إرْمِيا 51:5 - الكتاب المقدس بالعربي الدارجي هنا تشاد

⁵ أَشَانْ اللّٰهْ الْإِلٰـهْ الْقَادِرْ كَانْ مَعَ بَنِي إِسْرَائِيلْ وَ بَنِي يَهُوذَا حَتَّى كَنْ هُمَّنْ مَلَوْا بَلَدْهُمْ بِشَرّ ضِدّ قُدُّوسْ إِسْرَائِيلْ كُلَ.

إرْمِيا 51:5 Referenca të Kryqëzuara

زَكَرِيَّا 12:8

«وَ فِي الْيَوْم دَا، أَنَا اللّٰهْ نَحْمِي سُكَّانْ مَدِينَةْ الْقُدُسْ حَتَّى الضَّعِيفْ مِنْهُمْ كُلَ يَبْقَى شَدِيدْ مِثِلْ الْمَلِكْ دَاوُدْ. وَ ذُرِّيَّةْ دَاوُدْ يَلْقَوْا إِحْتِرَامْ مِثْلِي أَنَا الرَّبّ وَ مِثِلْ مَلَكْ اللّٰهْ الْمَاشِي قِدَّامْهُمْ.

زَكَرِيَّا 12:6

«وَ فِي الْيَوْم دَا، أَنَا نِسَوِّي شُيُوخْ يَهُوذَا مِثِلْ كَانُونْ مَلَانْ نَارْ تِحِتْ كَوْم هَنَا حَطَبْ أَوْ مِثِلْ نَارْ الْمُقَبِّضَةْ فِي رُبْطَةْ هَنَا قَنَادِيلْ. وَ هُمَّنْ يَاكُلُوا زَيْنَةْ وَ إِسْرَةْ كُلَّ الشُّعُوبْ الْمُجَاوِرِينْهُمْ. وَ لَاكِنْ سُكَّانْ مَدِينَةْ الْقُدُسْ يَسْكُنُوا فِي مَدِينِتْهُمْ.

هُوشَع 4:1

يَا بَنِي إِسْرَائِيلْ، أَسْمَعَوْا كَلَامْ اللّٰهْ! هُو قَالْ: «أَنَا اللّٰهْ نَشْكِي سُكَّانْ الْبَلَدْ دِي أَشَانْ مَا فِي أَمَانْ وَ مَا فِي رَحْمَةْ وَ مَا فِي مَعْرَفَةْ اللّٰهْ فِي الْبَلَدْ.

زَكَرِيَّا 2:12

وَ بَلَدْ يَهُوذَا تَبْقَى هِنْت اللّٰهْ حَلَالَهْ مِثِلْ قِسْمَهْ فِي الْأَرْض الْمُقَدَّسَةْ وَ هُو يَعَزِلْ بَتَّانْ مَدِينَةْ الْقُدُسْ.

مِيخا 7:20

وَ تِوَصِّفْ أَمَانَكْ لِذُرِّيَّةْ يَعْقُوبْ وَ خَيْرَكْ لِعِيَالْ إِبْرَاهِيمْ مِثِلْ إِنْتَ زَمَانْ حَلَفْت بَيَّهْ لِأَبَّهَاتْنَا.

مِيخا 7:18

يَاتُو إِلٰـهْ مِثْلَكْ إِنْتَ، يَا اللّٰهْ؟ إِنْتَ التَّغْفِرْ الْخَطَا وَ تَحْمَلْ عِصْيَانْ النَّاسْ الْفَضَّلَوْا مِنْ شَعَبَكْ الْمِثِلْ وَرَثَتَكْ. غَضَبَكْ مَا يَقْعُدْ دَايْماً أَشَانْ إِنْتَ تِحِبّ الْخَيْر.

