إرْمِيا 5:15 - الكتاب المقدس بالعربي الدارجي هنا تشاد

¹⁵ يَا بَنِي إِسْرَائِيلْ! دَاهُو أَنَا نِجِيبْ أُمَّةْ مِنْ بَعِيدْ وَ هِي تُقُمّ ضِدُّكُو. وَ الْأُمَّةْ دِي قَوِيَّةْ وَ قَدِيمَةْ فِي الْأُمَمْ. وَ إِنْتُو مَا تَعَرْفُوا لُغِّتْهُمْ وَ لَا تَفْهَمَوْا كَلَامْهُمْ. وَ دَا كَلَامْ اللّٰهْ.

إرْمِيا 5:15 Referenca të Kryqëzuara

تَثْنِية 28:49

وَ اللّٰهْ يِقَوِّمْ ضِدُّكُو أُمَمْ يَجُوا مِنْ بَعِيدْ مِنْ آخِرْ الْأَرْض مِثِلْ الصَّقُرْ الْيِنْرَخِي فِي رِمِّتَهْ. وَ الْأُمَمْ دَوْل، إِنْتُو مَا تَعَرْفُوا لُغِّتْهُمْ.

إرْمِيا 4:16

فُكُّوا أَدَانْ الْأُمَمْ وَ خَبُّرُوا مَدِينَةْ الْقُدُسْ وَ قُولُوا: ‹فِي نَاسْ مُحَاصِرِينْ جَايِينْ مِنْ بَلَدْ بَعِيدَةْ وَ يِكَوْرُكُوا لِلْحَرِبْ ضِدّ حِلَّالْ بَلَدْ يَهُوذَا.

إشَعْيا 33:19

وَ بَتَّانْ مَا تِشِيفْ الشَّعَبْ الْمُتَكَبِّرْ، الشَّعَبْ الْكَلَامْهُمْ قَوِي وَ لُغِّتْهُمْ مَا تِنْعَرِفْ وَ لَا تِنْفَهِمْ.

إشَعْيا 28:11

تَمَامْ! بِكَلَامْ مَا مَفْهُومْ وَ بِلِسَانْ مَا مَعْرُوفْ، الرَّبّ يِحَجِّي لِشَعَبَهْ.

إشَعْيا 5:26

هُو يَرْفَعْ رَايَةْ لِأُمَمْ بَعِيدِينْ وَ يِصَفِّرْ لِيِنَادِي الْقَاعِدِينْ فِي آخِرْ الْأَرْض. دَاهُو! هُمَّنْ يُقُمُّوا عَجَلَةْ وَ يَجُوا بِسُرْعَةْ.

إرْمِيا 25:9

أَكِيدْ أَنَا نِنَادِي لَيْكُو كُلَّ قَبَايِلْ الْمُنْشَاقْ وَ عَبْدِي نَبُوخَدْنَصَرْ مَلِكْ بَابِلْ. وَ نِجِيبْهُمْ ضِدّ الْبَلَدْ دِي وَ ضِدّ سُكَّانْهَا وَ ضِدّ كُلَّ الْأُمَمْ الْمُجَاوِرِينْهَا وَ يِدَمُّرُوهُمْ. وَ نِجِيبْ فَوْقهُمْ الْخَرَابْ وَ الْبَهِيتَةْ وَ يَبْقَوْا كَوْم هَنَا تُرَابْ إِلَى الْأَبَدْ. وَ دَا كَلَامْ اللّٰهْ.

إرْمِيا 1:15

وَ دَاهُو أَنَا نِنَادِي كُلَّ قَبَايِلْ مَمَالِكْ الْمُنْشَاقْ. وَ هُمَّنْ يَجُوا وَ أَيِّ وَاحِدْ يُخُطّ كُرْسِيهْ قِدَّامْ خَشُمْ بَابْ مَدِينَةْ الْقُدُسْ. يِحَوُّقُوا دَرَادِرْهَا وَ يَهْجُمُوا كُلَّ حِلَّالْ بَلَدْ يَهُوذَا. وَ دَا كَلَامْ اللّٰهْ.

