إرْمِيا 43:12 - الكتاب المقدس بالعربي الدارجي هنا تشاد

¹² وَ أَنَا نَحْرِقْ بُيُوتْ الْإِلٰـهَاتْ فِي مَصِرْ بِإِيدْ نَبُوخَدْنَصَرْ وَ هُو يَحْرِقْ الْأَصْنَامْ أَوْ يِوَدِّيهُمْ مَسَاجِينْ. وَ هُو يَنْهَبْ بَلَدْ مَصِرْ وَ يِلَقِّطْ خُمَامْهَا مِثِلْ الرَّاعِي يِلَقِّطْ الْقَمُلْ مِنْ خَلَقَهْ. وَ بَعَدْ دَا، يَمْرُقْ مِنْهَا بِالسَّلَامْ.

إرْمِيا 43:12 Referenca të Kryqëzuara

حِزْقِيال 30:13

وَ دَاهُو اللّٰهْ الرَّبّ قَالْ: «أَنَا نِدَمِّرْ الْأَصْنَامْ وَ نُقُشّ الْإِلٰـهَاتْ مِنْ مَدِينَةْ مَمْفِيسْ. بَتَّانْ مَلِكْ فِي مَصِرْ يَبْقَى مَا فِيهْ وَ نِنَزِّلْ الْخَوْف فِي بَلَدْ مَصِرْ.

إشَعْيا 49:18

أَرْفَعَيْ رَاسْكِ وَ شِيفِي حَوَالَيْكِ، الْيَبْنُوكِ كُلُّهُمْ لَمَّوْا وَ جَوْا لَيْكِ. أَنَا نَحْلِفْ بِأُسْمِي الْحَيّ، كُلُّهُمْ يَبْقَوْا مِثِلْ زِينَةْ الْإِنْتِ تَلْبَسَيْهَا وَ تَرْبُطِيهُمْ فِي صُلُبْكِ مِثِلْ حِزَامْ الْعَرُوسْ. وَ دَا كَلَامْ اللّٰهْ.

إشَعْيا 19:1

مُحَاكَمَةْ مَصِرْ. دَاهُو فِي سَحَابَايْ سَرِيعَةْ اللّٰهْ جَايِ فِي مَصِرْ. وَ إِلٰـهَاتْ مَصِرْ قَاعِدِينْ يَرْجُفُوا قِدَّامَهْ وَ الْمَصْرِيِّينْ قَلِبْهُمْ أَنْقَطَعْ.

إرْمِيا 48:7

يَا مُوَابْ! إِنْتِ أَتْوَكَّلْتِ فِي أَعْمَالْكِ وَ فِي غُنَاكِ وَ فِي شَانْ دَا، إِنْتِ كُلَ تِنْكَرْبِي. وَ صَنَمْكِ كَمُوشْ يِوَدُّوهْ فِي الْغُرْبَةْ مَعَ رُجَالْ الدِّينْ هِنَيْه وَ خَدَّامِينَهْ.

إرْمِيا 46:25

وَ اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «أَكِيدْ أَنَا نِعَاقِبْ عَمُّونْ إِلٰـهْ طِيبَةْ. وَ نِعَاقِبْ مَصِرْ وَ إِلٰـهَاتْهَا وَ مُلُوكْهَا. وَ نِعَاقِبْ فِرْعَوْن وَ الْيِتْوَكَّلَوْا عَلَيَّهْ.

زَبُور 104:2

إِنْتَ لِبِسْت النُّورْ مِثِلْ خَلَقْ وَ فَلَّيْت السَّمَاوَاتْ مِثِلْ سِتَارْ.

أيُّوب 40:10

كَنْ مِثِلْ دَا، جَمِّلْ نَفْسَكْ بِمَجْد وَ كِبْرِيَاءْ وَ أَلْبَسْ الْعَظَمَةْ وَ الشَّرَفْ.

