إرْمِيا 50:19 - الكتاب المقدس بالعربي الدارجي هنا تشاد

¹⁹ وَ أَنَا نِقَبِّلْ بَنِي إِسْرَائِيلْ فِي بَكَانْ مَرْعَاهُمْ وَ يَسْرَحَوْا فِي جَبَلْ الْكَرْمَلْ وَ تُرَابْ بَاشَانْ وَ يَشْبَعَوْا فِي جِبَالْ أَفْرَايِمْ وَ تُرَابْ قِلْعَادْ.

إرْمِيا 50:19 Referenca të Kryqëzuara

مِيخا 7:14

يَا رَبّ، قُودْ شَعَبَكْ الْمِثِلْ وَرَثَتَكْ مِثِلْ رَاعِي يُقُودْ غَنَمَهْ بِدُقْلَهْ. هُمَّنْ قَاعِدِينْ وِحَيْدهُمْ فِي الْغَابَةْ مُحَوَّقَةْ بِجِنَيْنَاتْ عِنَبْ. خَلِّيهُمْ يَسْرَحَوْا مِثِلْ زَمَانْ فِي مَرْعَى بَاشَانْ وَ فِي بَكَانْ هَنَا سَرْحَةْ فِي قِلْعَادْ.

إرْمِيا 31:6

وَ يَجِي يَوْم وَاحِدْ الْفَوْقَهْ الْحُرَّاسْ يِنَادُوا فِي جِبَالْ أَفْرَايِمْ وَ يُقُولُوا: ‹يَلَّا قُمُّوا نَمْشُوا لِمَدِينَةْ صَهْيُون، لِلّٰهْ إِلٰـهْنَا.›»

مِيخا 7:18

يَاتُو إِلٰـهْ مِثْلَكْ إِنْتَ، يَا اللّٰهْ؟ إِنْتَ التَّغْفِرْ الْخَطَا وَ تَحْمَلْ عِصْيَانْ النَّاسْ الْفَضَّلَوْا مِنْ شَعَبَكْ الْمِثِلْ وَرَثَتَكْ. غَضَبَكْ مَا يَقْعُدْ دَايْماً أَشَانْ إِنْتَ تِحِبّ الْخَيْر.

حِزْقِيال 38:8

وَ بَعَدْ أَيَّامْ وَ فِي آخِرْ الْوَكِتْ، تِنَظِّمْ دَيْشَكْ وَ تَهْجِمْ بَلَدْ إِسْرَائِيلْ. زَمَانْ، شَعَبْهَا نِجَوْا مِنْ الْحَرِبْ وَ هَسَّعْ، قَبَّلَوْا كَتِيرِينْ مِنْ بَيْن الشُّعُوبْ وَ جَوْا لَمَّوْا فِي جِبَالْ إِسْرَائِيلْ الْخَرْبَانِينْ مِنْ مُدَّةْ طَوِيلَةْ. وَ هَسَّعْ كُلُّهُمْ سَاكْنِينْ بِأَمَانْ.

حِزْقِيال 36:33

وَ دَاهُو اللّٰهْ الرَّبّ قَالْ: «يَوْم نِطَهِّرْكُو مِنْ كُلَّ خَطَاكُو، نِثَبِّتْكُو فِي مُدُنْكُو بَتَّانْ وَ الْبَكَانَاتْ الْمُهَدَّمِينْ يِنْبَنُوا.

حِزْقِيال 36:24

«‹”وَ أَنَا نِشِيلْكُو مِنْ بَيْن الْأُمَمْ وَ نِلِمُّكُو مِنْ كُلَّ الْبُلْدَانْ وَ نِوَدِّيكُو فِي أَرْضُكُو.

حِزْقِيال 11:17

وَ فِي شَانْ دَا، قُولْ لَيْهُمْ: ‹دَاهُو اللّٰهْ الرَّبّ قَالْ: ”أَنَا نِلِمُّكُو مِنْ أُسْط الشُّعُوبْ وَ نَجْمَعْكُو مِنْ الْبُلْدَانْ الْإِنْتُو مُشَتَّتِينْ فَوْقهُمْ وَ نَنْطِيكُو بَتَّانْ بَلَدْ إِسْرَائِيلْ.

إرْمِيا 32:37

‹أَكِيدْ أَنَا نِلِمُّهُمْ مِنْ كُلَّ الْبُلْدَانْ الْأَنَا شَتَّتُّهُمْ فَوْقهُمْ فِي وَكِتْ زَعَلِي وَ غَضَبِي الشَّدِيدْ. وَ نِقَبِّلْهُمْ فِي أَرْضُهُمْ وَ نِثَبِّتْهُمْ فَوْقهَا وَ يَقْعُدُوا بِأَمَانْ.

