إرْمِيا 46:12 - الكتاب المقدس بالعربي الدارجي هنا تشاد

¹² وَ الْأُمَمْ يَسْمَعَوْا بِشَمَاتِتْكِ وَ صِرَاخْكِ يَمْلَا الْأَرْض. أَشَانْ عَسْكَرْكِ الْوَاحِدْ يِتَّرْتَعْ فِي الْآخَرْ وَ يَقَعَوْا هُمَّنْ الْإِتْنَيْن سَوَا.

إرْمِيا 46:12 Referenca të Kryqëzuara

إرْمِيا 46:6

الْعَجِيلْ مَا يِنَجِّي نَفْسَهْ وَ الْفَارِسْ كُلَ مَا يَنْجَى. وَ فِي الْمُنْشَاقْ فِي خَشُمْ بَحَرْ الْفُرَاتْ، هُمَّنْ يِتَّرْتَعَوْا وَ يَقَعَوْا.

إرْمِيا 14:2

وَ هُو قَالْ: «بَلَدْ يَهُوذَا يِبْسَتْ وَ مُدُنْهَا بِقَوْا مِثِلْ الْعَقَيْق الْعِطِشْ وَ جَفَّ وَ دَفَّقْ. وَ سُكَّانْهُمْ، الْحِزِنْ كَرَبْهُمْ وَ وَقَعَوْا فِي التُّرَابْ وَ كُرَوْرَاكْ نَاسْ مَدِينَةْ الْقُدُسْ أَنْسَمَعْ.

إشَعْيا 19:2

أَنَا نِحَرِّشْ الْمَصْرِيِّينْ يِلْحَارَبَوْا، وَاحِدِينْ يُقُمُّوا ضِدّ الْآخَرِينْ. أَيِّ وَاحِدْ يُقُمّ ضِدّ أَخُوهْ وَ أَيِّ وَاحِدْ يُقُمّ ضِدّ جَارَهْ، مَدِينَةْ ضِدّ مَدِينَةْ وَ مَمْلَكَةْ ضِدّ مَمْلَكَةْ.

صَفَنْيا 1:10

وَ فِي الْيَوْم دَا، فِي مَدِينَةْ الْقُدُسْ، يِنْسَمِعْ بَكِي جَنْب بَابْ الْحُوتْ وَ صِرَاخْ فِي الْحَارَةْ الْجَدِيدَةْ وَ حَرَكَةْ دَمَارْ كَبِيرْ فِي الْجِبَالْ. وَ دَا كَلَامْ اللّٰهْ.

إرْمِيا 51:54

وَ صِرَاخْ يِنْسَمِعْ مِنْ بَابِلْ وَ دَمَارْ كَبِيرْ يُكُونْ فِي بَلَدْ الْبَابِلِيِّينْ.

إرْمِيا 49:21

وَ مِنْ حَرَكَةْ وَقَعَانْهُمْ، الْأَرْض تَرْجِفْ وَ صِرَاخْهُمْ يِنْسَمِعْ لَحَدِّي فِي الْبَحَرْ الْأَحْمَرْ.

إرْمِيا 48:34

وَ كُرَوْرَاكْ الْفَزَعْ مِنْ مَدِينَةْ حَشْبُونْ يِنْسَمِعْ لَحَدِّي فِي أَلِعَالَةْ وَ لَحَدِّي فِي يَهَاصْ. وَ يِنْسَمِعْ مِنْ صُوغَرْ لَحَدِّي حُرُنَايِمْ وَ لَحَدِّي عَقْلَتْ شَلِيشَةْ. حَتَّى عُيُونْ أَلْمِي هَنَا نِمْرِيمْ كُلَ يَيْبَسَوْا.

إشَعْيا 10:4

مَا فَضَّلْ إِلَّا تِدَنْقُرُوا مَعَ الْمَسَاجِينْ وَ تَقَعَوْا مَعَ الْمَيْتِينْ. وَ بَيْدَا كُلَ، زَعَلْ اللّٰهْ مَا يَقِيفْ وَ إِيدَهْ قَاعِدَةْ مَرْفُوعَةْ لِلْعِقَابْ.

1 صَمُوِيل 5:12

وَ كُلَّ النَّاسْ الْمَا مَاتَوْا، مَرَضْ الْحُبُونْ كَرَبَاهُمْ وَ بَكِي نَاسْ الْمَدِينَةْ لِحِقْ لَحَدِّي السَّمَاءْ.

إشَعْيا 24:11

وَ يَصْرَخَوْا فِي الشَّوَارِعْ أَشَانْ الْخَمَرْ يَبْقَى مَا فِيهْ. وَ كُلَّ الْفَرَحْ يَبْقَى مَا فِيهْ وَ السُّرُورْ يِوَدِّرْ مِنْ الْبَلَدْ.

إرْمِيا 2:36

وَ بِسُهُولَةْ بَسْ تِغَيُّرُوا عَلَاقِتْكُو. وَ لَاكِنْ مَصِرْ تِعَيِّبْكُو مِثِلْ أَشُورْ عَيَّبَتْكُو زَمَانْ.

إرْمِيا 47:2

وَ دَاهُو اللّٰهْ قَالْ: «شِيفُوا، فِي أَلْمِي يُقُمّ مِنْ مُنْشَاقْ وَ الْأَلْمِي دَا يَبْقَى مِثِلْ وَادِي الْيِسِيلْ. وَ السَّيْل يَاكُلْ الْبَلَدْ وَ كُلَّ شَيّءْ الْفِيهَا وَ الْمُدُنْ وَ سُكَّانْهُمْ. وَ النَّاسْ يِكَوْرُكُوا وَ كُلَّ سُكَّانْ الْبَلَدْ يَصْرَخَوْا.

إرْمِيا 50:46

وَ مِنْ حَرَكَةْ شَيْلِينْ بَابِلْ، الْأَرْض تَرْجِفْ وَ صِرَاخْهَا يِنْسَمِعْ فِي أُسْط الْأُمَمْ.

نَاحُوم 2:5

وَ مَلِكْ نِينَوَى نَادَى قُيَّادَهْ وَ لَاكِنْ هُمَّنْ يِتَّرْتَعَوْا فِي مَشِيهُمْ. يَجْرُوا لِلدُّرْدُرْ وَ يِجَهُّزُوا نُفُوسْهُمْ لِيَحْمُوهْ.