أسْتِير 6:9

وَ يَنْطُوا الْخَلَقْ وَ الْجُوَادْ لِوَاحِدْ مِنْ مَسَائِيلْ الْمَلِكْ وَ يِلَبُّسُوا النَّادُمْ الْمَلِكْ يِدَوْر يِشَرِّفَهْ. وَ يِرَكُّبُوهْ فِي الْجُوَادْ وَ يِوَدُّوهْ فِي النَّقَعَةْ هَنَا الْحِلَّةْ وَ يِعِيطُوا قِدَّامَهْ وَ يُقُولُوا: ‹دَاهُو الشَّيّءْ الْيِسَوُّوا لِلنَّادُمْ الْمَلِكْ يِدَوْر يِشَرِّفَهْ.›»

2 صَمُوِيل 5:21

وَ الْفِلِسْطِيِّينْ خَلَّوْا أَصْنَامْهُمْ فِي الْبَكَانْ دَا وَ دَاوُدْ وَ نَاسَهْ شَالَوْهُمْ.

خُروج 12:12

وَ فِي اللَّيْلَةْ دِي، أَنَا نُشُقّ بَلَدْ مَصِرْ وَ نَكْتُلْ أَيِّ وَلْد بِكِرْ هَنَا النَّاسْ وَ هَنَا الْبَهَايِمْ. وَ بِمِثِلْ دَا، نِعَاقِبْ إِلٰـهَاتْ بَلَدْ مَصِرْ أَشَانْ أَنَا اللّٰهْ.

كُلُوسِي 3:14

وَ زِيدُوا لِكُلَّ الْأَشْيَاءْ دَوْل الْمَحَبَّةْ التَّرْبُطْ كُلَّ شَيّءْ تَمَامْ وَ تِجِيبْ الْوِحْدَةْ.

كُلُوسِي 3:12

يَا النَّاسْ الْاللّٰهْ عَزَلَاكُو، بِقِيتُوا صَالِحِينْ وَ مَحْبُوبِينْ. أَشَانْ دَا، أَلْبَسَوْا الْمَحَنَّةْ وَ خَلِّي قُلُوبْكُو يَبْقَوْا بُيُضْ وَ نَفَسْكُو يَبْقَى بَارِدْ وَ أَبْقَوْا ضَلُولِينْ وَ صُبُورِينْ.

أفَسُس 6:11

أَلْبَسَوْا سِلَاحْ اللّٰهْ الْكَامِلْ أَشَانْ تَقْعُدُوا بَيَّهْ ثَابْتِينْ وَ نَجَاضَةْ إِبْلِيسْ مَا تِنَّصِرْ فَوْقكُو.

أفَسُس 4:24

وَ وَاجِبْ تِشِيلُوا مِنَّهْ الْحَالْ الْجَدِيدَةْ وَ تَبْقَوْا نَاسْ جُدَادْ التِّشَابُهُوا اللّٰهْ فِي حَالْكُو. خَلِّي حَالْكُو تَبْقَى عَدِيلَةْ وَ صَالْحَةْ بِالصَّحِيحْ.

رَوْمَا 13:12

اللَّيْل قَرِيبْ يِكَمِّلْ وَ النَّهَارْ جَايِ قَرِيبْ. خَلَاصْ، وَاجِبْ نِخَلُّوا مِنِّنَا كُلَّ فِعِلْ الضَّلَامْ وَ نِجَهُّزُوا نُفُوسْنَا أَشَانْ نِعِيشُوا فِي النُّورْ.

صَفَنْيا 2:11

اللّٰهْ يِخَوِّفْهُمْ وَ يِدَمِّرْ كُلَّ إِلٰـهَاتْ الْأَرْض. وَ كُلَّ الْأُمَمْ الْبَعِيدِينْ يَسْجُدُوا قِدَّامَهْ، أَيِّ أُمَّةْ فِي بَلَدْهَا.

إرْمِيا 51:44

وَ اللّٰهْ قَالْ: «أَنَا نُقُمّ ضِدّ صَنَمْ بِيلْ فِي بَابِلْ وَ نَمْرُقْ اللُّقْمَةْ مِنْ خَشْمَهْ. وَ بَتَّانْ الْأُمَمْ مَا يَمْشُوا لَيَّهْ وَ دُرْدُرْ بَابِلْ يَقَعْ.