إرْمِيا 31:25

وَ أَنَا اللّٰهْ نَرْوِي الْعَطْشَانِينْ وَ نَشْبِعْ الْجِيعَانِينْ.»

إرْمِيا 30:18

وَ دَاهُو اللّٰهْ قَالْ: «أَكِيدْ أَنَا اللّٰهْ نِقَبِّلْ ذُرِّيَّةْ يَعْقُوبْ مِنْ بَلَدْ الْغُرْبَةْ وَ نَرْحَمْ بُيُوتْهُمْ. وَ الْمَدِينَةْ تِنْبَنِي فِي بَكَانْهَا الْأَوَّلْ وَ قُصُورْهَا كُلَ يِنْبَنُوا فِي بَكَانْهُمْ.

إرْمِيا 30:10

«وَ إِنْتُو، يَا ذُرِّيَّةْ عَبْدِي يَعْقُوبْ، مَا تَخَافَوْا وَ مَا تِنْبَهْتُوا، يَا بَنِي إِسْرَائِيلْ! أَكِيدْ أَنَا نِنَجِّيكُو مِنْ الْبَلَدْ الْبَعِيدَةْ وَ نِجِيبْ ذُرِّيِّتْكُو مِنْ بَلَدْ الْغُرْبَةْ. ذُرِّيَّةْ يَعْقُوبْ يَجُوا وَ يَقْعُدُوا بِرَاحَةْ وَ أَمَانْ وَ أَكِيدْ مَا فِي نَادُمْ يِبَشْتِنْهُمْ. وَ دَا كَلَامْ اللّٰهْ.

إرْمِيا 23:3

وَ أَنَا ذَاتِي نِلِمّ شَعَبِي الْفَضَّلَوْا وَ نِجِيبْهُمْ مِنْ كُلَّ الْبُلْدَانْ الْأَنَا شَتَّتُّهُمْ فَوْقهُمْ. وَ مِثِلْ الْغَنَمْ، نِجِيبْهُمْ فِي مَرْعَاهُمْ وَ هُمَّنْ يَلْدَوْا وَ يَبْقَوْا كَتِيرِينْ.

إرْمِيا 3:18

وَ فِي الْوَكِتْ دَاكْ، بَنِي يَهُوذَا يِلِمُّوا مَعَ بَنِي إِسْرَائِيلْ. وَ مِنْ بَلَدْ الْمُنْشَاقْ هُمَّنْ يَجُوا سَوَا فِي الْبَلَدْ الْأَنَا أَنْطَيْتهَا لِجُدُودْهُمْ مِثِلْ وَرَثَةْ.»

إشَعْيا 35:2

خَلِّي تِنْمَلِي بِنُوَّارْ الْكَدَادَةْ وَ تِنَطِّطْ وَ تَلْعَبْ وَ تِزَغْرِطْ مِنْ الْفَرَحْ. اللّٰهْ يَنْطِي الْبَلَدْ دِي غَابَةْ جَمِيلَةْ مِثِلْ غَابَةْ لُبْنَانْ وَ أَرْض الْعِنْدَهَا إِنْتَاجْ كَتِيرْ مِثِلْ جَبَلْ الْكَرْمَلْ وَ سَهَلَةْ شَارُونْ. وَ يِشِيفُوا مَجْد اللّٰهْ وَ عَظَمَةْ إِلٰـهْنَا.

إشَعْيا 33:9

الْبَلَدْ جَفَّتْ وَ يِبْسَتْ أَيْوَى، لُبْنَانْ يِبْسَتْ وَ الْعَيْب كَرَبْهَا. سَهَلَةْ شَارُونْ بِقَتْ مِثِلْ الصَّحَرَاء وَ تُرَابْ بَاشَانْ وَ جَبَلْ الْكَرْمَلْ وَدَّرَوْا خَضَارْهُمْ.

نشيد 6:5

دَلِّي عُيُونْكِ مِنِّي أَشَانْ قَاعِدِينْ يِبَرْجُلُونِي. وَ شَعَرْكِ مِثِلْ دَنَبْ الْفَرَسْ النَّازْلَةْ مِنْ جَبَلْ قِلْعَادْ.

