إرْمِيا 49:23 - الكتاب المقدس بالعربي الدارجي هنا تشاد

²³ كَلَامْ بُخُصّ مَدِينَةْ دِمَشْق. «حِلَّالْ حَمَاتْ وَ أَرْفَدْ هَمَّوْا أَشَانْ سِمْعَوْا خَبَرْ شَيْن. هُمَّنْ بَرْجَلَوْا وَ رَجَفَوْا مِثِلْ الْبَحَرْ الْأَلْمِيهْ مَا هَادِي.

إرْمِيا 49:23 Referenca të Kryqëzuara

إشَعْيا 10:9

وَ دَمَّرْنَا حِلَّةْ كَلْنَةْ مِثِلْ حِلَّةْ كَرْكَمِيشْ وَ حِلَّةْ حَمَاتْ مِثِلْ حِلَّةْ أَرْفَدْ وَ مَدِينَةْ السَّامِرَةْ مِثِلْ مَدِينَةْ دِمَشْق!

2 مُلوك 18:34

وَيْن إِلٰـهَاتْ حَمَاتْ وَ أَرْفَدْ؟ وَ وَيْن إِلٰـهَاتْ سَفَرْوَايِمْ وَ هِينَعْ وَ عَوَّا؟ هَلْ هُمَّنْ قِدْرَوْا نَجَّوْا مَدِينَةْ السَّامِرَةْ مِنْ إِيدِي وَلَّا؟

إشَعْيا 57:20

وَ الْعَاصِيِينْ مِثِلْ الْبَحَرْ الْهَايِجْ الْمَا يَقْدَرْ يَقْعُدْ سَاكِتْ وَ مَوْجَهْ يِلِزّ الطِّينَةْ وَ الْوَسَخْ.»

تكوين 14:15

وَ أَبْرَامْ قَسَّمْ نَاسَهْ وَ هَجَمَوْا عُدْوَانْهُمْ بِاللَّيْل. وَ أَنَّصَرَوْا فَوْقهُمْ وَ طَرَدَوْهُمْ لَحَدِّي حِلَّةْ حُوبَةْ الْقَاعِدَةْ مُنْشَاقْ لِحِلَّةْ دِمَشْق.

نَاحُوم 2:10

نِينَوَى بِقَتْ نَقَعَةْ فَاضِيَةْ وَ خَرَابْ. وَ نَاسْهَا قُلُوبْهُمْ أَنْقَطَعَوْا وَ رِجْلَيْهُمْ بَرَدَوْا. وَ بُطُونْهُمْ كُلَ يَرْجُفُوا وَ وُجُوهُّمْ بِقَوْا ضُلُمْ.

2 مُلوك 19:13

وَ وَيْن مُلُوكْ مُدُنْ حَمَاتْ وَ أَرْفَدْ وَ لَعِيرْ وَ سَفَرْوَايِمْ وَ هِينَعْ وَ عَوَّا؟›»

عَدد 13:21

وَ خَلَاصْ مَشَوْا رَاغَوْا كُلَّ الْبَلَدْ مِنْ صَحَرَاء سِينْ لَحَدِّي رَحُوبْ قَرِيبْ لِلَبُو حَمَاتْ.

تكوين 15:2

وَ أَبْرَامْ قَالْ: «يَا اللّٰهْ رَبِّي، تَنْطِينِي شُنُو؟ أَنَا مَا عِنْدِي عِيَالْ وَ النَّادُمْ الْيَوْرِثْنِي هُو أَلِعَازَرْ مِنْ حِلَّةْ دِمَشْق.»

2 كُرُنْتُس 11:32

وَكِتْ أَنَا قَاعِدْ فِي مَدِينَةْ دِمَشْق، دَوَّرَوْا يَكُرْبُونِي. وَ فِي الْوَكِتْ دَاكْ، حَاكِمْ الْمَدِينَةْ الْكَلَّفَهْ الْمَلِكْ الْأُسْمَهْ الْحَارِسْ رَسَّلْ عَسْكَرَهْ أَشَانْ يَحَرْسُوا كُلَّ بِيبَانْ الْمَدِينَةْ أَشَانْ مَا نَمْرُقْ.

أعمال الرُسُل 27:20

وَ مِنْ مُدَّةْ أَيَّامْ، مَا شِفْنَا الْحَرَّايْ وَ لَا النُّجُومْ وَ الرِّيحْ تُسُوقْ بِشِدَّةْ لَحَدِّي وَدَّرْنَا عَشَمْنَا فِي الْحَيَاةْ.

