إرْمِيا 51:6 - الكتاب المقدس بالعربي الدارجي هنا تشاد

⁶ عَرُّدُوا مِنْ بَلَدْ بَابِلْ وَ خَلِّي أَيِّ وَاحِدْ يِنَجِّي نَفْسَهْ. مَا تُمُوتُوا بِسَبَبْ ذَنِبْهَا أَشَانْ دَا وَكِتْ اللّٰهْ يِشِيلْ تَارَهْ وَ يِجَازِيهَا حَسَبْ الْوَاجِبْ لَيْهَا.

إرْمِيا 51:6 Referenca të Kryqëzuara

إرْمِيا 50:8

«يَلَّا! عَرُّدُوا مِنْ بَابِلْ! أَمُرْقُوا مِنْ بَلَدْ الْبَابِلِيِّينْ. وَ أَبْقَوْا مِثِلْ تُيُوسْ الْمَاشِينْ فِي رَاسْ دَوْر الْغَنَمْ.

إرْمِيا 50:28

أَسْمَعَوْا كُرَوْرَاكْ الْمُعَرِّدِينْ وَ الْجَارِيِينْ مِنْ بَلَدْ بَابِلْ. فِي صَهْيُون يِبَلُّغُوا وَ يُقُولُوا: «اللّٰهْ إِلٰـهْنَا شَالْ التَّارْ، شَالْ التَّارْ لِبَيْتَهْ الْمُقَدَّسْ الدَّمَّرَوْه!»

إرْمِيا 50:15

حَوُّقُوهَا مِنْ كُلِّ جِيهَةْ وَ كَوْرُكُوا كُرَوْرَاكْ الْحَرِبْ ضِدَّهَا. وَ خَلَاصْ، هِي تِسَلِّمْ نَفِسْهَا وَ قُصُورْهَا يِدَفُّقُوا وَ دَرَادِرْهَا يَقَعَوْا. اللّٰهْ كَفَّى التَّارْ فَوْقهَا. إِنْتُو كُلَ كَفُّوا التَّارْ وَ سَوُّوا فَوْقهَا مِثِلْ هِي سَوَّتْ.

إرْمِيا 51:45

يَا شَعَبِي! أَمُرْقُوا مِنْ أُسُطْ بَابِلْ وَ خَلِّي أَيِّ وَاحِدْ يِنَجِّي نَفْسَهْ، وَ يِبَعِّدْ مِنْ الْغَضَبْ الْمُحْرِقْ هَنَايِ اللّٰهْ.

إرْمِيا 25:14

وَ الْبَابِلِيِّينْ كُلَ دَوْرهُمْ يَجِي! يَبْقَوْا عَبِيدْ لِأُمَمْ كَتِيرِينْ وَ مُلُوكْ قَادْرِينْ. وَ أَنَا نِكَفِّيهُمْ نَتِيجَةْ فِعِلْهُمْ وَ خِدْمَةْ إِيدَيْهُمْ.»

عَدد 16:26

وَ مُوسَى حَجَّى لِمُجْتَمَعْ بَنِي إِسْرَائِيلْ وَ قَالْ: «كِسُّوا بَعِيدْ مِنْ خِيَمْ النَّاسْ الْعَاصِيِينْ دَوْل. وَ مَا تِلَمُّسُوا خُمَامْهُمْ أَشَانْ مَا تُمُوتُوا إِنْتُو كُلَ بِسَبَبْ ذُنُوبْهُمْ.»

رُؤية 16:19

وَ الْمَدِينَةْ الْكَبِيرَةْ أَنْشَقَّتْ عَلَيْ تَلَاتَةْ بَكَانْ. وَ كُلَّ مُدُنْ الْأُمَمْ أَدَّمَّرَوْا مَرَّةْ وَاحِدْ وَ مِثِلْ دَا اللّٰهْ عَاقَبْ مَدِينَةْ بَابِلْ الْكَبِيرَةْ بِذُنُوبْهَا. وَ اللّٰهْ جَبَرَاهَا تَشْرَبْ خَمَرْ مِنْ كَاسَهْ وَ الْخَمَرْ دَا يِمَثِّلْ غَضَبَهْ الشَّدِيدْ بِلْحَيْن.

