إرْمِيا 48:3 - الكتاب المقدس بالعربي الدارجي هنا تشاد

³ وَ فِي حِلَّةْ حُرُنَايِمْ، حِسّ يَصْرَخْ وَ يُقُولْ: ‹دَمَارْ وَ خَرَابْ كَبِيرْ مَرَّةْ وَاحِدْ!›

إرْمِيا 48:3 Referenca të Kryqëzuara

إشَعْيا 15:5

قَلْبِي أَنْجَرَحْ لِنَاسْ مُوَابْ. الْمُعَرِّدِينْ مِنْهَا لِحْقَوْا لَحَدِّي حِلَّالْ صُوغَرْ وَ عَقْلَتْ شَلِيشَةْ. وَ قَاعِدِينْ يَطْلَعَوْا فِي قَوْز لُحِيتْ بِبَكِي وَ يَصْرَخَوْا صِرَاخْ شَدِيدْ فِي دَرِبْ حُرُنَايِمْ.

إرْمِيا 48:34

وَ كُرَوْرَاكْ الْفَزَعْ مِنْ مَدِينَةْ حَشْبُونْ يِنْسَمِعْ لَحَدِّي فِي أَلِعَالَةْ وَ لَحَدِّي فِي يَهَاصْ. وَ يِنْسَمِعْ مِنْ صُوغَرْ لَحَدِّي حُرُنَايِمْ وَ لَحَدِّي عَقْلَتْ شَلِيشَةْ. حَتَّى عُيُونْ أَلْمِي هَنَا نِمْرِيمْ كُلَ يَيْبَسَوْا.

إرْمِيا 48:5

أَشَانْ بِبَكِي، الْعِيَالْ يَطْلَعَوْا وَ فِي طَلُوعْ لُحِيتْ يَبْكُوا. وَ وَكِتْ يَنْزُلُوا لِحِلَّةْ حُرُنَايِمْ، هُمَّنْ يَصْرَخَوْا مِنْ الدَّمَارْ وَ يُقُولُوا:

إرْمِيا 47:2

وَ دَاهُو اللّٰهْ قَالْ: «شِيفُوا، فِي أَلْمِي يُقُمّ مِنْ مُنْشَاقْ وَ الْأَلْمِي دَا يَبْقَى مِثِلْ وَادِي الْيِسِيلْ. وَ السَّيْل يَاكُلْ الْبَلَدْ وَ كُلَّ شَيّءْ الْفِيهَا وَ الْمُدُنْ وَ سُكَّانْهُمْ. وَ النَّاسْ يِكَوْرُكُوا وَ كُلَّ سُكَّانْ الْبَلَدْ يَصْرَخَوْا.

إشَعْيا 22:4

وَ فِي شَانْ دَا، أَنَا قُلْت: «مَا تِشِيفُونِي! خَلُّونِي نَبْكِي بِحُرْقَةْ. وَ مَا تِحَاوُلُوا تِحَنُّسُونِي أَشَانْ أُمَّتِي الْمِثِلْ بِنْت أَمِّي أَدَّمَّرَتْ.»

إشَعْيا 15:8

وَ كُرَوْرَاكْهُمْ أَنْسَمَعْ فِي كُلَّ أَرْض مُوَابْ وَ نُوَاحْهُمْ مَشَى لَحَدِّي حِلَّةْ أَقْلَايِمْ وَ وَصَّلْ لَحَدِّي بِيرْ إِيلِيمْ.

إشَعْيا 15:2

وَ شَعَبْهَا قَاعِدِينْ يَبْكُوا وَ طَلَعَوْا فِي الْبَكَانَاتْ الْعَالِيِينْ هَنَا الْعِبَادَةْ الْفِي حِلَّةْ هَبَيْت وَ فِي حِلَّةْ دِيبُونْ. نَاسْ مُوَابْ يُنُوحُوا لِحِلَّالْ نَبُو وَ مِيدْبَا وَ كُلَّ رُوسَيْهُمْ مُزَيَّنِينْ وَ دُقُونْهُمْ مَقْطُوعِينْ مِنْ الْحِزِنْ.

إرْمِيا 20:16

وَ النَّادُمْ دَا، خَلِّي يَبْقَى مِثِلْ الْمُدُنْ الدَّمَّرَاهُمْ اللّٰهْ بَلَا مَحَنَّةْ. وَ خَلِّي يِنْسَمِعْ فِي بَيْت النَّادُمْ دَا كُرَوْرَاكْ الْفَزَعْ بِفَجُرْ وَ بِقَايْلَةْ، صِرَاخْ الْحَرِبْ.

إرْمِيا 48:4

مُوَابْ تِلْكَسَّرْ وَ عِيَالْهَا كُرَوْرَاكْهُمْ يِنْسَمِعْ.

إرْمِيا 51:54

وَ صِرَاخْ يِنْسَمِعْ مِنْ بَابِلْ وَ دَمَارْ كَبِيرْ يُكُونْ فِي بَلَدْ الْبَابِلِيِّينْ.