إرْمِيا 52:4 - الكتاب المقدس بالعربي الدارجي هنا تشاد

⁴ وَ فِي شَانْ دَا، فِي الْيَوْم الْعَاشِرْ هَنَا الشَّهَرْ الْعَاشِرْ فِي السَّنَةْ التَّاسْعَةْ هَنَا حُكُمْ صِدْقِيَّا، نَبُوخَدْنَصَرْ مَلِكْ بَابِلْ جَاءْ بِكُلَّ عَسْكَرَهْ لِمَدِينَةْ الْقُدُسْ. وَ هُمَّنْ نَزَلَوْا وَ حَوَّقَوْهَا بِرَدْمِيَّةْ.

إرْمِيا 52:4 Referenca të Kryqëzuara

إرْمِيا 39:1

وَ فِي الشَّهَرْ الْعَاشِرْ فِي السَّنَةْ التَّاسْعَةْ هَنَا حُكُمْ صِدْقِيَّا مَلِكْ يَهُوذَا، نَبُوخَدْنَصَرْ مَلِكْ بَابِلْ جَاءْ بِكُلَّ عَسْكَرَهْ لِمَدِينَةْ الْقُدُسْ وَ حَاصَرْهَا.

زَكَرِيَّا 8:19

«دَاهُو اللّٰهْ الْقَادِرْ قَالْ: ‹أَيَّامْ الصِّيَامْ هَنَا الشَّهَرْ الرَّابِعْ وَ الشَّهَرْ الْخَامِسْ وَ الشَّهَرْ السَّابِعْ وَ الشَّهَرْ الْعَاشِرْ يَبْقَوْا لِبَنِي يَهُوذَا أَيَّامْ عِيدْ الْيِعَيُّدُوهُمْ بِسُرُورْ وَ فَرْحَةْ. وَ لَاكِنْ حِبُّوا الْحَقّ وَ السَّلَامْ.›»

إرْمِيا 52:7

قَدَّوْا خُرْمَةْ فِي دُرْدُرْ الْمَدِينَةْ. وَ خَلَاصْ بِاللَّيْل، مَلِكْ مَمْلَكَةْ يَهُوذَا وَ كُلَّ عَسْكَرَهْ مَرَقَوْا وَ عَرَّدَوْا مِنْ الْمَدِينَةْ. هُمَّنْ مَرَقَوْا بِالدَّرِبْ الْقَاعِدْ أَمْبَيْنَاتْ الدَّرَادِرْ الْإِتْنَيْن هَنَا الدِّفَاعْ الْقَرِيبْ لِجِنَيْنَةْ الْمَلِكْ حَتَّى كَنْ الْبَابِلِيِّينْ مُحَوِّقِينْ الْمَدِينَةْ كُلَ. وَ الْمَلِكْ صِدْقِيَّا وَ عَسْكَرَهْ شَالَوْا الدَّرِبْ الْمَاشِي عَلَيْ وَادِي الْأُرْدُنْ.

إرْمِيا 32:24

وَ هَسَّعْ، عَسْكَرْ بَابِلْ سَوَّوْا رَدْمِيَّةْ الْيِحَاصُرُوا بَيْهَا الْمَدِينَةْ وَ يِشِيلُوهَا. هُمَّنْ يِحَارُبُوهَا أَشَانْ الْحَرِبْ وَ الْجُوعْ وَ الْوَبَاءْ الْإِنْتَ قَرَّرْتُهُمْ جَوْا فَوْقهَا خَلَاصْ. وَ إِنْتَ قَاعِدْ تِشِيفْ الشَّيّءْ دَا.

لُوقا 21:20

«وَ يَوْم وَاحِدْ، عَسْكَرْ كَتِيرِينْ يَجُوا يِحَوُّقُوا مَدِينَةْ الْقُدُسْ. وَ وَكِتْ تِشِيفُوهُمْ، تَعَرْفُوا كَدَرْ خَرَابْهَا قَرِيبْ.

لُوقا 19:43

وَكِتْ وَاحِدْ يَجِي لَيْكِ وَ عَسْكَرْ عَدُوكِ يَجُوا وَ يَنْكُتُوا خَنَادِقْهُمْ وَ يِحَوُّقُوكِ وَ يِسِدُّوا كُلَّ دُرُوبْكِ.

حِزْقِيال 21:22

وَ فِي إِيدَهْ الزَّيْنَةْ، فِي عُودْ الْيِوَصِّفْ كَدَرْ أَمْ عِيَيْدَاتْ وَقَعَتْ فِي مَدِينَةْ الْقُدُسْ. وَ فِي شَانْ دَا، يِجِيبُوا مُرْدَاسْ كَبِيرْ وَ يِكَوْرُكُوا لِلْكَتِلْ وَ يَرْفَعَوْا حِسُّهُمْ لِلْحَرْبَةْ. وَ يُدُقُّوا بِيبَانْ الْمَدِينَةْ بِالْمُرْدَاسْ الْكَبِيرْ دَا وَ يِلِمُّوا تُرَابْ وَ يَبْنُوا رَدْمِيَّةْ.

