إرْمِيا 51:45 - الكتاب المقدس بالعربي الدارجي هنا تشاد

⁴⁵ يَا شَعَبِي! أَمُرْقُوا مِنْ أُسُطْ بَابِلْ وَ خَلِّي أَيِّ وَاحِدْ يِنَجِّي نَفْسَهْ، وَ يِبَعِّدْ مِنْ الْغَضَبْ الْمُحْرِقْ هَنَايِ اللّٰهْ.

إرْمِيا 51:45 Referenca të Kryqëzuara

رُؤية 18:4

وَ فِي الْبَكَانْ دَا، سِمِعْت حِسّ آخَرْ جَايِ مِنْ السَّمَاءْ قَالْ: «يَلَّا يَا شَعَبِي، أَمُرْقُوا مِنْهَا! مَا تِشَارُكُوهَا فِي ذُنُوبْهَا أَشَانْ مَا تِشَارُكُوهَا فِي الْوَبَاءْ الْيَجِي فَوْقهَا كُلَ.

إرْمِيا 51:6

عَرُّدُوا مِنْ بَلَدْ بَابِلْ وَ خَلِّي أَيِّ وَاحِدْ يِنَجِّي نَفْسَهْ. مَا تُمُوتُوا بِسَبَبْ ذَنِبْهَا أَشَانْ دَا وَكِتْ اللّٰهْ يِشِيلْ تَارَهْ وَ يِجَازِيهَا حَسَبْ الْوَاجِبْ لَيْهَا.

إشَعْيا 48:20

«أَمُرْقُوا مِنْ بَابِلْ! وَ عَرُّدُوا مِنْ الْبَابِلِيِّينْ! بِزَغْرَاطْ، خَبُّرُوا وَ خَلِّي يَسْمَعَوْه وَ بَلُّغُوا لَحَدِّي طَرَفْ الْأَرْض وَ قُولُوا: ‹اللّٰهْ فَدَى ذُرِّيَّةْ عَبْدَهْ يَعْقُوبْ!›

2 كُرُنْتُس 6:17

<أَشَانْ دَا، أَمُرْقُوا مِنْ أُسُطْهُمْ وَ أَنْفَصُلُوا مِنْهُمْ. دَا بَسْ كَلَامْ اللّٰهْ. مَا تَلْمَسَوْا شَيّءْ نِجِسْ> وَ أَنَا نَقْبَلْكُو.

أعمال الرُسُل 2:40

وَ بُطْرُسْ قَاعِدْ يَشْهَدْ لِعِيسَى قِدَّامْ النَّاسْ وَ حَجَّى لَيْهُمْ كَلَامْ كَتِيرْ أَشَانْ يِجِيبْهُمْ فِي الدَّرِبْ. هُو قَالْ: «تُوبُوا وَ تَنْجَوْا. مَا تِتَابُعُوا نَاسْ وَكِتْنَا الْمُوَدِّرِينْ دَوْل.»

إرْمِيا 50:8

«يَلَّا! عَرُّدُوا مِنْ بَابِلْ! أَمُرْقُوا مِنْ بَلَدْ الْبَابِلِيِّينْ. وَ أَبْقَوْا مِثِلْ تُيُوسْ الْمَاشِينْ فِي رَاسْ دَوْر الْغَنَمْ.

عَدد 16:26

وَ مُوسَى حَجَّى لِمُجْتَمَعْ بَنِي إِسْرَائِيلْ وَ قَالْ: «كِسُّوا بَعِيدْ مِنْ خِيَمْ النَّاسْ الْعَاصِيِينْ دَوْل. وَ مَا تِلَمُّسُوا خُمَامْهُمْ أَشَانْ مَا تُمُوتُوا إِنْتُو كُلَ بِسَبَبْ ذُنُوبْهُمْ.»

زَكَرِيَّا 2:7

يَلَّا! يَا صَهْيُون! إِنْتِ السَّاكْنَةْ فِي بَابِلْ الْمِثِلْ بِنَيَّةْ، عَرِّدِي مِنْ هِنَاكْ!»

إرْمِيا 51:50

يَلَّا، إِنْتُو النِّجِيتُوا مِنْ الْمَوْت! عَرُّدُوا! مَا تَقِيفُوا! فِي الْغُرْبَةْ، أَذَّكَّرَوْا اللّٰهْ وَ خُطُّوا مَدِينَةْ الْقُدُسْ فِي قُلُوبْكُو.

إرْمِيا 51:9

«أَنِحْنَ دَوَّرْنَا نِعَالُجُوا بَابِلْ وَ لَاكِنْ هِي مَا أَدَّاوَتْ لَيْنَا. يَلَّا نِخَلُّوهَا! أَيِّ وَاحِدْ يَمْشِي لِبَلَدَهْ أَشَانْ عِقَابْهَا لِحِقْ لَحَدِّي السَّمَاءْ وَ أَنْرَفَعْ لَحَدِّي السَّحَابْ.

إرْمِيا 50:28

أَسْمَعَوْا كُرَوْرَاكْ الْمُعَرِّدِينْ وَ الْجَارِيِينْ مِنْ بَلَدْ بَابِلْ. فِي صَهْيُون يِبَلُّغُوا وَ يُقُولُوا: «اللّٰهْ إِلٰـهْنَا شَالْ التَّارْ، شَالْ التَّارْ لِبَيْتَهْ الْمُقَدَّسْ الدَّمَّرَوْه!»