إرْمِيا 52:3 - الكتاب المقدس بالعربي الدارجي هنا تشاد

³ وَ الْفَسَالَةْ الْهُمَّنْ سَوَّوْهَا فِي مَدِينَةْ الْقُدُسْ وَ فِي بَلَدْ يَهُوذَا جَابَتْ غَضَبْ اللّٰهْ. وَ فِي شَانْ دَا، اللّٰهْ طَرَدَاهُمْ بَعِيدْ مِنَّهْ. وَ صِدْقِيَّا أَتْمَرَّدْ ضِدّ مَلِكْ بَابِلْ.

إرْمِيا 52:3 Referenca të Kryqëzuara

إشَعْيا 3:1

دَاهُو اللّٰهْ الرَّبّ الْقَادِرْ يَقْطَعْ كُلَّ الْمَسَاعَدَاتْ مِنْ بَلَدْ يَهُوذَا وَ مَدِينَةْ الْقُدُسْ، كُلَّ الْمَسَاعَدَاتْ وَ الْمَوَارِدْ هَنَا الْأَكِلْ وَ الشَّرَابْ.

2 أخبار 36:13

وَ الْمَلِكْ نَبُوخَدْنَصَرْ حَلَّفَهْ بِسَمَاءْ وَ بَيْدَا كُلَ، صِدْقِيَّا قَمَّ أَتْمَرَّدْ ضِدَّهْ. وَ قَوَّى رَاسَهْ وَ أَبَى مَا يَسْمَعْ وَ لَا يِقَبِّلْ لِلّٰهْ إِلٰـهْ بَنِي إِسْرَائِيلْ.

إشَعْيا 19:4

وَ نِسَلِّمْ الْمَصْرِيِّينْ فِي إِيدْ سِيدْ قَوِي وَ هُو مَلِكْ جَايِرْ يَحْكِمْ فَوْقهُمْ. وَ دَا كَلَامْ اللّٰهْ الرَّبّ الْقَادِرْ.

جامِعة 10:16

الْعَذَابْ لِلْبَلَدْ الْمَلِكْهَا صَبِي وَ كُبَارَاتْهَا يَاكُلُوا طُولْ الْيَوْم!

أمْثال 28:2

الْعِصْيَانْ كَنْ كِتِرْ فِي الْبَلَدْ، حُكَّامْهَا يَبْقَوْا كَتِيرِينْ وَ السَّلَامْ مَا يَجِي إِلَّا بِرَاجِلْ فَاهِمْ وَ حَكِيمْ.

1 مُلوك 10:9

بَارَكْ اللّٰهْ إِلٰـهَكْ الرِّضِي بَيْك وَ خَطَّاكْ فِي كُرْسِي الْمُلُكْ لِتَمْلُكْ فِي بَنِي إِسْرَائِيلْ أَشَانْ اللّٰهْ قَاعِدْ يِحِبّ بَنِي إِسْرَائِيلْ إِلَى الْأَبَدْ. وَ فِي شَانْ دَا بَسْ، هُو خَطَّاكْ مَلِكْ فَوْقهُمْ لِتَحْكِمْ بِالْحَقّ وَ الْعَدَالَةْ.»

2 صَمُوِيل 24:1

وَ يَوْم وَاحِدْ، اللّٰهْ غِضِبْ بَتَّانْ لِبَنِي إِسْرَائِيلْ وَ لَزَّ دَاوُدْ يِسَوِّي شَيّءْ الْمَا بِوَافِقْ وَ قَالْ لَيَّهْ: «قُمّ أَحْسِبْ بَنِي إِسْرَائِيلْ وَ بَنِي يَهُوذَا.»

تكوين 4:14

وَ دَاهُو إِنْتَ طَرَدْتِنِي بَعِيدْ مِنْ التُّرَابْ دَا. وَ أَنَا نُكُونْ بَعِيدْ مِنْ وِجْهَكْ. وَ نَبْقَى لَايِجْ وَ مَطْرُودْ فِي كُلَّ الْأَرْض. وَ أَيِّ نَادُمْ اللِّقَانِي يَكْتُلْنِي.»