إشَعْيا 29:3

يَا مَدِينَةْ الْقُدُسْ، نَجِي بِعَسْكَرِي وَ نِحَوِّقْكِ وَ نُقُمّ ضِدِّكِ وَ نِحَاصِرْكِ وَ نَبْنِي خَنَادِقْ وَرَاءْ دُرْدُرْكِ.

لاوِيِّين 26:25

وَ أَنَا نِجِيبْ لَيْكُو الْحَرِبْ بِسَبَبْ إِنْتُو نَقَضْتُوا مُعَاهَدَتِي وَ إِنْتُو تِلِمُّوا فِي مُدُنْكُو. وَ أَنَا نِرَسِّلْ لَيْكُو وَبَاءْ وَ نِسَلِّمْكُو لِعُدْوَانْكُو.

إرْمِيا 34:1

وَ نَبُوخَدْنَصَرْ مَلِكْ بَابِلْ قَمَّ لِيِحَارِبْ مَدِينَةْ الْقُدُسْ وَ كُلَّ الْحِلَّالْ التَّابْعِينْ لَيْهَا. وَ هُو جَاءْ بِكُلَّ عَسْكَرَهْ وَ عَسْكَرْ مَمَالِكْ الْأَرْض وَ دَوْل كُلَّ الشُّعُوبْ الْهُو يَحْكِمْ فَوْقهُمْ. وَ فِي الْوَكِتْ دَاكْ، اللّٰهْ حَجَّى لِإِرْمِيَا.

حِزْقِيال 26:8

هُو يَكْتُلْ بِالْسَّيْف سُكَّانْ حِلَّالْ الْبَرَّا مِنْ الْبَحَرْ التَّابْعِينْ لَيْكِ. وَ بَعَدْ دَا، يِحَوُّقُوكِ بِخَنَادِقْ وَ رَدْمِيَّةْ وَ دَيْش كَبِيرْ بِدَرَقْهُمْ.

حِزْقِيال 33:21

وَ فِي الْيَوْم الْخَامِسْ هَنَا الشَّهَرْ الْعَاشِرْ فِي سَنِةْ 12 مِنْ وَدَّوْنَا فِي الْغُرْبَةْ، جَاءْ لَيِّ نَادُمْ وَاحِدْ مُعَرِّدْ مِنْ مَدِينَةْ الْقُدُسْ وَ قَالْ لَيِّ: «الْمَدِينَةْ شَالَوْهَا!»

حِزْقِيال 40:1

فِي الْيَوْم الْعَاشِرْ فِي الشَّهَرْ هَنَا بِدَايَةْ السَّنَةْ فِي سَنِةْ 25 مِنْ وَدَّوْنَا فِي الْغُرْبَةْ وَ دَا 14 سَنَةْ بَعَدْ وَقِعِينْ هَنَا مَدِينَةْ الْقُدُسْ فِي نَفْس الْيَوْم دَا بَسْ فِي رُؤْيَةْ، قُدْرَةْ اللّٰهْ نَزَلَتْ فَوْقِي وَ وَدَّتْنِي فِي الْمَدِينَةْ دِي.

إرْمِيا 4:17

وَ مِثِلْ حُرَّاسْ الزَّرَعْ، هُمَّنْ حَوَّقَوْا مَدِينَةْ الْقُدُسْ مِنْ كُلِّ جِيهَةْ أَشَانْ هِي عِصَتْنِي أَنَا.› وَ دَا كَلَامْ اللّٰهْ.

إرْمِيا 21:2

«مِنْ فَضْلَكْ، أَسْأَلْ اللّٰهْ فِي شَانَّا أَشَانْ نَبُوخَدْنَصَرْ مَلِكْ بَابِلْ قَمَّ يِحَارِبْنَا. وَ أَكُونْ اللّٰهْ يِرَسِّلْ لَيْنَا وَاحِدْ مِنْ عَجَايْبَهْ وَ يِبَعِّدْ مِنِّنَا الْمَلِكْ دَا.»

حِزْقِيال 21:27

خَرَابْ، خَرَابْ! نِسَوِّي خَرَابْ الْأَبَداً مَا بِقِي مِثْلَهْ! وَ دَا، لَحَدِّي يَجِي سِيدْ الشَّرِيعَةْ الْأَنَا نَنْطِيهَا لَيَّهْ.›