إرْمِيا 44:1 - الكتاب المقدس بالعربي الدارجي هنا تشاد

¹ اللّٰهْ حَجَّى لِإِرْمِيَا كَلَامْ بُخُصّ بَنِي يَهُوذَا السَّاكْنِينْ فِي مِقْدُولْ وَ تَحْفَنِيسْ وَ مَمْفِيسْ وَ فِي جُنُوبْ مَصِرْ.

إرْمِيا 44:1 Referenca të Kryqëzuara

إرْمِيا 46:14

«خَبُّرُوا بَلَدْ مَصِرْ وَ خَلِّي حِلَّالْهَا يَسْمَعَوْا وَ هُمَّنْ مِقْدُولْ وَ مَمْفِيسْ وَ تَحْفَنِيسْ. وَ قُولُوا لَيْهُمْ: ‹قُمُّوا وَ جَهُّزُوا نُفُوسْكُو أَشَانْ السَّيْف قَاعِدْ يَكْتُلْ حَوَالَيْكُو!

إشَعْيا 11:11

وَ فِي الْيَوْم دَا، الرَّبّ يِمِدّ إِيدَهْ لِتَانِي مَرَّةْ لِيَفْدَى الْفَضَّلَوْا مِنْ شَعَبَهْ الْقَاعِدِينْ فِي بُلْدَانْ أَشُورْ وَ مَصِرْ وَ فَتْرُوسْ وَ الْحَبَشَةْ وَ عِلَامْ وَ شِنْعَارْ وَ حَمَاتْ وَ فِي جَزَايِرْ الْبَحَرْ.

خُروج 14:2

«قُولْ لِبَنِي إِسْرَائِيلْ خَلِّي يِقَبُّلُوا شِيَّةْ وَ يَقْعُدُوا قِدَّامْ خَشُمْ الْحِرُوتْ. وَ دَا أَمْبَيْن مِقْدُولْ وَ الْبَحَرْ، مُقَابِلْ بَعْل صَفُونْ. وَ فِي الْبَكَانْ دَا بَسْ، إِنْتُو تَنْزُلُوا جَنْب الْبَحَرْ.

إشَعْيا 19:13

وَ مَسَائِيلْ حِلَّةْ صُعَانْ مَا عِنْدُهُمْ رَاسْ وَ مَسَائِيلْ حِلَّةْ مَمْفِيسْ أَنْغَشَّوْا وَ كُبَارَاتْ الْقَبَايِلْ وَدَّرَوْا مَصِرْ.

حِزْقِيال 30:18

وَكِتْ نِنَزِّلْ تَقَلَةْ الدَّامِي الْخَطَّتَهْ مَصِرْ فِي الْآخَرِينْ وَ نِوَقِّفْ قُدْرَةْ إِسْتِكْبَارْهَا، النَّهَارْ يَبْقَى أَضْلَمْ فِي حِلَّةْ تَحْفَنِيسْ. وَ سَحَابَايْ تِغَطِّيهَا وَ بَنَاتْهَا يِوَدُّوهِنْ خَدِيمْ.

حِزْقِيال 30:16

وَ نِدِسّ النَّارْ فِي مَصِرْ وَ حِلَّةْ سِينْ تِتَّنَّ مِنْ الْوَجَعْ. وَ مَدِينَةْ طِيبَةْ تِنْشَقَّ وَ مَدِينَةْ مَمْفِيسْ تِضَّايَقْ كُلَّ يَوْم.

حِزْقِيال 30:14

«وَ نَخْرِبْ جُنُوبْ مَصِرْ وَ نِدِسّ النَّارْ فِي حِلَّةْ صُعَانْ وَ نِعَاقِبْ مَدِينَةْ طِيبَةْ.

حِزْقِيال 29:14

وَ نِقَبِّلْ الْمَصْرِيِّينْ مِنْ بَلَدْ الْغُرْبَةْ وَ نِجِيبْهُمْ فِي أَرْض جُدُودْهُمْ فِي جُنُوبْ مَصِرْ وَ هُمَّنْ يِكَوُّنُوا مَمْلَكَةْ ضَعِيفَةْ.

