إرْمِيا 49:29 - الكتاب المقدس بالعربي الدارجي هنا تشاد

²⁹ شِيلُوا خِيَمْهُمْ وَ غَنَمْهُمْ وَ شِيلُوا سَتَايِرْهُمْ وَ كُلَّ خُمَامْهُمْ وَ إِبِلْهُمْ. وَ قُولُوا لَيْهُمْ: ‹الْمُخِيفْ فِي كُلَّ بَكَانْ!›

إرْمِيا 49:29 Referenca të Kryqëzuara

إرْمِيا 46:5

وَ دَاهُو كَلَامْ اللّٰهْ: «مَالَا أَنَا شِفْتُهُمْ يَرْجُفُوا؟ هُمَّنْ قَبَّلَوْا وَرَاءْ وَ فُرَّاسْهُمْ أَنْهَزَمَوْا. هُمَّنْ عَرَّدَوْا، عَرَّدَوْا بَلَا قَبِّلِينْ وَ الْخَوْف جَاهُمْ مِنْ كُلَّ بَكَانْ.»

إرْمِيا 6:25

وَ بُقُولُوا أَمْبَيْنَاتْهُمْ: «مَا تَمْشُوا فِي الْكَدَادَةْ وَ مَا تُرُوغُوا فِي الدُّرُوبْ. أَشَانْ سَيْف الْعَدُو مُخِيفْ فِي كُلَّ بَكَانْ.»

حَبَقُوق 3:7

وَ أَنَا شِفْت فُرْقَانْ شَعَبْ كُشَانْ بِقَوْا مَا فِيهُمْ. وَ سَتَايِرْ خِيَمْ بَلَدْ مِدْيَانْ أَنْهَزَّوْا قِدَّامَهْ.

زَبُور 120:5

أَنَا آسِفْ أَشَانْ قَعَدْت فِي بَلَدْ مَاشَكْ مَعَ نَاسْ فَسْلِينْ وَ سَكَنْت فِي خِيَمْ قِدَارْ أَمْبَيْن نَاسْ هَوَانِينْ.

2 كُرُنْتُس 7:5

وَ وَكِتْ جِينَا فِي مَقِدُونِيَةْ كُلَ، مَا لِقِينَا رَاحَةْ. تِعِبْنَا وَ فِي أَيِّ بَكَانْ لِقِينَا مَشَاكِلْ وَ خَوْف قَاعِدْ فِي قُلُوبْنَا.

2 كُرُنْتُس 4:8

أَنِحْنَ يِضَايُقُونَا فِي أَيِّ بَكَانْ لَاكِنْ مَا يِوَقُّفُونَا. وَ أَنِحْنَ مُتَحَيِّرِينْ لَاكِنْ مَا وَدَّرْنَا الْعَشَمْ.

إرْمِيا 49:24

وَ سُكَّانْ دِمَشْق ضِعْفَوْا وَ قَبَّلَوْا لِيِعَرُّدُوا وَ الْبَهِيتَةْ كَرَبَتْهُمْ. وَ الضِّيقَةْ وَ الْوَجَعْ كَرَبَوْهُمْ مِثِلْ الْمَرَةْ الْقَاعِدَةْ تِطَالِقْ.

إرْمِيا 10:20

وَ خِيَمْنَا أَشَّلَّعَوْا وَ كُلَّ حُبَالْهُمْ أَلْقَطَّعَوْا. وَ عِيَالْنَا فَاتَوْا وَ بِقَوْا مَا فِيهُمْ. وَ مَا فِي نَادُمْ الْيِسَاعِدْنَا نَبْنُوا خِيَمْنَا وَ نَعَمُرُوا فَرِيقْنَا.»

إرْمِيا 4:20

وَ يِعِيطُوا وَ يُقُولُوا: ‹دَمَارْ فِي دَمَارْ!› أَيْوَى، كُلَّ الْبَلَدْ خِرْبَتْ. بِغَفْلَةْ، خِيَمْنَا أَدَّمَّرَوْا وَ بُيُوتْنَا أَلْهَدَّمَوْا فِي وَكِتْ قَلِيلْ.

إشَعْيا 60:7

وَ كُلَّ غَنَمْ تُرَابْ قِدَارْ يِلِمُّوا فَوْقكِ وَ يِجِيبُوا كُبْشَانْ بَلَدْ نَبَيُوتْ ضَحَايَا. وَ يِقَدُّمُوهُمْ فِي مَدْبَحِي وَ أَنَا نَقْبَلْهُمْ. وَ بَيْتِي الْفَوْقَهْ مَجْدِي، أَنَا نِجَمِّلَهْ.