تكوين 4:16

وَ خَلَاصْ، قَابِيلْ مَشَى بَعِيدْ مِنْ اللّٰهْ وَ سَكَنْ فِي بَلَدْ أُسُمْهَا نُودْ، صَبَاحْ مِنْ جِنَيْنَةْ عَدِنْ.

2 مُلوك 24:20

وَ الْفَسَالَةْ الْهُمَّنْ سَوَّوْهَا فِي مَدِينَةْ الْقُدُسْ وَ فِي بَلَدْ يَهُوذَا جَابَتْ غَضَبْ اللّٰهْ. وَ فِي شَانْ دَا، اللّٰهْ طَرَدَاهُمْ بَعِيدْ مِنَّهْ. وَ صِدْقِيَّا أَتْمَرَّدْ ضِدّ مَلِكْ بَابِلْ.

إرْمِيا 7:15

يَا بَنِي يَهُوذَا، أَنَا نَطْرُدْكُو بَعِيدْ مِنِّي مِثِلْ طَرَدْت أَخْوَانْكُو مِنْ بَنِي إِسْرَائِيلْ.›»

إرْمِيا 15:1

وَ اللّٰهْ قَالْ لَيِّ: «كَنْ الْيَوْم مُوسَى وَ صَمُوِيلْ يَجُوا يَشْحَدَوْنِي كُلَ، الشَّعَبْ دَوْل أَنَا مَا نَرْحَمْهُمْ. يَلَّا أَطْرُدْهُمْ مِنْ قِدَّامِي وَ خَلِّي يَمْشُوا!

2 مُلوك 17:18

وَ اللّٰهْ غِضِبْ غَضَبْ شَدِيدْ ضِدّ بَنِي إِسْرَائِيلْ وَ بَعَّدَاهُمْ مِنَّهْ وَ إِلَّا قَبِيلَةْ يَهُوذَا بَسْ فَضَّلَتْ.

2 مُلوك 17:20

وَ بِسَبَبْ دَا، اللّٰهْ أَبَاهُمْ لِكُلَّ ذُرِّيَّةْ بَنِي إِسْرَائِيلْ وَ عَيَّبَاهُمْ وَ سَلَّمَاهُمْ فِي إِيدْ النَّهَّابِينْ وَ فِي الأَخِيرْ، بَعَّدَاهُمْ مِنَّهْ.

2 مُلوك 17:23

لَحَدِّي اللّٰهْ طَرَدَاهُمْ بَعِيدْ مِنَّهْ حَسَبْ الْكَلَامْ الْهُو قَالَهْ بِوَاسِطَةْ عَبِيدَهْ الْأَنْبِيَاء. وَ بَيْدَا نَاسْ مَمْلَكَةْ إِسْرَائِيلْ، كَرَبَوْهُمْ وَ وَدَّوْهُمْ فِي الْغُرْبَةْ فِي بَلَدْ أَشُورْ بَعِيدْ مِنْ بَلَدْهُمْ وَ قَاعِدِينْ هِنَاكْ لَحَدِّي الْيَوْم.

عَزْرا 4:15

أَشَانْ تِفَتِّشْ كُتُبْ الْمُلُوكْ الْقُبَّالَكْ. وَ فِي الْكُتُبْ دَوْل، تَلْقَى وَ تَعَرِفْ كَدَرْ الْمَدِينَةْ دِي مُعَارِضَةْ وَ عِنْدَهَا ضَرَرْ لِلْمَلِكْ وَ لِمَنَاطْقَهْ وَ مِنْ زَمَانْ كُلَ سُكَّانْهَا مُعَارِضِينْ بَسْ. وَ أَشَانْ دَا بَسْ، مَدِينِتْهُمْ أَلْهَدَّمَتْ.

إشَعْيا 36:5

إِنْتَ تَحْسِبْ الْكَلَامْ الْبَاطِلْ يَنْطِي رَايْ وَ قُدْرَةْ فِي الْحَرِبْ وَلَّا؟ وَ هَسَّعْ دَا، عَلَيْ يَاتُو إِنْتَ أَتْوَكَّلْت لِتِتْمَرَّدْ ضِدِّي؟