إرْمِيا 46:2 - الكتاب المقدس بالعربي الدارجي هنا تشاد

² وَ فِي السَّنَةْ الرَّابْعَةْ هَنَا حُكُمْ يَهُويَقِمْ وِلَيْد يُوشِيَّا مَلِكْ يَهُوذَا، الدَّيْش دَا قَاعِدْ فِي كَرْكَمِيشْ فِي بَحَرْ الْفُرَاتْ وَ نَبُوخَدْنَصَرْ مَلِكْ بَابِلْ حَارَبَهْ وَ أَنَّصَرْ فَوْقَهْ. وَ دَا كَلَامْ اللّٰهْ الْبُخُصّ مَصِرْ وَ دَيْش فِرْعَوْن نَكُو مَلِكْ مَصِرْ. هُو قَالْ:

إرْمِيا 46:2 Referenca të Kryqëzuara

2 مُلوك 23:29

وَ فِي وَكِتْ حُكُمْ يُوشِيَّا، فِرْعَوْن نَكُو مَلِكْ بَلَدْ مَصِرْ قَمَّ لِيَهْجِمْ مَلِكْ بَلَدْ أَشُورْ بِجِيهَةْ بَحَرْ الْفُرَاتْ. وَ الْمَلِكْ يُوشِيَّا مَشَى قَابَلَهْ فِي الدَّرِبْ وَ لَاكِنْ وَكِتْ مَلِكْ مَصِرْ شَافَهْ، كَتَلَهْ لِيُوشِيَّا فِي حِلَّةْ مَقِدُّو.

إرْمِيا 46:14

«خَبُّرُوا بَلَدْ مَصِرْ وَ خَلِّي حِلَّالْهَا يَسْمَعَوْا وَ هُمَّنْ مِقْدُولْ وَ مَمْفِيسْ وَ تَحْفَنِيسْ. وَ قُولُوا لَيْهُمْ: ‹قُمُّوا وَ جَهُّزُوا نُفُوسْكُو أَشَانْ السَّيْف قَاعِدْ يَكْتُلْ حَوَالَيْكُو!

إرْمِيا 45:1

وَ فِي السَّنَةْ الرَّابْعَةْ هَنَا حُكُمْ يَهُويَقِمْ وِلَيْد يُوشِيَّا مَلِكْ يَهُوذَا، بَرُوكْ وِلَيْد نَرِيَّا كَتَبْ فِي الْكِتَابْ الْمَلْفُوفْ الْكَلَامْ الْقَالَهْ لَيَّهْ النَّبِي إِرْمِيَا. وَ إِرْمِيَا حَجَّى لَيَّهْ وَ قَالْ:

إرْمِيا 36:1

وَ فِي السَّنَةْ الرَّابْعَةْ هَنَا حُكُمْ يَهُويَقِمْ وِلَيْد يُوشِيَّا مَلِكْ يَهُوذَا، دَاهُو كَلَامْ اللّٰهْ الْقَالَهْ لِإِرْمِيَا:

إرْمِيا 25:19

وَ بَعَدْ دَا، جَاءْ دَوْر هَنَا الشَّعَبْ الْآخَرِينْ وَ هُمَّنْ فِرْعَوْن مَلِكْ مَصِرْ وَ خَدَّامِينَهْ وَ كُبَارَاتَهْ وَ كُلَّ شَعَبَهْ

إرْمِيا 25:1

وَ فِي السَّنَةْ الرَّابْعَةْ هَنَا حُكُمْ يَهُويَقِمْ وِلَيْد يُوشِيَّا مَلِكْ يَهُوذَا، اللّٰهْ حَجَّى لِإِرْمِيَا كَلَامْ بُخُصّ كُلَّ شَعَبْ يَهُوذَا. وَ دَا فِي أَوَّلْ سَنَةْ هَنَا حُكُمْ نَبُوخَدْنَصَرْ مَلِكْ بَابِلْ.

إشَعْيا 10:9

وَ دَمَّرْنَا حِلَّةْ كَلْنَةْ مِثِلْ حِلَّةْ كَرْكَمِيشْ وَ حِلَّةْ حَمَاتْ مِثِلْ حِلَّةْ أَرْفَدْ وَ مَدِينَةْ السَّامِرَةْ مِثِلْ مَدِينَةْ دِمَشْق!

