إرْمِيا 49:4 - الكتاب المقدس بالعربي الدارجي هنا تشاد

⁴ يَا بَلَدْ عَمُّونْ، مَالَا تَفْرَحَيْ بِوُدْيَانْكِ، وُدْيَانْكِ الْيِقَوُّمُوا إِنْتَاجْ كَتِيرْ، يَا الْبِنَيَّةْ الْكَافْرَةْ! إِنْتِ تُخُطِّي أَمَانْكِ فِي غُنَاكِ وَ تُقُولِي: ‹يَاتُو يُقُمّ ضِدِّي؟›

إرْمِيا 49:4 Referenca të Kryqëzuara

1 تِمُوتَاوُس 6:17

وَ الْأَخْوَانْ الْعِنْدُهُمْ مَالْ كَتِيرْ فِي الدُّنْيَا، وَصِّيهُمْ أَشَانْ مَا يَبْقَوْا فَشَّارِينْ وَ مَا يُخُطُّوا بَالْهُمْ فِي الْمَالْ الْيُفُوتْ. خَلِّي يُخُطُّوا بَالْهُمْ فِي اللّٰهْ الْيَنْطِينَا بِزِيَادَةْ وَ يَرْزُقْنَا بِكُلِّ شَيّءْ أَشَانْ نَفْرَحَوْا مِنَّهْ.

إرْمِيا 21:13

وَ دَاهُو كَلَامْ اللّٰهْ: «أَكِيدْ نُقُمّ ضِدِّكِ، يَا مَدِينَةْ الْقُدُسْ، الْقَاعِدَةْ فِي رَاسْ الْجَبَلْ وَ تِحِتْكِ الْوَادِي. إِنْتِ تُقُولِي: ‹يَاتُو يَقْدَرْ يَهْجِمْنَا؟ وَ يَاتُو يَقْدَرْ يَجِي يَدْخُلْ فِي كَرَاكِيرْنَا؟›

إرْمِيا 9:23

وَ دَاهُو اللّٰهْ قَالْ: «خَلِّي الْحَكِيمْ مَا يِسْتَكْبَرْ بِحِكْمَتَهْ وَ خَلِّي الْقَادِرْ مَا يِسْتَكْبَرْ بِقُدُرْتَهْ وَ خَلِّي الْغَنِيْ مَا يِسْتَكْبَرْ بِغُنَايَهْ.

إرْمِيا 48:7

يَا مُوَابْ! إِنْتِ أَتْوَكَّلْتِ فِي أَعْمَالْكِ وَ فِي غُنَاكِ وَ فِي شَانْ دَا، إِنْتِ كُلَ تِنْكَرْبِي. وَ صَنَمْكِ كَمُوشْ يِوَدُّوهْ فِي الْغُرْبَةْ مَعَ رُجَالْ الدِّينْ هِنَيْه وَ خَدَّامِينَهْ.

إرْمِيا 3:14

وَ دَاهُو كَلَامْ اللّٰهْ: «قَبُّلُوا تَعَالُوا لَيِّ، يَا عِيَالْ الْكُفَّارْ، أَشَانْ أَنَا بَسْ سِيدْكُو. نِشِيلْكُو وَاحِدْ مِنْ أَيِّ مَدِينَةْ وَ إِتْنَيْن مِنْ أَيِّ قَبِيلَةْ وَ نِقَبِّلْكُو فِي صَهْيُون.

زَبُور 62:10

مَا تِتْوَكَّلَوْا عَلَيْ الرَّشْوَةْ وَ مَا تُخُطُّوا عَشَمْكُو فِي مَالْ السِّرْقَةْ بَلَا فَايْدَةْ. وَ كَنْ مَالْكُو يِزِيدْ كُلَ، مَا تُخُطُّوا قُلُوبْكُو فَوْقَهْ.

زَبُور 52:7

«دَاهُو الْفَحَلْ مَا شَافْ الرَّبّ مِثِلْ مَلْجَئَهْ لَاكِنْ هُو أَتْوَكَّلْ عَلَيْ غُنَايَهْ الْكَتِيرْ وَ هُو قَوِي بِفَسَالْتَهْ.»

زَبُور 49:6

هُمَّنْ يِتْوَكَّلَوْا عَلَيْ قُدْرِتْهُمْ وَ يِفَاشُرُوا بِغُنَاهُمْ.

رُؤية 18:7

أَوَّلْ شَهْوِتْهَا وَ فَشَارْهَا شُدَادْ بِلْحَيْن وَ هَسَّعْ أَنْطُوهَا عَذَابْ وَ حِزِنْ شَدِيدْ بِنَفْس الْمِكْيَالْ. أَيْوَى، هِي تُقُولْ فِي قَلِبْهَا: ‹دَاهُونِي أَنَا الْمَلِكَةْ. أَنَا مَا نَبْقَى أَرْمَلَةْ وَ أَبَداً مَا نَحْزَنْ.›

هُوشَع 4:16

أَيْوَى، بَنِي إِسْرَائِيلْ حَرَّانْ مِثِلْ الْبَقَرَةْ وَ بَيْدَا، كِكَّيْف اللّٰهْ يَقْدَرْ يِسَرِّحْهُمْ مِثِلْ غَنَمْ فِي مَرْعَى أَخْضَرْ؟

إرْمِيا 49:16

وَ الْخَوْف السَّوَّيْتِ لِلْآخَرِينْ، غَشَّاكِ وَ إِسْتِكْبَارْكِ كُلَ، عَمَّلْكِ. يَا إِنْتِ الْقَاعِدَةْ فِي كَرَاكِيرْ الْحُجَارْ وَ سَاكْنَةْ فَوْق فِي الْجِبَالْ، كَنْ بَنَيْتِ عُشِّكِ فَوْق مِنْ عُشّ الصَّقُرْ كُلَ، أَنَا نِنَزِّلْكِ.» وَ دَا كَلَامْ اللّٰهْ.

إرْمِيا 7:24

وَ لَاكِنْ هُمَّنْ مَا خَطَّوْا أَدَانْهُمْ لِيَسْمَعَوْنِي وَ سَوَّوْا حَسَبْ نِيِّتْهُمْ الْفَسْلَةْ وَ قَلِبْهُمْ الْأَزْرَقْ. وَ بَدَلْ يِوَجُّهُوا عَلَيِّ، هُمَّنْ أَنْطَوْنِي ضُهُورْهُمْ.

أمْثال 10:15

الْمَالْ الْكَتِيرْ يَحْمِي سِيدَهْ مِثِلْ مَدِينَةْ قَوِيَّةْ وَ الْفَقُرْ يِسَبِّبْ هَلَاكْ الْمَسَاكِينْ.

إرْمِيا 31:22

لِمَتَى تِعِيرِي، يَا الْبِنَيَّةْ الْكَافْرَةْ؟ أَشَانْ اللّٰهْ يَخْلِقْ شَيّءْ جَدِيدْ فِي الْأَرْض. وَ دَا، إِنْتِ تِفَتِّشِي اللّٰهْ مِثِلْ مَرَةْ التِّقَرِّبْ لِرَاجِلْهَا.