إرْمِيا 51:25 - الكتاب المقدس بالعربي الدارجي هنا تشاد

²⁵ وَ أَكِيدْ أَنَا نُقُمّ ضِدِّكِ إِنْتِ، يَا بَابِلْ الْمِثِلْ جَبَلْ الْخَرَابْ، إِنْتِ الْخَرَبْتِ كُلَّ الْأَرْض. أَنَا نِمِدّ إِيدِي لِنَضْرُبْكِ وَ نِدَرْدِقْكِ مِنْ رُوسَيْ الْجِبَالْ وَ نَحْرِقْكِ بِنَارْ. وَ دَا كَلَامْ اللّٰهْ.

إرْمِيا 51:25 Referenca të Kryqëzuara

رُؤية 8:8

وَ الْمَلَكْ التَّانِي ضَرَبْ الْبُرُنْجِي الْعِنْدَهْ. وَ شُغُلْ مِثِلْ جَبَلْ كَبِيرْ هَنَا نَارْ رَمَوْه فِي الْبَحَرْ الْمَالِحْ. وَ خَلَاصْ، تِلْت الْبَحَرْ بِقِي دَمّ.

زَكَرِيَّا 4:7

إِنْتَ تَحْسِبْ نَفْسَكْ كَبِيرْ، يَا الْجَبَلْ؟ قِدَّامْ زَرُبَابِلْ تَقَعْ وَ تَبْقَى سَهَلَةْ بَسْ. وَ كَنْ زَرُبَابِلْ يِجِيبْ آخِرْ حَجَرْ لِيَبْنُوا بَيْتِي، النَّاسْ يِعِيطُوا وَ يُقُولُوا: ”مَبْرُوكْ! مَبْرُوكْ لِلْحَجَرْ!“›»

إرْمِيا 50:31

أَكِيدْ أَنَا نُقُمّ ضِدِّكِ، يَا بَابِلْ الْمُسْتَكْبِرَةْ! أَشَانْ يَوْمكِ جَاءْ وَ دَا الْوَكِتْ النِّعَاقِبْكِ فَوْقَهْ. وَ دَا كَلَامْ اللّٰهْ الرَّبّ الْقَادِرْ.

إرْمِيا 51:58

وَ دَاهُو اللّٰهْ الْقَادِرْ قَالْ: «دَرَادِرْ بَابِلْ التُّخَانْ يِلْهَدَّمَوْا. وَ بِيبَانْهَا الطُّوَالْ، النَّارْ تَاكُلْهُمْ. الشُّعُوبْ يِعَيُّوا نُفُوسْهُمْ سَاكِتْ وَ الْأُمَمْ يَتْعَبَوْا لِلتَّاكُلَهْ النَّارْ.»

إرْمِيا 51:53

حَتَّى كَنْ بَابِلْ تَبْقَى عَالِيَةْ لَحَدِّي السَّمَاءْ وَ تِقَوِّي بَكَانَاتْهَا الْعَالِيِينْ كُلَ، أَنَا نِجِيبْ فَوْقهَا مُخَرِّبِينْ.» وَ دَا كَلَامْ اللّٰهْ.

إشَعْيا 13:2

الرَّبّ قَالْ: «غُزُّوا رَايَةْ فِي الْجَبَلْ الْأَمْلَسْ وَ نَادُوا لِلْعَسْكَرْ. وَ وَصُّفُوهُمْ بِإِيدَيْكُو لِيَدْخُلُوا الْمَدِينَةْ بِبِيبَانْ الْحُكَّامْ.

دَنْيال 4:30

وَ قَالْ: «دِي مَا بَابِلْ الْكَبِيرَةْ الْأَنَا بَنَيْتهَا أَشَانْ تَبْقَى عَاصِمَةْ لِمَمْلَكَتِي وَلَّا؟ وَ أَنَا بَنَيْتهَا بِقُدُرْتِي وَ قُوِّتِي وَ شَرَفِي وَ مَجْدِي.»

إرْمِيا 51:7

بَابِلْ أَوَّلْ هِي مِثِلْ كَاسْ هَنَا دَهَبْ فِي إِيدْ اللّٰهْ، هِي سَكَّرَتْ كُلَّ الْأَرْض. وَ الْأُمَمْ شِرْبَوْا مِنْ خَمَرْهَا وَ فِي شَانْ دَا بَسْ، رُوسَيْهُمْ وَدَّرَوْا.

إرْمِيا 25:9

أَكِيدْ أَنَا نِنَادِي لَيْكُو كُلَّ قَبَايِلْ الْمُنْشَاقْ وَ عَبْدِي نَبُوخَدْنَصَرْ مَلِكْ بَابِلْ. وَ نِجِيبْهُمْ ضِدّ الْبَلَدْ دِي وَ ضِدّ سُكَّانْهَا وَ ضِدّ كُلَّ الْأُمَمْ الْمُجَاوِرِينْهَا وَ يِدَمُّرُوهُمْ. وَ نِجِيبْ فَوْقهُمْ الْخَرَابْ وَ الْبَهِيتَةْ وَ يَبْقَوْا كَوْم هَنَا تُرَابْ إِلَى الْأَبَدْ. وَ دَا كَلَامْ اللّٰهْ.

تكوين 11:4

خَلَاصْ قَالَوْا: «تَعَالُوا نِسَوُّوا لَيْنَا مَدِينَةْ وَ نَبْنُوا قَصِرْ طَوِيلْ الرَّاسَهْ يَلْحَقْ السَّمَاءْ أَشَانْ أُسُمْنَا يَبْقَى طَالِعْ وَ مَا نِشِتُّوا فِي الْأَرْض.»

2 بُطْرُس 3:10

وَ لَابُدَّ يَوْم اللّٰهْ يَجِي بِغَفْلَةْ مِثِلْ جَيَّةْ السَّرَّاقْ. وَ عَجَلَةْ كَيْ حَرَكَةْ شَدِيدَةْ تِنْسَمِعْ وَ السَّمَاوَاتْ يَبْقَوْا مَا فِيهُمْ وَ النُّجُومْ يِنْحَرْقُوا. وَ الْأَرْض وَ كُلَّ شَيّءْ الْيِسَوُّوهْ فَوْقهَا يِنْكَشِفْ.

زَبُور 138:7

وَكِتْ أَنَا نَمْشِي فِي أُسْط الضِّيقَةْ، إِنْتَ تِحَيِّينِي. تِنَزِّلْ إِيدَكْ فِي عُدْوَانِي وَ إِيدَكْ الزَّيْنَةْ تِنَجِّينِي.

إرْمِيا 50:25

اللّٰهْ فَتَحْ بَيْت السِّلَاحْ وَ مَرَقْ سِلَاحْ غَضَبَهْ. وَ مِثِلْ دَا بَسْ، اللّٰهْ الرَّبّ الْقَادِرْ جَهَّزْ خِدِمْتَهْ ضِدّ بَلَدْ بَابِلْ.

إرْمِيا 25:12

«وَ لَاكِنْ بَعَدْ السَّبْعِينْ سَنَةْ دَوْل يِكَمُّلُوا، أَنَا نِعَاقِبْ مَلِكْ بَابِلْ وَ أُمَّتَه فِي شَانْ خَطَاهُمْ. وَ نُقُمّ ضِدّ بَلَدْ الْبَابِلِيِّينْ وَ نِسَوِّيهَا بَلَدْ خَرَابْ إِلَى الْأَبَدْ. وَ دَا كَلَامْ اللّٰهْ.