إرْمِيا 50:2

«بَلُّغُوا فِي أُسْط الْأُمَمْ! خَبُّرُوا بَيَّهْ وَ أَرْفَعَوْا الْعَلَامَةْ. خَبُّرُوا بَيَّهْ وَ مَا تِلَبُّدُوا شَيّءْ. وَ قُولُوا: ‹بَابِلْ وَقَعَتْ. وَ إِلٰـهُّمْ بِيلْ عَيَّبَوْه وَ إِلٰـهُّمْ مَرْدُوكْ كَسَّرَوْه. وَ أَصْنَامْهُمْ عَيَّبَوْهُمْ وَ إِلٰـهَاتْهُمْ كَسَّرَوْهُمْ.›

إشَعْيا 61:10

أَيْوَى، أَنَا نَفْرَحْ زِيَادَةْ بِاللّٰهْ وَ نَفْسِي تَفْرَحْ بِإِلٰـهِي. أَشَانْ هُو لَبَّسَانِي خُلْقَانْ النَّجَاةْ وَ كَسَانِي بِجَلَّابِيَّةْ الْعَدَالَةْ. هُو جَمَّلَانِي بِكَدْمُولْ مِثِلْ عَرِيسْ أَيْوَى، مِثِلْ كَدْمُولْ رَاجِلْ الدِّينْ وَ مِثِلْ الْعَرُوسْ الْمُجَمَّلَةْ بِزِينِتْهَا.

إشَعْيا 61:5

يَا شَعَبِي، الْأَجَانِبْ يَجُوا وَ يَسْرَحَوْا لَيْكُو بِغَنَمْكُو أَيْوَى، عِيَالْهُمْ يَحَرْتُوا زِرَاعِتْكُو وَ يَخْدُمُوا لَيْكُو فِي جِنَيْنَاتْ عِنَبْكُو.

إشَعْيا 59:17

هُو لِبِسْ الْعَدَالَةْ مِثِلْ دِرِعْ وَ خَطَّ طَاقِيَّةْ النَّجَاةْ فِي رَاسَهْ. هُو لِبِسْ خَلَقْ التَّارْ مِثِلْ عِبَايَةْ وَ أَنْكَسَى بِالْغِيرَةْ مِثِلْ جَلَّابِيَّةْ.

إشَعْيا 52:1

قُمِّي! قُمِّي فَوْق! وَ أَبْقَيْ قَوِيَّةْ، يَا مَدِينَةْ صَهْيُون! أَلْبَسَيْ خُلْقَانْكِ هَنَا الشَّرَفْ، يَا مَدِينَةْ الْقُدُسْ، الْمَدِينَةْ الْمُقَدَّسَةْ! أَشَانْ بَتَّانْ مَا يَدْخُلْ فَوْقكِ الْمَا مُطَهَّرْ وَ الْمَا طَاهِرْ.

إشَعْيا 46:1

الْإِلٰـهْ بِيلْ بَرَكْ وَ الْإِلٰـهْ نَبُو دَنْقَرْ. أَصْنَامْهُمْ، شَدَّوْهُمْ فِي الْحَيْوَانَاتْ وَ الْبَهَايِمْ. الْأَصْنَامْ الْإِنْتُو شِلْتُوهُمْ دَا بِقَوْا حِمِلْ وَ تَقَلَةْ لِلْبَهَايِمْ الْعَيَّانِينْ.

إشَعْيا 21:9

وَ دَاهُو! نَادُمْ رَاكِبْ فِي عَرَبَةْ الْيُكُرُّوهَا خَيْل إِتْنَيْن جَايِ وَ يُقُولْ: ‹وَقَعَتْ! بَابِلْ وَقَعَتْ! وَ كُلَّ أَصْنَامْ إِلٰـهَاتْهَا كَسَّرَوْهُمْ فِي التُّرَابْ!›»

زَبُور 132:18

وَ نِلَبِّسْ عُدْوَانَهْ خُلْقَانْ الْعَيْب لَاكِنْ هُو كَمَانْ، التَّاجْ يِرَارِي فِي رَاسَهْ.»