1 تِمُوتَاوُس 5:22

مَا تِسَّعْجَلْ وَكِتْ تِدَوْر تِدَرِّجْ شَيْخ وَ مَا تِشَارِكْ فِي ذُنُوبْ هَنَا نَادُمْ آخَرْ. أَنْقَرِعْ مَا تِتَلِّفْ حَالَكْ الطَّاهِرَةْ.

إرْمِيا 51:50

يَلَّا، إِنْتُو النِّجِيتُوا مِنْ الْمَوْت! عَرُّدُوا! مَا تَقِيفُوا! فِي الْغُرْبَةْ، أَذَّكَّرَوْا اللّٰهْ وَ خُطُّوا مَدِينَةْ الْقُدُسْ فِي قُلُوبْكُو.

إرْمِيا 51:11

طَرُّقُوا نَشَاشِيبْكُو وَ أَمْلَوْا كَلَوْتَاتْكُو. اللّٰهْ حَرَّشْ مُلُوكْ مَادِي ضِدّ بَابِلْ أَشَانْ هُو قَرَّرْ يِدَمِّرْ بَابِلْ. يِشِيلْ فَوْقهَا التَّارْ وَ دَا تَارْ بَيْتَهْ الْمُقَدَّسْ الدَّمَّرَوْه.

إرْمِيا 51:9

«أَنِحْنَ دَوَّرْنَا نِعَالُجُوا بَابِلْ وَ لَاكِنْ هِي مَا أَدَّاوَتْ لَيْنَا. يَلَّا نِخَلُّوهَا! أَيِّ وَاحِدْ يَمْشِي لِبَلَدَهْ أَشَانْ عِقَابْهَا لِحِقْ لَحَدِّي السَّمَاءْ وَ أَنْرَفَعْ لَحَدِّي السَّحَابْ.

إرْمِيا 50:31

أَكِيدْ أَنَا نُقُمّ ضِدِّكِ، يَا بَابِلْ الْمُسْتَكْبِرَةْ! أَشَانْ يَوْمكِ جَاءْ وَ دَا الْوَكِتْ النِّعَاقِبْكِ فَوْقَهْ. وَ دَا كَلَامْ اللّٰهْ الرَّبّ الْقَادِرْ.

إشَعْيا 48:20

«أَمُرْقُوا مِنْ بَابِلْ! وَ عَرُّدُوا مِنْ الْبَابِلِيِّينْ! بِزَغْرَاطْ، خَبُّرُوا وَ خَلِّي يَسْمَعَوْه وَ بَلُّغُوا لَحَدِّي طَرَفْ الْأَرْض وَ قُولُوا: ‹اللّٰهْ فَدَى ذُرِّيَّةْ عَبْدَهْ يَعْقُوبْ!›

إرْمِيا 46:10

وَ لَاكِنْ الْيَوْم، دَا يَوْم اللّٰهْ الرَّبّ الْقَادِرْ وَ دَا يَوْم كَفِّينْ التَّارْ، يَوْم يِشِيلْ التَّارْ فِي عُدْوَانَهْ. وَ فِي الْيَوْم دَا، السَّيْف يَاكُلْ وَ يَشْبَعْ لَحَمْ وَ يَشْرَبْ وَ يَرْوَى دَمّ. أَشَانْ دَا ضَحِيَّةْ لِلّٰهْ الرَّبّ الْقَادِرْ فِي بَلَدْ الْمُنْشَاقْ عَلَيْ بَحَرْ الْفُرَاتْ.

