إرْمِيا 48:29 - الكتاب المقدس بالعربي الدارجي هنا تشاد

²⁹ أَنِحْنَ سِمِعْنَا بِإِسْتِكْبَارْ مُوَابْ، بَلَدْ مُسْتَكْبِرَةْ مِثِلْهَا كَيْ مَا فِي. وَ سِمِعْنَا بَتَّانْ هِي تِتْكَبَّرْ وَ تِسْتَكْبَرْ وَ هِي تِكَوْلِفْ وَ تِفَاشِرْ.

إرْمِيا 48:29 Referenca të Kryqëzuara

إشَعْيا 16:6

وَ لَاكِنْ إِشَعْيَا قَالْ: «أَنِحْنَ سِمِعْنَا بِالْإِسْتِكْبَارْ الشَّدِيدْ هَنَا مُوَابْ وَ فَشَارْهَا وَ إِسْتِكْبَارْهَا وَ غَضَبْهَا الْمَا عِنْدَهْ أَسَاسْ وَ فَشَارْهَا الْمَا عِنْدَهْ مَعَنَى.

زَبُور 138:6

اللّٰهْ قَاعِدْ فِي الْعَالِي وَ يِشِيفْ الْمِسْكِينْ وَ مِنْ بَعِيدْ، يَعَرِفْ الْمُسْتَكْبِرْ.»

يَعْقُوب 4:6

النِّعْمَةْ الْاللّٰهْ يَنْطِيهَا لَيْنَا كَبِيرَةْ زِيَادَةْ. وَ أَشَانْ دَا، الْكِتَابْ بُقُولْ: <اللّٰهْ يُقُمّ ضِدّ النَّاسْ الْيِسْتَكْبَرَوْا لَاكِنْ هُو يَنْطِي نِعْمَةْ لِلنَّاسْ الْيِمَسْكُنُوا نُفُوسْهُمْ.>

لُوقا 14:11

أَشَانْ أَيِّ نَادُمْ الْيِسَوِّي نَفْسَهْ كَبِيرْ، اللّٰهْ يِسَوِّيهْ صَغَيَّرْ. وَ النَّادُمْ الْيِسَوِّي نَفْسَهْ صَغَيَّرْ، اللّٰهْ يِسَوِّيهْ كَبِيرْ.»

دَنْيال 4:37

هَسَّعْ دَا، أَنَا نَبُوخَدْنَصَرْ نِغَنِّي بِأُسْمَهْ وَ نَشْكُرَهْ وَ نِمَجِّدْ اللّٰهْ مَلِكْ السَّمَاوَاتْ الْكُلَّ عَمَلَهْ صَحِيحْ وَ كُلَّ دُرُوبَهْ عِنْدُهُمْ عَدَالَةْ. وَ هُو قَادِرْ يِزِلّْ الْمُسْتَكْبِرِينْ.»

أمْثال 30:13

فِي نَاسْ وَاحِدِينْ نَفِسْهُمْ عَاجْبَيْهُمْ وَ يَحْقُرُوا الْآخَرِينْ.

أمْثال 18:12

قَبُلْ الْخَرَابْ، الْإِسْتِكْبَارْ وَ قَبُلْ الشَّرَفْ، التَّوَاضُعْ.

أمْثال 8:13

الْيَخَافْ مِنْ اللّٰهْ، يَكْرَهْ الْفَسَالَةْ. وَ أَنَا كُلَ نَكْرَهْ الْكُلُوفِيَّةْ وَ الْإِسْتِكْبَارْ وَ دَرِبْ الْفَسَالَةْ وَ الْخَشُمْ الْكَدَّابْ.

أمْثال 21:24

الْمُسْتَكْبِرْ الْفَشَّارْ أُسْمَهْ شَمَّاتِي أَشَانْ كُلَّ عَمَلَهْ إِسْتِكْبَارْ.

إشَعْيا 13:11

وَ الرَّبّ قَالْ: «أَنَا نِعَاقِبْ الدُّنْيَا فِي شَانْ فَسَالِتْهَا وَ الْعَاصِيِينْ فِي شَانْ خَطَاهُمْ. وَ نِوَقِّفْ إِسْتِكْبَارْ الْمُسْتَكْبِرِينْ وَ نِنَزِّلْ فَشَارْ سِيَادْ الْعُنُفْ.