إرْمِيا 51:32 - الكتاب المقدس بالعربي الدارجي هنا تشاد

³² وَ أَيِّ مَعَدّ، الْعَدُو سَدَّاهْ وَ تِبِنْ الرُّهُودْ تَشَّوْه وَ الرُّجَالْ الْمُحَارِبِينْ أَنْبَهَتَوْا.

إرْمِيا 51:32 Referenca të Kryqëzuara

إرْمِيا 51:30

وَ الْعَسْكَرْ الْفُرَّاسْ هَنَا بَابِلْ أَبَوْا مَا يِحَارُبُوا وَ أَلَّبَّدَوْا فِي بَكَانَاتْهُمْ الْقَوِيِّينْ. وَ فَحَالِيِّتْهُمْ كُلَ وَدَّرَتْ وَ هُمَّنْ بِقَوْا مِثِلْ عَوِينْ. وَ بُيُوتْ بَابِلْ أَنْتَشَّوْا وَ بِيبَانْهَا أَلْكَسَّرَوْا.

إشَعْيا 44:27

وَ نُقُولْ لِلْأَلْمِي الْغَرِيقْ: ‹أَبْقَى يَابِسْ وَ نِيَبِّسْ بُحُورَكْ!›

إشَعْيا 47:14

وَ دَاهُو هُمَّنْ بِقَوْا مِثِلْ الْقَشّ التَّاكُلَهْ النَّارْ، مَا يَقْدَرَوْا يِنَجُّوا نُفُوسْهُمْ مِنْ اللَّهِيبْ. وَ دِي مَا نَارْ هِنْت جَمُرْ الْيِسَوُّوا فَوْقهَا أَكِلْ وَ لَا نَارْ هِنْت حَطَبْ الْيِدَّفَّوْا فَوْقهَا.

إرْمِيا 51:31

وَ يَجْرِي مُرْسَالْ بَعَدْ مُرْسَالْ وَ رَسُولْ وَرَاءْ رَسُولْ لِيِخَبُّرُوا مَلِكْ بَابِلْ كَدَرْ مَدِينْتَهْ شَالَوْهَا مِنْ طَرَفْهَا لِطَرَفْهَا.

إرْمِيا 51:33

وَ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «بَابِلْ الْمِثِلْ بِنَيَّةْ تَبْقَى يَابْسَةْ كَرّ مِثِلْ نَقَعَةْ الْمَدَقّ الْجَهَّزَوْهَا. وَ بَعَدْ شِيَّةْ، وَكْت الْقَطِعْ يَجِي.»

إرْمِيا 52:7

قَدَّوْا خُرْمَةْ فِي دُرْدُرْ الْمَدِينَةْ. وَ خَلَاصْ بِاللَّيْل، مَلِكْ مَمْلَكَةْ يَهُوذَا وَ كُلَّ عَسْكَرَهْ مَرَقَوْا وَ عَرَّدَوْا مِنْ الْمَدِينَةْ. هُمَّنْ مَرَقَوْا بِالدَّرِبْ الْقَاعِدْ أَمْبَيْنَاتْ الدَّرَادِرْ الْإِتْنَيْن هَنَا الدِّفَاعْ الْقَرِيبْ لِجِنَيْنَةْ الْمَلِكْ حَتَّى كَنْ الْبَابِلِيِّينْ مُحَوِّقِينْ الْمَدِينَةْ كُلَ. وَ الْمَلِكْ صِدْقِيَّا وَ عَسْكَرَهْ شَالَوْا الدَّرِبْ الْمَاشِي عَلَيْ وَادِي الْأُرْدُنْ.