إرْمِيا 25:9

أَكِيدْ أَنَا نِنَادِي لَيْكُو كُلَّ قَبَايِلْ الْمُنْشَاقْ وَ عَبْدِي نَبُوخَدْنَصَرْ مَلِكْ بَابِلْ. وَ نِجِيبْهُمْ ضِدّ الْبَلَدْ دِي وَ ضِدّ سُكَّانْهَا وَ ضِدّ كُلَّ الْأُمَمْ الْمُجَاوِرِينْهَا وَ يِدَمُّرُوهُمْ. وَ نِجِيبْ فَوْقهُمْ الْخَرَابْ وَ الْبَهِيتَةْ وَ يَبْقَوْا كَوْم هَنَا تُرَابْ إِلَى الْأَبَدْ. وَ دَا كَلَامْ اللّٰهْ.

2 مُلوك 18:21

دَاهُو إِنْتَ أَتْوَكَّلْت عَلَيْ بَلَدْ مَصِرْ وَ هِي مِثِلْ مُعَاوَنَةْ هَنَا عَقَيْقَايْ الْمَفْجُوخَةْ التَّطْعَنْ أَيِّ نَادُمْ الْيِرَّكَّزْ فَوْقَهْ. وَ فِرْعَوْن مَلِكْ مَصِرْ هُو مِثِلْ دَا لِكُلَّ النَّاسْ الْيِتْوَكَّلَوْا عَلَيَّهْ.›

2 مُلوك 23:33

وَ فِرْعَوْن نَكُو مَلِكْ بَلَدْ مَصِرْ كَرَبَهْ وَ سَجَنَهْ فِي رِبْلَةْ بَلَدْ حَمَاتْ وَ بَتَّانْ مَا حَكَمْ فِي مَدِينَةْ الْقُدُسْ. وَ زِيَادَةْ مِنْ دَا، الْمَلِكْ نَكُو جَبَرَاهُمْ لِنَاسْ مَمْلَكَةْ يَهُوذَا يِكَفُّوا مِيرِي هَنَا 3 400 كِيلَوْ هَنَا فُضَّةْ وَ 34 كِيلَوْ هَنَا دَهَبْ.

2 مُلوك 24:7

وَ مِنْ الْوَكِتْ دَا، مَلِكْ مَصِرْ مَا مَرَقْ بَتَّانْ مِنْ بَلَدَهْ أَشَانْ مَلِكْ بَابِلْ شَالْ مِنَّهْ كُلَّ الْمَنَاطِقْ الْأَوَّلْ فِي إِيدَيْنَهْ مِنْ وَادِي مَصِرْ فِي الْوَطِي لَحَدِّي بَحَرْ الْفُرَاتْ فِي الْمُنْشَاقْ.

إرْمِيا 43:11

وَ هُو يَجِي يِحَارِبْ بَلَدْ مَصِرْ. وَ الْوَاجِبْ لَيَّهْ الْمَوْت، يَكْتُلُوهْ وَ الْوَاجِبْ لَيَّهْ الْعُبُودِيَّةْ، يِعَبُّدُوهْ وَ الْوَاجِبْ لَيَّهْ ضَرِبِينْ السَّيْف، يَضُرْبُوهْ.

إشَعْيا 19:1

مُحَاكَمَةْ مَصِرْ. دَاهُو فِي سَحَابَايْ سَرِيعَةْ اللّٰهْ جَايِ فِي مَصِرْ. وَ إِلٰـهَاتْ مَصِرْ قَاعِدِينْ يَرْجُفُوا قِدَّامَهْ وَ الْمَصْرِيِّينْ قَلِبْهُمْ أَنْقَطَعْ.

إشَعْيا 19:19

وَ فِي الْيَوْم دَا، يُكُونْ مَدْبَحْ لِلّٰهْ فِي أُسُطْ بَلَدْ مَصِرْ وَ يُغُزُّوا حَجَرْ لِلّٰهْ فِي حُدُودْهَا.