إرْمِيا 52:6 - الكتاب المقدس بالعربي الدارجي هنا تشاد

⁶ وَ الْجُوعْ بِقِي شَدِيدْ فِي الْمَدِينَةْ وَ النَّاسْ مَا عِنْدُهُمْ شَيّءْ يَاكُلُوهْ. وَ فِي الْيَوْم التَّاسِعْ هَنَا الشَّهَرْ الرَّابِعْ،

إرْمِيا 52:6 Referenca të Kryqëzuara

إرْمِيا 39:2

وَ فِي الْيَوْم التَّاسِعْ هَنَا الشَّهَرْ الرَّابِعْ فِي سَنِةْ 11 هَنَا حُكُمْ صِدْقِيَّا، قَدَّوْا خُرْمَةْ فِي دُرْدُرْ الْمَدِينَةْ.

إشَعْيا 3:1

دَاهُو اللّٰهْ الرَّبّ الْقَادِرْ يَقْطَعْ كُلَّ الْمَسَاعَدَاتْ مِنْ بَلَدْ يَهُوذَا وَ مَدِينَةْ الْقُدُسْ، كُلَّ الْمَسَاعَدَاتْ وَ الْمَوَارِدْ هَنَا الْأَكِلْ وَ الشَّرَابْ.

إرْمِيا 38:9

«يَا سِيدِي الْمَلِكْ! النَّاسْ دَوْل سَوَّوْا الْفَسِلْ لِلنَّبِي إِرْمِيَا وَكِتْ زَقَلَوْه فِي النُّقْرَةْ. وَ فِي النُّقْرَةْ دِي أَكُونْ هُو يُمُوتْ بِالْجُوعْ أَشَانْ هَسَّعْ فِي الْمَدِينَةْ دِي كُلَ، مَا فِي خُبْزَةْ.»

2 مُلوك 25:3

وَ الْجُوعْ بِقِي شَدِيدْ فِي الْمَدِينَةْ وَ النَّاسْ مَا عِنْدُهُمْ شَيّءْ يَاكُلُوهْ. وَ فِي الْيَوْم التَّاسِعْ هَنَا الشَّهَرْ الرَّابِعْ،

زَكَرِيَّا 8:19

«دَاهُو اللّٰهْ الْقَادِرْ قَالْ: ‹أَيَّامْ الصِّيَامْ هَنَا الشَّهَرْ الرَّابِعْ وَ الشَّهَرْ الْخَامِسْ وَ الشَّهَرْ السَّابِعْ وَ الشَّهَرْ الْعَاشِرْ يَبْقَوْا لِبَنِي يَهُوذَا أَيَّامْ عِيدْ الْيِعَيُّدُوهُمْ بِسُرُورْ وَ فَرْحَةْ. وَ لَاكِنْ حِبُّوا الْحَقّ وَ السَّلَامْ.›»

حِزْقِيال 14:21

وَ دَاهُو اللّٰهْ الرَّبّ قَالْ: «حَتَّى كَانْ رَسَّلْت ضِدّ مَدِينَةْ الْقُدُسْ عِقَابِي الْأَرْبَعَةْ الشَّدِيدْ، وَ هُمَّنْ الْحَرِبْ وَ الْجُوعْ وَ الْحَيْوَانَاتْ الْفَسْلِينْ وَ الْوَبَاءْ لِيَكْتُلُوا النَّاسْ وَ الْبَهَايِمْ،

حِزْقِيال 7:15

«بَرَّا فِي الْكَدَادَةْ، حَرِبْ! وَ دَاخَلْ فِي الْمَدِينَةْ، وَبَاءْ وَ جُوعْ! أَيِّ نَادُمْ الْفِي الْكَدَادَةْ يُمُوتْ بِالْحَرِبْ وَ أَيِّ نَادُمْ الْفِي الْمَدِينَةْ يُمُوتْ بِالْوَبَاءْ وَ الْجُوعْ.

مَراثِي إرْمِيا 5:10

وَ مِنْ شِدَّةْ الْجُوعْ، وِرِدْنَا. جِلِدْنَا بِقِي حَامِي مِثِلْ الْفُرُنْ.

إرْمِيا 25:10

وَ أَنَا نِوَقِّفْ كُلَّ الزَّغْرَاطْ وَ الرَّقْرَاقْ وَ غِنَيْ الْعَرُوسْ وَ حِسّ الْمُرْحَاكَةْ وَ ضَيّ الْفَانُوسْ.

إرْمِيا 21:9

وَ دَاهُو الْخِيَارْ. النَّادُمْ الْيَقْعُدْ فِي الْمَدِينَةْ دِي يُمُوتْ بِالْحَرِبْ أَوْ بِالْجُوعْ أَوْ بِالْوَبَاءْ. وَ لَاكِنْ الْيَمْرُقْ مِنْهَا وَ يِسَلِّمْ نَفْسَهْ لِعَسْكَرْ بَابِلْ الْمُحَاصِرِينْكُو، هُو دَا يِعِيشْ وَ يَبْقَى فَرْحَانْ أَشَانْ هُو لِقِي الْحَيَاةْ.