هُوشَع 1:10

عَدَدْ بَنِي إِسْرَائِيلْ يَبْقَى مِثِلْ رَمْلَةْ هَنَا خَشُمْ الْبَحَرْ الْمَا تِنْوَزِنْ وَ لَا تِنْحَسِبْ. وَ فِي الْبَكَانْ الْأَوَّلْ اللّٰهْ قَالْ فَوْقَهْ: «إِنْتُو مَا شَعَبِي»، فِي نَفْس الْبَكَانْ، هُو يُقُولْ لَيْهُمْ: «إِنْتُو عِيَالِي أَنَا اللّٰهْ الْحَيّ.»

حِزْقِيال 9:9

وَ هُو قَالْ لَيِّ: «خَطَا بَنِي إِسْرَائِيلْ وَ بَنِي يَهُوذَا دَا كَبِيرْ مَرَّةْ وَاحِدْ! الْبَلَدْ أَنْمَلَتْ بِالدَّمّ وَ الْمَدِينَةْ أَنْمَلَتْ بِالظُّلُمْ. أَشَانْ هُمَّنْ قَالَوْا: ‹اللّٰهْ خَلَّى بَلَدْنَا! هُو مَا يَقْدَرْ يِشِيفْنَا!›

حِزْقِيال 8:17

وَ هُو قَالْ لَيِّ: «يَا إِبْن آدَمْ، إِنْتَ قَاعِدْ تِشِيفْ وَلَّا؟ دَا شِيَّةْ! بَنِي يَهُوذَا يِسَوُّوا مُحَرَّمَاتْ زِيَادَةْ مِنْ دَوْل. يِغَضُّبُونِي وَ يَمْلَوْا الْبَلَدْ بِالْعُنُفْ وَ يِعَيُّرُونِي مُعْيَارْ خَطِيرْ!

إرْمِيا 50:20

وَ فِي أَيَّامْ الْوَكِتْ دَا، يِفَتُّشُوا خَطَا بَنِي إِسْرَائِيلْ وَ مَا يَلْقَوْه. وَ ذَنِبْ بَنِي يَهُوذَا كُلَ مَا يِنْلَقِي أَبَداً أَشَانْ نَغْفِرْ لِلْأَنَا خَلَّيْتهُمْ فَضَّلَوْا.» وَ دَا كَلَامْ اللّٰهْ.

إرْمِيا 46:28

وَ إِنْتُو، يَا ذُرِّيَّةْ عَبْدِي يَعْقُوبْ، مَا تَخَافَوْا أَشَانْ أَنَا دَايْماً نُكُونْ مَعَاكُو. وَ أَنَا نِدَمِّرْ مَرَّةْ وَاحِدْ كُلَّ الْأُمَمْ الْأَنَا شَتَّتُّكُو فِي لُبُّهُمْ. وَ لَاكِنْ إِنْتُو، مَا نِدَمِّرْكُو مَرَّةْ وَاحِدْ. أَكِيدْ مَا نَجْعَلْكُو بَرِيِّينْ وَ لَاكِنْ نِأَدِّبْكُو بِمِيزْ.» وَ دَا كَلَامْ اللّٰهْ.

إرْمِيا 31:37

وَ دَاهُو اللّٰهْ قَالْ بَتَّانْ: «هَلْ فِي نَادُمْ يَقْدَرْ يِقَاوِسْ السَّمَاوَاتْ فَوْق وَلَّا؟ وَ هَلْ فِي نَادُمْ يَقْدَرْ يَكْشِفْ أَسَاسْ الْأَرْض تِحِتْ وَلَّا؟ لَا! كَنْ كَيْ دَا، خَلَاصْ أَنَا كُلَ مَا نَقْدَرْ نَرْفُضْ ذُرِّيَّةْ إِسْرَائِيلْ فِي شَانْ كُلَّ الْفَسِلْ الْهُمَّنْ سَوَّوْه.» وَ دَا كَلَامْ اللّٰهْ.

إرْمِيا 23:15

وَ فِي شَانْ دَا، دَاهُو اللّٰهْ الْقَادِرْ حَجَّى كَلَامْ بُخُصّ الْأَنْبِيَاء دَوْل. هُو قَالْ: «أَكِيدْ أَنَا نِأَكِّلْهُمْ الْحَمْضَلْ وَ نَزْقِيهُمْ أَلْمِي مُسَمَّمْ. أَشَانْ بِأَنْبِيَاء مَدِينَةْ الْقُدُسْ دَوْل بَسْ النَّجَاسَةْ دَخَلَتْ فِي الْبَلَدْ دِي وَ مَلَتْهَا.»

إرْمِيا 19:4

أَشَانْ هُمَّنْ أَبَوْنِي وَ نَكَرَوْا الْبَكَانْ دَا وَ حَرَّقَوْا بَخُورْ لِإِلٰـهَاتْ آخَرِينْ الْأَوَّلْ مَا يَعَرْفُوهُمْ وَ لَا هُمَّنْ وَ لَا جُدُودْهُمْ وَ لَا مُلُوكْ يَهُوذَا. وَ هُمَّنْ دَفَّقَوْا دَمّ الْبَرِيِّينْ وَ مَلَوْا بَيَّهْ الْبَكَانْ دَا.

إرْمِيا 16:18

وَ أَوَّلْ شَيّءْ، أَنَا نِلْكَفَّى مِنْهُمْ مَرَّتَيْن تَمَنْ الْخَطَا وَ الذَّنِبْ الْهُمَّنْ سَوَّوْه. أَشَانْ هُمَّنْ مَا أَحْتَرَمَوْا بَلَدِي وَ مَلَوْهَا بِتَمَاثِيلْهُمْ الْمَكْرُوهِينْ. وَ أَرْض وَرَثَتِي مَلَوْهَا بِمُحَرَّمَاتْهُمْ.»

إشَعْيا 62:12

يِسَمُّوهُمْ الشَّعَبْ الْمُخَصَّصْ وَ الْفَدَاهُمْ اللّٰهْ. وَ إِنْتِ، يَا مَدِينَةْ الْقُدُسْ، مَا يِنَادُوكِ الْمَدِينَةْ الْخَلَّوْهَا وَ لَاكِنْ الْمَدِينَةْ الْمَحْبُوبَةْ.

إشَعْيا 44:21

فَكِّرْ فِي الْكَلَامْ دَا، يَا يَعْقُوبْ! أَشَانْ إِنْتَ عَبْدِي، يَا إِسْرَائِيلْ! أَنَا خَلَقْتَكْ لِتَبْقَى عَبْدِي، يَا إِسْرَائِيلْ، أَنَا مَا نَنْسَاكْ.

زَبُور 94:14

اللّٰهْ مَا يِخَلِّي شَعَبَهْ وَ مَا يَابَى نَاسَهْ الْمِثِلْ وَرَثَتَهْ.

عَزْرا 9:9

أَنِحْنَ كَنْ عَبِيدْ كُلَ، إِلٰـهْنَا مَا خَلَّانَا فِي عُبُودِيِّتْنَا. سَوَّى لَيْنَا الْخَيْر وَ أَنْطَانَا حَيَاةْ جَدِيدَةْ. وَ أَنْطَى أَمُرْ لِمُلُوكْ بَلَدْ فَارِسْ أَشَانْ يِخَلُّونَا نِعَدُّلُوا بَيْت إِلٰـهْنَا وَ نِعَدُّلُوا دَرَادِرْ مَدِينَةْ الْقُدُسْ فِي بَلَدْ يَهُوذَا.

1 صَمُوِيل 12:22

«وَ فِي شَانْ أُسْمَهْ الْعَظِيمْ، اللّٰهْ مَا يِخَلِّي شَعَبَهْ. أَشَانْ دَوَّرْ يِسَوِّيكُو إِنْتُو شَعَبَهْ حَلَالَهْ.

