إرْمِيا 51:11 - الكتاب المقدس بالعربي الدارجي هنا تشاد

¹¹ طَرُّقُوا نَشَاشِيبْكُو وَ أَمْلَوْا كَلَوْتَاتْكُو. اللّٰهْ حَرَّشْ مُلُوكْ مَادِي ضِدّ بَابِلْ أَشَانْ هُو قَرَّرْ يِدَمِّرْ بَابِلْ. يِشِيلْ فَوْقهَا التَّارْ وَ دَا تَارْ بَيْتَهْ الْمُقَدَّسْ الدَّمَّرَوْه.

إرْمِيا 51:11 Referenca të Kryqëzuara

إرْمِيا 46:4

شِدُّوا الْخَيْل! وَ أَرْكَبَوْا، يَا الْفُرَّاسْ! وَ دِسُّوا طَوَاقِيكُو هَنَا الْحَرِبْ وَ جَهُّزُوا حُرَابْكُو وَ أَلْبَسَوْا دُرُوعْكُو.»

إرْمِيا 50:45

وَ فِي شَانْ دَا، أَسْمَعَوْا الْقَرَارْ الْقَرَّرَهْ اللّٰهْ ضِدّ بَابِلْ وَ أَسْمَعَوْا النِّيَّةْ الشَّالْهَا ضِدّ الْبَابِلِيِّينْ. أَكِيدْ يِوَدِّيهُمْ مِثِلْ عِيَالْ الْغَنَمْ وَ أَكِيدْ يَخْرِبْ مَرْعَاهُمْ.

إرْمِيا 50:9

أَشَانْ أَنَا نِحَرِّشْ مَجْمُوعَةْ أُمَمْ كَتِيرِينْ، يَجُوا مِنْ بَلَدْ الْمُنْشَاقْ لِيَهْجُمُوا بَابِلْ. وَ الْأُمَمْ دَوْل يِحَارُبُوهَا وَ يِشِيلُوهَا. وَ نَشَاشِيبْهُمْ هِنَيْ رُجَالْ فُرَّاسْ النُّشَّابْهُمْ تِحِتْ كَيْ مَا يَقَعْ.

إرْمِيا 46:9

قُمُّوا وَ أَجْرُوا، يَا الْخَيْل! يَا سِيَادْ عَرَبَاتْ الْحَرِبْ، سُوقُوا مِثِلْ مَجَانِينْ! أَمُرْقُوا، يَا فُرَّاسْ الْحَبَشَةْ وَ لِيبِيَا الشَّايْلِينْ الدَّرَقْ وَ فُرَّاسْ لُودْ الْيَعَرْفُوا النُّبَّالْ.»

زَكَرِيَّا 14:12

وَ دَاهُو الْوَبَاءْ الْاللّٰهْ يَضْرُبْ بَيَّهْ كُلَّ الشُّعُوبْ الْحَارَبَوْا مَدِينَةْ الْقُدُسْ. هُو يِعَفِّنْ جِسِمْهُمْ وَكِتْ هُمَّنْ وَاقْفِينْ بِطُولْهُمْ. وَ عُيُونْهُمْ يِعَفُّنُوا فِي لُبّ نُقَارْهُمْ وَ لِسْنَيْهُمْ يِعَفُّنُوا فِي لُبّ خُشُومْهُمْ.

زَكَرِيَّا 14:2

أَنَا نِلِمّ كُلَّ الْأُمَمْ فِي مَدِينَةْ الْقُدُسْ لِيِحَارُبُوهَا. وَ يِشِيلُوا الْمَدِينَةْ وَ يَنْهَبَوْا الْبُيُوتْ وَ يَرُقْدُوا مَعَ الْعَوِينْ بِقُوءْ. وَ نُصّ سُكَّانْ الْمَدِينَةْ يِوَدُّوهُمْ فِي الْغُرْبَةْ وَ لَاكِنْ الْفَضَّلَوْا كَمَانْ يِخَلُّوهُمْ فِي الْمَدِينَةْ.

إرْمِيا 51:35

وَ خَلِّي الْعُنُفْ السَّوَّوْه لَيْنَا يُكُونْ فِي بَابِلْ!» وَ دَا كَلَامْ سُكَّانْ صَهْيُون. «وَ خَلِّي دِمِّتْنَا تَقَعْ فِي رَاسْ سُكَّانْ بَابِلْ!» وَ دَا كَلَامْ نَاسْ مَدِينَةْ الْقُدُسْ.

إرْمِيا 51:24

«وَ لَاكِنْ هَسَّعْ، شِيفُوا يَا بَنِي إِسْرَائِيلْ! أَنَا نِجَازِي بَابِلْ وَ كُلَّ سُكَّانْهَا حَسَبْ كُلَّ الْفَسَالَةْ السَّوَّوْهَا فِي صَهْيُون. وَ دَا كَلَامْ اللّٰهْ.