أعمال الرُسُل 9:2

وَ طَلَبْ مِنَّهْ جَوَابَاتْ لِبُيُوتْ الصَّلَاةْ فِي مَدِينَةْ دِمَشْق. وَ فِي الْجَوَابَاتْ دَوْل، يَنْطُوهْ إِذِنْ أَشَانْ يَكْرُبْ أَيِّ نَادُمْ الْيِتَابِعْ دَرِبْ عِيسَى الْمَسِيحْ، كَنْ رَاجِلْ وَلَّا مَرَةْ. وَ فِي أَيِّ بَكَانْ الْيَلْقَاهُمْ فَوْقَهْ، يَكْرُبْهُمْ وَ يِوَدِّيهُمْ مُقَيَّدِينْ فِي مَدِينَةْ الْقُدُسْ.

عَمُوس 6:2

أَمْشُوا لِحِلَّةْ كَلْنَةْ وَ شِيفُوا الْبِقِي فَوْقهَا وَ مِنْهَا فُوتُوا لِمَدِينَةْ حَمَاتْ الْكَبِيرَةْ وَ بَتَّانْ أَمْشُوا قَاتْ مَدِينَةْ الْفِلِسْطِيِّينْ. هَلْ مَمَالِكْهُمْ أَخَيْر مِنْ مَمْلَكَتْكُو وَلَّا؟ وَ أَرْضُهُمْ أَكْبَرْ مِنْ أَرْضُكُو وَلَّا؟

إشَعْيا 37:13

وَ وَيْن مُلُوكْ مُدُنْ حَمَاتْ وَ أَرْفَدْ وَ لَعِيرْ وَ سَفَرْوَايِمْ وَ هِينَعْ وَ عَوَّا؟›»

إشَعْيا 13:7

وَ بِسَبَبْ دَا، كُلَّ الْإِيدَيْن يِنْرَخُوا وَ أَيِّ نَادُمْ قَلْبَهْ يِنْقَطِعْ.

إشَعْيا 11:11

وَ فِي الْيَوْم دَا، الرَّبّ يِمِدّ إِيدَهْ لِتَانِي مَرَّةْ لِيَفْدَى الْفَضَّلَوْا مِنْ شَعَبَهْ الْقَاعِدِينْ فِي بُلْدَانْ أَشُورْ وَ مَصِرْ وَ فَتْرُوسْ وَ الْحَبَشَةْ وَ عِلَامْ وَ شِنْعَارْ وَ حَمَاتْ وَ فِي جَزَايِرْ الْبَحَرْ.

2 أخبار 16:2

وَ خَلَاصْ آسَا شَالْ مِنْ الْفُضَّةْ وَ الدَّهَبْ الْقَاعِدِينْ فِي مَخَازِنْ هَنَا بَيْت اللّٰهْ وَ قَصِرْ الْمَلِكْ وَ رَسَّلَاهُمْ لِبَنْهَدَادْ مَلِكْ بَلَدْ أَرَامْ الْقَاعِدْ فِي مَدِينَةْ دِمَشْق. وَ رَسَّلْ لَيَّهْ وَ قَالْ:

2 مُلوك 17:24

وَ مَلِكْ بَلَدْ أَشُورْ جَابْ نَاسْ مِنْ مَدِينَةْ بَابِلْ وَ مِنْ حِلَّالْ كُوتَةْ وَ عَوَّا وَ حَمَاتْ وَ سَفَرْوَايِمْ وَ سَكَّنَاهُمْ فِي الْحِلَّالْ هَنَا مَدِينَةْ السَّامِرَةْ فِي بَدَلْ نَاسْ مَمْلَكَةْ إِسْرَائِيلْ. وَ النَّاسْ دَوْل شَالَوْا مَدِينَةْ السَّامِرَةْ وَ سَكَنَوْا فِي حِلَّالْهَا.

1 مُلوك 11:24

وَ رِزُونْ لَمَّ مَجْمُوعَةْ هَنَا رُجَالْ حَرَامِيِّينْ وَ بِقِي كَبِيرْهُمْ. وَ وَكِتْ دَاوُدْ قَمَّ كَتَلْ نَاسْ هَدَدْعَازَرْ، رِزُونْ وَ نَاسَهْ مَشَوْا مَدِينَةْ دِمَشْق وَ قَعَدَوْا هِنَاكْ وَ حَكَمَوْا فَوْقهَا.

2 صَمُوِيل 17:10

وَ بَيْدَا، نَادُمْ فَحَلْ الْقَلْبَهْ مِثِلْ قَلِبْ الدُّودْ كُلَ يَبْقَى كَسْلَانْ. أَشَانْ كُلَّ بَنِي إِسْرَائِيلْ يَعَرْفُوا كَدَرْ أَبُوكْ فَارِسْ وَ عِنْدَهْ مَعَايَهْ رُجَالْ فَحَلِينْ.

