إرْمِيا 49:14 - الكتاب المقدس بالعربي الدارجي هنا تشاد

¹⁴ سِمِعْت خَبَرْ جَايِ مِنْ اللّٰهْ. هُو رَسَّلْ رَسُولْ بَيْن الْأُمَمْ الْيُقُولْ: «إِنْتُو كُلُّكُو لِمُّوا سَوَا وَ تَعَالُوا قُمُّوا حَارُبُوا بَلَدْ أَدَوْم.»

إرْمِيا 49:14 Referenca të Kryqëzuara

إشَعْيا 30:4

وَ مَسَائِيلْكُو مَشَوْا حِلَّةْ صُعَانْ وَ سُفَرَاكُو وَصَّلَوْا لَحَدِّي مَدِينَةْ حَانِيسْ.

مَتَّى 24:6

وَ تَسْمَعَوْا خَبَرْ هَنَا حُرُوبْ قَرِيبْ وَ حُرُوبْ بَعِيدْ. خُطُّوا بَالْكُو مَا تِبَرْجُلُوا. أَشَانْ دَا، وَاجِبْ يُكُونْ. وَ لَاكِنْ دَا لِسَّاعْ مَا كُمَالَةْ الدُّنْيَا.

إرْمِيا 51:46

وَ خَلِّي عَشَمْكُو مَا يِنْقَطِعْ وَ مَا تَخَافَوْا مِنْ الْخَبَرْ الْقَاعِدِينْ تَسْمَعَوْه فِي الْبَلَدْ. أَشَانْ السَّنَةْ دِي، تَسْمَعَوْا خَبَرْ وَ فِي السَّنَةْ الْبَعَدْهَا كُلَ، تَسْمَعَوْا خَبَرْ آخَرْ. وَ يُقُولُوا يَجِي عُنُفْ فِي الْبَلَدْ وَ مَلِكْ يُقُمّ ضِدّ مَلِكْ.

إرْمِيا 51:11

طَرُّقُوا نَشَاشِيبْكُو وَ أَمْلَوْا كَلَوْتَاتْكُو. اللّٰهْ حَرَّشْ مُلُوكْ مَادِي ضِدّ بَابِلْ أَشَانْ هُو قَرَّرْ يِدَمِّرْ بَابِلْ. يِشِيلْ فَوْقهَا التَّارْ وَ دَا تَارْ بَيْتَهْ الْمُقَدَّسْ الدَّمَّرَوْه.

إشَعْيا 37:7

وَ دَاهُو أَنَا نَنْطِيهْ خَبَرْ وَ بِسَبَبْ الْخَبَرْ دَا، هُو يِقَبِّلْ بَلَدَهْ. وَ هِنَاكْ أَنَا نَكْتُلَهْ بِالْسَّيْف.“›»

إرْمِيا 49:15

«يَا بَلَدْ أَدَوْم! دَاهُو أَنَا نِسَوِّيكِ أُمَّةْ صَغَيْرَةْ فِي أُسْط الْأُمَمْ وَ كُلَّ النَّاسْ يَحْقُرُوكِ.