إرْمِيا 19:9

وَ أَنَا نِنَزِّلْ لَيْهُمْ جُوعْ شَدِيدْ لَحَدِّي يَاكُلُوا أَوْلَادْهُمْ وَ بَنَاتْهُمْ وَ أَيِّ وَاحِدْ يَاكُلْ أَخُوهْ تِحِتْ الْحِصَارْ وَ الضِّيقَةْ. وَ عُدْوَانْهُمْ الْيِدَوْرُوا مَوْتهُمْ يِضَايُقُوهُمْ.

إرْمِيا 15:2

وَ أَكُونْ يَسْأَلَوْك وَ يُقُولُوا: ‹يَا إِرْمِيَا، نَمْشُوا وَيْن؟› وَ خَلَاصْ، إِنْتَ رُدّ لَيْهُمْ وَ قُولْ: ‹دَاهُو اللّٰهْ قَالْ: ”الْوَاجِبْ لَيَّهْ الْمَوْت، يِوَدُّوهْ لِلْمَوْت. وَ الْوَاجِبْ لَيَّهْ السَّيْف، يَضُرْبُوهْ بِالْسَّيْف. وَ الْوَاجِبْ لَيَّهْ الْجُوعْ، يِنَزُّلُوا فَوْقَهْ الْجُوعْ. وَ الْوَاجِبْ لَيَّهْ الْعُبُودِيَّةْ، يِسَوُّوهْ عَبِدْ.“›»

تَثْنِية 32:24

وَ جُوعْ يِبَطِّلْهُمْ وَ وِرْدَةْ وَ وَبَاءْ شَدِيدْ يَقَعَوْا فَوْقهُمْ وَ نِرَسِّلْ ضِدُّهُمْ حَيْوَانَاتْ فَسْلِينْ وَ دَبِيبْ الْعِنْدَهْ سَمّ الْيَكْتُلْ.

لاوِيِّين 26:26

وَ أَنَا نِوَقِّفْ مِنْكُو الْمَعَاشْ وَ عَشَرَةْ عَوِينْ يِسَوَّنْ لَيْكُو أَكِلْ فِي فُرُنْ وَاحِدْ. هِنَّ يِجِيبَنَّهْ لَيْكُو شِيَّةْ. إِنْتُو تَاكُلُوا وَ مَا تَشْبَعَوْا.

إرْمِيا 37:21

وَ خَلَاصْ، الْمَلِكْ صِدْقِيَّا أَنْطَى أَمُرْ يُخُطُّوا إِرْمِيَا فِي فَضَايَةْ الْحُرَّاسْ وَ كُلَّ يَوْم يِجِيبُوا لَيَّهْ خُبْزَةْ مِنْ شَارِعْ الْخَبَّازِينْ لَحَدِّي كُلَّ الْخُبْزَةْ هِنْت الْمَدِينَةْ تِكَمِّلْ. وَ بِمِثِلْ دَا، إِرْمِيَا قَعَدْ فِي فَضَايَةْ الْحُرَّاسْ.

مَراثِي إرْمِيا 1:11

وَ كُلَّ شَعَبْهَا قَاعِدِينْ يَقُنْتُوا وَكِتْ يِفَتُّشُوا الْأَكِلْ. وَ يِبَدُّلُوا كُلَّ زِينَةْ بُيُوتْهُمْ الْيَفْرَحَوْا بَيْهَا بِأَكِلْ أَشَانْ يِعِيشُوا. وَ صَهْيُون قَالَتْ: «يَا اللّٰهْ! أَسْمَعْ وَ شِيفْ كِكَّيْف أَنَا مَحْقُورَةْ.

حِزْقِيال 5:16

«وَ نِزَرِّقْ ضِدِّكِ نَشَاشِيبْ الْجُوعْ الْفَسِلْ لِيِدَمُّرُوكِ وَ نِزِيدْ فَوْقكِ الْجُوعْ وَ نِقَلِّلْ مَعَاشْكِ.

حِزْقِيال 14:13

«يَا إِبْن آدَمْ، أَكُونْ بَلَدْ وَاحِدَةْ تِسَوِّي ذَنِبْ هَنَا خِيَانَةْ ضِدِّي وَ أَنَا نِمِدّ إِيدِي لِنَضْرُبْهَا وَ نِقَلِّلْ الْمَعَاشْ وَ نِرَسِّلْ لَيْهَا الْجُوعْ لِنَكْتُلْ النَّاسْ وَ الْبَهَايِمْ.

حِزْقِيال 31:1

وَ فِي الْيَوْم الْأَوَّلْ هَنَا الشَّهَرْ التَّالِتْ فِي سَنِةْ 11 مِنْ وَدَّوْنَا فِي الْغُرْبَةْ، اللّٰهْ حَجَّى لَيِّ وَ قَالْ: