إرْمِيا 51:36 - الكتاب المقدس بالعربي الدارجي هنا تشاد

³⁶ وَ فِي شَانْ دَا، دَاهُو اللّٰهْ قَالْ: «أَنَا نِدَافِعْ لَيْكُو مِثِلْ مُحَامِي وَ نِشِيلْ لَيْكُو التَّارْ. وَ نِيَبِّسْ بَحَرْ بَابِلْ وَ نِجَفِّفْ عُيُونْ أَلْمِيهَا.

إرْمِيا 51:36 Referenca të Kryqëzuara

رَوْمَا 12:19

يَا الْمَحْبُوبِينْ، مَا تِشِيلُوا التَّارْ. خَلُّوا غَضَبْ اللّٰهْ يِشِيلْ لَيْكُو التَّارْ أَشَانْ مَكْتُوبْ فِي الْكِتَابْ: <التَّارْ هَنَايِ. أَنَا بَسْ النِّشِيلَهْ.> دَا بَسْ كَلَامْ اللّٰهْ.

إرْمِيا 50:38

وَ نِجِيبْ الْجَفَافْ لِبُحُورْ بَابِلْ وَ هُمَّنْ يِكَمُّلُوا. أَشَانْ هِي بَلَدْ هِنْت أَصْنَامْ مُخِيفِينْ الْيِوَدُّرُوا رَاسْ النَّاسْ الْيَعَبُدُوهُمْ.

زَبُور 140:12

يَا اللّٰهْ! أَنَا نَعَرِفْ كَدَرْ تِحَاكِمْ بِالْعَدِلْ لِلْمَظْلُومْ وَ تِدَافِعْ لِحُقُوقْ الْمَسَاكِينْ.

إشَعْيا 44:27

وَ نُقُولْ لِلْأَلْمِي الْغَرِيقْ: ‹أَبْقَى يَابِسْ وَ نِيَبِّسْ بُحُورَكْ!›

تَثْنِية 32:43

يَا الْأُمَمْ، أَفْرَحَوْا مَعَ شَعَبَهْ أَشَانْ اللّٰهْ يِلْكَفَّى دَمّ عَبِيدَهْ وَ يِشِيلْ التَّارْ فِي عُدْوَانَهْ وَ يِكَفِّرْ لِشَعَبَهْ فِي أَرْضَهْ.

تَثْنِية 32:35

وَ أَنَا بَسْ النِّشِيلْ التَّارْ وَ نَنْطِي الْأَجُرْ وَكِتْ رِجْلَيْهُمْ يِتَّرْتَعَوْا أَشَانْ يَوْم خَرَابْهُمْ قَرَّبْ وَ يَجِيهُمْ بِسُرْعَةْ.»

رُؤية 16:12

وَ الْمَلَكْ السَّادِسْ دَفَّقْ كَاسَهْ فِي بَحَرْ الْفُرَاتْ. وَ الْبَحَرْ يِبِسْ. وَ مِثِلْ دَا، الدَّرِبْ بِقِي فَاتِحْ لِلْمُلُوكْ الْجَايِينْ مِنْ صَبَاحْ.

إرْمِيا 51:6

عَرُّدُوا مِنْ بَلَدْ بَابِلْ وَ خَلِّي أَيِّ وَاحِدْ يِنَجِّي نَفْسَهْ. مَا تُمُوتُوا بِسَبَبْ ذَنِبْهَا أَشَانْ دَا وَكِتْ اللّٰهْ يِشِيلْ تَارَهْ وَ يِجَازِيهَا حَسَبْ الْوَاجِبْ لَيْهَا.

إشَعْيا 43:14

وَ دَاهُو اللّٰهْ قُدُّوسْ إِسْرَائِيلْ الْفَدَاكُو قَالْ: «فِي شَانْكُو إِنْتُو، أَنَا رَسَّلْت دَيْش ضِدّ بَابِلْ وَ نَغْرِقْ الْكَلْدَانِيِّينْ الْمُعَرِّدِينْ كُلُّهُمْ بِسُفُنْهُمْ الْأَوَّلْ فِرْحَوْا بَيْهُمْ.

أمْثال 23:11

الْيَحْمِيهُمْ قَادِرْ وَ هُو يِدَافِعْ لَيْهُمْ ضِدَّكْ.

أمْثال 22:23

أَشَانْ اللّٰهْ ذَاتَهْ يَبْقَى لَيَّهْ مُحَامِي وَ يِعَاقِبْ الظَّالِمْ لَحَدِّي يِشِيلْ رُوحَهْ.

زَبُور 107:33

هُو يِغَيِّرْ الْبُحُورْ بِصَحَرَاء وَ عُيُونْ أَلْمِي بِبَلَدْ عَطَشْ

إشَعْيا 19:5

وَ أَلْمِي الْبَحَرْ يِكَمِّلْ وَ النِّيلْ يَيْبَسْ وَ أَلْمِي الْبَحَرْ يَشْرَبْ وَ هُو يَبْقَى يَابِسْ.

إرْمِيا 51:11

طَرُّقُوا نَشَاشِيبْكُو وَ أَمْلَوْا كَلَوْتَاتْكُو. اللّٰهْ حَرَّشْ مُلُوكْ مَادِي ضِدّ بَابِلْ أَشَانْ هُو قَرَّرْ يِدَمِّرْ بَابِلْ. يِشِيلْ فَوْقهَا التَّارْ وَ دَا تَارْ بَيْتَهْ الْمُقَدَّسْ الدَّمَّرَوْه.

هُوشَع 13:15

وَ كَنْ نَاسْ أَفْرَايِمْ زَادَوْا فِي أُسْط أَخْوَانْهُمْ، رِيحْ الصَّبَاحْ تَجِي وَ رِيحْ مِنْ اللّٰهْ تُقُمّ مِنْ الصَّحَرَاءْ. هِي تِيَبِّسْ وُدْيَانْهُمْ وَ تِجَفِّفْ عَيْن أَلْمِيهُمْ. الْمَخَازِنْ، يَنْهَبَوْهُمْ وَ خُمَامْهُمْ الْغَالِي، يِشِيلُوهْ.

حِزْقِيال 25:14

وَ هَسَّعْ، أَنَا كُلَ نِشِيلْ تَارِي فِي أَدَوْم بِإِيدْ شَعَبِي بَنِي إِسْرَائِيلْ وَ هُمَّنْ يُقُمُّوا ضِدّ أَدَوْم حَسَبْ غَضَبِي وَ زَعَلِي. وَ خَلَاصْ بَيْدَا، يَعَرْفُوا تَارِي.» وَ دَا كَلَامْ اللّٰهْ الرَّبّ.