إرْمِيا 52:11 - الكتاب المقدس بالعربي الدارجي هنا تشاد

¹¹ وَ بَعَدْ دَا، مَلِكْ بَابِلْ قَدَّدْ عُيُونْ صِدْقِيَّا وَ جَنْزَرَهْ بِجِنْزِيرْ هَنَا نَحَاسْ مَطْبُوقْ وَ وَدَّاهْ فِي بَابِلْ. وَ خَطَّاهْ فِي السِّجِنْ لَحَدِّي مَوْتَهْ.

إرْمِيا 52:11 Referenca të Kryqëzuara

حِزْقِيال 12:13

وَ أَنَا نُكُجّ لَيَّهْ شَرَكِي وَ هُو يَقَعْ فَوْقَهْ وَ نَكُرْبَهْ وَ نِوَدِّيهْ فِي بَلَدْ الْبَابِلِيِّيْن وَ لَاكِنْ هُو مَا يِشِيفْهَا. وَ يُمُوتْ فَوْقهَا.

إرْمِيا 39:7

وَ بَعَدْ دَا، هُو قَدَّدْ عُيُونْ صِدْقِيَّا وَ جَنْزَرَهْ بِجِنْزِيرْ هَنَا نَحَاسْ مَطْبُوقْ لِيِوَدِّيهْ فِي بَابِلْ.

حِزْقِيال 17:16

نَحْلِفْ بِأُسْمِي الْحَيّ، أَكِيدْ الْمَلِكْ دَا يُمُوتْ فِي بَابِلْ بَلَدْ الْمَلِكْ الدَّرَّجَهْ أَشَانْ هُو قَطَعْ حَلِيفْتَهْ وَ نَقَضْ عَلَاقْتَهْ. وَ دَا كَلَامْ اللّٰهْ الرَّبّ.

إرْمِيا 21:7

وَ بَعَدْ دَا، صِدْقِيَّا مَلِكْ يَهُوذَا وَ خَدَّامِينَهْ وَ كُلَّ نَاسْ الْمَدِينَةْ دِي الْفَضَّلَوْا مِنْ الْوَبَاءْ وَ الْحَرِبْ وَ الْجُوعْ، أَنَا نِسَلِّمْهُمْ لِنَبُوخَدْنَصَرْ مَلِكْ بَابِلْ. أَيْوَى، نِسَلِّمْهُمْ لِعُدْوَانْهُمْ الْيِدَوْرُوا مَوْتهُمْ. وَ الْمَلِكْ يَكْتُلْهُمْ بِشِدَّةْ بَلَا رَحْمَةْ وَ لَا مَحَنَّةْ.“›» وَ دَا كَلَامْ اللّٰهْ.

مَراثِي إرْمِيا 2:6

هُو خَرَبْ زَرِيبْتَهْ مِثِلْ زَرِيبَةْ هَنَا جِنَيْنَةْ وَ اللّٰهْ دَمَّرْ بَكَانَهْ هَنَا الْمَلَمَّةْ. وَ فِي صَهْيُون، هُو نَسَّاهُمْ يَوْم الْعِيدْ وَ يَوْم السَّبْت. وَ مِنْ شِدَّةْ غَضَبَهْ، هُو أَبَاهُمْ لِلْمُلُوكْ وَ رُجَالْ الدِّينْ.

حِزْقِيال 23:24

وَ يَجُوا ضِدِّكِ بِعَرَبَاتْ الْحَرِبْ وَ كَارَّوْيَاتْ وَ عَسْكَرْ كَتِيرِينْ بِدَرَقْ كُبَارْ وَ دُقَاقْ وَ طَوَاقِي هَنَا حَرِبْ وَ يِحَاصُرُوكِ. وَ أَنَا نَنْطِيهُمْ إِذِنْ لِيِحَاكُمُوكِ حَسَبْ شَرِيعِتْهُمْ.