إرْمِيا 51:51 - الكتاب المقدس بالعربي الدارجي هنا تشاد

⁵¹ وَ بَنِي إِسْرَائِيلْ قَالَوْا: «أَنِحْنَ الْعَيْب كَرَبَانَا وَكِتْ سِمِعْنَا الْمُعْيَارْ وَ الْخَجْلَةْ دَلَّتْ رُوسَيْنَا. أَشَانْ الْأَجَانِبْ دَخَلَوْا فِي الْبَكَانَاتْ هَنَا بَيْت اللّٰهْ.»

إرْمِيا 51:51 Referenca të Kryqëzuara

مَراثِي إرْمِيا 1:10

وَ الْخَصِيمْ خَطَّ إِيدَيْنَهْ فِي كُلَّ زِينَةْ بَيْتهَا التَّفْرَحْ بَيْهَا. أَيْوَى، فِي الْبَيْت الْمُقَدَّسْ دَخَلَوْا أُمَمْ الْإِنْتَ اللّٰهْ قُلْت مَا يَدْخُلُوا فِي بَكَانْ جَمَاعْتَكْ.

زَبُور 79:4

دَاهُو لِقِينَا مُعْيَارْ مِنْ جِيرَانَّا وَ شَمَاتَةْ وَ حُقْرَةْ مِنْ الْمُحَوِّقِينَّا.

مِيخا 7:10

وَ عُدْوَانِي يِشِيفُوا نَجَاتِي وَ الْعَيْب يِغَطِّيهُمْ أَشَانْ هُمَّنْ قَالَوْا لَيِّ: «وَيْن اللّٰهْ إِلٰـهَكْ؟» وَ فِي شَانْ دَا، نِشِيفْهُمْ بِعُيُونِي وَ يَقَعَوْا وَ يِفَجُّقُوهُمْ مِثِلْ طِينَةْ فِي الشَّارِعْ.

دَنْيال 11:31

هُو يِرَسِّلْ عَسْكَرَهْ وَ هُمَّنْ مَا يِحْتَرُمُوا الْبَيْت الْمُقَدَّسْ الْقَوِي. يَمْنَعَوْا الضَّحِيَّةْ الْيِقَدُّمُوهَا كُلَّ يَوْم وَ يِسَوُّوا الْحَرَامْ الْيِجِيبْ الْخَرَابْ.

حِزْقِيال 36:30

وَ نِكَتِّرْ فَوَاكِهْ الشَّدَرْ وَ إِنْتَاجْ الزِّرَاعَةْ أَشَانْ بَتَّانْ مَا تَلْقَوْا عَيْب بَيْن الْأُمَمْ فِي شَانْ الْجُوعْ.

حِزْقِيال 24:21

‹قُولْ لِبَنِي إِسْرَائِيلْ: دَاهُو اللّٰهْ الرَّبّ قَالْ: ”أَكِيدْ أَنَا مَا نَجْعَلْ بَيْتِي مُقَدَّسْ. وَ دَا بَسْ الْبَيْت التِّسْتَكْبَرَوْا بَيَّهْ الْبِقِي فَرَحْ قُلُوبْكُو وَ عَشَمْكُو فِي الْحَيَاةْ. وَ أَوْلَادْكُو وَ بَنَاتْكُو الْخَلَّيْتُوهُمْ وَرَاكُو فِي مَدِينَةْ الْقُدُسْ يُمُوتُوا فِي الْحَرِبْ.

حِزْقِيال 9:7

وَ هُو قَالْ لِلرُّجَالْ: «نَجُّسُوا بَيْتِي وَ أَمْلَوْا فَضَايَاتَهْ بِالْمَيْتِينْ! يَلَّا أَمْشُوا!» وَ هُمَّنْ مَشَوْا وَ كَتَلَوْا نَاسْ فِي الْمَدِينَةْ.

حِزْقِيال 7:18

وَ يَلْبَسَوْا خُلْقَانْ الْحِزِنْ وَ خَوْف شَدِيدْ يَكْرُبْهُمْ. وَ الْعَيْب بِنْشَافْ فِي وُجُوهُّمْ وَ كُلَّ رُوسَيْهُمْ، يِزَيُّنُوهُمْ.

مَراثِي إرْمِيا 5:1

يَا اللّٰهْ، فَكِّرْ فِي الْبِقِي فَوْقنَا وَ أَسْمَعْ وَ شِيفْ عَيْبنَا.

مَراثِي إرْمِيا 2:20

أَسْمَعْ وَ شِيفْ، يَا اللّٰهْ! لِيَاتُو إِنْتَ سَوَّيْت الْمَصِيبَةْ دِي؟ مَالَا الْعَوِينْ أَكَلَنْ عِيَالْهِنْ الْيِرِيدَنْهُمْ؟ وَ مَالَا كَتَلَوْهُمْ لِرُجَالْ الدِّينْ وَ الْأَنْبِيَاء فِي بَيْتَكْ الْمُقَدَّسْ؟

إرْمِيا 52:13

وَ هُو تَشَّ بَيْت اللّٰهْ وَ قَصِرْ الْمَلِكْ وَ كُلَّ بُيُوتْ مَدِينَةْ الْقُدُسْ. وَ كُلَّ بُيُوتْ الْمَسَائِيلْ، هُو حَرَّقَاهُمْ بِنَارْ.

