إرْمِيا 48:27 - الكتاب المقدس بالعربي الدارجي هنا تشاد

²⁷ وَ إِنْتِ، يَا مُوَابْ، مَا ضِحِكْتِ لِبَنِي إِسْرَائِيلْ وَلَّا؟ هَلْ لِقِيتِ بَنِي إِسْرَائِيلْ مَعَ السَّرَارِيقْ وَلَّا؟ وَ كَنْ لَا! مَالَا كُلَّ وَكِتْ تِحَجِّي بَيْهُمْ وَ تِهِزِّي رَاسْكِ؟

إرْمِيا 48:27 Referenca të Kryqëzuara

إرْمِيا 2:26

وَ اللّٰهْ قَالْ: «إِنْتُو يَا بَنِي إِسْرَائِيلْ، الْعَيْب يَكْرُبْكُو، إِنْتُو وَ مُلُوكُّو وَ كُبَارَاتْكُو وَ رُجَالْ دِينْكُو وَ أَنْبِيَائْكُو، مِثِلْ عَيْب السَّرَّاقْ الْكَرَبَوْه قَاعِدْ يَسْرِقْ.

صَفَنْيا 2:8

«أَنَا سِمِعْت مُعْيَارْ مُوَابْ وَ شَمَاتَةْ بَنِي عَمُّونْ الْقَاعِدِينْ يِعَيُّرُوا بَيَّهْ شَعَبِي وَ يِوَسُّعُوا أَرْضُهُمْ فِي تُرَابْ شَعَبِي.

حِزْقِيال 25:8

وَ دَاهُو اللّٰهْ الرَّبّ قَالْ: «نَاسْ بَلَدْ مُوَابْ وَ بَلَدْ سَعِيرْ قَالَوْا: ‹هَسَّعْ، بَنِي يَهُوذَا بِقَوْا ضَعِيفِينْ مِثِلْ الْأُمَمْ الْآخَرِينْ.›

مَتَّى 27:38

وَ فِي نَفْس الْوَكِتْ، صَلَبَوْا مُجْرِمِينْ إِتْنَيْن. الْوَاحِدْ طَقَّوْه فِي صَلِيبْ جَنْب عِيسَى بِنُصَّهْ الزَّيْنَايْ وَ التَّانِي فِي صَلِيبْ آخَرْ بِنُصَّهْ الْإِسْرَايْ.

مَتَّى 26:55

وَ عِيسَى حَجَّى لِلنَّاسْ وَ قَالْ: «كِكَّيْف إِنْتُو جِيتُوا تَكُرْبُونِي بِسَيْف وَ عَصَاةْ دَا؟ أَنَا مُجْرِمْ وَلَّا؟ كُلَّ يَوْم أَنَا قَاعِدْ فِي فَضَايَةْ بَيْت اللّٰهْ وَ قَاعِدْ نِعَلِّمْ النَّاسْ وَ إِنْتُو مَا كَرَبْتُونِي.

مَتَّى 7:2

أَشَانْ مِثِلْ إِنْتُو تِحَاكُمُوا النَّاسْ، مِثِلْ دَا بَسْ اللّٰهْ يِحَاكِمْكُو. هُو يِكِيل لَيْكُو بِنَفْس الْمِكْيَالْ الْإِنْتُو تِكِيلُوا بَيَّهْ لِلنَّاسْ.

صَفَنْيا 2:10

وَ دَاهُو الْيَلْقَوْه فِي شَانْ إِسْتِكْبَارْهُمْ أَشَانْ هُمَّنْ عَيَّرَوْا شَعَبْ اللّٰهْ الْقَادِرْ وَ وَسَّعَوْا أَرْضُهُمْ فِي تُرَابْهُمْ.

حِزْقِيال 36:4

وَ فِي شَانْ دَا، يَا جِبَالْ إِسْرَائِيلْ، أَسْمَعَوْا كَلَامْ اللّٰهْ الرَّبّ. دَاهُو اللّٰهْ الرَّبّ حَجَّى لِلْجِبَالْ وَ الْحُجَارْ وَ الرُّجُولْ وَ الْوُدْيَانْ وَ الْبَكَانَاتْ الْمُهَدَّمِينْ وَ الْمُدُنْ الْخَرَابْ النَّهَبَوْهُمْ وَ أَشَّمَّتَوْا فَوْقهُمْ الْأُمَمْ الْمُحَوِّقِينْهُمْ.

