إرْمِيا 51:24 - الكتاب المقدس بالعربي الدارجي هنا تشاد

²⁴ «وَ لَاكِنْ هَسَّعْ، شِيفُوا يَا بَنِي إِسْرَائِيلْ! أَنَا نِجَازِي بَابِلْ وَ كُلَّ سُكَّانْهَا حَسَبْ كُلَّ الْفَسَالَةْ السَّوَّوْهَا فِي صَهْيُون. وَ دَا كَلَامْ اللّٰهْ.

إرْمِيا 51:24 Referenca të Kryqëzuara

إرْمِيا 50:15

حَوُّقُوهَا مِنْ كُلِّ جِيهَةْ وَ كَوْرُكُوا كُرَوْرَاكْ الْحَرِبْ ضِدَّهَا. وَ خَلَاصْ، هِي تِسَلِّمْ نَفِسْهَا وَ قُصُورْهَا يِدَفُّقُوا وَ دَرَادِرْهَا يَقَعَوْا. اللّٰهْ كَفَّى التَّارْ فَوْقهَا. إِنْتُو كُلَ كَفُّوا التَّارْ وَ سَوُّوا فَوْقهَا مِثِلْ هِي سَوَّتْ.

رُؤية 18:24

وَ أَنْلَقَى فِي الْمَدِينَةْ دِي دَمّ الْأَنْبِيَاء وَ الصَّالِحِينْ وَ مَعَايَهْ دَمّ هَنَا أَيِّ نَادُمْ الْمَكْتُولْ فِي كُلَّ الْأَرْض.»

رُؤية 18:20

يَا سُكَّانْ السَّمَاوَاتْ، أَفْرَحَوْا بِدَمَارْهَا. يَا الرُّسُلْ وَ الْأَنْبِيَاء وَ الصَّالِحِينْ، أَفْرَحَوْا! أَشَانْ اللّٰهْ قَطَعْ لَيْكُو شَرِيعَةْ وَ عَاقَبَاهَا خَلَاصْ.»

رُؤية 6:10

وَ صَرَخَوْا بِحِسّ شَدِيدْ وَ قَالَوْا: «يَا رَبِّنَا الْحَقّ وَ الْقُدُّوسْ. نَرْجَوْا كَمْ يَوْم حَتَّى إِنْتَ تِعَاقِبْ وَ تِشِيلْ لَيْنَا التَّارْ فِي سُكَّانْ الْأَرْض الدَّفَّقَوْا دَمِّنَا؟»

إرْمِيا 51:49

يَا مَيْتِينْ بَنِي إِسْرَائِيلْ! بَابِلْ كُلَ وَاجِبْ تَقَعْ. أَشَانْ بَيْهَا هِي وَقَعَوْا نَاسْ مَيْتِينْ فِي أَيِّ بَكَانْ فِي الْأَرْض.

إرْمِيا 51:35

وَ خَلِّي الْعُنُفْ السَّوَّوْه لَيْنَا يُكُونْ فِي بَابِلْ!» وَ دَا كَلَامْ سُكَّانْ صَهْيُون. «وَ خَلِّي دِمِّتْنَا تَقَعْ فِي رَاسْ سُكَّانْ بَابِلْ!» وَ دَا كَلَامْ نَاسْ مَدِينَةْ الْقُدُسْ.

إرْمِيا 51:11

طَرُّقُوا نَشَاشِيبْكُو وَ أَمْلَوْا كَلَوْتَاتْكُو. اللّٰهْ حَرَّشْ مُلُوكْ مَادِي ضِدّ بَابِلْ أَشَانْ هُو قَرَّرْ يِدَمِّرْ بَابِلْ. يِشِيلْ فَوْقهَا التَّارْ وَ دَا تَارْ بَيْتَهْ الْمُقَدَّسْ الدَّمَّرَوْه.

إشَعْيا 66:6

فِي حِسّ هَنَا عَايِطْ جَايِ مِنْ الْمَدِينَةْ وَ حَرَكَةْ جَايَةْ مِنْ بَيْت اللّٰهْ. وَ دَا حِسّ اللّٰهْ الْقَاعِدْ يِجَازِي عُدْوَانَهْ.

إشَعْيا 61:2

أَنَا نَعْلِنْ سَنِةْ نِعْمَةْ اللّٰهْ وَ يَوْم التَّارْ هَنَا إِلٰـهْنَا. وَ دَا، لِنِصَبِّرْ كُلَّ الْحَزْنَانِينْ.

إشَعْيا 48:14

لِمُّوا كُلُّكُو وَ أَسْمَعَوْا! يَاتُو مِنْ الْإِلٰـهَاتْ خَبَّرْ بِالْأَشْيَاءْ دَوْل؟ الرَّاجِلْ الْيِحِبَّهْ اللّٰهْ يِنَفِّذْ نِيّتَهْ ضِدّ بَابِلْ وَ يَرْفَعْ دُرَاعَهْ ضِدّ الْبَابِلِيِّينْ.

إرْمِيا 25:14

وَ الْبَابِلِيِّينْ كُلَ دَوْرهُمْ يَجِي! يَبْقَوْا عَبِيدْ لِأُمَمْ كَتِيرِينْ وَ مُلُوكْ قَادْرِينْ. وَ أَنَا نِكَفِّيهُمْ نَتِيجَةْ فِعِلْهُمْ وَ خِدْمَةْ إِيدَيْهُمْ.»

إرْمِيا 50:10

وَ بَلَدْ بَابِلْ يِشِيلُوهَا مِثِلْ كَسِيبَةْ وَ كُلَّ نَهَّابِينْهَا يَشْبَعَوْا. وَ دَا كَلَامْ اللّٰهْ.

إرْمِيا 51:23

وَ بَيْكِ إِنْتِ، أَنَا ضَرَبْت الرُّعْيَانْ وَ غَنَمْهُمْ وَ الْحَرَّاتِينْ وَ تِيرَانْهُمْ وَ الْحُكَّامْ وَ مَسَائِيلْهُمْ.»

إرْمِيا 51:56

أَيْوَى! كُلَّ الْمُخَرِّبِينْ جَوْا ضِدّ بَابِلْ. عَسْكَرْهَا الْفُرَّاسْ أَنْكَرَبَوْا وَ نُبَّالْهُمْ أَلْكَسَّرْ. أَشَانْ اللّٰهْ هُو الْإِلٰـهْ الْيِجَازِي وَ يِكَافِي أَيِّ نَادُمْ عَلَيْ حَسَبْ الْوَاجِبْ لَيَّهْ.

مَراثِي إرْمِيا 3:64

يَا اللّٰهْ! قَبِّلْ لَيْهُمْ فِي رَاسْهُمْ نَفْس الْعَمَلْ السَّوَّوْه.

زَبُور 79:10

مَالَا الْأُمَمْ بُقُولُوا: «وَيْن إِلٰـهُّمْ؟» خَلِّي الْأُمَمْ دَوْل يَعَرْفُوا وَ وَصِّفْهُمْ قِدَّامْنَا كَدَرْ تِشِيلْ تَارْ فِي شَانْ عَبِيدَكْ الْكَتَلَوْهُمْ.