إرْمِيا 51:59 - الكتاب المقدس بالعربي الدارجي هنا تشاد

⁵⁹ النَّبِي إِرْمِيَا كَلَّمْ لِسَرَايَا وِلَيْد نَرِيَّا وِلَيْد مَحْسِيَّا وَكِتْ هُو مَاشِي بَابِلْ مَعَ صِدْقِيَّا مَلِكْ يَهُوذَا فِي السَّنَةْ الرَّابْعَةْ هَنَا حُكُمْ صِدْقِيَّا. وَ سَرَايَا دَا، هُو مَسْؤُولْ مِنْ قَصِرْ الْمَلِكْ.

إرْمِيا 51:59 Referenca të Kryqëzuara

إرْمِيا 36:4

وَ إِرْمِيَا نَادَى بَرُوكْ وِلَيْد نَرِيَّا. وَ إِرْمِيَا يِكَلِّمْ وَ بَرُوكْ يَكْتِبْ فِي الْكِتَابْ الْمَلْفُوفْ كُلَّ كَلَامْ اللّٰهْ الْقَالَهْ لِإِرْمِيَا.

إرْمِيا 32:12

وَ أَنْطَيْت النُّسَخْ دَوْل لِبَرُوكْ وِلَيْد نَرِيَّا وِلَيْد مَحْسِيَّا وَ دَا قِدَّامْ حَنَمِيلْ وِلَيْد عِمِّي وَ قِدَّامْ الشُّهُودْ الْمَضَوْا فِي مَكْتُوبْ الْمُبَايَعَةْ وَ قِدَّامْ كُلَّ نَاسْ يَهُوذَا الْقَاعِدِينْ فِي فَضَايَةْ الْحُرَّاسْ.

إرْمِيا 45:1

وَ فِي السَّنَةْ الرَّابْعَةْ هَنَا حُكُمْ يَهُويَقِمْ وِلَيْد يُوشِيَّا مَلِكْ يَهُوذَا، بَرُوكْ وِلَيْد نَرِيَّا كَتَبْ فِي الْكِتَابْ الْمَلْفُوفْ الْكَلَامْ الْقَالَهْ لَيَّهْ النَّبِي إِرْمِيَا. وَ إِرْمِيَا حَجَّى لَيَّهْ وَ قَالْ:

إرْمِيا 28:1

وَ فِيَّهْ نَبِي وَاحِدْ أُسْمَهْ حَنَنْيَا وِلَيْد عَزُّورْ مِنْ حِلَّةْ قِبْعُونْ. فِي الشَّهَرْ الْخَامِسْ فِي السَّنَةْ الرَّابْعَةْ فِي بِدَايَةْ حُكُمْ صِدْقِيَّا مَلِكْ يَهُوذَا، حَنَنْيَا جَاءْ وَ حَجَّى لِإِرْمِيَا فِي بَيْت اللّٰهْ قِدَّامْ رُجَالْ الدِّينْ وَ كُلَّ الشَّعَبْ. وَ قَالْ:

إرْمِيا 52:1

صِدْقِيَّا عِنْدَهْ 21 سَنَةْ وَكِتْ بِقِي مَلِكْ وَ حَكَمْ 11 سَنَةْ فِي مَدِينَةْ الْقُدُسْ. وَ أَمَّهْ أُسُمْهَا حَمُوطَلْ بِنَيَّةْ إِرْمِيَا مِنْ حِلَّةْ لِبْنَةْ.

عَزْرا 5:12

وَ لَاكِنْ جُدُودْنَا سَوَّوْا ذُنُوبْ قِدَّامْ رَبّ السَّمَاوَاتْ وَ هُو غِضِبْ لَيْهُمْ وَ سَلَّمَاهُمْ فِي إِيدْ نَبُوخَدْنَصَرْ الْكَلْدَانِي مَلِكْ بَلَدْ بَابِلْ. وَ هُو هَدَّمْ بَيْت اللّٰهْ وَ لِلشَّعَبْ كَمَانْ وَدَّاهُمْ فِي الْغُرْبَةْ فِي بَلَدْ بَابِلْ.