إرْمِيا 44:23 - الكتاب المقدس بالعربي الدارجي هنا تشاد

²³ وَ إِنْتُو حَرَّقْتُوا بَخُورْ وَ أَذْنَبْتُوا. وَ مَا سِمِعْتُوا كَلَامْ اللّٰهْ وَ لَا طَبَّقْتُوا شُرُوطَهْ الْفِي التَّوْرَاةْ وَ لَا قَوَانِينَهْ وَ لَا وَصِيَّاتَهْ. وَ فِي شَانْ دَا بَسْ، الْفَسَالَةْ دِي جَاتْ مِثِلْ إِنْتُو قَاعِدِينْ تِشِيفُوهَا الْيَوْم.»

إرْمِيا 44:23 Referenca të Kryqëzuara

1 مُلوك 9:9

وَ يُرُدُّوا وَ يُقُولُوا لَيَّهْ: ‹أَشَانْ هُمَّنْ أَبَوْا مَا يِتَابُعُوا اللّٰهْ إِلٰـهُّمْ الْمَرَقْ جُدُودْهُمْ مِنْ بَلَدْ مَصِرْ. وَ هُمَّنْ تَابَعَوْا لَيْهُمْ إِلٰـهَاتْ آخَرِينْ وَ سَجَدَوْا لَيْهُمْ وَ عَبَدَوْهُمْ. وَ بِسَبَبْ دَا بَسْ، اللّٰهْ نَزَّلْ فَوْقهُمْ كُلَّ الشَّرّ دَا.›»

زَبُور 119:150

الْيِسَوُّوا فِعِلْ الشَّيْن قَرَّبَوْا لَيِّ وَ بَعَّدَوْا مِنْ تَوْرَاتَكْ.

نَحَمْيا 13:18

جُدُودْكُو كُلَ مَا سَوَّوْا نَفْس الْفَسَالَةْ وَلَّا؟ وَ أَشَانْ دَا إِلٰـهْنَا جَابْ لَيْنَا الضِّيقَةْ دِي، لَيْنَا أَنِحْنَ وَ لِمَدِينَةْ الْقُدُسْ. وَ أَشَانْ إِنْتُو مَا أَحْتَرَمْتُوا يَوْم السَّبْت دَا، قَاعِدِينْ تِغَضُّبُوا اللّٰهْ فَوْق بَنِي إِسْرَائِيلْ بِزِيَادَةْ.»

2 كُرُنْتُس 6:16

وَ وَيْن الْعَلَاقَةْ بَيْن بَيْت عِبَادَةْ اللّٰهْ وَ بَيْت عِبَادَةْ الْأَصْنَامْ؟ وَ أَنِحْنَ بَسْ بَيْت اللّٰهْ الْحَيّ. وَ فِي الْكِتَابْ، اللّٰهْ قَالْ: <نَسْكُنْ فَوْقهُمْ وَ نُرُوغْ أَمْبَيْنَاتْهُمْ وَ نَبْقَى رَبُّهُمْ وَ هُمَّنْ يَبْقَوْا شَعَبِي.>

1 كُرُنْتُس 10:20

لَا، أَبَداً! لَاكِنْ نِدَوْر نُقُولْ لَيْكُو كَدَرْ الضَّحِيَّةْ دِي، قَدَّمَوْهَا لِلشَّوَاطِينْ مَا لِلّٰهْ. وَ أَنَا مَا نِدَوْر إِنْتُو تَبْقَوْا مُشْتَرِكِينْ مَعَ الشَّوَاطِينْ.

مَراثِي إرْمِيا 1:8

مَدِينَةْ الْقُدُسْ أَذْنَبَتْ وَ بَيْدَا، نَجَّسَتْ نَفِسْهَا. وَ كُلَّ النَّاسْ الزَّمَانْ كَرَّمَوْهَا، هَسَّعْ نَكَرَوْهَا أَشَانْ شَافَوْا عِرَيْهَا. وَ لَاكِنْ هِي قَاعِدَةْ تَقْنِتْ وَ تَنْطِيهُمْ ضَهَرْهَا.

إرْمِيا 44:21

«الْبَخُورْ الْأَوَّلْ إِنْتُو حَرَّقْتُوهْ فِي حِلَّالْ بَلَدْ يَهُوذَا وَ فِي شَوَارِعْ مَدِينَةْ الْقُدُسْ، إِنْتُو وَ جُدُودْكُو وَ مُلُوكُّو وَ كُبَارَاتْكُو وَ شَعَبْ الْبَلَدْ، تَحْسُبُوا اللّٰهْ مَا شَافَهْ وَ مَا فَكَّرْ فَوْقَهْ وَلَّا؟

إرْمِيا 44:18

وَ لَاكِنْ مِنْ وَقَّفْنَا حَرِقِينْ الْبَخُورْ وَ قَدِّمِينْ هَدِيَّةْ الشَّرَابْ لِمَلِكَةْ السَّمَاءْ، خَلَاصْ كُلَّ شَيّءْ بِقِي مَا فِيهْ وَ أَنِحْنَ مُتْنَا مِنْ الْحَرِبْ وَ الْجُوعْ.»

إرْمِيا 44:8

وَ غَضَّبْتُونِي بِخِدْمَةْ إِيدَيْكُو وَكِتْ حَرَّقْتُوا بَخُورْ لِإِلٰـهَاتْ آخَرِينْ فِي بَلَدْ مَصِرْ الْإِنْتُو جِيتُوا وَ سَكَنْتُوا فَوْقهَا. وَ بَيْدَا، دَمَّرْتُوا نُفُوسْكُو وَ بِقِيتُوا مَلْعُونِينْ وَ عَايْبِينْ فِي أُسْط كُلَّ أُمَمْ الْأَرْض.