حِزْقِيال 36:2

دَاهُو اللّٰهْ الرَّبّ قَالْ: الْعَدُو قَالْ: ”أَيْوَى! الْبَكَانَاتْ الْعَالِيِينْ الْقَاعِدِينْ مِنْ زَمَانْ دَوْل بِقَوْا وَرَثَتْنَا.“›

حِزْقِيال 35:15

وَكِتْ أَرْض وَرَثَةْ بَنِي إِسْرَائِيلْ خِرْبَتْ، إِنْتَ فِرِحْت وَ فِي شَانْ دَا، أَنَا نِسَوِّيكْ مِثِلْهَا. يَا جَبَلْ سَعِيرْ، إِنْتَ تَخْرَبْ وَ كُلَّ بَلَدْ أَدَوْم كُلَ. وَ بَيْدَا، كُلَّ النَّاسْ يَعَرْفُوا كَدَرْ أَنَا بَسْ اللّٰهْ.»

إرْمِيا 18:16

وَ هُمَّنْ سَوَّوْا بَلَدْهُمْ بَكَانْ مُخِيفْ وَ الْيِشِيفُوهَا دَايْماً يِنْبَهْتُوا. وَ أَيِّ نَادُمْ الْيُفُوتْ جَنْبَهَا يِلْعَجَّبْ وَ يِهِزُّوا رُوسَيْهُمْ.

زَبُور 79:4

دَاهُو لِقِينَا مُعْيَارْ مِنْ جِيرَانَّا وَ شَمَاتَةْ وَ حُقْرَةْ مِنْ الْمُحَوِّقِينَّا.

زَبُور 44:13

إِنْتَ سَوَّيْتنَا عِيَّيْرَةْ مَعَ جِيرَانَّا وَ سَوَّيْتنَا شِمَّيْتَةْ وَ مَحْقُورِينْ مَعَ النَّاسْ الْمُحَوِّقِينَّا.

أيُّوب 16:4

وَ كَنْ أَنَا كُلَ فِي بَكَانْكُو، أَنَا ذَاتِي نَقْدَرْ نِحَجِّي مِثِلْكُو. وَ نُقُولْ كَلَامْ كَتِيرْ فَوْقكُو وَ نَقْدَرْ نِهِزّ رَاسِي وَ نِشَّمَّتْ لَيْكُو.

زَبُور 64:8

كَلَامْهُمْ قَبَّلْ فَوْقهُمْ وَ وَكِتْ يِشِيفْهُمْ، أَيِّ نَادُمْ يِهِزّ رَاسَهْ.

مَراثِي إرْمِيا 1:7

وَ فِي أَيَّامْهَا هَنَا الضِّيقَةْ وَ التَّعَبْ، مَدِينَةْ الْقُدُسْ أَذَّكَّرَتْ كُلَّ شَهْوَاتْهَا الزَّمَانْ قَاعِدَةْ تَفْرَحْ بَيْهُمْ. وَ وَكِتْ شَعَبْهَا وَقَعَوْا فِي إِيدَيْن خُصْمَانْهُمْ، مَا فِي نَادُمْ الْيَفْزَعْهُمْ. وَ خُصْمَانْهَا شَافَوْهَا وَ فِرْحَوْا بِدَمَارْهَا.

مَراثِي إرْمِيا 1:12

وَ لَيْكُو إِنْتُو كُلُّكُو التِّعَدُّوا بِالدَّرِبْ دَا، أَسْمَعَوْا وَ شِيفُوا! فِيَّهْ تَعَبْ زِيَادَةْ مِنْ تَعَبِي الْأَنَا عَايْشَةْ بَيَّهْ؟ وَ دَا التَّعَبْ الْجَابَهْ اللّٰهْ فِي يَوْم غَضَبَهْ الْمُحْرِقْ.