إرْمِيا 46:19

يَا سُكَّانْ مَصِرْ الْمِثِلْ بِنَيَّةْ، طَبُّقُوا خُمَامْكُو لِيِوَدُّوكُو فِي الْغُرْبَةْ. أَشَانْ حِلَّةْ مَمْفِيسْ تَخْرَبْ وَ خَرَابْهَا يِخَوِّفْ وَ تَبْقَى فَاضِيَةْ مِنْ سُكَّانْهَا.

إرْمِيا 2:16

حَتَّى الْمَصْرِيِّينْ سُكَّانْ مَمْفِيسْ وَ تَحْفَنِيسْ كُلَ جَوْا زَيَّنَوْا رُوسَيْ بَنِي إِسْرَائِيلْ.

حِزْقِيال 29:10

وَ بِسَبَبْ دَا، أَكِيدْ أَنَا نُقُمّ ضِدَّكْ وَ ضِدّ نِيلَكْ وَ نِسَوِّي بَلَدْ مَصِرْ كَوْم هَنَا تُرَابْ وَ خَرَابْ مِنْ مِقْدُولْ لَحَدِّي أَسْوَانْ وَ لَحَدِّي حُدُودْ الْحَبَشَةْ.

تكوين 10:14

وَ فَتْرُوسْ وَ كَسْلُوحْ وَ كَفْتُورْ. وَ مِنْ قَبِيلَةْ كَسْلُوحْ بَسْ مَرَقَوْا الْفِلِسْطِيِّينْ.

إرْمِيا 24:8

وَ دَاهُو كَلَامْ اللّٰهْ الْبُخُصّ صِدْقِيَّا مَلِكْ يَهُوذَا وَ كُبَارَاتَهْ وَ كُلَّ الْفَضَّلَوْا فِي مَدِينَةْ الْقُدُسْ وَ كُلَّ الْفَضَّلَوْا فِي الْبَلَدْ دِي وَ كُلَّ السَّاكْنِينْ فِي بَلَدْ مَصِرْ. هُو قَالْ: «نِسَوِّيهُمْ مِثِلْ التِّينْ الْمُعَفَّنْ الْمَا بِنْأَكِلْ.

إرْمِيا 43:13

هُو يَرْمِي الْعَمَدْ الْغَزَّوْهُمْ فِي بَيْت عِبَادَةْ الْحَرَّايْ فِي مَصِرْ وَ يَحْرِقْ بُيُوتْ إِلٰـهَاتْ مَصِرْ.“›»

حِزْقِيال 30:13

وَ دَاهُو اللّٰهْ الرَّبّ قَالْ: «أَنَا نِدَمِّرْ الْأَصْنَامْ وَ نُقُشّ الْإِلٰـهَاتْ مِنْ مَدِينَةْ مَمْفِيسْ. بَتَّانْ مَلِكْ فِي مَصِرْ يَبْقَى مَا فِيهْ وَ نِنَزِّلْ الْخَوْف فِي بَلَدْ مَصِرْ.

هُوشَع 9:6

حَتَّى كَانْ عَرَّدَوْا مِنْ الدَّمَارْ كُلَ، بَلَدْ مَصِرْ تَجْمَعْهُمْ وَ حِلَّةْ مَمْفِيسْ تَدْفِنْهُمْ. الشَّوْك يِسِدّ كَنْزُهُمْ هَنَا الْفُضَّةْ وَ الْحَسْكَنِيتْ يُقُمّ فِي خِيَمْهُمْ.

إرْمِيا 44:15

وَ كُلَّ الشَّعَبْ الْيَسْكُنُوا فِي جُنُوبْ مَصِرْ لَمَّوْا وَ فِيهُمْ عَوِينْ كَتِيرَاتْ وَ رُجَالْ الْيَعَرْفُوا كَدَرْ عَوِينْهُمْ قَاعِدَاتْ يِحَرِّقَنْ بَخُورْ لِإِلٰـهَاتْ آخَرِينْ. وَ النَّاسْ دَوْل قَالَوْا لِإِرْمِيَا: