إرْمِيا 52:12 - الكتاب المقدس بالعربي الدارجي هنا تشاد

¹² وَ فِي الْيَوْم الْعَاشِرْ هَنَا الشَّهَرْ الْخَامِسْ فِي سَنِةْ 19 هَنَا حُكُمْ نَبُوخَدْنَصَرْ مَلِكْ بَابِلْ، نَبُوزَرَدَانْ كَبِيرْ الْحُرَّاسْ الْيَخْدِمْ لِمَلِكْ بَابِلْ دَخَلْ فِي مَدِينَةْ الْقُدُسْ.

إرْمِيا 52:12 Referenca të Kryqëzuara

2 مُلوك 25:8

وَ فِي الْيَوْم السَّابِعْ هَنَا الشَّهَرْ الْخَامِسْ فِي سَنِةْ 19 هَنَا حُكُمْ نَبُوخَدْنَصَرْ مَلِكْ بَابِلْ، نَبُوزَرَدَانْ كَبِيرْ الْحُرَّاسْ وَ مَسْؤُولْ لِمَلِكْ بَابِلْ دَخَلْ فِي مَدِينَةْ الْقُدُسْ.

زَكَرِيَّا 8:19

«دَاهُو اللّٰهْ الْقَادِرْ قَالْ: ‹أَيَّامْ الصِّيَامْ هَنَا الشَّهَرْ الرَّابِعْ وَ الشَّهَرْ الْخَامِسْ وَ الشَّهَرْ السَّابِعْ وَ الشَّهَرْ الْعَاشِرْ يَبْقَوْا لِبَنِي يَهُوذَا أَيَّامْ عِيدْ الْيِعَيُّدُوهُمْ بِسُرُورْ وَ فَرْحَةْ. وَ لَاكِنْ حِبُّوا الْحَقّ وَ السَّلَامْ.›»

إرْمِيا 52:29

وَ فِي سَنِةْ 18 هَنَا حُكْمَهْ، نَبُوخَدْنَصَرْ وَدَّى مِنْ مَدِينَةْ الْقُدُسْ 832 نَاسْ.

إرْمِيا 39:9

وَ الشَّعَبْ الْفَضَّلَوْا فِي الْمَدِينَةْ وَ النَّاسْ الْأَنْضَمَّوْا لِمَلِكْ بَابِلْ وَ النَّاسْ الْآخَرِينْ دَا، نَبُوزَرَدَانْ كَبِيرْ الْحُرَّاسْ هَنَا الْمَلِكْ كَرَبَاهُمْ وَ وَدَّاهُمْ فِي الْغُرْبَةْ فِي بَابِلْ.

2 مُلوك 24:12

وَ خَلَاصْ، يُيَكِينْ مَلِكْ مَمْلَكَةْ يَهُوذَا مَرَقْ ضِدّ مَلِكْ بَابِلْ وَ شَالْ مَعَ أَمَّهْ وَ مَسَائِيلَهْ وَ كُبَارَاتَهْ وَ خَدَّامِينَهْ. وَ مَلِكْ بَابِلْ كَرَبَهْ وَ وَدَّاهْ مَسْجُونْ وَ دَا فِي السَّنَةْ التَّامْنَةْ هَنَا حُكْمَهْ.

إرْمِيا 52:14

وَ كُلَّ عَسْكَرْ بَابِلْ الْمَشَوْا مَعَ كَبِيرْ الْحُرَّاسْ كَسَّرَوْا الدُّرْدُرْ الْمُحَوِّقْ مَدِينَةْ الْقُدُسْ.

تكوين 37:36

وَ التُّجَّارْ وَدَّوْا يُوسُفْ فِي مَصِرْ وَ بَاعَوْه لِفُوطِفَارْ. وَ فُوطِفَارْ دَا، هُو كَبِيرْ حُرَّاسْ الْمَلِكْ.