2 مُلوك 21:16

وَ مَنَسَّى كُلَ دَفَّقْ دَمّ هَنَا نَاسْ بَرِيِّينْ لَحَدِّي دَمُّهُمْ مَلَا كُلَّ مَدِينَةْ الْقُدُسْ مِنْ طَرَفْهَا لِطَرَفْهَا. وَ دَا بَلَا الذَّنِبْ الْهُو لَزَّ فَوْقَهْ نَاسْ مَمْلَكَةْ يَهُوذَا وَ هُمَّنْ سَوَّوْا الْفَسَالَةْ قِدَّامْ اللّٰهْ.

1 مُلوك 6:13

وَ أَنَا نَسْكُنْ فِي لُبّ شَعَبِي بَنِي إِسْرَائِيلْ وَ أَبَداً مَا نِخَلِّيهُمْ.»

هُوشَع 4:2

فَوْقهَا إِلَّا اللَّعَنَةْ وَ الْكِدِبْ وَ الْكَتِلْ وَ السِّرْقَةْ وَ الزِّنَى. يِسَوُّوا عُنُفْ وَ يِدَفُّقُوا دَمّ وَرَاءْ دَمّ.

إشَعْيا 51:15

أَشَانْ أَنَا اللّٰهْ إِلٰـهْكُو الْقَوَّمْت الْبَحَرْ لَحَدِّي تِنْسَمِعْ حَرَكَةْ مَوْجَهْ وَ أُسْمِي اللّٰهْ الْقَادِرْ.

إرْمِيا 14:9

وَ مَالَا تَبْقَى مِثِلْ نَادُمْ عَيَّانْ أَوْ مِثِلْ فَارِسْ الْمَا يَقْدَرْ يِنَجِّي؟ يَا اللّٰهْ! بَيْدَا كُلَ، إِنْتَ قَاعِدْ فِي أُسُطْنَا وَ أُسْمَكْ قَاعِدْ فَوْقنَا. مَا تِخَلِّينَا!»

إرْمِيا 14:19

وَ الشَّعَبْ قَالَوْا: «يَا اللّٰهْ! مَالَا رَفَضْت نَاسْ يَهُوذَا؟ وَ مَالَا كِرِهْت سُكَّانْ صَهْيُون؟ مَالَا ضَرَبْتِنَا بِالْمَرَضْ الْمَا يِلْعَالَجْ؟ أَوَّلْ عِنْدِنَا عَشَمْ فِي السَّلَامْ وَ لَاكِنْ مَا فِي خَيْر. وَ عِنْدِنَا عَشَمْ فِي وَكِتْ الْعِلَاجْ وَ لَاكِنْ جَاءْ الرُّعُبْ.

إرْمِيا 51:19

وَ إِلٰـهْ يَعْقُوبْ مَا مِثِلْهُمْ أَشَانْ هُو بَسْ خَلَقْ كُلَّ شَيّءْ. هُو عَزَلْ قَبِيلَةْ وَاحِدَةْ لِيَبْقَوْا شَعَبَهْ الْمِثِلْ وَرَثَتَهْ وَ أُسْمَهْ اللّٰهْ الْقَادِرْ.

هُوشَع 2:1

قُولُوا لِأَخْوَانْكُو: «إِنْتُو شَعَبِي.» وَ قُولُوا لِأَخْوَاتْكُو: «نَرْحَمْهِنْ.»

هُوشَع 2:3

كَنْ مَا مَرَقَتْهُمْ، أَنَا نِسَلِّبْهَا وَ تَقْعُدْ عَرْيَانَةْ وَ نِخَلِّيهَا مِثِلْ وِلْدَوْهَا. نِسَوِّيهَا مِثِلْ صَحَرَاءْ وَ مِثِلْ أَرْض جَفَافْ وَ نَكْتُلْهَا بِالْعَطَشْ.