إرْمِيا 27:7

وَ كُلَّ الْأُمَمْ يَخْدُمُوا لَيَّهْ هُو وَ لِوِلَيْدَهْ وَ لِوِلَيْد وِلَيْدَهْ. وَ لَحَدِّي بَابِلْ تِنْهَزِمْ وَ أُمَمْ كَتِيرِينْ وَ مُلُوكْ كُبَارْ يِخَدُّمُوهَا هِي كُلَ.

إرْمِيا 25:16

خَلِّي يَشَرْبَوْا وَ يَسْكَرَوْا وَ يِتَّرْتَعَوْا لَحَدِّي يِوَدُّرُوا عَقُلْهُمْ وَ دَا بِسَبَبْ الْحَرِبْ النِّجِيبَهْ فِي أُسُطْهُمْ.»

أمْثال 13:20

الْيُرُوغْ مَعَ الْحَكِيمِينْ يَبْقَى حَكِيمْ وَ الْيِرَافِقْ الْمَطَامِيسْ يَلْقَى الْفَسَالَةْ.

تَثْنِية 32:43

يَا الْأُمَمْ، أَفْرَحَوْا مَعَ شَعَبَهْ أَشَانْ اللّٰهْ يِلْكَفَّى دَمّ عَبِيدَهْ وَ يِشِيلْ التَّارْ فِي عُدْوَانَهْ وَ يِكَفِّرْ لِشَعَبَهْ فِي أَرْضَهْ.

تَثْنِية 32:41

وَ وَكِتْ نِطَرِّقْ سَيْفِي وَ نُقُمّ بِالْعَدَالَةْ، نِشِيلْ التَّارْ فِي عُدْوَانِي وَ نِلْكَفَّى فِي الْيَكْرَهَوْنِي.

تَثْنِية 32:25

بَرَّا، السَّيْف يَكْتُلْ عِيَالْهُمْ وَ دَاخَلْ، الْخَوْف يَكْرُبْهُمْ. وَ كُلُّهُمْ يُمُوتُوا، الصُّبْيَانْ وَ الْبَنَاتْ وَ الْأَطْفَالْ وَ الشِّيَّابْ.

إشَعْيا 63:4

أَشَانْ فِي قَلْبِي، دَا يَوْم هَنَا تَارْ وَ السَّنَةْ النَّفْدَى فِيهَا، هِي جَاتْ.

إرْمِيا 48:6

‹عَرُّدُوا وَ نَجُّوا نُفُوسْكُو وَ أَبْقَوْا مِثِلْ حُمَارْ الْكَدَادَةْ!›

إرْمِيا 51:36

وَ فِي شَانْ دَا، دَاهُو اللّٰهْ قَالْ: «أَنَا نِدَافِعْ لَيْكُو مِثِلْ مُحَامِي وَ نِشِيلْ لَيْكُو التَّارْ. وَ نِيَبِّسْ بَحَرْ بَابِلْ وَ نِجَفِّفْ عُيُونْ أَلْمِيهَا.

إرْمِيا 51:56

أَيْوَى! كُلَّ الْمُخَرِّبِينْ جَوْا ضِدّ بَابِلْ. عَسْكَرْهَا الْفُرَّاسْ أَنْكَرَبَوْا وَ نُبَّالْهُمْ أَلْكَسَّرْ. أَشَانْ اللّٰهْ هُو الْإِلٰـهْ الْيِجَازِي وَ يِكَافِي أَيِّ نَادُمْ عَلَيْ حَسَبْ الْوَاجِبْ لَيَّهْ.

مَراثِي إرْمِيا 3:64

يَا اللّٰهْ! قَبِّلْ لَيْهُمْ فِي رَاسْهُمْ نَفْس الْعَمَلْ السَّوَّوْه.

زَبُور 94:1

يَا اللّٰهْ، إِنْتَ الْإِلٰـهْ التِّشِيلْ التَّارْ! يَا إِلٰـهْ التِّشِيلْ التَّارْ، بَيِّنْ نَفْسَكْ!