عَزْرا 5:12

وَ لَاكِنْ جُدُودْنَا سَوَّوْا ذُنُوبْ قِدَّامْ رَبّ السَّمَاوَاتْ وَ هُو غِضِبْ لَيْهُمْ وَ سَلَّمَاهُمْ فِي إِيدْ نَبُوخَدْنَصَرْ الْكَلْدَانِي مَلِكْ بَلَدْ بَابِلْ. وَ هُو هَدَّمْ بَيْت اللّٰهْ وَ لِلشَّعَبْ كَمَانْ وَدَّاهُمْ فِي الْغُرْبَةْ فِي بَلَدْ بَابِلْ.

نَحَمْيا 2:3

وَ قُلْت لِلْمَلِكْ: «اللّٰهْ يِطَوِّلْ عُمْرَكْ إِلَى الْأَبَدْ! يَا الْمَلِكْ، الْمَدِينَةْ الْقُبُورْ جُدُودِي قَاعِدِينْ فَوْقهَا خِرْبَتْ وَ بِيبَانْهَا كُلَ تَشَّوْهُمْ. أَشَانْ دَا بَسْ، أَنَا حَزْنَانْ.»

زَبُور 79:1

يَا رَبّ! الْأُمَمْ هَجَمَوْا أَرْض وَرَثَتَكْ وَ نَجَّسَوْا بَيْتَكْ الْمُقَدَّسْ وَ سَوَّوْا مَدِينَةْ الْقُدُسْ كَوْم هَنَا تُرَابْ.

دَنْيال 1:1

وَ فِي السَّنَةْ التَّالْتَةْ هَنَا حُكُمْ يَهُويَقِمْ مَلِكْ مَمْلَكَةْ يَهُوذَا، خَلَاصْ جَاءْ نَبُوخَدْنَصَرْ مَلِكْ بَابِلْ وَ حَاصَرْ مَدِينَةْ الْقُدُسْ.

إرْمِيا 1:3

وَ قَاعِدْ يِحَجِّي لَيَّهْ كُلَ فِي أَيَّامْ حُكُمْ يَهُويَقِمْ وِلَيْد يُوشِيَّا مَلِكْ مَمْلَكَةْ يَهُوذَا. وَ حَجَّى لَيَّهْ لَحَدِّي الشَّهَرْ الْخَامِسْ هَنَا سَنِةْ 11 هَنَا حُكُمْ صِدْقِيَّا وِلَيْد يُوشِيَّا مَلِكْ مَمْلَكَةْ يَهُوذَا. وَ دَا الْوَكِتْ الْوَدَّوْا فَوْقَهْ سُكَّانْ مَدِينَةْ الْقُدُسْ فِي الْغُرْبَةْ.

إرْمِيا 32:29

وَ الْبَابِلِيِّينْ الْيِحَاصُرُوا الْمَدِينَةْ دِي يَدْخُلُوا فَوْقهَا وَ يُتُشُّوهَا. وَ يُتُشُّوا الْبُيُوتْ الْفِي رَاسْهُمْ حَرَّقَوْا بَخُورْ لِإِلٰـهْ بَعَلْ وَ قَدَّمَوْا هَدَايَا شَرَابْ لِإِلٰـهَاتْ آخَرِينْ وَ دَا غَضَّبَوْنِي أَنَا.

إرْمِيا 39:11

وَ نَبُوخَدْنَصَرْ مَلِكْ بَابِلْ أَنْطَى أَمُرْ لِنَبُوزَرَدَانْ كَبِيرْ حُرَّاسَهْ فِي شَانْ إِرْمِيَا وَ قَالْ:

دَنْيال 2:14

وَ وَكِتْ أَرْيُوكْ كَبِيرْ حُرَّاسْ الْمَلِكْ جَاءْ أَشَانْ يَكْتُلْ كُلَّ الْمُسْتَشَارِينْ هَنَا بَابِلْ، دَنْيَالْ كَلَّمْ لَيَّهْ بِحِكْمَةْ وَ أَدَبْ.