إرْمِيا 45:5 - الكتاب المقدس بالعربي الدارجي هنا تشاد

⁵ وَ إِنْتَ إِلَّا تِفَتِّشْ لِنَفْسَكْ فَايْدَةْ كَبِيرَةْ بَسْ! خَلَاصْ، بَتَّانْ مَا تِفَتِّشْ! أَشَانْ دَاهُو أَنَا نِجِيبْ الْفَسَالَةْ فِي كُلَّ مَخْلُوقْ حَيّ. وَ لَاكِنْ لَيْك إِنْتَ، نَنْطِيكْ حَيَاتَكْ وَ تَفْرَحْ بَيْهَا فِي أَيِّ بَكَانْ التَّمْشِي.›» وَ دَا كَلَامْ اللّٰهْ.

إرْمِيا 45:5 Referenca të Kryqëzuara

إرْمِيا 39:18

وَ أَكِيدْ أَنَا نِنَجِّيكْ. إِنْتَ مَا تُمُوتْ فِي الْحَرِبْ وَ تِعِيشْ وَ تَبْقَى فَرْحَانْ أَشَانْ لِقِيتْ الْحَيَاةْ وَ دَا بِسَبَبْ إِنْتَ أَتْوَكَّلْت عَلَيِّ.“›» وَ دَا كَلَامْ اللّٰهْ.

عِبْرَانِيِّين 13:5

أَنْقَرْعُوا مِنْ حُبّ الْمَالْ وَ أَبْقَوْا رَضْيَانِينْ بِالْعِنْدُكُو أَشَانْ اللّٰهْ قَالْ: <أَبَداً مَا نَابَاكْ وَ لَا نِخَلِّيكْ.>

إرْمِيا 21:9

وَ دَاهُو الْخِيَارْ. النَّادُمْ الْيَقْعُدْ فِي الْمَدِينَةْ دِي يُمُوتْ بِالْحَرِبْ أَوْ بِالْجُوعْ أَوْ بِالْوَبَاءْ. وَ لَاكِنْ الْيَمْرُقْ مِنْهَا وَ يِسَلِّمْ نَفْسَهْ لِعَسْكَرْ بَابِلْ الْمُحَاصِرِينْكُو، هُو دَا يِعِيشْ وَ يَبْقَى فَرْحَانْ أَشَانْ هُو لِقِي الْحَيَاةْ.

رَوْمَا 12:16

أَسْتَفُقُوا أَمْبَيْنَاتْكُو وَ خَلِّي أَيِّ وَاحِدْ مَا يَجْعَلْ نَفْسَهْ كَبِيرْ لَاكِنْ خَلِّي يَجْعَلْ نَفْسَهْ صَغَيَّرْ. مَا تِسَوُّوا نُفُوسْكُو عِنْدُكُو عِرْفَةْ كَتِيرَةْ.

إرْمِيا 25:26

وَ مُلُوكْ الْمُنْشَاقْ الْقَرِيبِينْ أَوْ بَعِيدِينْ. وَ بَيْدَا، كُلَّ مَمَالِكْ الدُّنْيَا الْمُشَتَّتِينْ فِي الْأَرْض يَشَرْبَوْا مِنْ كَاسْ الْغَضَبْ دَا الْوَاحِدْ بَعَدْ الْآخَرْ. وَ فِي آخِرْهُمْ، يَشْرَبْ مَلِكْ بَابِلْ.

صَفَنْيا 3:8

وَ دَاهُو كَلَامْ اللّٰهْ: «فِي شَانْ دَا، أَرْجَوْنِي! يَوْم وَاحِدْ، نُقُمّ لِلْغَنِيمَةْ. أَشَانْ قَرَّرْت نِلِمّ الْأُمَمْ وَ نَجْمَعْ الْمَمَالِكْ. وَ نِنَزِّلْ فَوْقهُمْ زَعَلِي وَ كُلَّ غَضَبِي الْمُحْرِقْ. أَشَانْ بِنَارْ غِيرْتِي، كُلَّ الْأَرْض تَحْرَقْ.»