إرْمِيا 51:12

أَرْفَعَوْا رَايَةْ الْهُجُومْ ضِدّ دُرْدُرْ بَابِلْ وَ شَدُّدُوا الْمُرَاقَبَةْ. خُطُّوا حُرَّاسْ وَ خُطُّوا نَاسْ لِيَرْبُطُوا كَمِينْ. أَشَانْ الشَّيّءْ الْقَرَّرَهْ اللّٰهْ، هُو يِسَوِّيهْ وَ دَا قَرَارَهْ ضِدّ سُكَّانْ بَابِلْ.

إرْمِيا 50:25

اللّٰهْ فَتَحْ بَيْت السِّلَاحْ وَ مَرَقْ سِلَاحْ غَضَبَهْ. وَ مِثِلْ دَا بَسْ، اللّٰهْ الرَّبّ الْقَادِرْ جَهَّزْ خِدِمْتَهْ ضِدّ بَلَدْ بَابِلْ.

إشَعْيا 46:11

وَ أَنَا نِنَادِي مِنْ الصَّبَاحْ رَاجِلْ مِثِلْ صَقُرْ. نِنَادِيهْ مِنْ بَلَدْ بَعِيدَةْ لِيِحَقِّقْ نِيّتِي. الْقُلْتَهْ، يُكُونْ وَ الْقَرَّرْتَهْ، نِحَقِّقَهْ.

إشَعْيا 45:5

وَ أَنَا اللّٰهْ. لَا إِلٰـهْ إِلَّا أَنَا وَ مَا فِي إِلٰـهْ بَلَايِ. أَنَا رَبَطْت لَيْك حِزَامْ الْقُدْرَةْ قَبُلْ مَا تَعَرِفْنِي.

إشَعْيا 45:1

وَ دَاهُو اللّٰهْ قَالْ لِلنَّادُمْ الْهُو مَسَحَهْ وَ دَرَّجَهْ مَلِكْ: «لَيْك إِنْتَ، يَا كُورَشْ، أَنَا كَرَبْتَكْ مِنْ إِيدَكْ الزَّيْنَةْ لِنَرْمِي الْأُمَمْ قِدَّامَكْ. أَنَا نِحِلّ حِزَامْ الْمُلُوكْ وَ نُفُكّ قِدَّامَكْ بِيبَانْ الْمُدُنْ وَ بَتَّانْ مَا يُكُونُوا مَقْفُولِينْ.

إشَعْيا 41:25

«مِنْ الْمُنْشَاقْ، أَنَا قَوَّمْت رَاجِلْ وَ مِنْ الصَّبَاحْ، هُو جَاءْ وَ يِنَادِي أُسْمِي. هُو يِفَجِّقْ الْكُبَارَاتْ مِثِلْ الطِّينَةْ، مِثِلْ الطِّينَةْ الْيِفَجِّقْهَا دَقَّاقْ الْجِرَارْ.

إشَعْيا 21:5

جَابَوْا الْأَكِلْ فِي الدَّبَلَايْ وَ فَرَّشَوْا الْبِرِشْ وَ أَكَلَوْا وَ شِرْبَوْا. لَاكِنْ طَوَّالِي، فِي حِسّ قَالْ: «قُمُّوا، يَا قُيَّادْ! زَيُّدُوا دُرُوعْكُو.»

إشَعْيا 21:2

رُؤْيَةْ مُخِيفَةْ بَانَتْ لَيِّ. نِشِيفْ الْخَايِنْ يُخُونْ وَ الْمُدَمِّرْ يِدَمِّرْ. وَ اللّٰهْ قَالْ: «يَلَّا أَهْجُمُوا الْمَدِينَةْ، يَا نَاسْ عِلَامْ! وَ حَاصُرُوهَا، يَا نَاسْ مَادِي! أَنَا نِوَقِّفْ كُلَّ الْقَنِتِينْ الْهِي ثَبَّتَتَهْ.»

إشَعْيا 10:26

«وَ أَنَا اللّٰهْ الْقَادِرْ نَرْفَعْ لَيَّهْ السَّوْط وَ نَضُرْبَهْ مِثِلْ ضَرَبْت نَاسْ مِدْيَانْ فِي حَجَرْ عُرِيبْ. وَ نَرْفَعْ عَصَاتِي ضِدّ الْبَحَرْ مِثِلْ رَفَعْتَهَا ضِدّ الْمَصْرِيِّينْ زَمَانْ.