2 صَمُوِيل 8:9

وَ تُوعِي مَلِكْ بَلَدْ حَمَاتْ سِمِعْ كَدَرْ دَاوُدْ أَنَّصَرْ فِي كُلَّ عَسْكَرْ هَدَدْعَازَرْ.

يَشُوع 14:8

وَ أَخْوَانِي الْمَشَوْا مَعَايِ جَوْا وَ بِكَلَامْهُمْ خَوَّفَوْا الشَّعَبْ. وَ لَاكِنْ أَنَا تَابَعْت اللّٰهْ إِلٰـهِي بِكُلَّ نِيّتِي.

يَشُوع 2:11

وَ وَكِتْ سِمِعْنَا الْخَبَرْ دَا، خَلَاصْ قَلِبْنَا أَنْقَطَعْ وَ مَا عِنْدِنَا قُدْرَةْ لِنِقَابُلُوكُو. أَشَانْ اللّٰهْ إِلٰـهْكُو، هُو الْإِلٰـهْ الْقَاعِدْ فَوْق فِي السَّمَاءْ وَ تِحِتْ فِي الْأَرْض.

تَثْنِية 20:8

وَ الْمُرَاقِبِينْ يِحَجُّوا لِلشَّعَبْ وَ يُقُولُوا: «يَاتُو الْخَافْ وَ قَلْبَهْ أَنْقَطَعْ؟ النَّادُمْ دَا، خَلِّي يِقَبِّلْ بَيْتَهْ أَشَانْ مَا يِجِيبْ الْخَوْف لِأَخْوَانَهْ وَ يَبْقَوْا مِثْلَهْ.»

خُروج 15:15

وَ شُيُوخْ أَدَوْم بَرْجَلَوْا وَ مُلُوكْ مُوَابْ رَجَفَوْا وَ كُلَّ سُكَّانْ كَنْعَانْ أَيَّسَوْا.

2 مُلوك 5:12

هَلْ بُحُورْ هَنَا مَدِينَةْ دِمَشْق مِثِلْ بَحَرْ أَبَانَا وَ بَحَرْ فَرْفَرْ، هُمَّنْ دَوْل مَا أَخَيْر مِنْ أَلْمِي هَنَا مَمْلَكَةْ إِسْرَائِيلْ وَلَّا؟ هَلْ مَا نِلْبَرَّدْ فِي لُبُّهُمْ وَ نَبْقَى طَاهِرْ وَلَّا؟» وَ قَمَّ مُقَبِّلْ زَعْلَانْ.

إشَعْيا 7:8

أَشَانْ مَدِينَةْ دِمَشْق، هِي رَاسْ بَلَدْ أَرَامْ وَ مَلِكْ رَصِينْ، هُو رَاسْ دِمَشْق بَسْ. وَ بَعَدْ 65 سَنَةْ، تُرَابْ قَبِيلَةْ أَفْرَايِمْ يِدَّمَّرْ وَ شَعَبْهَا يَبْقَوْا مَا فِيهُمْ.

إشَعْيا 36:19

وَ وَيْن إِلٰـهَاتْ حَمَاتْ وَ أَرْفَدْ؟ وَ وَيْن إِلٰـهَاتْ سَفَرْوَايِمْ؟ هَلْ هُمَّنْ قِدْرَوْا نَجَّوْا مَدِينَةْ السَّامِرَةْ مِنْ إِيدِي وَلَّا؟

إرْمِيا 39:5

وَ لَاكِنْ عَسْكَرْ بَابِلْ طَرَدَوْه لِصِدْقِيَّا وَ لِحْقَوْه وَ كَرَبَوْه فِي كَدَادَةْ أَرِيحَا. وَ هُمَّنْ جَابَوْه فِي حِلَّةْ رِبْلَةْ فِي بَلَدْ حَمَاتْ قِدَّامْ نَبُوخَدْنَصَرْ مَلِكْ بَابِلْ. وَ فِي الْبَكَانْ دَا، حَاكَمَهْ.

حِزْقِيال 27:18

«وَ تُجَّارْ دِمَشْق تَاجَرَوْا مَعَاكِ كُلَّ شَيّءْ الْإِنْتِ صَنَعْتِيهْ بِكَتَرَةْ. وَ بِسَبَبْ غُنَاكِ الْكَتِيرْ، جَابَوْا لَيْكِ الْخَمَرْ هَنَا حَلْبُونْ وَ صُوفْ غَنَمْ مِنْ سَحَرْ.