1 كُرُنْتُس 14:21

وَ مَكْتُوبْ فِي كِتَابْ اللّٰهْ: <بِكَلَامْ مَا مَفْهُومْ وَ بِلِسَانْ مَا مَعْرُوفْ، نِحَجِّي لِلشَّعَبْ دَا. لَاكِنْ بَيْدَا كُلَ، هُمَّنْ مَا يِدَوْرُوا يَسْمَعَوْنِي. وَ دَا كَلَامْ اللّٰهْ.>

حِزْقِيال 18:31

خَلُّوا مِنْكُو عِصْيَانْكُو وَ غَيَّرَوْا قَلِبْكُو بِقَلِبْ جَدِيدْ وَ غَيَّرَوْا رُوحْكُو بِرُوحْ جَدِيدَةْ. مَالَا تُمُوتُوا، يَا بَنِي إِسْرَائِيلْ؟

إرْمِيا 9:26

أَنَا نُقُمّ ضِدّ مَصِرْ وَ ضِدّ يَهُوذَا وَ ضِدّ أَدَوْم وَ ضِدّ بَنِي عَمُّونْ وَ ضِدّ مُوَابْ وَ ضِدّ الْيِزَيُّنُوا شَعَرْهُمْ الْيَسْكُنُوا فِي الصَّحَرَاء. لَاكِنْ بِالصَّحِيحْ، الْأُمَمْ دَوْل مَا مُطَهَّرِينْ وَ بَنِي إِسْرَائِيلْ كُلَ قُلُوبْهُمْ مَا طَاهِرِينْ.»

إرْمِيا 6:22

وَ دَاهُو اللّٰهْ قَالْ: «دَاهُو شَعَبْ جَايِ مِنْ بَلَدْ الْمُنْشَاقْ وَ أُمَّةْ كَبِيرَةْ تُقُمّ مِنْ آخِرْ الْأَرْض.

إرْمِيا 5:11

أَيْوَى، بَنِي إِسْرَائِيلْ وَ بَنِي يَهُوذَا خَانَوْنِي خِيَانَةْ كَبِيرَةْ.» وَ دَا كَلَامْ اللّٰهْ.

إرْمِيا 2:26

وَ اللّٰهْ قَالْ: «إِنْتُو يَا بَنِي إِسْرَائِيلْ، الْعَيْب يَكْرُبْكُو، إِنْتُو وَ مُلُوكُّو وَ كُبَارَاتْكُو وَ رُجَالْ دِينْكُو وَ أَنْبِيَائْكُو، مِثِلْ عَيْب السَّرَّاقْ الْكَرَبَوْه قَاعِدْ يَسْرِقْ.

إشَعْيا 29:6

وَ اللّٰهْ الْقَادِرْ يَجِي لَيْكِ بِرَعَدْ وَ زِلْزَالْ وَ حَرَكَةْ شَدِيدَةْ وَ زَوْبَعَانَةْ وَ رِيحْ شَدِيدَةْ وَ أَمْ بَلْبَالَةْ هَنَا نَارْ التَّحْرِقْ.

إشَعْيا 29:3

يَا مَدِينَةْ الْقُدُسْ، نَجِي بِعَسْكَرِي وَ نِحَوِّقْكِ وَ نُقُمّ ضِدِّكِ وَ نِحَاصِرْكِ وَ نَبْنِي خَنَادِقْ وَرَاءْ دُرْدُرْكِ.

إشَعْيا 5:7

أَشَانْ جِنَيْنَةْ اللّٰهْ الْقَادِرْ، هِي ذُرِّيَّةْ بَنِي إِسْرَائِيلْ. وَ نَاسْ يَهُوذَا، هُمَّنْ مَقَنْ الْهُو يِحِبَّهْ. بِعَشَمْ هُو يَرْجَى مِنْهُمْ الْعَدَالَةْ وَ لَاكِنْ لِقِي الظُّلُمْ. هُو يَرْجَى مِنْهُمْ الصَّلَاحْ وَ لَاكِنْ سِمِعْ صِرَاخْ الْمَظْلُومْ.