إشَعْيا 13:20

هِي مَا يَسْكُنُوهَا إِلَى الْأَبَدْ وَ مِنْ ذُرِّيَّةْ لِذُرِّيَّةْ كُلَ، مَا يَسْكُنُوهَا. الْعَرَبْ الْيِسِيرُوا مَا يَبْنُوا خِيَمْهُمْ هِنَاكْ وَ الرُّعْيَانْ مَا يِسَوُّوا زَرَايِبْهُمْ هِنَاكْ.

زَبُور 31:13

أَنَا سِمِعْت كَتِيرْ قُوَالَةْ النَّاسْ لَحَدِّي الرُّعُبْ جَانِي مِنْ كُلَّ بَكَانْ وَكِتْ هُمَّنْ يِشَّاوَرَوْا سَوَا ضِدِّي وَ يِخَطُّطُوا لِيَكْتُلُونِي.

أيُّوب 1:3

وَ عِنْدَهْ 7 000 غَنَمْ وَ 3 000 جُمَالْ وَ 500 جَوْز هَنَا بَقَرْ لِلْحِرَاتَةْ وَ 500 حَمِيرْ أَنَاتِي وَ خَدَّامِينْ كَتِيرِينْ. وَ الرَّاجِلْ دَا مُهِمّ مِنْ كُلَّ نَاسْ الصَّبَاحْ لِبَحَرْ الْأُرْدُنْ.

قُضياء 8:26

وَ الْخَتَمْ الطَّلَبَاهُمْ قِدْعُونْ وَزِنْهُمْ يِسَاوِي 2 500 جِنَيْه هَنَا دَهَبْ. وَ دَا بَلَا السُّورَيْ وَ الْخُرُوس وَ الْخُلْقَانْ اللَّوْنهُمْ قَرَضِي الْيَلْبَسَوْهُمْ مُلُوكْ مِدْيَانْ وَ الرِّبِقْ الْيَرْبُطُوهْ فِي رِقَابْ جُمَالْهُمْ.

قُضياء 8:21

وَ زَبَحْ وَ صَلْمُونَعْ قَالَوْا: «قُمّ، إِنْتَ ذَاتَكْ بَسْ أَكْتُلْنَا أَشَانْ دِي خِدْمَةْ الرَّاجِلْ الْفَحَلْ.» وَ خَلَاصْ، قِدْعُونْ قَمَّ كَتَلَاهُمْ لِزَبَحْ وَ صَلْمُونَعْ وَ شَالْ الزِّينَةْ مِنْ رِقَابْ جُمَالْهُمْ.

قُضياء 7:12

وَ الْمِدْيَانِيِّينْ وَ الْعَمَالِقْ وَ كُلَّ قَبَايِلْ الصَّبَاحْ مُشَتَّتِينْ فِي الْوَادِي مِثِلْ سَارْ اللَّيْل وَ جُمَالْهُمْ كَتِيرِينْ مِثِلْ رَمْلَةْ هَنَا خَشُمْ الْبَحَرْ.

قُضياء 6:5

وَكِتْ جَوْا، جَوْا كَتِيرِينْ مِثِلْ سَارْ اللَّيْل، هُمَّنْ بِخِيَمْهُمْ وَ مَالْهُمْ. جَوْا بِجُمَالْهُمْ بَلَا عَدَدْ وَ بَيْدَا، دَمَّرَوْا الْبَلَدْ.

تكوين 37:25

وَ خَلَاصْ، مَشَوْا قَعَدَوْا تِحِتْ لِيَاكُلُوا. وَكِتْ قَاعِدِينْ يَاكُلُوا، رَفَعَوْا رُوسَيْهُمْ وَ شَافَوْا تُجَّارْ إِسْمَاعِيلِيِّينْ جَايِينْ بِجُمَالْهُمْ مِنْ تُرَابْ قِلْعَادْ مَاشِينْ عَلَيْ مَصِرْ. وَ جُمَالْهُمْ شَايْلِينْ صَمُغْ هَنَا كِتِرْ وَ طَلْحَ وَ دُخَّانْ.

إرْمِيا 49:5

أَكِيدْ نِجِيبْ فَوْقكِ خَوْف، الْيَجِيكِ مِنْ كُلَّ بَكَانْ. وَ نَطْرُدْ أَيِّ وَاحِدْ بَيَّهْ وَ مَا فِي نَادُمْ الْيَقْدَرْ يِلِمّ الْمُعَرِّدِينْ. وَ دَا كَلَامْ اللّٰهْ الرَّبّ الْقَادِرْ.