدُّكُو وَ عُدْوَانْكُو يِنَّصُرُوا فَوْقكُو وَ الْيَكْرَهَوْكُو يَحْكُمُوا فَوْقكُو وَ تَجْرُوا كَنْ مَا يِطَارُدُوكُو كُلَ.

إرْمِيا 34:22

وَ لَاكِنْ دَاهُو أَنَا نَنْطِيهُمْ أَمُرْ وَ هُمَّنْ يِقَبُّلُوا ضِدّ الْمَدِينَةْ دِي يِحَارُبُوهَا وَ يِشِيلُوهَا وَ يُتُشُّوهَا بِنَارْ. وَ كُلَّ حِلَّالْ بَلَدْ يَهُوذَا يَبْقَوْا فَاضِيِينْ مِنْ سُكَّانْهُمْ.» وَ دَا كَلَامْ اللّٰهْ.

إرْمِيا 39:2

وَ فِي الْيَوْم التَّاسِعْ هَنَا الشَّهَرْ الرَّابِعْ فِي سَنِةْ 11 هَنَا حُكُمْ صِدْقِيَّا، قَدَّوْا خُرْمَةْ فِي دُرْدُرْ الْمَدِينَةْ.

حِزْقِيال 12:12

«الْمَلِكْ هَنَا مَدِينَةْ الْقُدُسْ يِشِيلْ خُمَامَهْ فِي كِتْفَهْ وَ يَمْرُقْ فِي الضَّلَامْ بِالْخُرْمَةْ الْيِقِدُّوهَا فِي الدُّرْدُرْ. وَ هُو يِغَطِّي وِجْهَهْ لِمَا يِشِيفْ الْبَلَدْ.

حِزْقِيال 33:21

وَ فِي الْيَوْم الْخَامِسْ هَنَا الشَّهَرْ الْعَاشِرْ فِي سَنِةْ 12 مِنْ وَدَّوْنَا فِي الْغُرْبَةْ، جَاءْ لَيِّ نَادُمْ وَاحِدْ مُعَرِّدْ مِنْ مَدِينَةْ الْقُدُسْ وَ قَالْ لَيِّ: «الْمَدِينَةْ شَالَوْهَا!»

عَمُوس 4:3

وَ أَيِّ وَاحِدَةْ تَمْرُقْ بِخُرْمَةْ الدُّرْدُرْ وَ يِوَدُّوهَا عَلَيْ جَبَلْ حَرْمُونْ.» وَ دَا كَلَامْ اللّٰهْ.

إرْمِيا 6:5

يَلَّا قُمُّوا، أَهْجُمُوهَا بِاللَّيْل وَ خَرُّبُوا بُيُوتْهَا الْقَوِيِّينْ!›»

حِزْقِيال 12:4

أَمْرُقْ خُمَامَكْ مِنْ بَيْتَكْ وَ دَا مِثِلْ خُمَامْ الْيِوَدُّوا بَيَّهْ فِي الْغُرْبَةْ. وَ سَوِّي الْمَثَلْ دَا بِالنَّهَارْ قِدَّامْهُمْ. وَكِتْ قَاعِدِينْ يِشِيفُوكْ، أَمْرُقْ بِمَغْرِبْ مِثِلْ تَمْشِي فِي الْغُرْبَةْ.