دَنْيال 7:7

وَ بَعَدْ دَا فِي نَفْس الرُّؤْيَةْ دِي، شِفْت الْحَيْوَانْ الرَّابِعْ. هُو يَبْهَتْ وَ يِخَوِّفْ وَ عِنْدَهْ قُدْرَةْ شَدِيدَةْ. وَ عِنْدَهْ سُنُونْ كُبَارْ هَنَا حَدِيدْ وَ بَيْهُمْ يَاكُلْ وَ يِشَرِّطْ وَ الْفَضْلَةْ يِفَجِّقْهَا بِرِجِلَيْنَهْ. وَ الْحَيْوَانْ دَا بِقِي شِقْ مِنْ الْحَيْوَانَاتْ التَّلَاتَةْ الْأَوَّلَانِيِّينْ. وَ هُو عِنْدَهْ عَشَرَةْ قُرُونْ.

تكوين 11:7

خَلِّي نِبَرْجُلُوا لُغِّتْهُمْ أَشَانْ مَا يِلْفَاهَمَوْا أَمْبَيْنَاتْهُمْ.»

تَثْنِية 28:33

وَ شُعُوبْ الْمَا تَعَرْفُوهُمْ يَاكُلُوا إِنْتَاجْ أَرْضُكُو وَ نَتِيجَةْ خِدْمِتْكُو. وَ إِنْتُو تِنْظَلْمُوا وَ تَتْعَبَوْا كُلَّ يَوْم.

زَبُور 81:5

اللّٰهْ شَالْ قَرَارْ فِي ذُرِّيَّةْ يُوسُفْ وَكِتْ هُو قَمَّ ضِدّ مَصِرْ. أَنَا سِمِعْت حِسّ الْمَا عِرِفْتَهْ وَ الْكَلَامْ دَا يُقُولْ:

إشَعْيا 39:3

وَ بَعَدْ دَا، النَّبِي إِشَعْيَا جَاءْ لِلْمَلِكْ حِزْقِيَّا وَ قَالْ لَيَّهْ: «النَّاسْ دَوْل جَوْا قَالَوْا لَيْك شُنُو؟ وَ هُمَّنْ جَايِينْ مِنْ وَيْن؟» وَ حِزْقِيَّا قَالْ: «هُمَّنْ جَايِينْ لَيِّ مِنْ بَعِيدْ، مِنْ بَلَدْ بَابِلْ!»

دَنْيال 1:4

وَ الصُّبْيَانْ دَوْل يُكُونُوا مَا عِنْدُهُمْ أَيِّ عَيْب وَ يَعَجُبُوا الْعَيْن وَ عِنْدُهُمْ حِكْمَةْ وَ مَعْرَفَةْ كَتِيرَةْ. وَ يَقْدَرَوْا يَفْهَمَوْا وَ يِلْعَلَّمَوْا وَ مُوَافْقِينْ لِلْخِدْمَةْ فِي قَصِرْ الْمَلِكْ. وَ يِعَلُّمُوهُمْ لُغَّةْ الْبَابِلِيِّيْن وَ كُتُبْهُمْ.

عَمُوس 6:14

وَ دَاهُو كَلَامْ اللّٰهْ الْإِلٰـهْ الْقَادِرْ: «يَا بَنِي إِسْرَائِيلْ، أَنَا نِرَسِّلْ لَيْكُو أُمَّةْ تِضَايِقْكُو مِنْ خَشُمْ حِلَّةْ لَبُو حَمَاتْ فِي الْمُنْشَاقْ لَحَدِّي وَادِي الْأُرْدُنْ فِي الْوَطِي.»

حَبَقُوق 3:16

مِنْ أَنَا سِمِعْت بِجَيْتَكْ، قَلْبِي رَجَفْ وَ مِنْ سِمِعْت حِسَّكْ، شَلَالِيفِي رَجَفَوْا وَ عُضَامِي مَاعَوْا. وَ أَنَا وَقَفْت بَكَانْ وَاحِدْ وَ قَاعِدْ نَرْجِفْ. وَ هَسَّعْ، نَرْجَى يَوْم الضِّيقَةْ الْيَجِي فَوْق عَدُونَا.