إرْمِيا 48:8 - الكتاب المقدس بالعربي الدارجي هنا تشاد

⁸ الْمُدَمِّرْ يَدْخُلْ فِي كُلِّ حِلَّةْ، مَا فِي حِلَّةْ تَنْجَى مِنَّهْ. الْوَادِي يِدَّمَّرْ وَ السَّهَلَةْ تَخْرَبْ أَشَانْ أَنَا اللّٰهْ بَسْ قُلْتَهْ.

إرْمِيا 48:8 Referenca të Kryqëzuara

إرْمِيا 6:26

يَا أُمَّتِي الْمِثِلْ بِنْت أَمِّي، أَلْبَسَيْ خَلَقْ الْحِزِنْ وَ أَلْمَرْمَغَيْ فِي الرُّمَادْ. وَ أَحْزَنَيْ حِزِنْ شَدِيدْ مِثِلْ حِزِنْ أَمّ الْفَرِيدْ وَ نُوحِي نُوَاحْ شَدِيدْ أَشَانْ الْمُخَرِّبْ يَجِينَا بِغَفْلَةْ.

حِزْقِيال 25:9

وَ فِي شَانْ دَا، دَاهُو أَنَا نِخَلِّي يَهْجُمُوا الْمُدُنْ الْيَحْمُوا بَلَدْ مُوَابْ. وَ الْعَدُو يِدَمِّرْهُمْ الْوَاحِدَةْ بَعَدْ الْآخَرَةْ حَتَّى الْمُدُنْ الْجَمِيلِينْ مِثِلْ بَيْت يَشِيمُتْ وَ بَعَلْ مَاعَوْن وَ قِرْيَتَايِمْ يِدَّمَّرَوْا خَلَاصْ.

إرْمِيا 51:56

أَيْوَى! كُلَّ الْمُخَرِّبِينْ جَوْا ضِدّ بَابِلْ. عَسْكَرْهَا الْفُرَّاسْ أَنْكَرَبَوْا وَ نُبَّالْهُمْ أَلْكَسَّرْ. أَشَانْ اللّٰهْ هُو الْإِلٰـهْ الْيِجَازِي وَ يِكَافِي أَيِّ نَادُمْ عَلَيْ حَسَبْ الْوَاجِبْ لَيَّهْ.

إرْمِيا 48:18

يَا سُكَّانْ حِلَّةْ دِيبُونْ الْمِثِلْ بِنَيَّةْ! أَنْزُلُوا مِنْ شَرَفْكُو وَ دُوقُوا الْعَطَشْ. أَشَانْ مُدَمِّرْ مُوَابْ يَهْجِمْكُو إِنْتُو كُلَ وَ يِدَمِّرْ بَكَانَاتْكُو الْقَوِيِّينْ.

إرْمِيا 25:9

أَكِيدْ أَنَا نِنَادِي لَيْكُو كُلَّ قَبَايِلْ الْمُنْشَاقْ وَ عَبْدِي نَبُوخَدْنَصَرْ مَلِكْ بَابِلْ. وَ نِجِيبْهُمْ ضِدّ الْبَلَدْ دِي وَ ضِدّ سُكَّانْهَا وَ ضِدّ كُلَّ الْأُمَمْ الْمُجَاوِرِينْهَا وَ يِدَمُّرُوهُمْ. وَ نِجِيبْ فَوْقهُمْ الْخَرَابْ وَ الْبَهِيتَةْ وَ يَبْقَوْا كَوْم هَنَا تُرَابْ إِلَى الْأَبَدْ. وَ دَا كَلَامْ اللّٰهْ.

إرْمِيا 15:8

أَنَا سَوَّيْت أَرَامِلْهُمْ كَتِيرَاتْ زِيَادَةْ مِنْ رَمْلَةْ هَنَا خَشُمْ الْبَحَرْ. وَ بِنَهَارْ بَسْ، أَنَا جِبْت الْمُدَمِّرْ فِي أَمَّهَاتْ الصُّبْيَانْ لِيِدَمِّرْ صُبْيَانْهِنْ وَ فَجْأَةً جِبْت فَوْقهِنْ الْخَوْف الشَّدِيدْ.

يَشُوع 13:21

وَ قِسِمْ قَبِيلَةْ رَأُوبِينْ، هُو كُلَّ الْحِلَّالْ هَنَا السَّهَلَةْ دَوْل وَ كُلَّ مَمْلَكَةْ سِيحُونْ مَلِكْ الْأَمُورِيِّينْ الْحَكَمْ فِي حَشْبُونْ. مُوسَى كَتَلَهْ وَ كَتَلْ شُيُوخْ مِدْيَانْ وَ هُمَّنْ أَوِيَا وَ رَاقِمْ وَ صُورْ وَ حُورْ وَ رَابِعْ. دَوْل كُبَارَاتْ الْمَلِكْ سِيحُونْ السَّكَنَوْا فِي الْبَلَدْ دِي.

يَشُوع 13:17

لَحَدِّي حَشْبُونْ وَ كُلَّ حِلَّالْهَا الْفِي السَّهَلَةْ. وَ الْحِلَّالْ دَوْل دِيبُونْ وَ بَامَوْت بَعَلْ وَ بَيْت بَعَلْ مَاعَوْن

يَشُوع 13:9

وَ حُدُودْهُمْ مِنْ حِلَّةْ عَرُوعِرْ الْقَاعِدَةْ فِي خَشُمْ وَادِي أَرْنُونْ فِي الْجُنُوبْ وَ الْحِلَّةْ الْقَاعِدَةْ فِي أُسْط الْوَادِي وَ كُلَّ السَّهَلَةْ هَنَا مِيدْبَا لَحَدِّي دِيبُونْ.