إرْمِيا 31:19

أَيْوَى، بَعَّدْنَا نُفُوسْنَا مِنَّكْ وَ لَاكِنْ هَسَّعْ نِدِمْنَا. وَ بَعَدْ عِرِفْنَا خَطَايَانَا، دَنْقَرْنَا رُوسَيْنَا. وَ الْعَيْب وَ الْخِجْلَةْ كَرَبَوْنَا أَشَانْ أَنِحْنَ قَاعِدِينْ نِلْحَمَّلَوْا إِهَانَةْ صُبَانَا.›»

إرْمِيا 14:3

وَ الْكُبَارَاتْ يِرَسُّلُوا خَدَّامِينْهُمْ لِيِجِيبُوا أَلْمِي وَ لَاكِنْ وَكِتْ يَجُوا لِلْخَزَّانْ، مَا يَلْقَوْا شَيّءْ. وَ هُمَّنْ يِقَبُّلُوا مَوَاعِينْهُمْ يَابْسِينْ وَ عَشَمْهُمْ يِنْقَطِعْ وَ يَبْقَى لَيْهُمْ قَاسِي وَ يِدَنْقُرُوا رُوسَيْهُمْ.

زَبُور 109:29

وَ خَلِّي الْيَتْهَمَوْنِي، شَرَفْهُمْ يِوَدِّرْ وَ يَلْبَسَوْا الْعَيْب مِثِلْ خَلَقْ.

زَبُور 79:12

وَ الْمُعْيَارْ الْعَيَّرَوْك لَيَّهْ جِيرَانَّا، قَبِّلَهْ فِي رَاسْهُمْ سَبْعَةْ مَرَّاتْ، يَا رَبّ!

زَبُور 79:1

يَا رَبّ! الْأُمَمْ هَجَمَوْا أَرْض وَرَثَتَكْ وَ نَجَّسَوْا بَيْتَكْ الْمُقَدَّسْ وَ سَوَّوْا مَدِينَةْ الْقُدُسْ كَوْم هَنَا تُرَابْ.

زَبُور 71:13

خَلِّي الْيَتْهَمَوْنِي يَلْقَوْا الْعَيْب وَ يِدَّمَّرَوْا. وَ الْيِدَوْرُوا يِسَوُّوا لَيِّ الشَّرّ، خَلِّي الْعَيْب يِغَطِّيهُمْ وَ شَرَفْهُمْ يِوَدِّرْ.

عَمُوس 7:9

أَنَا نِهَدِّمْ الْبَكَانَاتْ الْعَالِيِينْ هَنَا عِبَادَةْ ذُرِّيَّةْ إِسْحَاقْ وَ نِكَسِّرْ مَدَابِحْ بَنِي إِسْرَائِيلْ وَ نِقَوِّمْ حَرِبْ ضِدّ عَايِلَةْ الْمَلِكْ يَرُبَعَامْ.»

مِيخا 6:16

وَ إِنْتُو تِتَابُعُوا الْعَادَةْ الْفَسْلَةْ هَنَا الْمَلِكْ عُمْرِي وَ الْعَمَلْ الْهَوَانْ هَنَا عَايِلَةْ مَلِكْ أَخَابْ وَ تُرُوغُوا حَسَبْ خِطِّتْهُمْ. وَ فِي شَانْ دَا، أَنَا نِسَلِّمْ مَدِينِتْكُو لِلْخَرَابْ وَ سُكَّانْهَا يَبْقَوْا شِمَّيْتَةْ وَ يِعَيُّبُوكُو مِثِلْ يِعَيُّبُوا كُلَّ شَعَبِي.»

زَبُور 89:46

لِمَتَى، يَا اللّٰهْ؟ تَابَى مَا تِوَجِّهْ عَلَيِّ دَايْماً؟ وَ لِمَتَى تِخَلِّي غَضَبَكْ يَحْرِقْ مِثِلْ النَّارْ؟

إشَعْيا 13:1

مُحَاكَمَةْ بَابِلْ الشَّافْهَا إِشَعْيَا وِلَيْد أَمُّوصْ فِي رُؤْيَةْ.

إشَعْيا 14:1

اللّٰهْ يِحِنّ فِي ذُرِّيَّةْ يَعْقُوبْ وَ يَعَزِلْ بَتَّانْ بَنِي إِسْرَائِيلْ وَ هُو يَنْطِيهُمْ الرَّاحَةْ فِي بَلَدْهُمْ. وَ الْأَجَانِبْ يِلِمُّوا مَعَاهُمْ وَ يِنْرَبْطُوا مَعَ ذُرِّيَّةْ يَعْقُوبْ.

إشَعْيا 21:1

مُحَاكَمَةْ الصَّحَرَاء الْجَنْب الْبَحَرْ. الْعَدُو يَجِي مِنْ الصَّحَرَاء، مِنْ بَلَدْ مُخِيفَةْ مِثِلْ الزَّوْبَعَانَةْ الْجَايَةْ مِنْ صَحَرَاء النَّقَبْ.

إشَعْيا 47:1

«أَنْزِلِي وَ أَقْعُدِي تِحِتْ فِي الرُّمَادْ، يَا مَدِينَةْ بَابِلْ الْمِثِلْ بِنَيَّةْ عُدْرِيَّةْ! أَقْعُدِي فِي التُّرَابْ بَلَا كُرْسِي، يَا بِنَيَّةْ الْبَابِلِيِّينْ! أَشَانْ بَتَّانْ مَا يِنَادُوكِ جَمِيلَةْ وَ اللَّطِيفَةْ.

إرْمِيا 25:26

وَ مُلُوكْ الْمُنْشَاقْ الْقَرِيبِينْ أَوْ بَعِيدِينْ. وَ بَيْدَا، كُلَّ مَمَالِكْ الدُّنْيَا الْمُشَتَّتِينْ فِي الْأَرْض يَشَرْبَوْا مِنْ كَاسْ الْغَضَبْ دَا الْوَاحِدْ بَعَدْ الْآخَرْ. وَ فِي آخِرْهُمْ، يَشْرَبْ مَلِكْ بَابِلْ.