يَشُوع 17:15

وَ يَشُوعْ قَالْ لَيْهُمْ: «كَنْ إِنْتُو نَاسْ كَتِيرِينْ وَ جِبَالْ أَفْرَايِمْ ضَيِّقْ لَيْكُو، أَمْشُوا فِي الْغَابَةْ وَ شِيلُوا لِنُفُوسْكُو بَكَانْ فِي بَلَدْ الْفِرِزِّيِّينْ وَ الرَّفَايِينْ.»

عَدد 32:1

وَ قَبِيلَةْ رَأُوبِينْ وَ قَبِيلَةْ قَادْ عِنْدُهُمْ بَهَايِمْ كَتِيرِينْ مَرَّةْ وَاحِدْ. وَ وَكِتْ شَافَوْا أَرْض يَعْزِيرْ وَ أَرْض قِلْعَادْ، هُمَّنْ عِرْفَوْا كَدَرْ الْأَرْض دِي تِوَافِقْ مَعَ الْبَهَايِمْ.

إرْمِيا 30:7

الْعَذَابْ! الْيَوْم دَا، يَوْم عَجِيبْ وَ يَوْم مِثْلَهْ كُلَ مَا فِيهْ. وَ دَا وَكِتْ ضِيقَةْ ذُرِّيَّةْ يَعْقُوبْ وَ لَاكِنْ يَنْجَوْا مِنْهَا.»

إرْمِيا 46:27

«وَ إِنْتُو، يَا ذُرِّيَّةْ عَبْدِي يَعْقُوبْ، مَا تَخَافَوْا! وَ يَا بَنِي إِسْرَائِيلْ، مَا تِنْبَهْتُوا! أَكِيدْ أَنَا نِنَجِّيكُو مِنْ الْبَلَدْ الْبَعِيدَةْ وَ نِجِيبْ ذُرِّيِّتْكُو مِنْ بَلَدْ الْغُرْبَةْ. وَ ذُرِّيَّةْ يَعْقُوبْ يَجُوا وَ يَقْعُدُوا فِي بَلَدْهُمْ بِرَاحَةْ وَ أَمَانْ وَ أَكِيدْ مَا فِي نَادُمْ يِبَشْتِنْهُمْ.

إرْمِيا 50:6

«شَعَبِي مِثِلْ غَنَمْ مُوَدِّرِينْ الرُّعْيَانْهُمْ وَدَّرَوْهُمْ فِي الْجِبَالْ. يِلِفُّوا بَيْهُمْ مِنْ جَبَلْ لِآخَرْ لَحَدِّي الْغَنَمْ دَوْل نَسَّوْهُمْ زَرِيبِتْهُمْ.

حِزْقِيال 47:18

«وَ فِي الصَّبَاحْ، الْحُدُودْ يُقُمُّوا مِنْ بَيْن حَوْرَانْ وَ أَرْض دِمَشْق وَ يَمْشُوا بَيْن قِلْعَادْ وَ بَلَدْ إِسْرَائِيلْ. وَادِي الْأُرْدُنْ يَبْقَى حُدُودْكُو لَحَدِّي الْبَحَرْ الْمَيِّتْ. وَ دَا عَلَيْ جِيهَةْ الصَّبَاحْ.

زَكَرِيَّا 10:10

أَنَا نِقَبِّلْهُمْ مِنْ بَلَدْ مَصِرْ وَ مِنْ بَلَدْ أَشُورْ، نِلِمُّهُمْ. وَ نِثَبِّتْهُمْ فِي بَلَدْ قِلْعَادْ وَ لُبْنَانْ لَحَدِّي الْأَرْض مَا تِتِمُّهُمْ.

عَدد 32:4

هَنَا الْبَلَدْ الْاللّٰهْ قَلَعَاهَا وَ أَنْطَاهَا لِمُجْتَمَعْ بَنِي إِسْرَائِيلْ. وَ الْأَرْض دِي مُوَافْقَةْ لِلْبَهَايِمْ. وَ دَاهُو أَنِحْنَ عَبِيدَكْ كُلَ عِنْدِنَا بَهَايِمْ.»

عَزْرا 2:1

أَوَّلْ نَبُوخَدْنَصَرْ مَلِكْ بَابِلْ كَرَبْ نَاسْ مِنْ بَلَدْ يَهُوذَا وَ وَدَّاهُمْ فِي الْغُرْبَةْ فِي بَابِلْ. وَ بَعَدْ أَمُرْ الْمَلِكْ كُورَشْ، هُمَّنْ قَبَّلَوْا فِي مَدِينَةْ الْقُدُسْ وَ فِي بَلَدْ يَهُوذَا، أَيِّ وَاحِدْ فِي مَدِينْتَهْ.