إرْمِيا 38:2

«دَاهُو اللّٰهْ قَالْ: ‹النَّادُمْ الْيَقْعُدْ فِي الْمَدِينَةْ دِي يُمُوتْ بِالْحَرِبْ وَ بِالْجُوعْ وَ بِالْوَبَاءْ. وَ لَاكِنْ الْيَمْرُقْ مِنْهَا وَ يِسَلِّمْ نَفْسَهْ لِعَسْكَرْ بَابِلْ، هُو دَا يِعِيشْ وَ يَبْقَى فَرْحَانْ أَشَانْ هُو لِقِي الْحَيَاةْ.›

2 مُلوك 5:26

وَ لَاكِنْ أَلْيَسَعْ قَالْ لَيَّهْ: «إِنْتَ مَا تَعَرِفْ كَدَرْ كَنْ أَنَا مَا مَعَاكْ كُلَ، قَلْبِي يِشِيفَكْ؟ وَكِتْ الرَّاجِلْ دَا دَلَّى بِعَجَلَةْ مِنْ عَرَبَتَهْ وَ جَاءْ لَاقَاكْ أَنَا شِفْتَكْ. هَلْ دَا الْوَكِتْ الْوَاجِبْ إِنْتَ تِشِيلْ قُرُسْ وَلَّا خُلْقَانْ وَلَّا زَيْتُونْ وَلَّا عِنَبْ وَلَّا بَقَرْ وَلَّا غَنَمْ وَلَّا عَبِيدْ وَلَّا خَدِيمْ؟

تكوين 6:12

وَ الرَّبّ شَافْ الْأَرْض مَلَانَةْ بِظُلُمْ وَ كُلَّ النَّاسْ قَاعِدِينْ يِسَوُّوا الظُّلُمْ.

إشَعْيا 66:16

أَشَانْ بِالنَّارْ، اللّٰهْ يِعَاقِبْ وَ بِسَيْفَهْ يِحَاكِمْ كُلَّ النَّاسْ وَ اللّٰهْ يَكْتُلْهُمْ كَتِيرِينْ.

1 مُلوك 3:9

أَرْزُقْنِي أَنَا عَبْدَكْ بِقَلِبْ الْعِنْدَهْ حِكْمَةْ لِنَحْكِمْ فِي شَعَبَكْ وَ نَعَرِفْ الزَّيْن وَ الْفَسِلْ. أَشَانْ يَاتُو يَقْدَرْ يَحْكِمْ فِي شَعَبَكْ الْكَتِيرِينْ دَوْل؟»

1 مُلوك 3:11

وَ الرَّبّ رَدَّ لَيَّهْ وَ قَالْ: «إِنْتَ طَلَبْت الْحِكْمَةْ بَسْ وَ لَا طَلَبْت عُمُرْ طَوِيلْ وَ لَا طَلَبْت مَالْ وَ لَا طَلَبْت مَوْت عُدْوَانَكْ لَاكِنْ إِنْتَ طَلَبْت الْفِهِمْ لِتَحْكِمْ بِالْعَدَالَةْ.

زَبُور 131:1

يَا اللّٰهْ، قَلْبِي مَا مُتَكَبِّرْ وَ مَا نِشِيفْ نَفْسِي عَالِي. وَ مَا فَتَّشْت الْكُبُورِيَّةْ وَ لَا الشَّيّءْ الزِّيَادَةْ مِنِّي.

إرْمِيا 25:31

وَ حِسَّهْ دَا، يِنْسَمِعْ لَحَدِّي فِي آخِرْ الْأَرْض أَشَانْ اللّٰهْ يِجِيبْ الْأُمَمْ فِي الشَّرِيعَةْ. يِشَارِعْ كُلَّ النَّاسْ وَ يِسَلِّمْ الْعَاصِيِينْ لِلْحَرِبْ.›» وَ دَا كَلَامْ اللّٰهْ.

إرْمِيا 25:15

دَاهُو اللّٰهْ إِلٰـهْ بَنِي إِسْرَائِيلْ قَالْ لَيِّ: «شِيلْ كَاسْ الْخَمَرْ هَنَا غَضَبِي الْأَنَا نَنْطِيهْ لَيْك وَ أَزْقِيهْ لِكُلَّ الْأُمَمْ الْأَنَا نِرَسِّلَكْ لَيْهُمْ.

إرْمِيا 25:16

خَلِّي يَشَرْبَوْا وَ يَسْكَرَوْا وَ يِتَّرْتَعَوْا لَحَدِّي يِوَدُّرُوا عَقُلْهُمْ وَ دَا بِسَبَبْ الْحَرِبْ النِّجِيبَهْ فِي أُسُطْهُمْ.»