عَزْرا 1:1

فِي السَّنَةْ الْأَوَّلْ هَنَا حُكُمْ كُورَشْ مَلِكْ بَلَدْ فَارِسْ، اللّٰهْ قَمَّ يِحَقِّقْ كَلَامَهْ الْأَوَّلْ قَالَهْ بِخَشُمْ النَّبِي إِرْمِيَا. وَ اللّٰهْ أَنْطَى فِكِرْ لِكُورَشْ مَلِكْ بَلَدْ فَارِسْ وَ بَيْدَا، كُورَشْ قَرَّرْ فِي كُلَّ مَمْلَكَتَهْ وَ كَتَبْ مَكْتُوبْ وَ قَالْ:

2 أخبار 36:22

وَ فِي السَّنَةْ الْأَوَّلْ هَنَا حُكُمْ كُورَشْ مَلِكْ بَلَدْ فَارِسْ، اللّٰهْ قَمَّ لِيِحَقِّقْ كَلَامَهْ الْأَوَّلْ قَالَهْ بِخَشُمْ النَّبِي إِرْمِيَا. وَ اللّٰهْ أَنْطَى فِكِرْ لِكُورَشْ مَلِكْ بَلَدْ فَارِسْ. وَ بَيْدَا، كُورَشْ قَرَّرْ فِي كُلَّ مَمْلَكَتَهْ وَ كَتَبْ مَكْتُوبْ وَ قَالْ:

1 أخبار 5:26

وَ خَلَاصْ، اللّٰهْ إِلٰـهْ بَنِي إِسْرَائِيلْ لَزَّ فُولْ مَلِكْ بَلَدْ أَشُورْ وَ هُو الْأُسْمَهْ تَغْلَتْ فَلَاسَرْ. وَ تَغْلَتْ فَلَاسَرْ جَاءْ شَالْ قَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى. وَ وَدَّاهُمْ فِي الْغُرْبَةْ فِي بَلَدْ أَشُورْ فِي حِلَّالْ حَلَحْ وَ حَابُرْ وَ هَارَا وَ قَرِيبْ لِبَحَرْ قُزَانْ. وَ هُمَّنْ سَاكْنِينْ هِنَاكْ لَحَدِّي الْيَوْم.

1 مُلوك 11:23

وَ الرَّبّ قَوَّمْ عَدُو آخَرْ لِسُلَيْمَانْ، أُسْمَهْ رِزُونْ وِلَيْد أَلِيَادَعْ الْعَرَّدْ مِنْ بَيْت سِيدَهْ هَدَدْعَازَرْ مَلِكْ صُوبَةْ.

1 مُلوك 11:14

وَ خَلَاصْ، اللّٰهْ قَوَّمْ عَدُو لِسُلَيْمَانْ. وَ هُو هَدَّادْ الْأَدَوْمِي مِنْ ذُرِّيَّةْ مَلِكْ الْأَدَوْمِيِّينْ.

لاوِيِّين 26:25

وَ أَنَا نِجِيبْ لَيْكُو الْحَرِبْ بِسَبَبْ إِنْتُو نَقَضْتُوا مُعَاهَدَتِي وَ إِنْتُو تِلِمُّوا فِي مُدُنْكُو. وَ أَنَا نِرَسِّلْ لَيْكُو وَبَاءْ وَ نِسَلِّمْكُو لِعُدْوَانْكُو.

إرْمِيا 25:25

وَ كُلَّ مُلُوكْ زِمْرِي وَ عِلَامْ وَ الْمَادِيِّينْ

إرْمِيا 46:3

«جَهُّزُوا الدَّرَقْ كُبَارْ وَ دُقَاقْ وَ يَلَّا لِلْحَرِبْ!

إرْمِيا 50:3

أَشَانْ مِنْ مُنْشَاقْ، أُمَّةْ جَاتْ هَجَمَتْ بَابِلْ وَ خَرَبَتْ الْبَلَدْ. وَ نَاسْهَا وَ بَهَايِمْهَا كُلُّهُمْ عَرَّدَوْا وَ الْبَلَدْ دِي بِقَتْ فَاضِيَةْ مِنْ سُكَّانْهَا.»

إرْمِيا 51:36

وَ فِي شَانْ دَا، دَاهُو اللّٰهْ قَالْ: «أَنَا نِدَافِعْ لَيْكُو مِثِلْ مُحَامِي وَ نِشِيلْ لَيْكُو التَّارْ. وَ نِيَبِّسْ بَحَرْ بَابِلْ وَ نِجَفِّفْ عُيُونْ أَلْمِيهَا.

دَنْيال 5:30

وَ لَاكِنْ فِي نَفْس اللَّيْلَةْ دِي، بَلْشَاصَرْ مَلِكْ بَابِلْ، كَتَلَوْه.

يُوِيل 3:9

بَلُّغُوا لِلْأُمَمْ وَ قُولُوا: «خَصُّصُوا دَيْش لِلْحَرِبْ وَ قَوُّمُوا الْفُرَّاسْ. خَلِّي كُلَّ الرُّجَالْ الْمُحَارِبِينْ يِنْضَمَّوْا وَ يَمْشُوا.

يُوِيل 3:10

وَ جَرَارِيكُو دُقُّوهُمْ سُيُوفْ وَ خَنَاجِرْكُو دُقُّوهُمْ حُرَابْ. وَ الضَّعِيفْ، خَلِّي يُقُولْ: ‹أَنَا بِقِيتْ فَارِسْ!›