زَبُور 132:16

نِلَبِّسْ نَاسْهَا رُجَالْ الدِّينْ بِخُلْقَانْ النَّجَاةْ وَ نَاسْهَا الصَّالِحِينْ يِغَنُّوا مِنْ فَرَحْهُمْ.

إشَعْيا 46:2

الْإِلٰـهَاتْ دَوْل دَنْقَرَوْا وَ بَرَكَوْا سَوَا وَ مَا قِدْرَوْا يِنَجُّوا تَمَاثِيلْهُمْ التُّقَالْ. وَ هُمَّنْ ذَاتْهُمْ يِشِيلُوهُمْ وَ يِوَدُّوهُمْ فِي الْغُرْبَةْ.

إرْمِيا 43:13

هُو يَرْمِي الْعَمَدْ الْغَزَّوْهُمْ فِي بَيْت عِبَادَةْ الْحَرَّايْ فِي مَصِرْ وَ يَحْرِقْ بُيُوتْ إِلٰـهَاتْ مَصِرْ.“›»

إرْمِيا 49:27

وَ نِنَزِّلْ نَارْ فِي دُرْدُرْ دِمَشْق وَ تَاكُلْ قُصُورْ الْمَلِكْ بَنْهَدَادْ.»

حِزْقِيال 29:11

وَ لِمُدَّةْ 40 سَنَةْ، وَ لَا رِجِلْ إِنْسَانْ وَ لَا رِجِلْ بَهِيمَةْ مَا تُشُقّ الْبَكَانْ دَا.

دَنْيال 11:8

وَ هُو يِشِيلْ إِلٰـهَاتْهُمْ وَ تَمَاثِيلْهُمْ هَنَا الْحَدِيدْ وَ كُلَّ مَوَاعِينْهُمْ الْغَالِيِّينْ هَنَا الدَّهَبْ وَ الْفُضَّةْ وَ يِوَدِّيهُمْ فِي مَصِرْ مِثِلْ كَسِيبَةْ. وَ هُو يِقَاتِعْ مَلِكْ سُورِيَا لِمُدَّةْ سِنِينْ.

إرْمِيا 10:11

يَا بَنِي إِسْرَائِيلْ، قُولُوا لَيْهُمْ: «الْإِلٰـهَاتْ الْمَا خَلَقَوْا السَّمَاوَاتْ وَ الْأَرْض يَبْقَوْا مَا فِيهُمْ مِنْ تِحِتْ السَّمَاوَاتْ وَ يِنْقَشَّوْا مِنْ الْأَرْض.»

إرْمِيا 10:15

الْأَصْنَامْ زَايْلِينْ وَ هُمَّنْ عَمَلْ الْيِجِيبْ الشَّمَاتَةْ. وَ وَكِتْ الْعِقَابْ يَجِي، هُمَّنْ يِدَّمَّرَوْا.

إرْمِيا 25:19

وَ بَعَدْ دَا، جَاءْ دَوْر هَنَا الشَّعَبْ الْآخَرِينْ وَ هُمَّنْ فِرْعَوْن مَلِكْ مَصِرْ وَ خَدَّامِينَهْ وَ كُبَارَاتَهْ وَ كُلَّ شَعَبَهْ

حِزْقِيال 29:19

وَ فِي شَانْ دَا، دَاهُو اللّٰهْ الرَّبّ قَالْ: «دَاهُو أَنَا نَنْطِي بَلَدْ مَصِرْ لِنَبُوخَدْنَصَرْ مَلِكْ بَابِلْ. وَ يِشِيلْ غُنَاهَا وَ يِسَوِّيهَا كَسِيبَةْ وَ يَنْهَبْهَا نَهِبْ شَدِيدْ. وَ مَصِرْ تَبْقَى فَايْدَةْ لِعَسْكَرَهْ.