إرْمِيا 40:3

وَ هَسَّعْ، اللّٰهْ حَقَّقْ كَلَامَهْ الْقَالَهْ أَشَانْ إِنْتُو بَنِي إِسْرَائِيلْ أَذْنَبْتُوا وَ قَمَّيْتُوا ضِدّ اللّٰهْ وَ مَا سِمِعْتُوا كَلَامَهْ. وَ فِي شَانْ دَا بَسْ، كُلَّ الشَّيّءْ دَا بِقِي.

زَبُور 119:155

النَّجَاةْ بَعِيدْ مِنْ الْعَاصِيِينْ أَشَانْ مَا فَتَّشَوْا شُرُوطَكْ.

زَبُور 78:56

وَ بَيْدَا كُلَ، جَرَّبَوْا الرَّبّ الْعَالِي وَ عِصَوْه وَ مَا طَبَّقَوْا فَرَايْضَهْ.

2 أخبار 36:16

وَ لَاكِنْ شَعَبَهْ قَاعِدِينْ يِشَّمَّتَوْا لِمُرَسَّلِينْ الرَّبّ وَ يَنْكُرُوا كَلَامَهْ وَ يَضْحَكَوْا فِي الْأَنْبِيَاء دَوْل لَحَدِّي غَضَبْ اللّٰهْ نَزَلْ فَوْقهُمْ وَ لِحِقَاهُمْ وَ مَا نِجَوْا مِنَّهْ.

زَبُور 78:10

وَ دَا أَشَانْ مَا حَفَضَوْا مُعَاهَدَةْ الرَّبّ وَ أَبَوْا مَا يِتَابُعُوا تَوْرَاتَهْ.

زَبُور 119:136

مِنْ عُيُونِي، دُمُوعِي نَزَلَوْا مِثِلْ وُدْيَانْ أَشَانْ النَّاسْ مَا حَفَضَوْا تَوْرَاتَكْ.

إرْمِيا 26:4

وَ إِنْتَ قُولْ لَيْهُمْ: ‹دَاهُو اللّٰهْ قَالْ: ”أَسْمَعَوْنِي وَ أَمْشُوا حَسَبْ الْوَصَايَا الْأَنَا أَنْطَيْتهُمْ لَيْكُو.

إرْمِيا 44:2

وَ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «إِنْتُو شِفْتُوا كُلَّ الْفَسَالَةْ الْجِبْتَهَا فِي مَدِينَةْ الْقُدُسْ وَ فِي كُلَّ حِلَّالْ بَلَدْ يَهُوذَا. لَحَدِّي الْيَوْم، الْمُدُنْ دَوْل خَرْبَانِينْ وَ مَا عِنْدُهُمْ سُكَّانْ.

إرْمِيا 44:3

وَ دَا بِسَبَبْ الْفَسَالَةْ الْهُمَّنْ سَوَّوْهَا. غَضَّبَوْنِي وَكِتْ حَرَّقَوْا بَخُورْ وَ عَبَدَوْا إِلٰـهَاتْ آخَرِينْ الْأَوَّلْ مَا يَعَرْفُوهُمْ وَ لَا هُمَّنْ وَ لَا إِنْتُو وَ لَا جُدُودْكُو.

إرْمِيا 44:10

وَ لَحَدِّي الْيَوْم إِنْتُو مَا تُبْتُوا وَ لَا خُفْتُوا مِنِّي وَ لَا طَبَّقْتُوا شُرُوطِي الْفِي التَّوْرَاةْ وَ لَا قَوَانِينِي الْأَنَا أَنْطَيْتهُمْ لَيْكُو وَ لِجُدُودْكُو.»

2 مُلوك 17:15

وَ اللّٰهْ أَنْطَاهُمْ قَوَانِينْ وَ سَوَّى مَعَ جُدُودْهُمْ مُعَاهَدَةْ وَ أَنْطَاهُمْ تَعْلِيمْ. وَ لَاكِنْ هُمَّنْ رَفَضَوْا كُلَّ الْأَشْيَاءْ دَوْل وَ تَابَعَوْا لَيْهُمْ أَصْنَامْ مَا نَافْعِينْ وَ هُمَّنْ ذَاتْهُمْ بِقَوْا نَاسْ مَا نَافْعِينْ بِشَيّءْ. وَ هُمَّنْ تَابَعَوْا دَرِبْ الْأُمَمْ الْمُجَاوِرِينْهُمْ الدَّحَرَاهُمْ اللّٰهْ أَشَانْ مَا يِشِيلُوا دَرِبْهُمْ.

دَنْيال 9:13

وَ الْمَصِيبَةْ دِي نَزَلَتْ فَوْقنَا مِثِلْ مَكْتُوبْ فِي تَوْرَاةْ مُوسَى. وَ بَيْدَا كُلَ، يَا اللّٰهْ إِلٰـهْنَا، مَا وَجَّهْنَا عَلَيْك وَ مَا شَحَدْنَاكْ وَ مَا خَلَّيْنَا الْخَطَايَا الْقَاعِدِينْ نِسَوُّوهُمْ وَ مَا سِمِعْنَا كَلَامَكْ الْحَقّ.